ⵍⵃⵉⵍⴰⵍ ⴰⵣⴻⴳⴳⴰⵖ ⴰⵣⵣⴰⵢⵔⵉ ⵢⴻⵙⴱⴻⴷⴷ ⵢⵉⵡⴻⵏ ⵡⴰⵀⵉⵍ ⵏ ⵜⴰⵍⵍⴰⵍⵜ ⴰⵎⴻⵇⵇⵔⴰⵏ ⵉⵡⴰⴽⴽⴻⵏ ⴰⴷ ⵢⴻⵙⵊⴻⵀⴻⴷ ⵍⵇⵉⵎⴰ ⵏ ⵓⵡⴻⴷⴷⵓ (solidarité) ⴷⵉ ⵜⵎⵓⵔⵜ ⴰⴽⴽ, ⴰⵢⴰ ⵉ ⵡⴰⵢⵢⵓⵔ ⵏ ⵕⴻⵎⴹⴰⵏ ⵉ ⴷ-ⵢⴻⵜⵜⴻⴷⴷⵓⵏ.
ⴰⵍⵖⵓ ⵏ ⵜⵎⵓⴷⴷⴻⵙⵜ-ⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵀⵉⵍ-ⴰ ⵢⴻⵄⵏⴰ:
- ⴰⴼⵔⴰⵇ ⵏ ⵓⴳⴰⵔ ⵏ 200,000 ⵏ ⵢⵉⵇⵓⴼⴰⴼⴻⵏ ⵏ ⵡⵓⵜⵛⵓ ⵉ ⵜⵡⴰⵛⵓⵍⵉⵏ ⵢⴻⵃⵡⴰⵊⴻⵏ, ⵙ ⵜⴰⵍⵍⴰⵍⵜ ⵏ ⵜⵙⴼⵉⴼⵜ ⵜⴰⵔⴻⴽⵎⴰⵏⵜ "ⵎⵓⵙⵜⴰⴼⵉⴷ" .
- ⴰⵙⴱⴻⴷⴷ ⵏ 17 ⵏ ⵜⵉⵅⵉⵢⵎⵉⵏ ⵜⵉⵎⴻⵇⵇⵔⴰⵏⵉⵏ ⴷⵉ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⵏⴷⴰ ⴰⴷ ⵛⵛⴻⵏ ⴳⴰⵔ 800 ⴷ 1200 ⵏ ⵢⵉⵎⴻⵙⵔⵉⵎⴻⵏ ⴽⵓⵢⴰⵙⵙ.
- ⴰⴼⵔⴰⵇ ⵏ ⵍⴼⵓⵟⵓⵔ ⴷⴻⴳ ⵢⵉⵏⴰⴼⴰⴳⴻⵏ (Aéroports) ⵏ ⵍⵣⵣⴰⵢⵔ, ⵡⴻⵀⵔⴰⵏ ⴷ ⵇⵙⴻⵏⵟⵉⵏⴰ, ⴷ ⵜⵎⴰⴽⵓⵔⵜ ⵏ ⵍⵅⴰⵔⵔⵓⴱⴰ.
- ⴰⴼⵔⴰⵇ ⵏ 50,000 ⵏ ⵢⵉⵛⴻⵟⵟⵉⴹⴻⵏ ⵏ ⵍⵄⵉⴷ ⵉ ⵢⵉⴳⵓⵉⵉⵍⴻⵏ (orphelins) ⴷ ⵓⵅⴷⵉⵎ ⵏ 20,000 ⵏ ⵜⵟⵟⵀⴰⵔⴰ ⵉ ⵡⴰⵔⵔⴰⵡ ⵏ ⵜⵡⴰⵛⵓⵍⵉⵏ ⵢⴻⵃⵡⴰⵊⴻⵏ.
- ⴰⴷⴻⴽⴽⴻⵍ ⵏ 47 ⵏ ⵜⵎⴻⵄⵎⴻⵔⵉⵏ
ⴷⴰⵢⴻⵏ, ⵜⴰⵙⵇⴰⵎⵓⵜ ⵜⴰⴷⵓⵙⴰⵏⵜ ⵏ ⵍⵃⵉⵍⴰⵍ ⴰⵣⴻⴳⴳⴰⵖ ⴰⴷ ⵜⴻⴽⵎⴻⵍ ⴰⵅⴻⴷⴷⵉⵎ-ⵉⵙ ⵙ ⵜⵉⴳⵔⴻⵎⵜⵉⵏ (convois) ⵜⵉⴷⵓⵙⴰⵏⵉⵏ ⵉⵡⴰⴽⴽⴻⵏ ⴰⴷ ⵜⵄⴰⵡⴻⵏ ⵉⵎⵓⴹⴰⵏ ⵏ ⵙⵙⴽⴻⵔ ⴷ ⵡⵉⴷ ⵢⴻⵜⵜⴻⴳⴳⴻⵏ ⵔⵔⵉⵊⵉⵎ.
ⴷⵉ ⵜⴳⴰⵔⴰ, ⵍⵃⵉⵍⴰⵍ ⴰⵣⴻⴳⴳⴰⵖ ⵢⴻⵙⵙⴰⵡⴻⵍ ⵉ ⵢⵉⵎⴻⵙⴱⴰⵖⵓⵔⴻⵏ ⴷ ⵜⵎⵓⴷⴷⴻⵙⵉⵏ ⴰⴷ ⴷ-ⴼⴽⴻⵏ ⵜⴰⴼⵓⵙⵜ ⵏ ⵜⴰⵍⵍⴰⵍⵜ. ⴰⵀⵉⵍ-ⴰ ⴰⴷ ⵜ-ⵅⴷⴻⵎⵏ ⵓⴳⴰⵔ ⵏ 12,000 ⵏ ⵢⵉⵎⴰⵙⵉⵜⴰⵢⴻⵏ (bénévoles) ⴷⵉ ⵜⵎⵓⵔⵜ ⴰⴽⴽ.
ⴰⵔⵏⵓ ⵖⴻⵔ
