ⵍⴻⵣⵣⴰⵢⴻⵔ ⴷ ⴰⵡⴰⵏⴰⴽ ⵉⵕⴻⵙⵙⴰⵏ ⴷⴻⴳ ⵓⵙⴻⴷⴷⴻⵔ ⵏ ⵍⴻⵀⵏⴰ ⴷ ⵜⵎⴰⵏⴻⴳⵜ ⴷⴻⴳ ⵜⴻⵎⵏⴰⵟ ⴷ ⵓⵎⴰⴹⴰⵍ

ⵉⵙⵙⴻⴽⵏⴻⴷ-ⴷ ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵓⵏⵉⴳ, ⵎⴰⵙⵙ ⵄⵣⵓⵣ ⵏⴰⵚⵔⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴰⵎⴰⵀⵉⵍ ⵉⴶⴻⵀⴷⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵕⵓⵚⵓ ⵏ ⵍⴻⵀⵏⴰ ⴷ ⵜⵎⴰⵏⴻⴳⵜ ⴷⴻⴳ ⵜⴻⵎⵏⴰⵟ ⴷ ⵓⵎⴰⴹⴰⵍ. ⵉⵡⴰⵍⴰ ⴱⴻⵍⵍⵉ ⵓⵜⴻⴽⴽⵉ-ⵉⵙ ⵉ ⵓⵙⴻⵎⵙⴰⵡⵉ ⵏ ⵍⴻⵀⵏⴰ ⴷ ⵓⵙⵙⴻⵅⵙⵉ ⵏ ⵛⵛⵡⴰⵍ ⵢⵓⵙⴰ-ⴷ ⵙⴻⴳ ⵜⴻⴼⵍⴻⵙⵜ-ⵉⵙ ⴱⴻⵍⵍⵉ ⵓⵔⴰⴽⵓ ⵏ ⵓⵎⴰⴹⴰⵍ ⵢⴻⴱⴷⵓ ⵙⴻⴳ ⵓⴱⴻⴷⴷⵉ ⵏ ⵡⴰⵣⴰⵍⴻⵏ ⵏ ⵓⴷⵉⵡⴻⵏⵏⵉ, ⴰⵎⴹⴰⵎⴰⵏ ⴷ ⵓⵎⵢⴻⵛⵛⴻⵔ ⴳⴰⵔ ⵢⵉⴳⵓⵔⴻⴼ.

ⴷⴻⴳ ⵓⵍⴷⴰⵢ ⵏ ⵢⵉⵎⴰⵀⵉⵍⴻⵏ ⵏ ⵡⴻⴳⵔⴰⵡ ⴰⴱⴰⵔⵍⴰⵎⴰⵏ ⵙ ⵢⵉⵙⴻⵎ "ⵜⵓⴷⴻⵔⵜ ⵙ ⵜⴷⵓⴽⵍⵉ ⴷⴻⴳ ⵍⴻⵀⵏⴰ: ⴰⵜⵜⴻⴽⴽⵉ ⵏ ⵢⵉⵎⵓⵙⵙⵏⴰⵡⴻⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵜⴰⵍⵍⵉⵜ ⵏ ⵓⵎⴻⵣⵔⵓⵢ", ⵏⴰⵚⵔⵉ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵙ ⵜⵎⵓⵖⵍⵉ ⵏ ⵢⵉⴱⴻⴷⴷⵉⵍⴻⵏ ⵉⵊⵉⵓⵒⵓⵍⵉⵜⵉⴽⵉⵢⴻⵏ, "ⵍⴻⵣⵣⴰⵢⴻⵔ ⵜⴱⴰⵏ-ⴷ ⴷ ⵍⴶⴻⵀⴷ ⵏ ⵓⵎⵎⵉⵣⵉ  ⵉ ⵢⴻⴱⵖⴰⵏ ⴰⴷ ⵜⵃⴰⵔⴻⴱ ⵜⵉⴱⴱⴻⵉⵛⴻⵔⵜ, ⵜⵉⴽⴻⵔⵔⵉⵛⵜ ⵉⵣⴻⴳⵔⴻⵏ ⵜⵉⵍⵉⵙⴰ ⴷ ⵓⵙⴻⴶⵀⴻⴷ ⵏ ⵜⵎⴰⴳⵉⵜ ⵏ ⵍⴻⵀⵏⴰ ⵜⴰⵎⴻⵣⴷⴰⵢⵜ, ⴰⵎⴰ ⴷⴻⴳ ⵓⵣⴻⵏⵣⵉⵖ ⴰⵄⵔⴰⴱ ⵏⴻⵖ ⴰⴼⵔⵉⴽⴰⵏ ⵏⴻⵖ ⴷⴻⴳ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ".

ⴷⴰⵖⴻⵏ, ⵜⴻⵙⵙⴻⴽⵏⴻⴷ "ⴰⵎⴽⴰⵏ-ⵉⵙ ⴰⵎ ⵓⵎⵉⴳⴰⵡ ⵏ ⵜⴻⴼⵍⴻⵙⵜ ⴷⴻⴳ ⵜⵎⵓⵀⴰⵍ ⵏ ⵜⴰⵍⵍⴻⵍⵜ (médiation) ⴷ ⵓⴼⵔⵓⵔⴻⵢ ⵏ ⵢⵉⵎⴻⵏⵏⵓⵖⴻⵏ, ⵉⵎⵉ ⵜⵏⵓⵎⴻⵏ ⴱⴻⵍⵍⵉ ⵜⴰⵎⴰⵏⴻⴳⵜ ⵏ ⵜⵉⴷⴻⵜ ⴷ ⵡⵓⵔⴰⴽⵓ ⴷⴻⴳ ⵓⵎⴰⴹⴰⵍ ⵓⵔ ⵉⵕⴻⵙ ⴰⵔⴰ ⴽⴰⵏ ⵖⴻⴼ ⵍⴶⴻⵀⴷ ⵏ ⵢⵉⵖⴰⵍⵍⴻⵏ, ⵍⴰⵎⴻⵄⵏⴰ ⵢⴻⴱⵏⴰ ⵖⴻⴼ ⵜⵜⴰⴳⴷⴰ, ⴰⵙⵏⴻⴼⵍⵉ, ⵓⵇⴰⴷⴻⵔ ⵏ ⵍⵃⴻⵔⵎⴰ ⵏ ⵓⵎⴷⴰⵏ ⴷ ⵓⵣⵔⴻⴼ ⵏ ⵢⵉⴳⵓⵔⴻⴼ ⴷⴻⴳ ⵓⵙⴻⵏⵏⴻⴷ ⵏ ⵢⵉⵎⴰⵏ-ⵏⵙⴻⵏ". ⵉⵙⴼⵓⵍⴻⵍ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⵙⴻⴽⵏⴻⴷ ⵙ ⵓⵎⴻⵣⵔⵓⵢ-ⵉⵙ ⴰⴷⵉⵒⵍⵓⵎⴰⵙⵉ ⴱⴻⵍⵍⵉ ⴷ "ⴰⵡⴰⵏⴰⴽ ⵏ ⵍⵍⵙⴰⵙ ⵉⴶⴻⵀⴷⴻⵏ ⴷⴻⴳ ⵓⵕⵓⵚⵓ ⵏ ⵍⴻⵀⵏⴰ, ⴰⵏⵉⴷⴰ ⵜⴻⵔⵔⴰ ⴰⴷⵉⵡⴻⵏⵏⵉ ⴷ ⵓⵇⴰⴷⴻⵔ ⵏ ⵜⵉⵎⵓⵎⴻⵏⵜ ⵏ ⵜⵎⵓⵔⴰ ⴷ ⵓⵔ-ⴰⵏⴻⴽⵛⵓⵎ ⴷⴻⴳ ⵜⴻⵎⵙⴰⵍ-ⵏⵙⴻⵏⵜ ⵏ ⴷⴰⵅⴻⵍ ⴷ ⵍⵍⵙⴰⵙⴻⵏ ⵏ ⵜⵙⴻⵔⵜⵉⵜ-ⵉⵙ".

ⵉⵙⵙⴻⴽⵏⴻⴷ ⴷⴰⵖⴻⵏ ⴱⴻⵍⵍⵉ ⵜⵉⵔⵣⵉ ⵏ ⵍⵒⴰⵒⴰ ⵍⵢⵓⵏ ⵡⵉⵙ 14 ⵖⴻⵔ ⵍⴻⵣⵣⴰⵢⴻⵔ ⴷ "ⵉⵏⴰⴳⵉ ⵏ ⵜⵉⴷⴻⵜ ⵖⴻⴼ ⵜⵓⴷⴻⵔⵜ ⵙ ⵜⴷⵓⴽⵍⵉ ⴳⴰⵔ ⵜⵖⴻⵔⵎⴰⵡⵉⵏ ⴷ ⵜⵉⵏⴻⴷⵊⵉⵏ". ⴷⴻⴳ ⵜⴰⴳⵏⵉⵜ-ⴰⴳⵉ, ⵎⴰⵙⵙ ⵏⴰⵚⵔⵉ ⵉⵙⵙⵉⵡⴻⵍ ⵉ ⵓⴱⴻⵔⵍⴰⵎⴰⵏ ⴰⴼⵔⵉⴽⴰⵏ ⵉⵡⴰⴽⴽⴻⵏ ⴰⴷ "ⵉⵙⴰⵍⵉ ⵓⵙⵡⵉⵔ ⵏ ⵜⵓⵛⵛⵉⵜ ⵜⴰⵎⴻⵣⴷⴰⵢⵜ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⴷ ⵓⵃⵓⴷⴷⵓ ⵖⴻⴼ ⵜⴻⵎⵙⴰⵍ ⵏ ⵜⴻⵎⵏⴰⵟ ⵏ ⵜⴻⴼⵔⵉⵇⵜ ⴰⵔⴰ ⴷ-ⵢⴻⴳⵍⵓⵏ ⵙ ⵓⵙⴻⴼⵔⴻⴽ ⵢⴻⵍⵀⴰⵏ (bonne gouvernance)".

ⵙⴻⴳ ⵜⴰⵎⴰ-ⵙ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵢⵉⵏⵙⴻⵍⵎⴻⵏ ⵓⵏⵉⴳⴻⵏ, ⵎⴰⵙⵙ ⵎⴰⴱⵔⵓⵓⴽ ⵣⴻⵉⴷ ⴻⵍ-ⴽⵀⴰⵉⵔ, ⵢⴻⵏⵏⴰ-ⴷ ⴷⴻⴳ ⵜⵎⴻⵙⵍⴰⵢⵜ-ⵉⵙ ⴱⴻⵍⵍⵉ "ⵉⵎⴰⵍ ⵏ ⵜⴰⵍⵙⴰ ⵉⵛⵓⴷⴷ ⵖⴻⵔ ⵓⵡⴻⵣⵣⵉ ⵏ ⵏⴼⴰⵄ ⴷ ⵓⴱⴻⵄⵄⴻⴷ ⵖⴻⴼ ⵍⴱⴰⵟⴻⵍ, ⵢⴻⵔⵏⴰ ⵜⴰⵖⴻⵔⵎⴰ ⵜⵉⵏⴻⵙⵍⴻⵎⵜ ⵜⴻⵡⵡⵉ-ⴷ ⴰⵣⴰⵍ ⴰⵎⴻⵇⵇⵔⴰⵏ ⵉ ⵓⴷⵉⵡⴻⵏⵏⵉ ⴷ ⵓⴼⵓⵙ ⴷⴻⴳ ⵓⴼⵓⵙ ⴳⴰⵔ ⵜⵖⴻⵔⵎⴰⵡⵉⵏ".

ⴰⵏⴻⵖⵍⴰⴼ ⵏ ⵜⴻⵢⵡⴰⵍⵜ, ⵎⴰⵙⵙ ⵣⵓⵓⵀⵉⵔ ⴱⵓⵓⴰⵎⴰⵎⴰ, ⵢⴻⵏⵏⴰ-ⴷ ⵉ ⵜⵏⴻⵖⵎⴰⵙⵜ ⴱⴻⵍⵍⵉ ⴰⵙⵙ ⴰⵎⴰⴹⵍⴰⵏ ⵏ ⵜⵓⴷⴻⵔⵜ ⵙ ⵜⴷⵓⴽⵍⵉ ⴷⴻⴳ ⵍⴻⵀⵏⴰ "ⵢⵓⵙⴰ-ⴷ ⵙ ⵜⵉⴳⴳⴰⵡⵜ ⵜⴰⵣⵣⴰⵢⵔⵉⵜ, ⴰⵢⴻⵏ ⵉ ⴷ-ⵢⴻⵎⵎⴰⵍⴻⵏ ⴰⵣⴰⵍ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎⴰⴹⴰⵍ", ⵢⴻⵔⵏⴰ "ⴷⴻⴳ ⵜⴰⵍⵍⵉⵜ-ⴰⴳⵉ ⵏ ⵛⵛⵡⴰⵍ, ⵍⴻⵣⵣⴰⵢⴻⵔ ⵜⴻⵙⵙⴻⵏⴼⴰⵍⵉ-ⴷ ⵜⴰⴱⵔⴰⵜⵜ ⴱⴻⵍⵍⵉ ⵍⴻⵀⵏⴰ ⴷ ⴰⴼⵔⴰⵏ ⵢⵉⵡⴻⵏ ⵉ ⵏⵍⴰⵇ".

ⵉⴼⵓⴽⴽ ⵡⴻⴳⵔⴰⵡ ⵙ ⵜⵎⴻⵙⵍⴰⵢⵉⵏ ⵏ ⵢⵉⵙⴻⵍⵎⴰⴷⴻⵏ ⴷ ⵢⵉⵎⵏⴰⴷⵉⵢⴻⵏ ⵉ ⵉⵙⵙⴻⴽⴷⴻⵏ ⴱⴻⵍⵍⵉ ⵜⵓⴷⴻⵔⵜ ⵙ ⵜⴷⵓⴽⵍⵉ ⴷⴻⴳ ⵍⴻⵀⵏⴰ ⴷ "ⵍⵍⵙⴰⵙ ⵉ ⵓⵙⴱⴻⴷⴷⵉ ⵏ ⵜⵎⴻⵜⵜⵉⵢⵉⵏ ⵉⵕⴻⵙⵙⴰⵏⴻⵏ, ⵍⴰⴷⵖⴰ ⴷⴻⴳ ⵓⵎⴰⴹⴰⵍ ⵏ ⵜⵓⵔⴰ ⵉ ⴷⴻⴳ ⵢⴻⵍⵍⴰ ⵓⵙⴻⵎⵎⵓⵣⵣⴻⴳ ⴰⴷⴻⵍⵙⴰⵏ, ⴰⵙⴻⵔⴹⴰⵏ ⴷ ⵡⵉⵏ ⵏ ⵡⴰⵍⵍⴰⵖ".