ⴰⵏⴻⵖⵍⴰⴼ ⵏ ⵜⴻⵔⴱⴻⵢⵢⴰ ⵜⴰⵗⴻⵍⵏⴰⵡⵜ, ⵎⵓⵃⴰⵎⴻⴷ ⵚⴻⵗⵉⵔ ⵙⴰⵄⴷⴰⵡⵉ, ⵢⴻⵏⵏⴰ-ⴷ ⴱⴻⵍⵍⵉ ⵢⴻⵙⵙⴻⴼⴽ ⴰⴷ ⵢⵉⵍⵉ ⵡⵓⴳⴳⵓⵏ ⵇⴻⵙⵙⵉⵃⴻⵏ ⵙ ⵜⵎⴰⵢⵏⵓⵜⵉⵏ ⴷ ⵢⵉⵍⵓⴳⴰⵏ ⵏ ⵍⵇⴰⵏⵓⵏ ⵉⵙⴻⴳⵎⴻⵏ ⴰⵙⴻⵔⵔⴻⵙ ⵏ ⵢⵉⴼⴰⵢⵍⵓⵜⴻⵏ ⵏ ⵜⵎⵣⵉⵣⴻⵍⵜ ⵏ ⵓⵙⵉⴷⵎⴻⵔ ⵏ ⵢⵉⵙⴻⵍⵎⴰⴷⴻⵏ ⵗⴻⴼ ⵍⵙⴰⵙ ⵏ ⵜⴳⴻⴷⴰ , ⴰⴽⴽⴻⵏ ⴷ-ⵢⴻⵡⵡⴹⴻⵏ ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴳ ⵓⵙⵉⵡⴻⵍ ⵏ ⵜⵎⴰⵡⴰⵙⵜ.
ⴷⴳ ⵢⵉⵡⴻⵏ ⵓⴳⵔⴰⵡ ⵏ ⵜⴰⴷⵡⵉⵏⵜ ⵙ ⵜⴻⴽⵏⵓⵍⵓⵊⵉⵜ ⵏ ⵡⵉⴷⵢⵓ, ⴰⵏⴻⵖⵍⴰⴼ ⵢⴻⵙⵙⴰⵡⴻⵍ ⵉ ⵢⵉⵎⴻⵙⵍⴰⵢⴻⵏ ⵏ ⵜⴷⴻⴱⵔⵉⵜ ⵜⴰⵍⴻⵎⵎⴰⵙⵜ ⴷ ⵢⵉⵏⴻⵎⵀⴰⵍⴻⵏ ⵏ ⵜⴻⵔⴱⴻⵢⵢⴰ ⴰⴽⴽⴻⵏ ⴰⴷ "ⵓⴳⴳⵓⵏ ⵙ ⵍⵇⴻⵙⵙⴰⵃ ⵙ ⵜⵎⴰⵢⵏⵓⵜⵉⵏ ⵏ ⵍⵇⴰⵏⵓⵏ ⵉ ⵓⵙⴻⵔⵔⴻⵙ ⵏ ⵢⵉⴼⴰⵢⵍⵓⵜⴻⵏ, ⵍⴰⴷⵗⴰ ⵡⵉⴷ ⵢⴻⵣⵣⴻⵏⵣⵉⵏ ⵜⵉⴳⴻⴷⴰ, ⴷ ⵓⴹⵎⴰⵏ ⵏ ⵜⴼⵔⴻⵔ ⴷ ⵓⵙⴰⵡⴰ ⵏ ⵜⴻⴳⵏⴰⵜⵉⵏ ⴳⴰⵔ ⴰⴽⴽ ⵢⵉⵎⴰⵣⵡⴰⵢⴻⵏ, ⴷⴳ ⵓⴽⴰⵜⴰⵔ ⵏ ⵓⵇⴰⴷⴻⵔ ⵏ ⵢⵉⴹⵔⵉⵙⴻⵏ ⵏ ⵍⵇⴰⵏⵓⵏ".
ⴷⴳ ⵓⵙⴻⵏⵜⴻⵍ-ⴰ, ⴰⵏⴻⵖⵍⴰⴼ ⵢⴻⵍⴷⴰ ⴰⴱⵔⵉⴷ ⵉ ⵢⵉⵏⴻⵎⵀⴰⵍⴻⵏ ⵏ ⵜⴻⵔⴱⴻⵢⵢⴰ ⴰⴽⴽⴻⵏ ⴰⴷ ⴷ-ⴼⴽⴻⵏ ⵉⴼⴻⴽⵔⵉⵡⴻⵏ-ⵏⵙⴻⵏ ⴷ ⵜⵎⵓⵖⵍⵉⵡⵉⵏ ⵗⴻⴼ ⵡⵓⴳⵓⵔⴻⵏ ⵉ ⴷ-ⵎⵎⴰⴳⵔⴻⵏ ⴷⴳ ⵓⴽⵜⴰⴱ ⵏ ⵢⵉⵎⴰⵣⵡⴰⵢⴻⵏ. ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⴰⵡⴰⵙⵜ ⵜⴻⵜⵜⵃⵉⵙⵙⵉⴼ ⵉ ⵡⴰⴽⴽ ⵜⵎⵓⵖⵍⵉⵡⵉⵏ ⴰⴽⴽⴻⵏ ⴰⴷ ⵜⴼⵔⵓ ⵡⵓⴳⵓⵔⴻⵏ, ⵢⴻⵔⵏⴰ ⵜⴻⵜⵜⵡⴰⵙⴻⵍⵍⴻⵙ ⵢⵉⵡⴻⵜ ⵏ "ⵜⴰⴷⴷⴰⵔⵜ ⵏ ⵓⴹⴼⴰⵔ" (cellule de suivi) ⴷⴳ ⵜⴷⴻⴱⵔⵉⵜ ⵜⴰⵍⴻⵎⵎⴰⵙⵜ ⴰⴽⴽⴻⵏ ⴰⴷ ⵜⴻⵣⵔⴻⵡ ⵉⵙⴻⵜⵙⵉⵜⴻⵏ ⵜⴻⴼⴽ ⵜⵉⴼⵔⴰⵜⵉⵏ ⵉⵍⴰⵇⴻⵏ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⵖⴻⵏ ⵗⴻⴼ ⵜⵍⴻⴳⴳⴰⵎⵜ ⵏ ⵜⴳⴻⴷⴰ ⵢⴻⵜⵜⵡⴰⵇⴻⴱⵍⴻⵏ, ⵢⴻⵔⵏⴰ ⵢⴻⵙⵙⴻⴽⵜⴰ-ⴷ ⵙ ⵓⵙⵉⵡⴻⵍ ⵓⴽⵎⵉⵍ ⵏ ⵜⵍⴻⴳⴳⴰⵎⵜ ⵏ ⵜⴳⴻⴷⴰ ⵉⵍⴰⵇⴻⵏ ⵉ ⵓⵙⵉⴷⵎⴻⵔ ⴷ ⵓⵙⵉⵍⵉ ⴷⴳ ⵜⵛⵓⵖⵍⵉⵡⵉⵏ ⵏ ⵜⴻⵔⴱⴻⵢຍⴰ ⵜⴰⵗⴻⵍⵏⴰⵡⵜ, ⵜⵉⵏ ⵉⵗⴻⴼ ⵜⴻⵇⴱⴻⵍ ⵜⵉⵏⴰⵎⵎⴰⵙⵜ ⵜⴰⵎⴰⵜⵓⵜ ⵏ ⵜⵛⵓⵖⵍⴰ ⵜⴰⴱⴰⵢⵣⴰⵏⵜ
ⴰⵔⵏⵓ ⵖⴻⵔ
