ⵜⴻⵙⵙⴻⵏⵎⵎⴻⵔ ⵜⵓⴷⴷⵙⵓⵜ ⵏ ⵓⵏⴻⵙⵛⵓ ⵍⵯⴻⵀⴷ ⵏ ⵍⴻⵣⵣⴰⵢⴻⵔ ⴷⴻⴳ ⵓⵃⵔⴰⵣ ⵏ ⵓⵎⵓⴽⴰⵏ ⵏ ⵜⴰⵔⴽⵓⵍⵓⵊⵉⵜ ⵏ ⵜⵉⵃⴰⵣⴰ ⵉ ⵢⴻⵍⵍⴰⵏ ⴷⴻⴳ ⵜⴻⴱⵞⵉⵔⵜ ⵏ ⵜⴳⴻⵎⵎⵉ ⵜⴰⵎⴰⴷⵍⴰⵏⵜ, ⴷⴻⴳ ⵢⵉⵎⴻⵀⵍⴰⵏ ⵏ ⵜⴻⵞⵎⵓⵢⴰ ⵜⵉⵙ 48 ⵏ ⵜⵙⴻⵇⵇⵓⵎⵜ ⵏ ⵜⴳⴻⵎⵎⵉ ⵜⴰⵎⴰⴷⵍⴰⵏⵜ ⵏ ⵓⵏⴻⵙⵛⵓ, ⵉ ⴷ-ⵢⴻⵍⵍⴰⵏ ⴷⴻⴳ ⴱⵓⵓⵙⴰⵏ (ⴽⵓⵔⵢⴰ), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵜⴰⵢⴻⵔⵣⴰ ⴷ ⵜⵥⵓⵔⵉⵢⵉⵏ ⵡⴰⵙⵙ-ⴰ ⵏ ⵜⵜⵍⴰⵜⴰ.
ⵜⵏⴻⵖⵍⴰⴼⵜ ⵜⴱⴻⴳⴳⴻⵏ-ⴷ "ⵍⴼⴰⵔⵃ-ⵉⵙ ⵙ ⵔⵔⴰⵢ ⵏ ⵜⵙⴻⵇⵇⵓⵎⵜ ⵏ ⵜⴳⴻⵎⵎⵉ ⵜⴰⵎⴰⴷⵍⴰⵏⵜ ⵖⴻⴼ ⵓⴹⵔⵉⵙ ⴰⵜⵉⴽⵏⵉⴽ ⵏ ⵓⵃⵔⴰⵣ ⵏ ⵓⵎⵓⴽⴰⵏ ⵏ ⵜⵉⵃⴰⵣⴰ", ⴷⴰⴳⵉ ⵓⴷⵢⴰⵏ-ⵏⵏⵉ ⵉⵙⴻⴳⵣⵉ-ⴷ ⴱⴻⵍⵍⵉ ⵜⴰⵙⴻⵇⵇⵓⵎⵜ "ⵜⵇⴻⴷⴱⴻⵍ ⵙ ⵢⵉⵡⴻⵏ ⵏ ⵡⴰⵡⴰⵍ ⵔⵔⴰⵢ ⵉ ⴷⴻⴳ ⵢⴻⵍⵍⴰ ⵓⵏⵎⵎⴻⵔ ⵓⵙⵙⵍⵉⴼ ⵙ ⵍⵯⴻⵀⴷ ⵉ ⴷ-ⵜⴻⴼⴽⴰ ⴷⴷⵓⵍⴰ ⵏ ⵍⴻⵣⵣⴰⵢⴻⵔ ⵉ ⵓⵟⵎⴰⵏ ⵏ ⵓⵙⴻⵍⵡⴰⵢ ⵉⵍⴰⵏ ⵏⴼⴰⵄ ⴷ ⵓⴷⴰⵢⴻⵎ".
ⵓⵏⴰⴱⴰⵖ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵙⴻⵇⵇⵓⵎⵜ ⵜⴻⵙⵙⴻⵏⵎⵎⴻⵔ ⵍⴻⵣⵣⴰⵢⴻⵔ ⵖⴻⴼ ⵓⵀⴻⴳⴳⵉ ⵏ ⵡⴰⵀⵉⵍ ⵏ ⵓⵙⴻⵍⵡⴰⵢ ⵏ ⵓⵎⵓⴽⴰⵏ ⵉ ⵜⴰⵍⵍⵉⵜ ⵏ 2025-2030, ⵢⴻⵔⵏⴰ ⵉⵡⴰⵍⴰ ⴱⴻⵍⵍⵉ ⴰⵙⴻⵍⵍⴻⴽ-ⵉⵙ ⴷⴻⴳ ⵡⴰⵏⵏⴰⵔ ⴷ "ⵍⵙⴰⵙ ⵉⵞⴻⵀⴷⴻⵏ ⵉ ⵓⴼⵔⴰⵖ ⵏ ⵓⵎⵓⴽⴰⵏ".
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⴰⵏⴻⵖⵍⴰⴼⵜ ⵜⴻⵙⵙⴻⵏⵜⴻⵎ "ⵜⵉⵔⴰⵜ-ⵉⵙ ⵉ ⵓⵎⴻⵀⵍⴰⵏ ⵏ ⵓⵙⴻⵍⵍⴻⴽ ⵏ ⵢⵉⵙⵓⵜⵔⴻⵏ ⴰⵜⵉⴽⵏⵉⴽⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵔⵔⴰⵢ-ⵏⵏⵉ. ⵜⴻⴱⴷⴻⵔ-ⴷ ⴱⴻⵍⵍⵉ ⵓⵃⵔⴰⵣ ⵏ ⵜⴳⴻⵎⵎⵉ ⵜⴰⵖⴻⵍⵏⴰⵡⵜ ⴰⴷ ⵉⵇⵇⵉⵎ ⴷ "ⵜⴰⵎⴻⵣⵡⵓⵔⵉⵜ ⵜⴰⵎⴻⵇⵇⵔⴰⵏⵜ ⵉ ⴷ-ⵉⵙⴱⴻⴳⴳⵉⵏⴻⵏ ⵜⴰⵎⴰⴳⵉⵜ ⵏ ⵍⴻⵣⵣⴰⵢⴻⵔ".
ⴰⵔⵏⵓ ⵖⴻⵔ
