ⵜⴰⵡⴰⴽⴰⵍⴰ ⵏ ⵍⵣⵣⴰⵢⴻⵔ ⵉ ⵡⴻⵙⵏⴻⵔⵏⵉ ⵏ ⵡⴻⵙⴻⵍⴷⴰⵢ (AAPI) ⵜⴻⵜⵜⴻⴽⴽⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵉ ⴷ-ⵉⵙⵏⴻⵊⵎⴰⵄⴻⵏ ⵉⵎⴻⵇⵇⵔⴰⵏⴻⵏ ⵏ ⵜⴷⴰⵎⵙⴰ ⵏ ⵍⵣⵣⴰⵢⴻⵔ ⴷ ⵡⵉⴷ ⵏ ⵏⵉⴽⵔⴰⴳⵡⴰ. ⵉⵙⵡⵉ ⵏ ⵜⴻⵎⵍⵉⵍⵉⵜ-ⴰⴳⵉ ⴷ ⴰⵏⴰⴷⵉ ⵖⴻⴼ ⵢⵉⵙⴻⵏⵜⴰⵍ ⵏ ⵜⵎⴰⵀⵍⴰ ⴷ ⵜⴰⵍⵍⴻⵍⵜ ⴷⴻⴳ ⵡⴻⵙⴻⵍⴷⴰⵢ ⴷ ⵜⵏⴻⵣⵣⵓⵜ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴰⵎⴻⴽ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵡⴰⴽⴰⵍⴰ.
ⵜⴻⵎⵍⵉⵍⵉⵜ-ⴰⴳⵉ ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⵜⴰ ⵉ ⵉⵄⴻⴷⴷⴰⵏ ⵙ ⵓⵏⴻⵍⵡⴰⴷ ⵏ ⵓⵙⵉⵡⴻⵍ (visio-conférence), ⵙⴱⴻⴷⴷⴻⵏ-ⵜⵜ-ⵉⴷ ⵜⵙⴻⵎⵎⵓⵔⵜ (ambassade) ⵏ ⵍⵣⵣⴰⵢⴻⵔ ⴷⵉ ⵏⵉⴽⵔⴰⴳⵡⴰ ⴷ ⵜⵙⴻⴽⵔⵉⵜⴰⵔⵉⵜ ⵏ ⵡⴻⵙⵏⴻⵔⵏⵉ ⵏ ⵡⴻⵙⴻⵍⴷⴰⵢ ⴷ ⵓⵙⴰⵙⵜⴰⵔ (exportations) ⵏ ⵏⵉⴽⵔⴰⴳⵡⴰ. ⴷⴻⴳ-ⵙ ⵍⵍⴰⵏ:
- ⵙⴻⴳ ⵜⴰⵎⴰ ⵏ ⵍⵣⵣⴰⵢⴻⵔ: ⴰⵎⴰⵙⵡⴰⴷ (Ambassadeur) ⵄⴰⵍⵉ ⵎⴻⵏⵇⴻⵍⴰⵜⵉ, ⴰⵏⴻⵎⵀⴰⵍ ⴰⵎⴰⵜⵓ ⵏ AAPI ⵄⵓⵎⴰⵔ ⵔⴻⴽⴽⴰⵛⵀⴻ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵙⵎⴰⵢⵏⵓⵜ ⵏ ⵜⴷⴰⵎⵙⴰ (CREA) ⴽⴰⵎⴰⵍ ⵎⵓⵍⴰ, ⴰⵏⴻⵎⵀⴰⵍ ⵏ ⵜⵖⴻⵔⴼⴻⵜ ⵏ ⵜⵏⴻⵣⵣⵓⵜ ⴷ ⵜⴰⵎⴳⵓⵔⵉ (CACI) ⵛⴻⴽⵉⴱ ⵇⵓⵉⴷⵔⵉ, ⴷ ⵢⵉⵎⴹⴻⴱⴱⵔⴻⵏ ⵏ ⵜⵎⴰⵡⴰⵙⵉⵏ ⵏ ⴱⴻⵔⵔⴰ ⴷ ⵜⵏⴻⵣⵣⵓⵜ.
- ⵙⴻⴳ ⵜⴰⵎⴰ ⵏ ⵏⵉⴽⵔⴰⴳⵡⴰ: ⴰⵎⵛⵓⵔ ⵏ ⵜⵙⴻⵍⵡⴰⵢⵜ ⵍⴰⵓⵔⴻⴰⵏⵓ ⵓⵔⵜⴻⴳⴰ ⵎⵓⵔⵉⵍⵍⵓ, ⴰⵏⴻⵖⵍⴰⴼ ⵏ ⵜⴷⴰⵎⵙⴰ ⵉⴷⵡⵉⵏ ⵔⴰⵎⵉⵔⴻⵣ ⴽⵓⵍⴰⵏⴷⵔⴻⵙ, ⴷ ⵜⵏⴻⵎⵀⴰⵍⵜ ⴽⴰⵔⵉⵏⴰ ⵎⵉⵅⵉⴰ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⵜⴰⵡⴰⴽⴰⵍⴰ ⵏ ⵍⵣⵣⴰⵢⴻⵔ (AAPI) ⵜⴻⵙⵙⴻⵔⵡⴻⵜ-ⴷ ⴰⵎⴻⴽ ⵉ ⵜⴳⴰ ⵜⴻⴳⵏⵉⵜ ⵏ ⵓⵅⴻⴷⴷⵉⵎ ⴷⵉ ⵍⵣⵣⴰⵢⴻⵔ, ⵜⴻⵙⵙⴽⴻⵏ-ⴷ ⴰⵢⴻⵏ ⵢⴻⵍⵀⴰⵏ ⵉ ⴷ-ⵢⴻⵜⵜⴰⴽ ⵓⵙⴰⴹⵓⴼ ⵉ ⵡⵉⴷ ⵉⵅⴻⴷⴷⵎⴻⵏ ⴰⵙⴻⵍⴷⴰⵢ (investisseurs) ⵉⵡⴰⴽⴽⴻⵏ ⴰⴷ ⴷ-ⴰⵙⴻⵏ ⵖⴻⵔ ⵜⵎⵓⵔⵜ-ⵏⵏⴻⵖ.
ⵙⵓⵜⵎⴻⵏ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵢⵉⵡⴻⵜ ⵏ ⵜⴰⵍⵍⴻⵍⵜ ⵏ ⵜⴷⴰⵎⵙⴰ ⵉⵊⴻⵀⴷⴻⵏ ⴰⵔⴰ ⴷ-ⵢⴰⵡⵉⵏ ⵉⵏⴻⴼⴼⴻⵄⴻⵏ ⵉ ⵙⵏⴰⵜ ⵏ ⵜⵎⵓⵔⴰ. ⵎⵙⴻⴼⵀⴰⵎⴻⵏ ⴷⴰⵖⴻⵏ ⵉⵡⴰⴽⴽⴻⵏ ⴰⴷ ⵙⴱⴻⴷⴷⴻⵏ "ⵉⵎⵓⴽⴰⵏ ⵏ ⵓⵙⵉⵡⴻⵍ" (points de contact) ⴷ ⴷⵉⵎⴰ, ⵉⵡⴰⴽⴽⴻⵏ ⴰⴷ ⴹⴼⵔⴻⵏ ⵜⴰⵎⵙⴰⵍⵜ-ⴰⴳⵉ ⴷ ⵓⵙⴻⵖⵜⵉ ⵏ ⵢⵉⵙⴻⵏⴼⴰⵔⴻⵏ (projets) ⵏ ⵜⵉⴷⴻⵜ ⴷⴻⴳ ⵓⴱⵔⵉⴷ.
ⵜⴻⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⵉⵡⴰⴽⴽ ⴰⴷ ⵉⵙⵏⴻⵊⵎⴰⵄⴻⵏ ⵉⵎⴷⴰⵏⴻⵏ ⵉⵅⴻⴷⴷⵎⴻⵏ ⵜⴷⴰⵎⵙⴰ, ⵢⴻⵔⵏⴰ ⴷ ⴰⵣⴰⵎⵓⵍ ⵏ ⴷⴷⵓⴽⵍⵉ ⴷ ⵍⴰⵎⴰⵏ ⵢⴻⵍⵍⴰⵏ ⴳⴰⵔ ⵍⵣⵣⴰⵢⴻⵔ ⴷ ⵏⵉⴽⵔⴰⴳⵡⴰ.
ⴰⵔⵏⵓ ⵖⴻⵔ
