ⵜⴻⵍⵍⴰ-ⴷ, ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵓⵙⴰⴳⴻⵏ ⵏ ⵊⴻⵏ ⵊⴻⵏ ⴷⴻⴳ ⵜⵡⵉⵍⴰⵢⵜ ⵏ ⵊⵉⵊⴻⵍ, ⵓⵙⵜⴻⵏⵢⵉ ⵏ ⵢⵉⵡⴻⵏ ⵏ ⵓⵎⵜⴰⵡⴰ ⵏ ⵜⴷⵓⴽⵍⵉ (ⵒⴰⵔⵜⴻⵏⴰⵔⵉⴰⵜ) ⴳⴰⵔ ⵜⵎⵓⵙⵏⵉ-ⴰⴳⵉ ⵏ ⵓⵙⴰⴳⴻⵏ ⴷ ⵜⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ-ⵜⴰⵇⴰⵔⵉⵜ ⵏ ⵓⵚⴻⵍⴱⵉ (AⵇS), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵉ ⴷ-ⵢⴻⴼⴼⵖⴻⵏ ⵙⴻⴳ ⵓⵙⴰⴳⴻⵏ-ⵏⵏⵉ.
ⴰⵙⵉⵡⴹ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ "ⴷⴻⴳ ⵓⵏⵏⴰⵔ ⵏ ⵓⵙⴻⴶⵀⴻⴷ ⵏ ⵓⵙⵉⴷⵔⴻⵡ ⴳⴰⵔ ⵢⵉⵏⵏⴰⵔⴻⵏ ⵏ ⵜⴻⵎⴳⵓⵔⵉ ⴷ ⵓⵍⵓⵊⵉⵢⵙⵜⵉⴽ, ⵢⴻⵍⵍⴰ-ⴷ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴷⵓⴽⵍⵉ ⴳⴰⵔ ⵓⵙⴰⴳⴻⵏ ⵏ ⵊⴻⵏ ⵊⴻⵏ ⴷ ⵜⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ-ⵜⴰⵇⴰⵔⵉⵜ ⵏ ⵓⵚⴻⵍⴱⵉ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⴰⵔⵔⴰⵢⵜ ⵏ ⵓⵙⵙⴻⴽⵛⴻⵎ ⴷ ⵓⵙⵓⴼⴼⴻⵖ ⵏ ⴱⴻⵕⵕⴰ".
ⵢⴻⵔⵏⴰ-ⴷ ⴱⴻⵍⵍⵉ ⵜⴰⴷⵓⴽⵍⵉ-ⴰⴳⵉ ⵉⵙⵡⵉ-ⵉⵙ ⴷ "ⵓⵙⵏⴻⵔⵏⵉ ⵏ ⵜⵉⴷⴷⵉ ⵏ ⵜⵎⵓⵀⴰⵍ ⵏ ⵓⵍⵓⵊⵉⵢⵙⵜⵉⴽ, ⵉⵎⵉ ⴰⴷ ⵜ-ⵄⵉⵡⴻⵏ ⴷⴻⴳ ⵓⴼⵙⵉⵙ ⵏ ⵜⵉⴳⴳⴰⵜⵉⵏ ⵏ ⵓⵙⵙⴻⴽⵛⴻⵎ ⴷ ⵓⵙⵓⴼⴼⴻⵖ ⵓ ⴰⴷ ⵜⴻⵙⵙⴻⵎⴻⵣⵣⵉ ⵡⴰⴽⵓⴷⴻⵏ ⵏ ⵓⵣⴻⵟⵟⴻⴹ ⴷⴻⴳ ⵓⵙⴰⴳⴻⵏ. ⴰⵢⴰⴳⵉ ⴰⴷ ⴷ-ⵢⴻⴳⵍⵓ ⵙ ⵜⵎⵓⵖⵍⵉ ⵜⵓⵙⵔⵉⴷⵜ ⴷⴻⴳ ⵓⵙⴰⵍⵉ ⵏ ⵜⵣⴻⵎⵎⴰⵔ ⵏ ⵓⵎⵣⵉⵣⵡⴻⵔ ⵏ ⵢⵉⴼⴰⵔⴰⵙⴻⵏ ⵏ ⵜⵎⵓⵔⵜ ⴷⴻⴳ ⵉⴳⴻⴷⴻⵣⴻⵏ (ⵙⵙⵡⴰⵇ) ⵉⴳⵔⴰⵖⵍⴰⵏⴻⵏ".
ⴰⵎⵜⴰⵡⴰ-ⴰⴳⵉ ⵉⵜⴻⴷⴷⵓ — ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵡⴰⵔⵔⴰⵜ-ⵏⵏⵉ — "ⴷⴻⴳ ⵓⴱⵔⵉⴷ ⵏ ⵜⵎⵓⵖⵍⵉ ⵏ ⵓⵙⵏⴻⴼⵍⵉ ⵉⵕⴻⵙⵙⴰⵏ ⵉ ⵢⴻⴱⵖⴰⵏ ⴰⴷ ⵢⴻⵙⵙⴻⵎⵖⴻⵔ ⵓⴼⴰⵔⵉⵙ ⴰⵖⴻⵍⵏⴰⵡ ⴷ ⵓⵙⴻⴶⵀⴻⴷ ⵏ ⵢⵉⵢⴻⵙⴽⵉⵔⴻⵏ ⵏ ⵏⴼⴰⵄ ⴰⵎⴳⵓⵔⵉⵢⴰⵏ. ⵉⵜⵜⵡⴰⵕⴶⴰ ⴰⵙⴰⴳⴻⵏ ⵏ ⵊⴻⵏ ⵊⴻⵏ ⴰⴷ ⵢⵓⵔⴰⵔ ⴰⵎⴰⵀⵉⵍ ⵉⵕⴻⵙⵙⴰⵏ ⴰⵎ ⵡⴰⵎⵎⴰⵙ ⴰⵍⵓⵊⵉⵢⵙⵜⵉⴽ ⴰⵙⵔⴰⵜⵉⴷⵊⵉ ⵉ ⵓⵏⵏⴰⵔ ⵏ ⵜⴻⵎⴳⵓⵔⵉ ⵜⴰⵥⴰⵢⴰⵏⵜ, ⵍⴰⴷⵖⴰ ⵉⵎⵉ ⵉ ⵇⵔⴻⴱ ⵖⴻⵔ ⵓⵎⵓⵍⵍⵉ ⴰⵎⴳⵓⵔⵉⵢⴰⵏ ⵏ ⴱⴻⵍⵍⴰⵔⴰ".
ⵙ ⵓⵏⴰⵎⴻⴽ ⵏ ⵓⵙⵉⵡⴹ-ⵏⵏⵉ, "ⵜⴰⴷⵓⴽⵍⵉ-ⴰⴳⵉ ⴰⴷ ⴷ-ⵜⴻⵍⴷⵉ ⵜⵉⵡⵡⵓⵔⴰ ⵜⵉⵎⴰⵢⵏⵓⵜⴻⵏ ⵉ ⵓⵙⵙⴻⵜⵎⴻⵔ ⴷ ⵓⵙⵏⴻⴼⵍⵉ, ⵓ ⵜⴻⵙⵙⴻⴽⵏⴻⴷ ⵜⵓⵛⵛⵉⵜ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵉⵡⴰⴽⴽⴻⵏ ⴰⴷ ⴷ-ⵜⴻⴽⴽⵉⵢⴻⵏⵜ ⵙ ⵍⴶⴻⵀⴷ ⴷⴻⴳ ⵓⵙⴻⴶⵀⴻⴷ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵜⵉⴷⴷⵉ ⵏ ⵓⵙⵏⴻⴼⵍⵉ ⵉ ⵉⵜⴻⴷⴷⵓⵏ (ⴷⵓⵔⴰⴱⵍⴻ)".
ⴰⵔⵏⵓ ⵖⴻⵔ
