ⵜⴻⵜⵜⴻⴽⴽⵉ ⵍⴻⵣⵣⴰⵢⴻⵔ ⴷⴻⴳ ⵍⴻⵇⴷⵉⵛⴰⵜ ⵏ ⵓⵙⴰⵍⴰⵢ ⴰⵎⴰⴹⵍⴰⵏ ⵏ ⵡⵓⵜⵛⵉ "Alimentaria 2026", ⵉ ⴷ-ⵢⴻⴱⴷⴰⵏ ⴰⵙⵙ-ⴰ ⵏ ⵍⴻⵜⵏⵉ ⴷⴻⴳ ⵜⴻⵎⴷⵉⵏⵜ ⵏ ⴱⴰⵔⵛⴰⵍⵓⵏⴰ (ⵙⵒⴰⵏⵢⴰ), ⵙ ⵜⵜⴻⴽⴽⵉ ⵏ ⵡⴰⵟⴰⵙ ⵏ ⵢⵉⵎⵚⴰⵍⵉⵢⴻⵏ ⴷ ⵢⵉⵎⵓⵙⵏⴰⵡⴻⵏ ⵉ ⴷ-ⵢⵓⵙⴰⵏ ⵙⴻⴳ ⵢⴰⵍ ⵜⴰⵎⴰ ⵏ ⴷⴷⵓⵏⵉⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴱⴻⵔⵔⴰ ⴷ ⵓⵙⵏⴻⵔⵏⵉ ⵏ ⵓⵙⵓⴼⴼⴻⵖ.
ⵜⵉⵜⴻⴽⴽⵉ-ⴰⴳⵉ ⵜⴻⵍⵍⴰ-ⴷ ⵙ ⵓⴱⵔⵉⴷ ⵏ ⵢⵉⵡⴻⵏ ⵏ ⵓⴱⴻⵇⵇⴻⴹ ⵉ ⴷ-ⵜⴻⵙⵙⵓⴷⴷⴻⵙ ⵜⵏⴻⵖⵍⴰⴼⵜ, ⵙ ⵓⴼⵓⵙ ⵏ ⵜⵜⴻⴽⴽⵉ ⵏ ⵡⴰⵟⴰⵙ ⵏ ⵢⵉⵎⵚⴰⵍⵉⵢⴻⵏ ⵏ ⵜⴷⴰⵎⵙⴰ ⵉⵣⵣⴰⵢⵔⵉⵢⴻⵏ ⵉⵟⴻⴱⴱⵔⴻⵏ ⴷⴻⴳ ⵓⵏⵏⴰⵔ ⵏ ⵓⵙⵓⴼⴼⴻⵖ, ⵙ ⵓⵥⴰⵢⴻⵔ ⴷⴻⴳ ⵢⵉⵒⵔⵉⵛⴻⵏ ⵏ ⵜⴼⴻⵍⵍⴰⵒⵜ ⴷ ⵜⵎⴰⴼⴻⵍⵜ ⵏ ⵡⵓⵜⵛⵉ.
ⵉⵙⵡⵉ ⵏ ⵍⴻⵣⵣⴰⵢⴻⵔ ⴷⴻⴳ ⵓⴷⵉⵡⴰⵏ-ⴰⴳⵉ ⴰⵎⴰⴹⵍⴰⵏ, ⴷ ⴰⵙⵙⴻⴱⴳⴻⵏ ⵏ ⵍⵎⴻⵊⴷⵓ ⴷ ⵓⵅⵜⵉⵔⵉ ⵏ ⵢⵉⵙⵓⴼⴼⴰⵔ ⵏ ⵜⵎⵓⵔⵜ ⴷ ⵓⵙⴻⴳⴳⵔⴻⵡ ⵏ ⵜⵣⴰⵎⴻⵔⵜ-ⵏⵙⴻⵏ ⴷⴻⴳ ⵓⵙⵓⴼⴼⴻⵖ. ⴰⵢⴰⴳⵉ ⴰⴷ ⵢⴻⵍⴷⵉ ⵜⵉⵡⵡⵓⵔⴰ ⵉ ⵢⵉⵎⵚⴰⵍⵉⵢⴻⵏ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⵜⴰⴳⵏⴰⵜⵉⵏ ⵜⵉⵎⴰⵢⵏⵓⵜⵉⵏ ⵏ ⵜⵎⵓⵡⴰⵢⵜ ⴷ ⵓⵙⵙⴻⵜⵎⴻⵔ.
ⴰⵙⴰⵍⴰⵢ-ⴰⴳⵉ, ⴰⵔⴰ ⵢⵉⴷⵓⵎⵎⴻⵏ ⵙⴻⴳ 23 ⴰⵍⴰⵎⵎⴰ ⴷ 26 ⵎⴻⵖⵔⴻⵙ, ⴷ ⴰⵎⴽⴰⵏ ⴰⵎⴰⴹⵍⴰⵏ ⵉ ⵓⵎⵢⴻⵕⵡⵉ ⵏ ⵜⵎⵓⵙⵙⵏⵉ ⴷⴻⴳ ⵓⵏⵏⴰⵔ ⵏ ⵜⵎⴰⴼⴻⵍⵜ ⵏ ⵡⵓⵜⵛⵉ.
ⵜⵉⵜⴻⴽⴽⵉ-ⴰⴳⵉ ⴷ ⴰⵎⵓⵔ ⵙⴻⴳ ⵍⵊⴻⵒⴷ ⵉ ⴷ-ⵢⴻⵜⵜⵓⵏⴻⴼⴽⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵏⴻⵔⵏⵉ ⵏ ⵓⵙⵓⴼⴼⴻⵖ ⴷⴻⴳ ⴱⴻⵔⵔⴰ ⵏ ⵢⵉⵒⵔⵉⵛ ⵏ ⵍⴱⵉⵜⵔⵓⵍ ⴷ ⵍⴳⴰⵣ, ⵉⵡⴰⴽⴽⴻⵏ ⴰⴷ ⴷ-ⵏⴻⵔⵏⵉ ⵜⴰⵣⴰⵎⴻⵔⵜ ⵏ ⵢⵉⵙⵓⴼⴼⴰⵔ ⵏ ⵜⵎⵓⵔⵜ ⴷⴻⴳ ⴷⴷⵓⵏⵉⵜ ⵎⴻⵔⵔⴰ.
ⴰⵔⵏⵓ ⵖⴻⵔ
