ⴰⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⵜⴻⵙⵙⴰⵡⴻⴹ ⴰⴷ ⵜⴻⴳ ⵉⵙⴻⴼⵔⴻⵏ ⵉⵎⴻⵇⵇⵔⴰⵏⴻⵏ ⴷⴻⴳ ⵓⵙⵓⴼⴼⴻⵖ ⵏ ⵙⵙⴻⵍⵄⴰ ⴱⴻⵕⵕⴰ ⵉ ⵍⵒⴻⵜⵔⵓⵍ. ⵍⴰⴽⵉⵏ, ⵙⵙⴻⵍⵄⴰ ⵜⴰⵏⴰⵎⵓⵔⵜ ⵜⴻⵜⵜⵎⴰⵖ ⴷⴻⴳ ⵓⴼⴻⵔⵙ ⵏ ⴱⴻⵕⵕⴰ.
ⴷⴻⴳ ⵓⵎⵙⴰⵡⴰⵍ-ⵉⵙ ⴰⴽⴽⴻⴷ ⵜⵓⵖⵎⵉⵙⵉⵏ ⵜⵉⵏⴰⵎⵓⵔⵉⵏ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⴰⵙⵓⴼⴼⴻⵖ-ⴰⴳⵉ ⵢⴻⵡⵡⴻⴹ 5 ⵎⵉⵍⵢⴰⵔ ⵏ ⴷⵓⵍⴰⵔ. ⵢⴻⵔⵔⴰ-ⵜ ⴷ "ⵍⵎⵓⵄⵊⵉⵣⴰ" ⵎⴰ ⵏⴻⵇⵇⴰⵔ-ⵉⵜ ⴷⴻⴳ ⵡⴰⴽⵓⴷ ⵉⵄⴻⴷⴷⴰⵏ ⵏⵏⵉ ⵓⵔ ⵏⴻⵣⵔⵉ 1.5 ⵎⵉⵍⵢⴰⵔ ⵏ ⴷⵓⵍⴰⵔ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵍⵍⴰⵏⵜ "ⵜⵉⴳⴰⵡⵜⵉⵏ ⵓⵔ ⵏⵎⴻⵄⴷⴻⵍ ⴰⵔⴰ" ⵎⴳⴰⵍ ⵓⵣⵣⴰⵍ ⵏ ⵍⴻⴱⵏⵉ ⵏ ⵍⵣⵣⴰⵢⵔ ⴷⵉ ⵜⵓⵔⵓⵒⵜ.
ⵢⴻⵏⵏⴰ-ⴷ ⴱⴻⵍⵍⵉ ⵜⵓⵔⵓⵒⵜ ⵜⴻⴼⴽⴰ ⵉ ⵍⵣⵣⴰⵢⵔ ⵢⵉⵡⴻⵏ ⵓⵎⵓⵔ ⵉ ⴽⵔⴰⴹ ⵢⵉⵔⵏⴻⵏ (3 mois), ⵍⴰⴽⵉⵏ ⴰⵎⵓⵔ-ⵏⵏⵉ ⵢⴻⵜⵜⴼⴰⴽ ⴷⵉ 12 ⵡⵓⵙⵙⴰⵏ ⵇⴱⴻⵍ ⵎⴰ ⵢⴻⴽⴼⵓ ⵡⴰⴽⵓⴷ-ⵉⵙ. ⵍⵣⵣⴰⵢⵔ ⵜⴻⵙⵙⵓⵜⴻⵔ ⴰⴷ ⵜⵄⴰⵡⴻⴷ ⴰⵙⵇⴻⵔⴷⴻⵛ , ⵍⴰⴽⵉⵏ ⵓⵔ ⴷ-ⵢⴻⵍⵍⵉ ⵓⵎⵙⴰⴼⴰⵇ ⴰⴽⴽⴻⴷ ⵜⵓⵔⵓⵒⵜ. ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵍⵍⴰⵏⵜ ⵜⵎⵓⵔⴰ ⵉ ⴷ-ⵢⴻⵜⵜⵏⴰⵢⴻⵏ ⵎⴳⴰⵍ ⵍⵣⵣⴰⵢⵔ.
ⵖⴻⴼ ⵡⴰⵎⴰⵔⵓⵣ (ⵍⴽⵔⵉⴷⵉ) ⵏ ⴱⴻⵕⵕⴰ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⵓⵔ ⵜⴻⵜⵜⵔⴻⵟⵟⵉⵍ ⴰⵔⴰ. ⴰⵢⴻⵏ ⵢⴻⵍⵍⴰⵏ ⴷ ⵜⴰⴷⵔⵉⵎⵜ ⵏ ⴱⴻⵕⵕⴰ ⴰⴷ ⵜⴻⵜⵜⵓⵏⴻⴼⴽ ⴽⴰⵏ ⵉ ⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⵉ ⴷ-ⵢⴻⵜⵜⴰⵔⴰⵏ ⵍⴼⴰⵢⴷⴰ. ⵢⴻⵏⵏⴰ-ⴷ ⴱⴻⵍⵍⵉ ⵍⴱⴰⵏⴽ ⵏ ⵜⵏⴻⴼⵍⵉ ⵏ ⵜⴻⴼⵔⵉⵇⵜ (BAD) ⴰⴷ ⵢⴻⴼⴽ ⵓⴳⴰⵔ ⵏ 3 ⵎⵉⵍⵢⴰⵔ ⵏ ⴷⵓⵍⴰⵔ ⵉ ⵓⵙⴻⵏⴼⴰⵔ ⵏ ⵓⵙⴰⴽⴰ ⵏ ⵓⴼⵓⵙ ⵏ ⵓⵣⵣⴰⵍ ⵖⴻⵔ ⵍⵎⴻⵏⵉⵄⴰ ⴷ ⵖⴰⵔⴷⴰⵢⴰ, ⵙ ⵜⵖⴰⵔⴰ ⵏ ⵓⵙⴻⵍⵍⴻⴽ ⵢⴻⵍⵀⴰⵏ ⴰⵍⴻⵎⵎⴰⵙ ⵏ 13 ⵉⵙⴻⴳⴳⴰⵙⴻⵏ.
ⵖⴻⴼ ⵡⴰⵜⵜⴹⴰⵅⵓⵎ (ⵍⵖⴰⵍⴰ), ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵢⵓⴳⵔⴰ-ⴷ ⴷⴷⴰⵡ ⵏ 1.8%, ⴰⵢⴰ ⴷ ⵍⵎⵓⵄⵊⵉⵣⴰ ⴷⴻⴳ ⵡⴰⴽⵓⴷ-ⴰ ⵏ ⵜⵓⵔⴰ. ⵢⴻⵔⵔⴰ-ⴷ ⴷⴰⵖⴻⵏ ⴱⴻⵍⵍⵉ ⵓⵔ ⵢⴻⵇⴱⵉⵍ ⴰⵔⴰ ⴰⴷ ⵜⴻⵜⵜⵓⴼⵍⴻⵙ (ⵒⴰⵢⴰⵏⵜ) ⵜⵔⵉⴽⵔⵓⵜ ⵏ ⵓⴱⵔⵉⴷ ⵏ ⵜⵙⵉⵍⴰ ⵉⵡⴰⴽⴽⴻⵏ ⴰⴷ ⵢⴻⵃⵔⴻⵣ ⵜⴰⵣⵎⴻⵔⵜ ⵏ ⵓⵙⴻⵖⵏⴻⵙ ⵏ ⵓⵎⴷⴰⵏ.
ⴷⴻⴳ ⵡⴰⵢⴻⵏ ⵢⴻⵄⵏⴰⵏ ⵜⴰⵍⵢⴰⵏ, ⴰⵙⴻⵍⵡⴰⵢ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵏ ⵉⵙⴻⵍⵡⴰⵢⴻⵏ ⵜⴰⵏⴻⵖⵍⴰⴼⵜ ⵏ ⵜⴰⵍⵢⴰⵏ ⴰⴷ ⴷ-ⵜⴰⵙ ⵖⴻⵔ ⵍⵣⵣⴰⵢⵔ ⵉⵡⴰⴽⴽⴻⵏ ⴰⴷ ⵙⴳⴻⵎⵎⵏ ⵜⵉⵣⴷⴰⵢⵉⵏ ⵏ ⵜⴷⴰⵎⵙⴰ. ⵢⴻⵏⵏⴰ-ⴷ ⴱⴻⵍⵍⵉ ⵍⵣⵣⴰⵢⵔ ⵜⴻⴼⴽⴰ ⵍⵇⵉⵎⴰ ⵉ "ⵓⵙⴻⵏⴼⴰⵔ ⵏ ⵎⴰⵜⵜⴻⵉ" ⵉ ⵜⴻⴼⵔⵉⵇⵜ, ⴷ ⵓⵙⴻⵏⴼⴰⵔ ⵏ ⵜⴼⴰⵍⵃⵉⵜ ⴷⵉ ⵜⵉⵎⵉⵎⵓⵏ ⴰⴷ ⵢⴻⵍⴷⵉ ⵜⵉⴱⴱⵓⵔⴰ ⵉ ⵉⵎⴻⵃⴹⴰⵔⴻⵏ ⵏ ⵜⴻⴼⵔⵉⵇⵜ.
ⴰⵔⵏⵓ ⵖⴻⵔ
