ⵜⴰⵙⵓⴷⴷⵓⵜ ⵏ ⵜⵎⵓⵏⵜ ⵏ ⵍⵎⵉⵍⴰⵍ ⵉ ⵓⵄⴰⵡⴻⵏ ⵏ ⵢⵉⴼⵉⵍⵉⵙⵟⵉⵏⵉⵢⴻⵏ (UNRWA), ⵜⴻⵜⵜⴻⴽⴽⵉⴷ ⴱⴻⵍⵍⵉ ⵉⴼⵉⵍⵉⵙⵟⵉⵏⵉⵢⴻⵏ ⵏ ⵜⵊⵓⵎⵎⴰ ⵏ ⵖⴰⵣⵣⴰ ⵎⴰⵣⴰⵍ-ⵉⵜⴻⵏ ⵜⵜⵉⴷⵉⵔⴻⵏ ⴷⴳ ⵍⵉⵃⴰⵍⴰ ⵉⵇⴻⵔⵃⴻⵏ ⵢⴻⵔⵏⴰ ⵜⵛⴻⵎⴻⵜ, ⵙⵙⴻⴱⴱⴰ ⴷ ⵍⴻⵅⵔⴰⴱ ⵉ ⴷ-ⵢⴻⴰ ⵓⵣⴻⴳⴳⴰⵏ ⴰⵚⴻⵀⵢⵓⵏⵉ ⴷ ⵓⴽⵎⴰⵍ-ⵉⵙ ⴷⴳ ⵓⵇⴻⵞⵞⴻⵎ ⵏ ⵍⴰⵎⴻⵔ ⵏ ⵓⵃⴱⴰⵙ ⵏ ⵓⵏⴱⴰⵛ.
ⵜⴰⵙⵓⴷⴷⵓⵜ-ⴰⴳⵉ ⵜⴻⵏⵏⴰ-ⴷ ⴷⴻⴳ ⵢⵉⵡⴻⵏ ⵓⵙⵉⵡⴻⵍ ⵏ ⵡⴰⵙⵙ ⵏ ⵍⵃⴻⴷⴷ ⴱⴻⵍⵍⵉ "ⵉⵎⴻⵣⴷⴰⵗ ⵏ ⵖⴰⵣⵣⴰ ⵎⴰⵣⴰⵍ-ⵉⵜⴻⵏ ⵜⵜⵉⴷⵉⵔⴻⵏ ⴷⴳ ⵜⵎⵓⵃⵇⵔⴰⵏⵉⵜ; ⵉⵅⵅⴰⵎⴻⵏ-ⵏⵙⴻⵏ ⵀⵓⴷⵎⴻⵏ, ⵜⵉⴳⵉⵜⵉⵏ-ⵏⵙⴻⵏ (les tentes) ⵛⵛⴻⵔⴳⴻⵏⵜ, ⴰⵢⴰ ⵢⴻⵔⵔⴰ-ⵜⴻⵏ ⴷⴳ ⵓⵙⴻⵎⵎⵉⴹ ⵏ ⵜⴳⵔⴻⵙⵜ ⴷ ⵓⴳⴻⴼⴼⵓⵔ".
ⴷⴻⴳ ⵓⵙⴻⵏⵜⴻⵍ-ⴰⴳⵉ, ⵓⵏⵔⵡⴰ ⵜⴻⵏⵏⴰ-ⴷ ⴱⴻⵍⵍⵉ "ⵍⵍⴰⵏⵜ ⵍⵃⴰⵊⴰⵜ ⵎⵓⵇⵇⵔⴻⵏ ⵉ ⵍⵇⵓⵜ, ⴷⴷⵡⴰ ⴷ ⵡⴻⵎⴽⴰⵏ ⵏ ⵜⵣⴻⴷⴷⵉⵗⵜ", ⵜⴻⵙⵙⴰⵡⴻⵍ ⴷⴰⵗⴻⵏ ⴰⴷ ⴽⴽⴻⵙⵏ ⵉⵃⴻⵇⵇⵉⵢⴻⵏ ⵉ ⵢⴻⴳⴳⴰ ⵓⵣⴻⴳⴳⴰⵏ ⴰⵚⴻⵀⵢⵓⵏⵉ ⵗⴻⴼ ⵜⵄⴰⵡⵏⵉⵡⵉⵏ ⵉ ⴷ-ⵢⴻⵜⵜⴽⴻⵛⵛⵉⵎⴻⵏ.
ⵓⴳⴰⵔ ⵏ ⵙⵉⵏ ⵢⵉⵙⴻⴳⴳⴰⵙⴻⵏ, ⴰⵣⴻⴳⴳⴰⵏ ⴰⵚⴻⵀⵢⵓⵏⵉ ⵢⴻⴳⴳⴰ ⵜⵉⵎⴻⵏⵗⵉⵡⵜ ⵜⴰⴳⵔⴰⵡⵍⴰⵏⵜ ⴷⴳ ⵖⴰⵣⵣⴰ: ⵜⵉⵎⴻⵏⵗⵉⵡⵜ, ⵍⴰⵥ, ⵍⴻⵅⵔⴰⴱ ⴷ ⵓⵏⴻⴳⴳⴰⴼ, ⴱⵍⴰ ⴰⵇⴰⴷⴻⵔ ⵏ ⵜⵎⵓⵗⵍⵉⵡⵉⵏ ⵜⵉⴳⵔⴰⵖⵍⴰⵏⵉⵏ.
ⵗⴰⵙ ⵢⴻⵍⵍⴰ-ⴷ ⵓⵎⵜⴰⵡⴰ ⵏ ⵓⵃⴱⴰⵙ ⵏ ⵟⵟⵔⴰⴷ ⴷⴻⴳ ⵡⴰⵢⵢⵓⵔ ⵏ ⵜⵓⴱⴻⵔ ⵉⵄⴻⴷⴷⴰⵏ, ⵎⴰⵛⴰ ⴰⵣⴻⴳⴳⴰⵏ ⵎⴰⵣⴰⵍ-ⵉⵜ ⵢⴻⵜⵜⴻⴽⴽⴻⵙ ⵍⴰⵎⴻⵔ-ⵏⵏⵉ. ⵙⴻⴳ 10 ⵜⵓⴱⴻⵔ ⴰⵍⴰⵎⵎⴰ ⴷ ⴰⵙⵙ-ⴰ, ⵍⵍⴰⵏ 420 ⵏ ⵢⵉⵎⴻⵗⵔⴰⵙⴻⵏ ⴷ 1184 ⵏ ⵢⵉⵎⴻⵊⵔⵓⵃⴻⵏ.
ⴰⵔⵏⵓ ⵖⴻⵔ
