ⵉⵙⵙⴰⵡⴻⵍ ⵓⵎⴰⵡⴰⵙ ⵏ ⵜⵏⴻⵣⵎⵉ ⵏ ⴱⴻⵔⵔⴰ ⴷ ⵓⵙⵏⴻⵔⵏⵉ ⵏ ⵉⵙⴻⵍⵍⵓⵏⴻⵏ, ⴽⴰⵎⴰⵍ ⵔⵣⵉⵇ, ⴰⵙⵙ-ⴰ ⵏ ⵜⵍⴰⵜⴰ ⴷⵉ ⵏⵉⵢⴰⵎⵢ, ⵉ ⵢⵉⵔⴳⴰⵣⴻⵏ ⵏ ⵜⵏⴻⵣⵎⵉ ⵏ ⵏⵉⴶⴻⵔ ⵉⵡⴰⴽⴽⴻⵏ ⴰⴷ ⵙⴼⴻⵕⵃⴻⵏ ⵙ ⵓⴱⴻⴷⴷⴻⵍ ⵢⴻⵍⵀⴰⵏ ⵏ ⵓⵏⵣⴰⴳⴰⵏ ⵏ ⵓⵙⴻⴼⵔⴻⴽ ⴷⵉ ⵍⴻⵣⵣⴰⵢⴻⵔ, ⵙ ⵓⵙⴻⴽⵔⴻⵙ ⵏ ⵢⵉⵙⴻⵏⴼⴰⵔⴻⵏ ⴰⵔ ⴰⴷ ⵢⴻⴳⵍⵓⵏ ⵙ ⵍⴼⴰⵢⴷⴰ ⵉ ⵜⴷⴰⵎⵙⵉⵡⵉⵏ ⵏ ⵙⵏⴰⵜ ⵏ ⵜⵎⵓⵔⴰ.
ⴷⴻⴳ ⵡⴰⵡⴰⵍ-ⵉⵙ ⴷⴻⴳ ⵓⴳⵔⴰⵡ ⴰⴷⴰⵎⵙⴰⵏ ⵏ ⵍⴻⵣⵣⴰⵢⴻⵔ-ⵏⵉⴶⴻⵔ, ⵉ ⴷ-ⵢⴻⵍⴷⴰ ⵡⵓⵏⵎⵉⵔ ⴰⵎⴻⵣⵡⴰⵔⵓ ⵙⵉⴼⵉ ⵖⴰⵔⵉⴱ ⴷ ⵡⵓⵏⵎⵉⵔ ⵏ ⵏⵉⴶⴻⵔ ⵄⴰⵍⵉ ⵍⴰⵎⵉⵏ ⵣⴻⵢⵏ ⵎⴰⵀⴰⵎⴰⵏ, ⵔⵣⵉⵇ ⵢⴻⴱⴷⴻⵔ-ⴷ ⵡⴰⵍⵍⴰⵍⴻⵏ ⵏ "ⵓⵙⴻⴊⵀⴻⴷ ⵏ ⵓⵏⵣⴰⴳⴰⵏ ⵏ ⵜⵏⴻⵣⵎⵉ ⴷ ⵓⵙⴻⴼⵔⴻⴽ ⴷⵉ ⵍⴻⵣⵣⴰⵢⴻⵔ, ⴰⴽⴽⴻⵏ ⵍⵍⴰⵏ ⵢⵉⵡⴻⵚⵚⵉⵡⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵄⴰⴱⴷⴻⵍⵎⴰⴷⴊⵉⴷ ⵜⴻⴱⴱⵓⵏⴻ". ⵉⵙⵙⴰⵡⴻⵍ ⵉ ⵢⵉⵎⵙⴻⴳⴷⴰⵙⴻⵏ ⵏ ⵏⵉⴶⴻⵔ ⴰⴷ ⵙⴻⵅⴷⴻⵎⴻⵏ ⵜⴻⴳⵏⴰⵜⵉⵏ-ⴰⴳⵉ ⵉ ⵓⵙⴻⴊⵀⴻⴷ ⵏ ⵜⴻⵛⵔⵉⴽⵜ ⵜⴰⴷⴰⵎⵙⴰⵏⵜ.
ⵉⵡⴰⴽⴽⴻⵏ ⴰⴷ ⵣⴰⴷⴻⵏⵜ ⵜⵎⴻⵖⵍⵉⵡⵉⵏ ⵏ ⵜⵏⴻⵣⵎⵉ, ⵢⴻⵏⵏⴰ-ⴷ ⵓⵎⴰⵡⴰⵙ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⵙⵓⵎⴻⵔ-ⴷ ⴰⵙⵎⴰⵢⵏⵓⵜ ⵏ ⵢⵉⵍⵓⴳⴰⵏ ⵏ ⵜⵏⴻⵣ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴷ ⵓⵙⴻⴊⵀⴻⴷ ⵏ ⵓⵙⵇⴰⵎⵓ ⵏ ⵢⵉⵔⴳⴰⵣⴻⵏ ⵏ ⵜⵏⴻⵣⵎⵉ ⴰⵎ ⵜⴰⴳⴻⵏⵙⴰⵏⵜ ⵉ ⵓⵏⴰ ⵏ ⵜⴻⴳⵏⴰⵜⵉⵏ.
ⵙⴻⴳ ⵜⴰⵎⴰ-ⵙ, ⵓⵎⴰⵡⴰⵙ ⵏ ⵜⵏⴻⵣⵎⵉ ⵏ ⵏⵉⴶⴻⵔ, ⵄⴰⴱⴷⵓⵍⴰⵢⴻ ⵙⴰⵢⴷⵓ, ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⴷ ⵏⵉⴶⴻⵔ ⵙⵄⴰⵏⵜ ⵢⵉⵡⴻⵜ ⵏ ⵜⵎⵓⵖⵍⵉ ⵉ ⵓⵙⵏⴻⴼⵍⵉ, ⵢⴻⵙⵙⴰⵡⴻⵍ ⵉ ⵢⵉⵔⴳⴰⵣⴻⵏ ⵏ ⵜⵏⴻⵣⵎⵉ ⵏ ⵍⴻⵣⵣⴰⵢⴻⵔ ⴰⴷ ⴰⵙⴻⵏ ⵖⴻⵔ ⵏⵉⴶⴻⵔ ⵉⵡⴰⴽⴽⴻⵏ ⴰⴷ ⵙⴻⵔⵙⴻⵏ ⵉⵙⴻⵏⴼⴰⵔⴻⵏ ⵏ ⵓⵎⵢⴻⵄⵡⴻⵏ.
ⴽⴰⵎⴰⵍ ⵎⵓⵍⴰ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⵎⴰⵢⵏⵓⵜ ⴰⴷⴰⵎⵙⴰⵏ (CREA), ⵢⴻⵏⵏⴰ-ⴷ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ ⵙⵄⴰⵏⵜ ⵢⵉⵡⴻⵜ ⵏ ⵜⵎⵓⵖⵍⵉ ⵉ ⵓⵙⴷⵓⴽⴽⴻⵍ ⵏ ⵜⵎⴻⵏⵏⴰⴹⵜ, ⵢⴻⵙⵙⴻⴊⵀⴻⴷ ⴷⴰⵖⴻⵏ ⵖⴻⴼ ⵓⵙⵓⴽⴽⴻⵔ ⵏ ⵜⴽⴻⴱⴱⴰⵏⵉⵢⵉⵏ ⵢⴻⴷⴷⵓⴽⴽⵍⴻⵏ.
ⵟⴰⵢⴻⴱ ⵛⴻⴱⴰⴱ, ⴰⵙⴻⵍⵡⴰⵢ ⵏ ⵓⵅⵅⴰⵎ ⵏ ⵜⵏⴻⵣⵎⵉ ⴷ ⵜⴻⵎⴳⵓⵔⵉ (CACI), ⵢⴻⵏⵏⴰ-ⴷ ⴱⴻⵍⵍⵉ ⴰⴳⵔⴰⵡ-ⴰⴳⵉ ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⵢⵀⴻⴷ ⵡⴰⵡⴰⵍ ⴳⴰⵔ ⵢⵉⵎⵙⴻⴳⴷⴰⵙⴻⵏ, ⵢⴻⵙⵙⴰⵡⴻⵍ ⴷⴰⵖⴻⵏ ⵉ ⵓⵙⴻⴼⵙⴻⵅ ⵏ ⵢⵉⵍⵓⴳⴰⵏ ⵏ ⵍⴰⴊⵓⵎⵔⵓⴽ ⴷ ⵓⵍⴷⴰⵢ ⵏ ⵢⵉⵏⵣⴳⴰⵏ ⵏ ⵜⵍⵉⵙⴰ.
ⴰⵔⵏⵓ ⵖⴻⵔ
