ⵢⴰⵡⴻⴹ ⵓⵎⴹⴰⵏ ⵏ ⵜⵉⴹⵃⵉⵢⵉⵏ ⵉ ⴷ-ⵉⵜⵜⵡⴰⴽⴽⵙⴻⵏ ⵙⴻⴳ ⴱⴻⵕⵕⴰ ⴰⵔⵎⵉ ⴷ ⴰⵙⵙ-ⴰ ⵏ ⵍⵀⴻⴷ ⴰⵣⴰⵍ ⵏ ⵢⵉⵎⴻⵍⵢⵓⵏ (1.000.000) ⵏ ⵢⵉⵇⴻⵔⵔⴰⵢ ⴷⴻⴳ ⵜⵎⵓⵔⵜ ⵎⴻⵕⵕⴰ. ⴰⵢⴰⴳⵉ ⵉ ⴷ-ⵜⴻⵙⵙⴻⵏⴽⴰⴷ ⵜⴻⵙⴰⵍⵜ ⵜⴰⵇⵎⵉⵜ (ⵒⵍⴰⵜⴻⴼⵓⵔⵎⴻ ⴷⵉⴳⵉⵜⴰⵍⴻ) "Aⴷⵀⴰⵀⵉ" ⵉ ⴷ-ⵜⴻⵙⵙⴰⵅⵍⴻⵇ ⵜⵏⴻⵖⵍⴰⴼⵜ ⵏ ⵜⴼⴻⵔⴽⵉ, ⴰⵙⵏⴻⴼⵍⵉ ⵏ ⵜⴰⴷⴷⴰⵔⵜ ⴷ ⵜⵎⵓⵀⴻⵍ ⵏ ⵢⵉⵍⵍⴻⵍ, ⵉ ⵓⵊⴻⵔⵔⴻⴷ ⵏ ⵜⵉⴹⵃⵉⵢⵉⵏ ⵙ ⵜⴰⵎⴰ ⵏ ⵢⵉⵎⴻⵣⴷⴰⵖ ⵉ ⵓⵀⴻⴳⴳⵉ ⵏ ⵍⵄⵉⴷ ⵏ ⵜⵎⴻⵖⵔⴰ.
ⵙ ⵓⵏⴰⵎⴻⴽ ⵏ ⵢⵉⵙⴰⵍⴰⵏ ⵉ ⴷ-ⵜⴻⵡⵡⵉ ⵜⴻⵙⴰⵍⵜ-ⴰⴳⵉ ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ, ⴰⵎⴹⴰⵏ ⴰⵎⴰⵜⵓ ⵏ ⵢⵉⵣⵉⵎⴰⵔⴻⵏ ⵉ ⴷ-ⵉⵜⵜⵡⴰⴽⴽⵙⴻⵏ ⵢⴰⵡⴻⴹ 1.000.004 ⵏ ⵢⵉⵇⴻⵔⵔⴰⵢ, ⴰⵎⴰ ⴷ ⵡⵉⴷ ⵢⴻⵍⵍⴰⵏ ⵢⴰⴽⴰⵏ ⴷⴻⴳ ⵜⵎⵓⵔⵜ, ⴰⵎⴰ ⴷ ⵡⵉⴷ ⵉ ⵉⵜⴻⴷⴷⵓⵏ ⴷⴻⴳ ⵓⵄⴻⴱⴱⵉ ⵏⴻⵖ ⴷⴻⴳ ⵓⴱⵔⵉⴷ ⵏ ⵓⵙⵙⴻⴽⵛⴻⵎ. ⴰⵎⴹⴰⵏ ⵏ ⵢⵉⵣⵉⵎⴰⵔⴻⵏ ⵉ ⴷ-ⵢⴻⵡⵡⴹⴻⵏ ⵙ ⵜⵉⴷⴻⵜ ⵖⴻⵔ ⵡⴰⴽⴰⵍ ⴰⵖⴻⵍⵏⴰⵡ ⵢⴰⵡⴻⴹ 760.714 ⵏ ⵢⵉⵇⴻⵔⵔⴰⵢ.
ⴷⴻⴳ ⵢⵉⵡⴻⵜ ⵏ ⵍⵡⴻⵇⵜ, ⵜⴻⵙⴰⵍⵜ-ⴰⴳⵉ ⵜⴻⵊⵔⴻⴷ 239.290 ⵏ ⵢⵉⵇⴻⵔⵔⴰⵢ ⵏ ⵢⵉⵣⵉⵎⴰⵔⴻⵏ ⵢⴻⵍⵍⴰⵏ ⵜⵓⵔⴰ ⴷⴻⴳ ⵡⴰⵍⵍⴰⵍⴻⵏ ⵏ ⵓⵣⵓⵏⴻⵢ (ⴷⴻⴳ ⵢⵉⵙⴰⴳⵏⴻⵏ ⵏⴻⵖ ⵢⵉⵙⴰⴼⴰⴳⴻⵏ), ⵏⴻⵖ ⴷⴻⴳ ⵓⴱⵔⵉⴷ ⵏ ⵢⵉⵍⵍⴻⵍ ⴷ ⵜⵉⴳⵏⴻⵡⵜ. ⵔⵏⵉ-ⴷ ⴼⴻⵍⵍ-ⴰⵙⴻⵏ 11 ⵏ ⵢⵉⴱⴰⴱⵓⵜⴻⵏ ⴷ ⵢⵉⵙⴰⴼⴰⴳⴻⵏ ⵉ ⵉⵜⴻⴷⴷⵓⵏ ⵜⵓⵔⴰ ⴷⴻⴳ ⵓⴱⵔⵉⴷ ⵏ ⵓⵙⵙⴻⴽⵛⴻⵎ, ⴷ ⵓⴳⴰⵔ ⵏ 93 ⵏ ⵢⵉⴱⴰⴱⵓⵜⴻⵏ ⴷ ⵢⵉⵙⴰⴼⴰⴳⴻⵏ ⵏⵏⵉⴹⴻⵏ ⵉ ⵉⵜⵜⵀⴻⴳⴳⵉⵏ ⵉ ⵓⵄⴻⴱⴱⵉ ⵏ ⵍⵎⴰⵍ.
ⵜⴻⵙⴰⵍⵜ (adhahi.dz) ⵜⴻⵜⵜⴻⴶⴶ ⵉⵖⵔⵉⵎⴻⵏ ⴰⴷ ⵊⴻⵔⵔⴷⴻⵏ ⵜⵉⴹⵃⵉⵢⵉⵏ ⵙ ⵓⴱⵔⵉⴷ ⴰⵇⵎⵉ, ⵓ ⴰⴷ ⵥⵔⴻⵏ ⵙ ⵜⵎⵓⵖⵍⵉ ⵜⵓⵙⵔⵉⴷⵜ ⴰⵎⴹⴰⵏ ⵏ ⵢⵉⵣⵉⵎⴰⵔⴻⵏ ⵉ ⴷ-ⵉⵜⵜⵡⴰⴽⴽⵙⴻⵏ ⴷ ⵢⵉⴱⴻⵔⴷⴰⵏ ⵏ ⵢⵉⴱⴰⴱⵓⵜⴻⵏ ⵉ ⵜⴻⵏ-ⵉⴷ-ⵢⵓⵡⵢⴻⵏ.
ⵉⵡⴰⴽⴽⴻⵏ ⴰⴷ ⵏⵣⴻⵔ, ⵜⴰⵏⴻⵖⵍⴰⴼⵜ ⵏ ⵜⴼⴻⵔⴽⵉ ⵜⴻⵄⵍⴻⵏ-ⴷ ⴷⴻⴳ 18 ⵢⴻⴱⵔⵉⵔ ⵉⵄⴻⴷⴷⴰⵏ ⵖⴻⴼ ⵜⴰⵣⵡⴰⵔⴰ ⵏ ⵓⵎⴰⵀⵉⵍ ⵏ ⵓⵊⴻⵔⵔⴻⴷ ⵏ ⵍⵎⴰⵍ ⵉ ⴷ-ⵉⵜⵜⵡⴰⴽⴽⵙⴻⵏ ⵉ ⵍⵄⵉⴷ ⵏ ⵜⵎⴻⵖⵔⴰ 2026. ⴰⵢⴰⴳⵉ ⴷ ⴰⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵉⵙⵙⴻⵃⵔⴻⵙⴻⵏ ⴷⴻⴳ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵏⴻⴳⴳⵓⵔⵓ ⵉⵡⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⴷⴷⵢ ⵏ ⵓⵙⵙⴻⴽⵛⴻⵎ ⵏ ⵢⵉⵎⴻⵍⵢⵓⵏ ⵏ ⵢⵉⵣⵉⵎⴰⵔⴻⵏ ⵓ ⴰⴷ ⵜⵜⵓⴼⵔⴰⵇⴻⵏ ⴷⴻⴳ ⵡⴰⴽⵓⴷ ⵉⵕⴻⵙⵙⴰⵏ.
ⴰⵔⵏⵓ ⵖⴻⵔ
