ⵍⴻⵀⵡⴰ ⵙ ⵔⵔⵄⵓⴷ ⵉ ⴷ-ⵢⴻⵜⵜⴻⴷⴷⵓⵏ ⴰⵙⵙ ⵏ ⵍⵃⴻⴷ ⴷ ⵍⵜⵛⵉⵏ ⵖⴻⴼ ⵡⴰⵟⴰⵙ ⵏ ⵜⵡⵉⵍⴰⵢⵉⵏ

ⵢⴻⵔⵜⵉⵇⴻⴱ ⴰⴷ ⵄⴻⴷⴷⵉⵏ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⵙⵙ ⵏ ⵍⵃⴻⴷ ⴷ ⵍⵜⵛⵉⵏ, ⴷⴻⴳ ⵢⵉⵡⴻⵏ ⵡⴻⴷⴷⴰⴷ ⵏ ⵍⴻⵀⵡⴰ ⵉ ⵢⴻⵣⵎⴻⵔ ⴰⴷ ⵜⵉⵍⵉ ⴷ ⵔⵔⵄⵓⴷ ⵢⴻⵔⵏⴰ ⴰⴷ ⵜⴻⴷⴷⵓ ⴷ ⵡⴰⴹⵓ ⵉⵊⴻⵀⴷⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ ⵓⵙⵍⵉⴳ (BMS) ⵏ ⵓⵙⴻⵏⵖⵓ ⴰⵏⴰⵎⵓⵔ ⵏ ⵜⴻⴳⵏⴰⵡⵜ .

ⵓⵍⵖⵓ-ⴰⴳⵉ, ⵉ ⵢⴻⵍⵍⴰⵏ ⴷⴻⴳ ⵓⵙⵡⵉⵔ ⵏ ⵡⴻⴳⴳⵉⴷ "ⴰⵜⵛⵉⵏⵉ" (Orange), ⵢⴻⵄⵏⴰ ⵜⵉⵡⵉⵍⴰⵢⵉⵏ ⵏ: ⴱⴰⵜⵏⴰ, ⵅⴻⵏⵛⵍⴰ ⴷ ⵓⴳⴰⴼⴰ ⵏ ⴱⴻⵙⴽⵔⴰ. ⵍⵇⵉⵙ ⵏ ⵍⴻⵀⵡⴰ ⴰⴷ ⵢⵉⵍⵉ ⴳⴰⵔ 20 ⴷ 30 ⵏ ⵎⵉⵍⵉⵎⵉⵜⵔⴰⵜ, ⵙⴳ ⵜⵎⴻⵔⵉⵡⵜ ⵜⵉⵙ 12:00 (ⵏ ⵓⵣⴰⵍ) ⴰⵍⴰⵎⵎⴰ ⴷ ⵜⵎⴻⵔⵉⵡⵜ ⵜⵉⵙ 21:00 (ⵏ ⵢⵉⴹ) ⵏ ⵡⴰⵙⵙ-ⴰ ⵏ ⵍⵃⴻⴷ.

ⴷⴰⵢⴻⵏ, ⵓⵍⵖⵓ-ⴰⴳⵉ ⵢⴻⵄⵏⴰ ⵜⵉⵡⵉⵍⴰⵢⵉⵏ ⵏ ⵓⵜⴰⵔⴰⵎ : ⵜⵍⴻⵎⵙⴻⵏ, ⵄⵉⵏ ⵜⴻⵎⵓⵛⴻⵏⵜ, ⵡⴻⵀⵔⴰⵏ, ⵎⴻⵙⵜⵖⴰⵏⴻⵎ, ⵙⵉⴷⵉ ⴱⴻⵍⵄⴻⴱⴱⴰⵙ, ⵙⵄⵉⴷⴰ, ⵎⵄⴻⵙⴽⴻⵔ, ⵖⵉⵍⵉⵣⴰⵏ, ⵛⵛⵍⴻⴼ, ⵄⵉⵏ ⴷⴷⴻⴼⵍⴰ, ⵜⵉⵙⴻⵎⵙⵉⵍⵜ ⴷ ⵜⵢⴰⵔⴻⵜ. ⵍⵇⵉⵙ ⵏ ⵍⴻⵀⵡⴰ ⴷⴻⴳ-ⵙⴻⵏⵜ ⴰⴷ ⵢⵉⵍⵉ ⴳⴰⵔ 20 ⴷ 30 ⵏ ⵎⵎ, ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴰⵡⴻⴹ ⵏⴻⵖ ⴰⴷ ⵢⴻⵣⵔⵉ 40 ⵏ ⵎⵎ ⴷⴻⴳ ⴽⵔⴰ ⵏ ⵍⵎⵓⵟⵔⴰ