ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵜⴻⴳⴷⵓⴷⴰ ⵏ ⵙⴻⵔⴱⵉⵢⴰ, ⵎⴰⵙⵙ ⴶⵓⵔⵓ ⵎⴰⵜⵙⵓ (ⴹⵊⵓⵔⵓ ⵎⴰⵜⵙⵓ), ⵉⵙⵙⴻⴽⵏⴻⴷ-ⴷ ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵜⵉⵔⵣⵉ-ⵉⵙ ⵖⴻⵔ ⵍⴻⵣⵣⴰⵢⴻⵔ ⵉⵙⵡⵉ-ⵙ ⴷ ⴰⵙⴻⴳⵔⴻⵣ ⴷ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⵏ ⵣⵉⴽ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⵎⵓⵔⴰ ⵙ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⵉⵏ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ ⵙⴻⵍⴷ ⴰⵎⵎⴰⴳⴻⵔ-ⵉⵙ ⵙ ⵜⴰⵎⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷⴻⴳ ⵓⴱⵉⵕⵓ ⵏ ⵜⵙⴻⵍⵡⵉⵜ, ⵎⴰⵙⵙ ⴶⵓⵔⵓ ⵎⴰⵜⵙⵓ ⵢⴻⵏⵏⴰ-ⴷ ⴱⴻⵍⵍⵉ ⵢⴻⵅⴷⴻⵎ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⵉⵎⵍⵉⵍⵉⵢⵉⵏ ⵖⴻⴼ ⵡⴰⵙⵙⴰⵖⴻⵏ ⵏ ⵣⵉⴽ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⵎⵓⵔⴰ ⵙⴻⴳ ⵡⴰⵟⴰⵙ ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⴰ ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⴷ ⵙⴻⵔⴱⵉⵢⴰ "ⵛⵓⴷⴷⴻⵏ ⵙ ⵍⴶⴻⵀⴷ ⵙⴻⴳ ⵡⴰⵙⵎⵉ ⵉ ⴷ-ⵜⴻⵡⵡⵉ ⵍⴻⵣⵣⴰⵢⴻⵔ ⴰⵣⴰⵔⵓⴳ-ⵉⵙ."
ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵉⵙⵡⵉ ⵏ ⵜⵉⵔⵣⵉ-ⵉⵙ ⵖⴻⵔ ⵍⴻⵣⵣⴰⵢⴻⵔ ⴷ "ⴰⵙⴻⴳⵔⴻⵣ ⴷ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵏ ⵜⴷⵓⴽⵍⵉ ⵏ ⵣⵉⴽ ⵙ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⵉⵏ," ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵜⴰⵎⵓⵔⵜ-ⵉⵙ ⵜⴻⵙⵙⴰⵔⴰⵎ ⵖⴻⵔ "ⵉⵙⵏⵉⵢⴰⵍⴻⵏ ⵡⴻⵙⵙⵉⵄⴻⵏ" ⵏ ⵓⵎⵢⴻⵛⵛⴻⵔ ⴳⴰⵔ-ⴰⵙⴻⵏⵜ.
ⵉⵙⵎⴻⴽⵜⵉ-ⴷ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ ⵙⵜⴻⵏⵢⴰⵏ "ⴰⵟⴰⵙ ⵏ ⵢⵉⵎⵜⴰⵡⴰⵏ ⵢⴻⵄⵏⴰⵏ ⵜⴰⴱⵣⴻⵔⵜ (ⵉⵎⵒôⵜⵙ), ⵜⴰⵎⵎⴻⵔⵔⵉⵜ ⴷ ⵢⵉⵏⵏⴰⵔⴻⵏ ⵏⵏⵉⴹⴻⵏ ⵉ ⴷ-ⵉⵜⵜⵓⵙⴱⴻⴷⴷⴻⵏ ⵜⵓⵔⴰ ⴰⵎ ⵜⴰⵣⵡⴰⵔⴰ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ ⴷⴻⴳ ⵡⴰⵙⵙⴰⵖⴻⵏ." ⵉⵙⵙⴻⴽⵏⴻⴷ-ⴷ "ⵜⵉⵣⴻⵎⵎⴰⵔ ⵜⴰⵎⴻⵇⵇⵔⴰⵏⵉⵏ" ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ, ⴰⵎ "ⵜⴻⵢⵡⴰⵍⵜ, ⴰⵎⵓⴱⴱⴰⴷⴷⴻⵍ ⴰⵙⴻⵔⴷⴰⵙ, ⴰⵙⴻⴳⵎⵉ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵜⴰⵣⵣⵉⵜ, ⵜⴰⵏⴻⵣⵣⵓⵜ, ⵜⵉⴼⴻⵔⴽⵉ ⴷ ⵜⵎⴻⵔⵔⵉ (éⵏⴻⵔⴳⵉⴻ)."
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵙⴻⵔⴱⵉⵢⴰ ⵉⵙⵙⴻⴽⵏⴻⴷ-ⴷ ⵜⴰⴼⵍⴻⵙⵜ-ⵉⵙ ⴱⴻⵍⵍⵉ ⵜⵉⵔⵣⵉ-ⵉⵙ ⴷ "ⵜⴰⵣⵡⴰⵔⴰ ⵜⴰⵎⴰⵢⵏⵓⵜ ⵉ ⵜⴷⵓⴽⵍⵉ ⵏ ⵣⵉⴽ ⵉ ⵢⴻⴷⴷⴻⵎⴻⵏ ⴰⵟⴰⵙ ⵏ ⵢⵉⵙⴻⴳⴳⴰⵙⴻⵏ, ⴰⵔⴰ ⴷ-ⵢⴻⴳⵍⵓⵏ ⵙ ⵔⵔⴻⴱⴻⵃ ⴷⴻⴳ ⵡⴰⴽⵓⴷ ⵉ ⴷ-ⵉⵜⵜⴻⴷⴷⵓⵏ." ⵢⴻⵏⵎⴰ-ⴷ ⴱⴻⵍⵍⵉ ⵙⵏⴰⵜ ⵏ ⵜⵎⵓⵔⴰ ⵣⴻⵎⵔⴻⵏⵜ "ⴰⴷ ⴼⵓⴽⴽⴻⵏⵜ ⵉⵙⴻⵏⴼⴰⵔⴻⵏ ⵉⵎⴻⵣⴷⴰⵢⴻⵏ ⵓ ⴰⴷ ⵇⴻⵔⴷⵛⴻⵏⵜ ⵡⴰⵙⵙⴰⵖⴻⵏ ⴷ ⵢⵉⴳⴻⵎⵎⴰⴹ ⵉⵎⴰⵢⵏⵓⵜⴻⵏ ⵏ ⵓⵎⵢⴻⵛⵛⴻⵔ ⴰⵔⴰ ⵢⴰⵡⴹⴻⵏ ⴰⵙⵡⵉⵔ ⵉⵄⵍⴰⵢⴻⵏ ⴷⴻⴳ ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ."
ⵉⵍⴰⵇ ⴰⴷ ⵏⵣⴻⵔ ⴱⴻⵍⵍⵉ ⴰⵎⵎⴰⴳⴻⵔ-ⴰⴳⵉ ⵢⴻⵍⵍⴰ-ⴷ ⵙ ⵜⵎⵓⵖⵍⵉ ⵏ ⵎⴰⵙⵙⴰ ⴷ ⵎⴰⵙⵙ: ⴱⵡⴰⵄⵍⴻⵎ ⴱⵡⴰⵄⵍⴻⵎ, ⴰⵎⴹⴻⴱⴱⴻⵔ ⵏ ⵓⴱⵉⵕⵓ ⵏ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ, ⵀⵓⵔⵢⴰ ⵎⴰⴷⴷⴰⵃⵉ, ⵜⴰⵏⴻⵖⵍⴰⴼⵜ ⵏ ⵜⴻⵎⵎⴻⵔⵔⵉⵜ ⴷ ⵜⴻⵎⴳⵓⵔⵉ ⵏ ⵓⴼⵓⵙ, ⵄⴻⵎⵎⴰⵔ ⵄⴻⴱⴱⴰ, ⴰⵎⵙⵉⵡⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵄⵏⴰⵏ ⵜⴰⵎⵙⴰⵍ ⵏ ⵜⵟⵉⴱⵍⵓⵎⴰⵙⵉⵜ, ⵍⵓⵏⴰⵙ ⵎⴻⵇⵕⵎⴰⵏ, ⴰⵎⴰⵏⴰⵢ ⴰⵎⴰⵜⴰ ⵏ ⵜⵏⴻⵖⵍⴰⴼⵜ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴰⵎⵙⴰⵍ ⵏ ⵜⴻⴼⵔⵉⵇⵜ, ⴷ ⵎⴰⵃⵔⴻⵣ ⴼⴰⵜⴻⵃ, ⴰⵎⴰⵙⵓⵏ ⵏ ⵍⴻⵣⵣⴰⵢⴻﺮ ⴷⴻⴳ ⵜⴻⴳⴷⵓⴷⴰ ⵏ ⵙⴻⵔⴱⵉⵢⴰ.
ⴰⵔⵏⵓ ⵖⴻⵔ
