ⵉⵎⵙⴻⵍⵜⴻⵏ ⵏ ⵓⵎⵎⴰⵙ ⵓⵖⵔⵉⵎ ⴰⵎⴻⵣⵡⴰⵔⵓ ⵏ ⴱⵏⵉ ⵜⴰⵎⵓ, ⴷⴳ ⵓⴷⴰⵢⵔⴰ ⵏ ⵡⴰⴷ ⵍⵄⴻⵍⴰⵢⴻⵇ (ⴰⵎⴻⵏ ⵏ ⵍⵡⵉⵍⴰⵢⴰ ⵏ ⵍⴻⴱⵍⵉⴷⴰ), ⵙⵙⴰⵡⴹⴻⵏ ⴰⴷ ⵟⵟⴼⴻⵏ ⵢⵉⵡⴻⵏ ⵏ ⵓⵔⴳⴰⵣ ⵢⴻⵙⵄⴰ 33 ⵏ ⵢⵉⵙⴻⴳⴳⴰⵙⴻⵏ. ⵓⴼⴰⵏ ⵖⵓⵔ-ⴻⵙ ⴰⵟⴰⵙ ⵏ ⵍⵎⵓⵅⴻⴷⴷⵉⵔⴰⵜ (ⵍⴻⵙ ⵒⵙⵢⵛⵀoⵜⵔoⵒⴻⵙ) ⴷ ⵜⴷⵔⵉⵎⵜ ⵏ ⵜⵣⴻⵏⵣⵉⵜ ⵏ ⵙⵙⵎⵓⵎ-ⴰⴳⵉ. ⴰⵢⴰ ⵢⴻⵍⵍⴰ-ⴷ ⴷⴳ ⵓⴼⴰⵔⴻⵙ ⵏ ⵓⵃⴰⵔⴻⴱ ⵏ ⵜⴽⴻⵔⴷⵉⵡⵉⵏ ⴷ ⵓⵣⴻⵏⵣⵉ ⵏ ⵍⵎⵓⵅⴻⴷⴷⵉⵔⴰⵜ.
ⴰⴽⴽⴻⵏ ⴷ-ⵢⴻⵏⵏⴰ ⵓⵙⵉⵡⴻⵍ ⵏ ⵉⵎⵙⴻⵍⵜⴻⵏ ⵏ ⵍⴻⴱⵍⵉⴷⴰ, ⴰⵢⴰ ⵢⴻⴹⵔⴰ-ⴷ ⵎⴱⴻⵄⴷ ⵎⵉ ⴷ-ⵢⴻⵡⵡⴻⴹ ⵓⵙⵉⵡⴻⵍ ⴱⴻⵍⵍⵉ ⵢⵉⵡⴻⵏ ⵏ ⵓⵔⴳⴰⵣ ⵢⴻⵣⵣⴻⵏⵣⵉⵢ ⵍⵎⵓⵅⴻⴷⴷⵉⵔⴰⵜ ⴷⵉ ⵍⵃⵓⵎⴰⵜ ⵏ ⴱⵏⵉ ⵜⴰⵎⵓ, ⵢⴻⵔⵏⴰ ⵢⴻⵜⵜⴻⴼⴼⴻⵔ-ⵉⵜ ⴷⴳ ⵓⵅⵅⴰⵎ-ⵉⵙ.
ⵙ ⵓⵎⴻⵔ ⵏ ⵛⵛⵔⴻⵄ, ⵉⵎⵙⴻⵍⵜⴻⵏ ⴽⵛⴻⵎ-ⵏ ⵓⵅⵅⴰⵎ ⵏ ⵓⵎⵙⴻⵏⵣⵉ-ⵏⵏⵉ, ⵓⴼⴰⵏ ⴷⴳ-ⴻⵙ 4800 ⵏ ⵜⴼⴰⵜⵓⵛⵉⵏ (ⵛⴰⵒⵙⵓⵍⴻⵙ) ⵏ ⵍⵎⵓⵅⴻⴷⴷⵉⵔⴰⵜ ⴷ 170.000 ⵏ ⴷⵉⵏⴰⵔ (17 ⵎⴻⵍⵢⵓⵏ ⵙⴻⵏⵜⵉⵎ) ⵏ ⵜⴷⵎⵜ ⵏ ⵜⵣⴻⵏⵣⵉⵜ.
ⴰⵖⴱⴰⵍⵓ-ⴰⴳⵉ ⵢⴻⵔⵏⴰ-ⴷ ⴱⴻⵍⵍⵉ ⵡⵡⵉⵏ ⵓⵎⴷⵉⵏ-ⴰⴳⵉ ⵖⴻⵔ ⵛⵛⵔⴻⵄ ⵏ ⵍⵄⴻⴼⵔⵓⵏ ⵖⴻⴼ ⵜⴽⴻⵔⴷⵉⵡⵜ ⵏ ⵓⵙⵉⵡⴻⴹ, ⵓⴼⴼⴻⵔ ⴷ ⵓⵣⴻⵏⵣⵉ ⵏ ⵍⵎⵓⵅⴻⴷⴷⵉⵔⴰⵜ ⴰⴽⴽⴻⵏ ⵢⴻⵍⵍⴰ ⴷⴳ ⵓⵎⴰⴳⵔⴰⴷ 17 ⵏ ⵍⵇⴰⵏⵓⵏ 04-18 ⵢⴻⵣⵣⴻⵏⵣⵉⵏ ⴰⵃⴰⵔⴻⴱ ⴷ ⵓⵇⵎⴰⵄ ⵏ ⵓⵙⴻⵇⴷⴻⵛ ⵏ ⵙⵙⵎⵓⵎ.
ⴰⵔⵏⵓ ⵖⴻⵔ
