ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵓⴷⴷⵙⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵓⵣⵓⵏⴻⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵜⴰⵙⴻⴱⴱⵃⵉⵜ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⴼⵔⴰⴳ ⵏ ⵓⵏⴰⴱⴰⴹ, ⵉ ⵓⵎⴰⵏⴰⵢ ⴰⵎⴰⵜⴰ ⵏ ⵜⴷⵓⴽⵍⴰ ⵜⴰⵎⴰⵜⵓⵜ ⵏ ⵢⵉⵎⵣⴻⵏⵣⴰⵢⴻⵏ ⴷ ⵢⵉⴱⵓⵃⵔⵉⵢⴻⵏ ⵍⴻⵣⵣⴰⵢⵔⵉⵢⴻⵏ, ⵎⴰⵙⵙ ⵄⵉⵚⵚⴰⵎ ⴱⴻⴷⵔⵉⵙⵉ, ⵉ ⴷ-ⵢⵓⵙⴰⵏ ⴷ ⵢⵉⵎⴰⵙⵍⴰⴷⴻⵏ ⵏ ⵓⴱⵉⵕⵓ ⴰⵖⴻⵍⵏⴰⵡ ⵏ ⵜⴷⵓⴽⵍⴰ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⴷⵉⵡⴻⵏⵏⵉ ⵍⵇⴰⵢⴻⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷ ⵓⵎⵙⴰⵙⴻⵢ ⴳⴰⵔ ⵜⵏⴻⵖⵍⴰⴼⵜ ⴷ ⵜⴷⵓⴽⵍⴰ ⵜⴰⵖⴻⵍⵏⴰⵡⵜ ⴷⴻⴳ ⵢⴰⴽⴽ ⵜⴻⵎⵙⴰⵍ ⵢⴻⵄⵏⴰⵏ ⴰⵏⵏⴰⵔ ⵏ ⵜⵏⴻⵣⵣⵓⵜ ⴷ ⵜⴷⴰⵎⵙⴰ, ⵍⴰⴷⵖⴰ ⴰⵃⵔⵉⵛ ⵏ ⵓⵣⵓⵏⴻⵢ (transport), ⵉⵡⴰⴽⴽⴻⵏ ⴰⴷ ⵉⵙⴰⵍⵉ ⵓⵙⵡⵉⵔ ⵏ ⵓⵎⴻⵥⵍⵓ ⴰⴳⴷⵓⴷⴰⵏ ⴷ ⵓⴷⴻⴳⴳⴻⵔ ⵏ ⵓⵎⴰⵀⵉⵍ ⴰⴷⴰⵎⵙⴰⵏ ⵉ ⵏⴼⴰⵄ ⵏ ⵓⵖⵔⵉⵎ.
ⴷⴻⴳ ⵜⴰⵍⵍⵉⵜ ⵏ ⵜⴻⵎⵍⵉⵍⵉⵜ, ⴰⵏⴻⵖⵍⴰⴼ ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵏⴻⵖⵍⴰⴼⵜ "ⵜⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵜⴼⵓⵍⴻⵍ (accompagner) ⵓ ⴰⴷ ⵜⴻⴼⴽⴻ ⵜⴰⵍⵍⴰⵍⵜ", ⵉⵙⵙⴻⵃⵔⴻⵙ ⵖⴻⴼ ⵍⴻⴱⵖⵉ ⵏ ⵓⵏⵏⴰⵔ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵖⴻⴼ ⵓⵖⴻⴱⴱⴻⵍ ⵏ ⵢⵉⵎⴻⵣⵣⵓⵍⴰⵏⴻⵏ (professionnels) ⵓ ⴰⴷ ⴷ-ⵢⴰⴼⴻ ⵜⴰⵔⵔⴰⵢⵉⵏ ⵏ ⵡⴰⵏⵏⴰⵔ ⵙ ⵓⵎⵙⴰⵙⴻⵢ ⴷ ⵢⵉⵎⵛⴻⴷⴷⵉⵡⴻⵏ ⵎⴻⵕⵕⴰ, ⴷⴻⴳ ⵢⵉⵡⴻⵏ ⵏ ⵓⵣⴻⵏⵣⵉⵖ ⵏ ⵜⴷⵓⴽⵍⵉ ⵉ ⵢⴻⴱⵖⴰⵏ ⵓⵎⴻⵥⵍⵓ ⵏ ⵓⵖⵔⵉⵎ ⴷ ⵓⵙⵏⴻⵔⵏⵉ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ.
ⴰⵏⴻⵖⵍⴰⴼ ⵉⵙⴰⵜⵉⴳ (valorized) ⵍⵎⴻⴶⵀⵓⴷⴰⵜ ⵏ ⵜⴷⵓⴽⵍⴰ ⴷⴻⴳ ⵓⵙⵉⵍⴻⵖ ⵏ ⵢⵉⵎⴻⵣⵣⵓⵍⴰⵏⴻⵏ ⴷ ⵓⵙⴼⵓⵍⴻⵍ-ⵏⵙⴻⵏ ⴷⴻⴳ ⵡⴰⵏⵏⴰⵔ, ⴷ ⵓⵙⴻⴶⵀⴻⴷ ⵏ ⵜⵎⴰⴳⵉⵜ ⵏ ⵓⴷⵉⵡⴻⵏⵏⵉ ⴷ ⵓⵎⵛⴻⵡⵡⴻⵔ. ⵉⵙⵍⴻⵎ-ⴷ ⵙ ⵓⵎⴰⵀⵉⵍ ⵏ ⵍⴶⵉⵔⴰⵏ ⵉ ⵜⴻⵜⵜⴻⴳⴳⴻⵏ ⵜⴷⵓⴽⵍⴰ ⵉⵡⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵉⵙⵓⵜⵓⵔ ⵏ ⵢⵉⵎⵣⴻⵏⵣⴰⵢⴻⵏ ⴷ ⵢⵉⴱⵓⵃⵔⵉⵢⴻⵏ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ, ⵍⴰⴷⵖⴰ ⵉⵎⵉ ⵜⴰⴷⵓⴽⵍⴰ ⴷⴻⴳ-ⵙ 44 ⵏ ⵜⵏⴻⴽⵎⵉⵡⵉⵏ (ⵙⵢⵏⴷⵉⵛⴰⵜⵙ) ⵜⴰⵖⴻⵍⵏⴰⵡⵉⵏ, ⴷⴻⴳ-ⵙⴻⵏⵜ 5 ⵏ ⵜⵏⴻⴽⵎⵉⵡⵉⵏ ⵏ ⵓⵏⵏⴰⵔ ⵏ ⵓⵣⵓⵏⴻⵢ.
ⴷⴰⵖⴻⵏ, ⵉⵙⵙⵉⵡⴻⵍ ⵓⵏⴻⵖⵍⴰⴼ ⵉⵡⴰⴽⴽⴻⵏ ⴰⴷ ⴷ-ⵉⵍⵍⵉⵏⵜ ⵜⴻⵎⵍⵉⵍⵉⵢⵉⵏ ⵉ ⵉⵜⴻⴷⴷⵓⵏ ⴷⴻⴳ ⵢⵉⵎⴰⵍ, ⵉ ⵓⵟⵎⴰⵏ ⵏ ⵓⴽⴻⵎⵎⴻⵍ ⵏ ⵓⵎⵛⴻⵡⵡⴻⵔ ⴷ ⵓⵎⵙⴰⵙⴻⵢ ⵖⴻⴼ ⵢⵉⴼⴰⵢⵍⴻⵏ ⵉⵕⴻⵙⵙⴰⵏⴻⵏ ⵉ ⴷ-ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⴰⵎⵉⵡⵉⵏ, ⵉ ⵏⴼⴰⵄ ⵏ ⵓⵙⵏⴻⴼⵍⵉ ⴰⵖⴻⵍⵏⴰⵡ.
ⵙⴻⴳ ⵜⴰⵎⴰ-ⵙ, ⴰⵎⴰⵏⴰⵢ ⴰⵎⴰⵜⴰ ⵏ ⵜⴷⵓⴽⵍⴰ ⵏ ⵢⵉⵎⵣⴻⵏⵣⴰⵢⴻⵏ ⴷ ⵢⵉⴱⵓⵃⵔⵉⵢⴻⵏ ⵉⵙⴰⵜⵉⴳ ⵜⵉⴷⴷⵢ ⵢⴻⵍⵀⴰⵏ ⵉ ⴷ-ⵢⵓⵔⴰⵏ ⴷⴻⴳ ⵓⵏⵏⴰⵔ-ⴰⴳⵉ, ⵉⵙⵍⴻⵎ-ⴷ ⵙ ⵓⵍⴷⴰⵢ ⵏ ⵜⵏⴻⵖⵍⴰⴼⵜ ⴷ ⵓⵙⵎⴻⵃⵙⴻⵍ-ⵉⵙ ⵉ ⵓⵖⴻⴱⴱⴻⵍ ⵏ ⵢⵉⵎⴻⵣⵣⵓⵍⴰⵏⴻⵏ, ⴷ ⵍⴻⴱⵖⵉ-ⵙ ⵉ ⵓⵙⴼⵓⵍⴻⵍ-ⵏⵙⴻⵏ ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵎⵓⵀⴻⵍ ⵜⴰⴷⴰⵎⵙⴰⵏⵜ, ⴰⵢⴻⵏ ⴰⵔⴰ ⴷ-ⵢⴻⴳⵍⵓⵏ ⵙ ⵏⴼⴰⵄ ⴰⵎⴰⵜⵓ ⴷ ⵜⵔⵉⵔⵉⵜ ⵖⴻⴼ ⵢⵉⵙⴰⵔⴰⵎⴻⵏ ⵏ ⵢⵉⵎⴻⵣⵣⵓⵍⴰⵏⴻن ⴷ ⵢⵉⵎⴻⵣⴷⴰⵖ.
ⴰⵔⵏⵓ ⵖⴻⵔ
