ⵍⴻⵣⵣⴰⵢⴻⵔ ⵜⴻⵡⵡⵉ-ⴷ ⴽⵓⵣⴻⵜ ⵏ ⵜⵎⴻⴷⴷⴰⵍⵜⵉⵏ ⴷⴻⴳ-ⵙⴻⵏⵜ ⵢⵉⵡⴻⵜ ⵏ ⴷⴷⵀⴻⴱ ⴷⴻⴳ ⵡⴰⵙⵙ ⵡⵉⵙ ⵙⵉⵏ

ⵓⵡⵢⴻⵏ ⵢⵉⵎⴰⵙⵍⴰⴷⴻⵏ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ 4 ⵏ ⵜⵎⴻⴷⴷⴰⵍⵜⵉⵏ ⵜⵉⵎⴰⵢⵏⵓⵜⵉⵏ (ⵢⵉⵡⴻⵜ ⵏ ⴷⴷⵀⴻⴱ, ⵢⵉⵡⴻⵜ ⵏ ⵍⴼⴻⵟⵟⴰ ⴷ ⵙⵏⴰⵜ ⵏ ⵏⴰⴱⵓⵏⵙ), ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵜⵙⴻⵎⵎⵓⵏⵜ ⵜⵉⵙ 21 ⵏ ⵜⵉⵍⵖⵓⵖⴰ ⵜⴰⵄⵔⴰⴱⵜ ⵏ ⵡⴰⴷⴷⴰⵍⴻⵏ ⵏ ⵜⴰⵣⵣⵍⴰ ⵉ ⵢⵉⵎⴰⵡⴰⴹⴻ , ⵉ ⵉⵜⴻⴷⴷⵓⵏ ⴷⴻⴳ ⵜⵓⵏⴻⵙ ⴰⵔⵎⵉ ⴷ 30 ⵢⴻⴱⵔⵉⵔ.

ⵍⴰⴽⴰⵙⵎⵉ ⵣⵓⵀⴻⵉⵔ ⴻⴷⴷⵉⵏⴻ ⵢⴻⵔⴱⴻⵃ ⵜⴰⵎⴻⴷⴷⴰⵍⵜ ⵏ ⴷⴷⵀⴻⴱ ⴷⴻⴳ ⵜⴰⴳⴳⴰⵔⴰ ⵏ ⵜⴰⵣⵣⵍⴰ ⵏ 110 ⵎⵉⵜⵔⴻⵏ ⵙ ⵢⵉⵙⴻⵍⵍⴰⵜⴻⵏ (hurdles) ⵙ ⵡⴰⴽⵓⴷ ⵏ 13 ⵜⵙ d 83 ⵊ. ⵇⴰⵙⵙⵓⵓⵎ ⴼⴰⵜⵉⵎⴰ ⵣⴰⵀⵔⴰ ⵜⴻⵡⵡⵉ ⵍⴼⴻⵟⵟⴰ ⴷⴻⴳ 5000 ⵎⵉⵜⵔⴻⵏ ⵏ ⵜⵉⴽⵍⵉ (24 ⵜⴷ, 28 ⵜⵙ d 35 ⵊ), ⵎⴰ ⴷ ⵙⵏⴰⵜ ⵏ ⵜⵎⴻⴷⴷⴰⵍⵉⵏ ⵏ ⵏⴰⴱⵓⵏⵙ (bronze) ⵓⵡⵢⴻⵏ-ⵜⴻⵏⵜ ⵉⵙⵎⴰïⵍ ⴱⵓⵓⴰⵣⵉⵣ (400ⵎ) ⴷ ⵀⴰⵙⵏⴰ ⴱⴻⵏ ⵓⵓⴰⴷⵀⴰⵀ (800ⵎ).

ⴷⴻⴳ ⵡⴰⵙⵙ ⴰⵎⴻⵏⵣⵡⴰⵔⵓ ⵏ ⵓⵎⵣⵉⵣⵡⴻⵔ-ⴰⴳⵉ, ⵉⵙⵙⴰⵎ ⵍⵓⵓⴰⴷⵊ ⵢⴻⵡⵡⵉ ⴷⴷⵀⴻⴱ ⵏ ⵜⵓⵏⴹⴰ ⵜⴰⵖⴻⵣⴼⴰⵏⵜ (long jump), ⵙⴻⵍⴷ ⵎⵉ ⵢⴻⵣⴳⴻⵔ 7 ⵏ ⵢⵉⵎⵉⵜⵔⴻⵏ ⴷ 59 ⵏ ⵢⵉⵙⵉⵏⵜⵉⵎⵉⵜⵔⴻⵏ, ⴷ ⴰⵢⴻⵏ ⵉ ⵜ-ⵢⴻⴶⴶⴰⵏ ⴰⴷ ⵢⴰⵡⴻⴹ ⵖⴻⵔ ⵓⵙⵡⵉⵔ ⴰⵔⴰ ⵜ-ⵢⴻⴶⴶⴻⵏ ⴰⴷ ⴷ-ⵢⴻⵜⵜⴻⴽⴽⵉ ⴷⴻⴳ ⵜⵉⵍⵖⵓⵖⴰ ⵏ ⵓⵎⴰⴹⴰⵍ ⵉ ⴷ-ⵉⵜⵜⴻⴷⴷⵓⵏ.

ⴷⴻⴳ ⵜⴰⵎⴰ ⵏⵏⵉⴹⴻⵏ, ⵉⵎⴰⴷ ⴻⴷⴷⵉⵏⴻ ⴰⵀⵎⵉⴷⴰ ⴷ ⵉⵙⵎⴰïⵍ ⴱⵓⵓⵣⵉⵣⴰ ⵏⵄⴻⴷⴷⴰⵏ ⵖⴻⵔ ⵜⴰⴳⴳⴰⵔⴰ ⵏ 400 ⵎⵉⵜⵔⴻⵏ. ⴰⵀⵎⵉⴷⴰ ⵢⵓⵙⴰ-ⴷ ⴷ ⴰⵎⴻⵏⵣⵡⴰⵔⵓ ⴷⴻⴳ ⵜⴻⴳⵔⵓⵎⵎⴰ ⵜⴰⵎⴻⵏⵣⵡⵓⵜ ⵏ ⵓⵣⴻⵏ-ⵜⴰⴳⴳⴰⵔⴰ (ⴷⴻⵎⵉ-ⴼⵉⵏⴰⵍⴻ) ⵙ ⵡⴰⴽⵓⴷ ⵏ 47 ⵜⵙ 47 ⵊ, ⵓⴳⴰⵔ ⵏ ⵓⵎⵙⵉⵣⵡⴻⵔ ⵏ ⵢⵉⵎⴰⵔⴰⵜⴻⵏ ⵙⴰⵉⴷ ⵓⵎⴰⵔ ⴷ ⵡⵉⵏ ⵏ ⵎⴰⵚⴻⵔ ⴰⵃⵎⴻⴷ ⵉⵙⵍⴰⵎ. ⵎⴰ ⴷ ⴱⵓⵓⵣⵉⵣⴰ ⵢⵓⵙⴰ-ⴷ ⴷ ⵡⵉⵙ ⴽⵓⵣ ⴷⴻⴳ ⵜⴻⴳⵔⵓⵎⵎⴰ ⵜⵉⵙ ⵙⵏⴰⵜ ⵙ 47 ⵜⵙ ⴷ 62 ⵊ.

ⵎⴰ ⴷ ⵜⴰⵎⴰⵣⵣⴰⵍⵜ (ⵛⵓⵓⵔⴻⵓⵙⴻ) ⴽⴰⵔⵉⵎⴰ ⴰⵛⵀⵉⵛⵀ ⵜⴻⵍⵍⴰ-ⴷ ⴷ ⵜⵉⵙ ⴽⵓⵣ ⴷⴻⴳ ⵜⴰⴳⴳⴰⵔⴰ ⵏ 3000 ⵎⵉⵜⵔⴻⵏ ⵙ ⵡⴰⴽⵓⴷ ⵏ 9 ⵜⴷ, 47 ⵜⵙ ⴷ 29 ⵊ. ⵜⴰⵎⴻⴷⴷⴰⵍⵜ ⵏ ⴷⴷⵀⴻⴱ ⵜⵕⵓⵃ ⵉ ⵜⵎⴰⵚⵔⵉⵜ ⵎⴰⵍⴰⴽ ⴰⴱⴷⴻⵍⴳⵀⴰⵏⵉ.

ⵍⴻⵣⵣⴰⵢⴻⵔ ⵜⴻⵜⵜⴻⴽⴽⵉ ⴷⴻⴳ ⵜⵎⴻⵖⵔⴰ-ⴰⴳⵉ ⵙ 28 ⵏ ⵢⵉⵎⵓⵔⴰⵔ, ⴷⴻⴳ-ⵙⴻⵏ 19 ⵏ ⵢⵉⵔⴳⴰⵣⴻⵏ ⴷ 9 ⵏ ⵜⵍⴰⵡⵉⵏ. 15 ⵏ ⵜⵎⵓⵔⴰ ⵉ ⴷ-ⵢⵓⵙⴰⴰⵏ ⵖⴻⵔ ⵜⴻⵎⵍⵉⵍⵉⵜ-ⴰⴳⵉ ⵜⴰⵄⵔⴰⴱⵜ: ⵜⵓⵏⴻⵙ, ⵍⴻⵣⵣⴰⵢⴻⵔ, ⴼⴰⵍⴻⵙⵟⵉⵏ, ⵇⴰⵟⴰⵔ, ⵜⴳⴻⵍⴷⴰ ⵏ ⵜⵄⵔⴰⴱⵜ ⵜⴰⵙⵄⵓⴷⵉⵜ, ⵄⵓⵎⴰⵏ, ⵍⵎⴻⵔⵔⵓⴽ, ⵙⵓⴷⴰⵏ, ⴱⴰⵃⵔⴰⵢⵏ, ⵙⵓⵎⴰⵍⵢⴰ, ⵍⵉⵢⴰⵎⴰⵏ, ⵎⴰⵚⴻⵔ, ⵍⵉⴱⵢⴰ, ⵍⵓⴱⵏⴰⵏ ⴷ ⵉⵎⴰⵔⴰⵜⴻⵏ.