ⵍⴻⵣⵣⴰⵢⴻⵔ - ⴱⴻⵍⴶⵉⴽ: ⵉⵙⵓⴽⴰ ⵏ ⵓⵎⴰⵀⵉⵍ ⵉⵡⴰⴽⴽⴻⵏ ⴰⴷ ⵉⵙⴰⵍⵉ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⵖⴻⵔ ⵢⵉⵙⴰⵔⴰⵎⴻⵏ ⵉⵎⴻⵣⴷⴰⵢⴻⵏ

ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵉⵎⴻⵙⵍⴰⵢⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⴱⵔⵓⴽⵙⴻⵍ ⴰⵙⵙ-ⴰ ⵏ ⵜⵜⵍⴰⵜⴰ ⴷ ⵓⵏⵉⵍⵖⴰⴼ-ⵉⵙ ⴰⴱⴻⵍⴶⵉⴽⵉ, ⵎⴰⵙⵙ ⵎⴰⵅⵉⵎⴻ ⵒⵔéⵠⵓⵜ, ⵙⵔⴻⵡⵙⴻⵏ-ⴷ ⴰⵟⴰⵙ ⵏ ⵢⵉⵙⵓⴽⴰ ⵏ ⵓⵎⴰⵀⵉⵍ ⵉ ⵓⵙⴰⵍⵉ ⵏ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ.

ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ ⵙⴻⵍⴷ ⵉⵎⴻⵙⵍⴰⵢⴻⵏ-ⵉⵙ ⴷ ⵓⵏⵉⵍⵖⴰⴼ ⴰⴱⴻⵍⴶⵉⴽⵉ, ⴰⵟⵟⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵔⵣⵉ-ⴰⴳⵉ "ⵜⵓⵙⴰ-ⴷ ⴷⴻⴳ ⵍⵡⴻⵇⵜ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵏⵏⴻⵔⵏⵉ ⵜⵉⴷⴷⵉ ⵜⴰⵎⴰⵢⵏⵓⵜ ⵉ ⵢⴻⵙⴷⵓⴽⴽⵍⴻⵏ ⵡⴰⵙⵙⴰⵖⴻⵏ ⴳⴰⵔ ⵜⵎⵓⵔⴰ-ⵏⵏⴻⵖ. ⵜⵉⴷⴷⵉ-ⴰⴳⵉ ⵜⴱⴰⵏ-ⴷ ⴷⴻⴳ ⴽⵔⴰⴷ (3) ⵏ ⵢⴻⵙⵡⵉⵔⴻⵏ ⵉⵕⴻⵙⵙⴰⵏ: ⴰⵙⵡⵉⵔ ⴰⵙⴻⵔⵜⵉ, ⴰⵙⵡⵉⵔ ⵏ ⵓⵎⵢⴻⵛⵛⴻⵔ ⵏ ⵢⵉⵏⵏⴰⵔⴻⵏ (ⵙⴻⵛⵜⵓⵔⴰⵍ) ⴷ ⵓⵙⵡⵉⵔ ⵏ ⵓⵎⵓⴱⴱⴰⴷⴷⴻⵍ ⴰⴷⴰⵎⵙⴰⵏ."

ⵢⴻⵔⵏⴰ-ⴷ ⵢⴻⵏⵏⴰ-ⴷ ⴱⴻⵍⵍⵉ "ⵜⴷⵓⴽⵍⴰ ⵏ ⵢⴻⵙⵡⵉⵔⴻⵏ-ⴰⴳⵉ ⴰⴷ ⴰⵖ-ⵜⴻⴶⴶ ⴰⴷ ⵏⴰⵡⴻⴹ ⵖⴻⵔ ⵜⴰⵍⵍⵉⵜ ⵜⴰⵎⴰⵢⵏⵓⵜ ⵏ ⵜⴷⵓⴽⵍⵉ ⵉⵕⴻⵙⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⴱⴻⵍⴶⵉⴽ."

ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵙⵡⵉⵔ ⴰⵙⴻⵔⵜⵉ, ⴰⵟⵟⴰⴼ ⵢⴻⵏⵏⴰ-ⴷ: "ⵜⵉⵔⵣⵉ-ⴰⴳⵉ-ⵉⵏⵓ ⵜⵓⵙⴰ-ⴷ ⵙⴻⵍⴷ ⴽⵔⴰ ⵏ ⵡⴰⵢⵢⵓⵔⴻⵏ ⴽⴰⵏ ⵙⴻⴳ ⵜⵉⵔⵣⵉ ⵏ ⵓⵎⴷⴰⴽⴽⴻⵍ-ⵉⵡ ⵎⴰⵅⵉⵎⴻ ⵒⵔéⵠⵓⵜ ⵖⴻⵔ ⵍⴻⵣⵣⴰⵢⴻⵔ ⴷⴻⴳ ⵢⵓⵍⵢⵓ ⵢⴻⵣⵔⵉⵏ, ⵜⵉⵔⵣⵉ-ⵏⵏⵉ ⵉ ⴷ-ⵢⴻⵍⵍⴰⵏ ⵙⴻⵍⴷ ⵜⵙⴻⵎⵎⵓⵏⵜ ⵜⵉⵙ ⵅⴻⵎⵙⴰ ⵏ ⵓⵎⵛⴻⵡⵡⴻⵔ ⴰⵙⴻⵔⵜⵉ ⴳⴰⵔ ⵜⵎⵓⵔⴰ-ⵏⵏⴻⵖ."

ⵉⵙⵙⴻⴽⵏⴻⴷ-ⴷ ⴱⴻⵍⵍⵉ ⵜⵉⴷⴷⵉ ⵏ ⵓⴷⵉⵡⴻⵏⵏⵉ-ⴰⴳⵉ "ⵜⴻⵙⵙⴰⴽⴰⵏ-ⴷ ⴰⵣⴰⵍ, ⵜⵉⵎⴻⵔⵔⴰⵏⵜ (ⵠⵉⵜⴰⵍⵉⵜⵢ) ⴷ ⵜⴻⴼⵍⴻⵙⵜ ⵉ ⴷ-ⵢⴻⵍⵍⴰⵏ ⴳⴰⵔ-ⴰⵏⴻⵖ. ⴷ ⴰⴱⵔⵉⴷ-ⴰⴳⵉ ⵉ ⵉ ⴼⴻⵍⵍ-ⴰⵙ ⵉ ⵏⴻⵎⵜⴰⵡⴰ ⴰⵙⵙ-ⴰ ⵉⵡⴰⴽⴽⴻⵏ ⴰⴷ ⵏⴽⴻⵎⵎⴻⵍ ⴷⴻⴳ ⵜⵙⴻⵎⵎⵓⵏⵜ ⵜⵉⵙ ⵙⴹⵉⵙ ⵏ ⵓⵎⵛⴻⵡⵡⴻⵔ ⴰⵙⴻⵔⵜⵉ ⴷⴻⴳ ⴱⵔⵓⴽⵙⴻⵍ ⵙⴻⴳ ⵡⴰⴳⴳⵓⵔ ⵏ ⵛⵜⴻⵎⴱⴻⵔ ⵉ ⴷ-ⵉⵜⵜⴻⴷⴷⵓⵏ."

ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵎⵢⴻⵛⵛⴻⵔ ⵏ ⵢⵉⵏⵏⴰⵔⴻⵏ, ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵢⴻⵏⵏⴰ-ⴷ: "ⵏⴼⴻⵔⵔⴻⵃ ⵙ ⵓⵙⵏⴻⵔⵏⵉ ⵉ ⵉⵜⴻⴷⴷⵓⵏ ⴷⴻⴳ ⵜⴻⵎⵙⴰⵍ-ⴰⴳⵉ," ⵉⵙⵙⴻⴽⵏⴻⴷ-ⴷ ⴱⴻⵍⵍⵉ "ⵍⵍⴰⵏⵜ-ⴷ ⵜⴻⴳⵎⴰⵜⵉⵡⵉⵏ ⵏ ⵜⵉⴷⴻⵜ ⴷⴻⴳ ⵡⴰⵟⴰⵙ ⵏ ⵢⵉⵏⵏⴰⵔⴻⵏ, ⵍⴰⴷⵖⴰ ⵓⵣⵓⵏⴻⵢ ⵏ ⵓⵙⴰⴼⴰⴳ ⴷ ⵢⵉⵍⵍⴻⵍ, ⴰⵙⵉⵣⴷⴻⴳ ⴷ ⵓⵙⴱⴻⴷⴷⵉ ⵏ ⵢⵉⴱⴰⴱⵓⵜⴻⵏ, ⵜⴰⵣⵣⵉⵜ ⵙ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⴱⵉⵜⴰⵔⴰⵜ, ⵓⵣⴻⵔⴼ ⵙ ⵓⵎⵢⴻⵛⵛⴻⵔ ⴷⴻⴳ ⵜⴰⵍⵍⴰⵍⵜ ⵏ ⵜⵏⴻⴼⵔⵓⵜ, ⵜⴰⵡⵏⵏⴰⴹⵜ (ⴻⵏⵠⵉⵔⵓⵏⵏⴻⵎⴻⵏⵜ), ⴷ ⵓⵙⴻⴷⴱⴻⵔ ⵏ ⵜⴻⵎⵙⴰⵍ ⵏ ⵢⵉⵏⵉⴳ (ⵎⵉⴳⵔⴰⵜⵉⵓⵏ)."

ⴷⴻⴳ ⵓⵙⵡⵉⵔ ⵡⵉⵙ ⴽⵔⴰⴷ ⵢⴻⵄⵏⴰⵏ ⴰⵎⵢⴻⵛⵛⴻⵔ ⴰⴷⴰⵎⵙⴰⵏ, ⴰⵟⵟⴰⴼ ⵉⵙⵍⴻⵎ-ⴷ "ⵍⴻⴱⵖⵉ ⴰⵎⴰⵢⵏⵓⵜ ⵏ ⵜⵎⵓⵙⵏⵉⵡⵉⵏ ⵜⵉⴱⴻⵍⴶⵉⴽⵉⵢⵉⵏ ⴷⴻⴳ ⵓⴳⴻⴷⴻⵣ (ⵎⴰⵔⵛⵀé) ⵏ ⵍⴻⵣⵣⴰⵢⴻⵔ, ⴰⵢⴰⴳⵉ ⵏⵡⴰⵍⴰ-ⵜ ⵙ ⵜⵉⴷⴷⵉ ⴷⴻⴳ ⵓⵍⴷⴰⵢ ⵏ ⵜⵏⴻⴼⴼⵓⵜ ⵜⴰⴷⴰⵎⵙⴰⵏⵜ ⵜⴰⴱⴻⵍⴶⵉⴽⵉⵜ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵜⵓⴱⴻⵔ ⵢⴻⵣⵔⵉⵏ."

ⴰⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵙⵓⵜⵜⴻⵔ ⴷⴻⴳ ⵢⵉⵎⵛⴻⴷⴷⵉⵡⴻⵏ (ⵒⴰⵔⵜⵏⴻⵔⵙ) ⵏ ⵜⵎⵓⵔⵜ-ⴰⴳⵉ ⵜⴰⵎⴷⴰⴽⴽⴻⵍ ⵉⵡⴰⴽⴽⴻⵏ "ⴰⴷ ⵙⵏⴻⵔⵏⵉⵏ ⵜⵉⵍⵉⵜ-ⵏⵙⴻⵏ ⴷⴻⴳ ⵍⴻⵣⵣⴰⵢⴻⵔ ⵓ ⴰⴷ ⴷ-ⴰⴳⵎⴻⵏ ⵙⴻⴳ ⵜⵣⴻⵎⵎⴰⵔ ⵏ ⵓⵙⵙⴻⵜⵎⴻⵔ (ⵉⵏⵠⴻⵙⵜⵎⴻⵏⵜ) ⵉ ⵉⵜⴻⴷⴷⵓⵏ ⵉⵎⵉⵔ-ⴰⴳⵉ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵜⵎⴻⵔⵔⵉ (éⵏⴻⵔⴳⵢ), ⴰⵎⴰ ⴷ ⵜⵉⵏ ⵏ ⵣⵉⴽ ⵏⴻⵖ ⴷ ⵜⵉⵏ ⵜⴰⵎⴰⵢⵏⵓⵜ, ⵉⵖⴰⵍⴰⴷⴻⵏ (ⵎⵉⵏⴻⵙ), ⵜⵉⴼⴻⵔⴽⵉ ⵏ ⵜⵏⴻⵣⵔⵓⴼⵜ, ⵜⴰⵎⴳⵓⵔⵉ, ⵓⵣⵓⵏⴻⵢ ⴷ ⵓⵙⵏⵓⵍⴼⵓ."

ⴰⵟⵟⴰⴼ ⵢⴻⵏⵏⴰ-ⴷ: "ⴰⵎ ⵢⵉⵎⴰⵣⴰⵏ ⵏ ⵓⵏⴰⴱⴰⴹ (ⴳⵓⵠⴻⵔⵏⵎⴻⵏⵜ), ⵜⴰⵎⴰⵙⵉⵜ-ⵏⵏⴻⵖ ⴷ ⴰⵀⴻⴳⴳⵉ ⵏ ⵜⴻⴳⵏⴰⵜⵉⵏ ⵉ ⵓⴹⵎⴰⵏ ⵏ ⵓⵙⵏⴻⵔⵏⵉ ⵏ ⵓⵎⵢⴻⵛⵛⴻⵔ-ⴰⴳⵉ ⵉ ⵏⴼⴰⵄ ⵏ ⵜⵎⵓⵔⴰ-ⵏⵏⴻⵖ."

ⴷⴻⴳ ⵓⵏⵏⴰⵔ-ⴰⴳⵉ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵡⴰⵏⴰⴽ: "ⵏⴻⵙⵙⴻⵔⵔⴻⵙ-ⴷ ⵢⵉⵡⴻⵜ ⵏ ⵍⵡⴻⵕⵛⴰ ⵜⴰⵎⴻⵇⵇⵔⴰⵏⵜ ⵉ ⵓⵙⴻⴶⵀⴻⴷ ⵏ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ ⵏ ⵓⵎⵢⴻⵛⵛⴻⵔ-ⵏⵏⴻⵖ, ⴰⵢⴰⴳⵉ ⵢⴻⴱⴷⴰ ⵉⵟⴰⴽ-ⴷ ⵍⴼⴰⴽⵢⴰ-ⵙ." ⵢⴻⵔⵏⴰ-ⴷ ⵢⴻⵏⵏⴰ: "ⵏⴻⵕⵏⴰ-ⴷ ⵖⴻⴼ ⵢⵉⵎⵜⴰⵡⴰⵏ ⵉ ⴷ-ⵢⴻⵍⵍⴰⵏ ⵜⵓⵔⴰ ⴷⴻⴳ ⵓⵣⵓⵏⴻⵢ ⴷ ⵜⴰⵣⵣⵉⵜ, ⵏⵙⵜⴻⵏⵢⴰ ⴰⵙⵙ-ⴰ ⵙⵉⵏ ⵏ ⵢⵉⵎⵜⴰⵡⴰⵏ ⵉⵎⴰⵢⵏⵓⵜⴻⵏ: ⴰⵎⴻⵣⵡⴰⵔⵓ ⵖⴻⴼ ⴱⴻⴽⴽⵓ ⵏ ⵜⵠⵉⵙⴰ (ⵠⵉⵙⴰ ⵡⴰⵉⵠⴻⵔ) ⵉ ⵡⵉⴷ ⵙⴻⵄⴰⵏ ⵍⵒⴰⵙⵒⵓⵕ ⵏ ⵜⴷⵉⵒⵍⵓⵎⴰⵙⵉⵜ, ⵡⵉⵙ ⵙⵉⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵓⴷⴷⴻⵙ ⵏ ⵢⵉⵏⵉⴳ ⵏ ⵎⴻⴷⴷⴻⵏ ⴳⴰⵔ ⵜⵎⵓⵔⴰ-ⵏⵏⴻⵖ."

ⴰⵟⵟⴰⴼ ⵉⴽⴻⵎⵎⴻⵍ ⵢⴻⵏⵏⴰ-ⴷ ⴱⴻⵍⵍⵉ ⵉⵎⴻⵙⵍⴰⵢⴻⵏ-ⵏⵙⴻⵏ ⵙⵔⴻⵡⵙⴻⵏ-ⴷ ⴰⵟⴰⵙ ⵏ ⵢⵉⵙⵓⴽⴰ ⵏ ⵓⵎⴰⵀⵉⵍ: "ⴰⵎⴻⵣⵡⴰⵔⵓ, ⴷ ⴰⵙⴰⵍⵉ ⵏ ⵍⵇⴻⴷⴷ ⵏ ⵓⵎⵓⴱⴱⴰⴷⴷⴻⵍ ⵏ ⵜⵏⴻⵣⵣⵓⵜ (ⵜⵔⴰⴷⴻ) ⵉ ⵢⴰⵡⴹⴻⵏ ⵜⵓⵔⴰ 1.5 ⵏ ⵢⵉⵎⵍⵢⴰⵔⴻⵏ ⵏ ⵢⵉⴷⵓⵍⴰⵕⴻⵏ, ⵍⴰⵎⴻⵄⵏⴰ ⵢⴻⵣⵎⴻⵔ ⴰⴷ ⵉⵙⴰⵍⵉ ⵓⴳⴰⵔ."

ⵉⵙⵓⵜⵜⴻⵔ ⴰⵟⵟⴰⴼ ⵉⵡⴰⴽⴽⴻⵏ "ⴰⴷ ⵜⵉⴼⵙⵓⵙ ⵜⵓⴼⴼⵖⴰ ⵏ ⵢⵉⴼⴰⵔⴰⵙⴻⵏ (ⵒⵔⵓⴷⵓⵛⵜⵙ) ⵏ ⵍⴻⵣⵣⴰⵢⴻⵔ ⵖⴻⵔ ⵉⴳⴻⴷⴻⵣⴻⵏ ⵏ ⴱⴻⵍⴶⵉⴽ ⴷ ⵜⵓⵔⵓⴼⵜ, ⵍⴰⴷⵖⴰ ⵢⵉⴼⴰⵔⴰⵙⴻⵏ ⵏ ⵜⴼⴻⵔⴽⵉ ⴷ ⵡⵓⵛⵛⵉ, ⵉⴼⴰⵔⴰⵙⴻⵏ ⵏ ⵓⵣⵣⴰⵍ, ⵙⵙⵉⵎⴰⵜ ⴷ ⵢⵉⵙⴰⴼⴰⵔⴻⵏ ⵏ ⵜⵎⵓⵀⴻⵍ ⵏ ⵜⵓⵊⵊⵢⴰ."

ⵉⵙⵙⴻⵃⵔⴻⵙ ⴷⴰⵖⴻⵏ ⵖⴻⴼ ⵓⵙⴻⴷⴷⴻⵔ ⵏ ⵡⴰⵍⵍⴰⵍⴻⵏ ⵏ ⵓⵎⵢⴻⵛⵛⴻⵔ, ⵍⴰⴷⵖⴰ ⵜⴰⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵏ ⵓⵎⵢⴻⵛⵛⴻⵔ ⴰⴷⴰⵎⵙⴰⵏ ⴷ ⵓⵙⵇⴰⵎⵓ ⵏ ⵓⵎⴰⵀⵉⵍ ⵉⵎⴻⵣⴷⴰⵢ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⴼⵓⴹ ⴰⵎⴰⵢⵏⵓⵜ ⵉ ⵜⴷⵓⴽⵍⵉ ⵏ ⵜⵎⵓⵔⴰ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⴰⵟⵟⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵔⵣⵉ-ⴰⴳⵉ "ⵜⴻⵍⵍⴰ ⴷ ⴰⴱⵔⵉⴷ ⵉ ⵓⴽⴻⵎⵎⴻⵍ ⵏ ⵓⵎⵛⴻⵡⵡⴻⵔ ⴰⵙⴻⵔⵜⵉ ⵖⴻⴼ ⵜⴻⵎⵙⴰⵍ ⵏ ⵓⵎⴰⴹⴰⵍ," ⵉⵙⵙⴻⴽⵏⴻⴷ-ⴷ ⴰⴷⴷⴰⴷ ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ (ⵎⵉⴷⴷⵍⴻ ⴻⴰⵙⵜ) ⵉ ⴷⴻⴳ ⵢⴻⵍⵍⴰ ⵉⵎⴻⵏⵏⵓⵖ ⵉⴶⴻⵀⴷⴻⵏ. "ⴰⵙⵙⵉⵔⴻⵎ-ⵏⵏⴻⵖ ⴷ ⵜⵉⵍⵉⵜ ⵏ ⵜⵎⵓⵖⵍⵉ ⵏ ⵏⴻⵢⵢⴰ ⵉⵡⴰⴽⴽⴻⵏ ⴰⴷ ⴷ-ⵢⵓⵖⴰⵍ ⵓⴷⵉⵡⴻⵏⵏⵉ ⴷ ⵜⴷⵉⵒⵍⵓⵎⴰⵙⵉⵜ ⴰⵎ ⵓⴱⵔⵉⴷ ⵢⵉⵡⴻⵏ ⵉ ⵓⵕⵓⵚⵓ ⵏ ⵍⴻⵀⵏⴰ."

ⴰⵟⵟⴰⴼ ⵉⵄⴰⵡⴻⴷ ⵉⵙⵓⵜⵜⴻⵔ ⴷⴻⴳ ⵓⵎⴰⴹⴰⵍ "ⵉⵡⴰⴽⴽⴻⵏ ⵓⵔ ⵜⴻⵜⵜⵓⴹ ⴰⵔⴰ ⵜⴰⵎⵙⴰⵍⵜ ⵏ ⴼⴰⵍⴻⵙⵟⵉⵏ, ⵉⵎⵉ ⵉ ⴷ ⵍⵍⵙⴰⵙ ⵏ ⵍⴻⵀⵏⴰ ⴷ ⵜⵎⴰⵏⴻⴳⵜ ⴷⴻⴳ ⵓⴳⵎⵓⴹ ⴰⵍⴻⵎⵎⴰⵙ."

ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ "ⵜⴷⵓⴽⵍⵉ ⴳⴰⵔ ⵍⴻⵣⵣⴰⵢⴻⵔ ⴷ ⵜⴷⵓⴽⵍⵉ ⵏ ⵜⵓⵔⵓⴼⵜ (ⴻⵓ), ⴰⵏⵉⴷⴰ ⵜⴰⵎⵓⵔⵜ-ⵉⵡ ⵜⴻⵙⵙⵓⵜⵜⴻⵔ ⴰⴷ ⴷ-ⵢⵉⵍⵉ ⵓⴱⵔⵉⴷ ⴰⵎⴰⵢⵏⵓⵜ ⵉⵕⴻⵙⵙⴰⵏ ⵖⴻⴼ ⵓⵎⵎⵉⵣⵉ ⵏ ⵏⴼⴰⵄ ⵏ ⵢⴰⵍ ⵜⴰⵎⴰ."

ⴰⵟⵟⴰⴼ ⵉⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⵙ "ⵓⵎⵎⵉⵣⵉ ⵏ ⵜⵎⵓⵖⵍⵉⵡⵉⵏ ⴳⴰⵔ ⵜⵎⵓⵔⴰ-ⵏⵏⴻⵖ ⵖⴻⴼ ⵜⴻⵎⵙⴰⵍ-ⴰⴳⵉ," ⵉⵙⵙⴻⴽⵏⴻⴷ ⵍⴻⴱⵖⵉ ⵏ ⵍⴻⵣⵣⴰⵢⴻⵔ ⵉ ⵓⵙⴰⵍⵉ ⵏ ⵓⵙⵡⵉⵔ ⵏ ⵜⴷⵓⴽⵍⵉ ⴳⴰⵔ ⵍⴻⵣⵣⴰⵢⴻⵔ ⴷ ⴱⴻⵍⴶⵉⴽ.

ⵉⵙⵙⴻⴳⵔⴰ-ⴷ ⵜⵎⴻⵙⵍⴰⵢⵜ-ⵉⵙ ⵙ ⵓⵙⴻⴽⵏⴻⴷ ⴱⴻⵍⵍⵉ "ⴷⴻⴳ ⵜⴰⵍⵍⵉⵜ-ⴰⴳⵉ, ⵉⵍⴰⵇ ⴰⴷ ⵏⴻⵔⵔ ⵜⵉⴷⴷⵉ-ⴰⴳⵉ ⴷ ⵜⵉⴳⴳⴰⵜⵉⵏ ⵏ ⵜⵉⴷⴻⵜ ⵉ ⵏⴼⴰⵄ ⵏ ⵜⵎⵓⵔⴰ-ⵏⵏⴻⵖ. ⵏⴻⵙⵄⴰ ⵜⴰⴼⵍⴻⵙⵜ ⴱⴻⵍⵍⵉ ⵙ ⵜⵓⵛⵛⵉⵜ-ⵏⵏⴻⵖ ⵜⴰⵎⴻⵣⴷⴰⵢⵜ ⴷ ⵓⴷⵉⵡⴻⵏⵏⵉ ⵉⴼⴰⵣⴻⵏ, ⴰⴷ ⵏⴻⵙⵙⵉⵡⴻⴹ ⴰⴷ ⵏⴻⵅⴷⴻⵎ ⴰⵙⵓⵔⵉⴼ ⴰⵎⴰⵢⵏⵓⵜ ⵖⴻⵔ ⵓⵙⵏⴻⵔⵏⵉ ⵏ ⵓⵎⵢⴻⵛⵛⴻⵔ-ⵏⵏⴻⵖ."