ⴰⵎⴻⵙⵍⴰⵢ ⵏ ⵜⵙⵏⵓⵔⴰⵢⵜ ⵏ ⵓⵎⵎⴻⵎ ⴷ ⵓⵙⴻⵍⵍⴻⴽ ⵏ ⵢⵉⵎⴻⵏⴼⵉⵢⴻⵏ ⵉⴼⴻⵍⵙⵟⵉⵏⵉⵢⵉⵏ (UNRWA), ⵎⴰⵙ ⵄⴰⴷⵏⴰⵏ ⴰⴱⵓ ⵃⴰⵙⵏⴰ, ⵢⴻⵏⵏⴰ-ⴷ ⴰⵙⵙ-ⴰ ⵏ ⵓⵙⵉⵏⴰⵙ ⴱⴻⵍ ⴰⵢⴻⵏ ⵢⴻⵜⵜⴻⴳ ⵡⴰⴽⵍⵓ ⴰⵚⴻⵀⵢⵓⵏⵉ ⴷⴻⴳ ⵓⵖⴻⵔⴱ ⵏ ⵢⴻⵔⴷⴻⵏ ⴷ ⵖⴰⵣⵣⴰ ⵢⴻⵜⵜⵏⴰⴷⵉ ⴰⴷ ⵢⴻⵅⵚⴻⵔ ⴰⵅⴻⴷⴷⵉⵎ ⵏ ⵍⵅⵉⵔ ⴰⴽⴽ.
ⵢⴻⵙⵙⴻⴼⵔⴰ-ⴷ ⴰⴱⵓ ⵃⴰⵙⵏⴰ ⴱⴻⵍⵍⵉ ⵜⴰⴳⴰⵡⵜ ⵉ ⴷ-ⵢⴻⵍⵍⴰⵏ ⵎⴳⴰⵍ ⵓⵏⵔⵡⴰ ⵙⴻⴳ ⵡⵓⵏⴱⵉⵔ (Octobre) 2023, ⵜⴻⴳⵍⴰ-ⴷ ⵙ ⵓⵃⴻⴱⴱⴻⵙ ⵏ 37 ⵏ ⵜⵎⵓⴷⴷⴻⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵍⵅⵉⵔ.
ⵢⴻⵏⵏⴰ-ⴷ ⴱⴻⵍⵍⵉ ⴰⵙⵜⵉⵄⵎⴰⵔ ⴰⵚⴻⵀⵢⵓⵏⵉ ⵢⴻⵥⵔⴰ ⵎⴰ ⵢⴻⵍⵍⴰ ⵜⵃⴻⴱⴱⴻⵙ ⵓⵏⵔⵡⴰ, ⴰⴷ ⵢⵉⵍⵉ ⵍⵛⴰⵍⴰⵍ ⴷⴻⴳ ⵡⵓⴼⴻⴽ ⵏ ⵜⴰⵍⵍⴰⵍⵜ ⴷⵉ ⵖⴰⵣⵣⴰ. ⵓⵏⵔⵡⴰ ⵜⴻⵙⵄⴰ ⵍⵎⴰⵄⵓⵏ ⵏ ⵡⵓⵜⵛⵓ, ⵢⵉⵛⴻⵟⵟⵉⴹⴻⵏ ⴷ ⵜⴻⵍⵡⵉⵢⵉⵏ ⵉ 1.3 ⵎⵉⵍⵢⵓⵏ ⵏ ⵢⵉⴼⴻⵍⵙⵟⵉⵏⵉⵢⵉⵏ ⵉ ⴽⵔⴰⴹ (3) ⵢⵉⵔⵏⴻⵏ, ⵍⴰⴽⵉⵏ ⴰⵙⵜⵉⵄⵎⴰⵔ ⵓⵔ ⵢⴻⵜⵜⴰⵊⵊⴰ ⴰⵔⴰ ⴰⴷ ⴷ-ⴽⵛⴻⵎⵏⵜ.
ⵙⴳ ⵜⴰⵎⴰ-ⵏⵏⵉⴹⴻⵏ, ⵎⴰⵙ ⴼⴰⵢⴻⴷ ⵎⵓⵚⵟⴰⴼⴰ ⵙⴻⴳ ⵡⴻⴳⵔⵉⴼ ⵏ ⵜⵎⵓⵔⴰ ⵏ ⵡⴰⵄⵔⴰⴱⴻⵏ , ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⴱⴻⴷⴷⴻⵏ ⴷⴰⵢⴻⵎ ⵔⵔⵉⴼ ⵏ ⵓⵏⵔⵡⴰ ⴰⵍⴰⵎⵎⴰ ⴷ ⵡⴰⵙⵙ ⴰⵏⴷⴰ ⴰⴷ ⴷ-ⵜⴰⴼⴻⵏ ⵜⵉⴼⵔⴰⵜ ⵉ ⵜⵎⴻⵙⵍⴰⵢⵜ ⵏ ⵢⵉⴼⴻⵍⵙⵟⵉⵏⵉⵢⵉⵏ ⵙ ⵍⵇⴰⵏⵓⵏ ⴰⴳⵔⴰⵖⵍⴰⵏ.
ⴰⵔⵏⵓ ⵖⴻⵔ
