ⵍⴱⴰⵢⴻⴹ – ⵢⴻⵙⵙⴰⵡⴻⴹ ⵢⵉⴳⵔⴰⵡ ⵏ ⵍⴰⵎⴰⵏ ⵏ ⵜⵖⵉⵡⴰⵏⵜ ⴷ ⵓⵃⴰⴷⴰⵔ ⵏ ⵜⴰⵡⴻⵏⵏⴰⴹⵜ ⴷⴻⴳ ⵍⴱⴰⵢⴻⴹ, ⴰⴷ ⵃⴱⴻⵙⴻⵏ ⵢⵉⵡⴻⵜ ⵏ ⵜⵔⵓⴱⴱⴰ ⵏ ⵢⵉⴽⵙⵓⵎⴻⵏ ⵏ ⵢⵉⵣⴳⴰⵔⴻⵏ ⴷ ⵢⵉⵦⴼⴰⵡⴻⵏ ⵏ ⵡⵓⵍⵍⵉ ⵢⴻⵍⵍⴰⵏ ⴷⴻⴳ ⵢⵉⵡⴻⵜ ⵏ ⵜⴽⴰⵔⵔⵉⵙⵜ ⴱⵍⴰ ⴰⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵓⵙⵉⵣⴷⴻⴳ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵍⴰⵎⴰⵏ, ⴰⵙⵓⵔ-ⴰⴳⵉ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵜⴰⵣⵎⴻⵔⵜ ⵜⴰⵎⴰⵜⵓⵜ ⴷ ⵓⵃⴰⴷⴰⵔ ⵏ ⵢⵉⵎⴻⵣⴷⴰⵖ ⵎⴳⴰⵍ ⵡⴰⵟⵟⴰⵏⴻⵏ ⵉ ⴷ-ⵢⴻⵜⵜⴰⵙⴻⵏ ⵙⴻⴳ ⵓⵜⵛⵉⵜ. ⴰⵢⴰ ⵢⴻⴹⵔⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⵏ ⵍⵇⴰⵏⵓⵏ ⵓⵟⵟⵓⵏ 85/05 ⵢⴻⵔⵣⴰⵏ ⴰⵃⴰⴷⴰⵔ ⵏ ⵜⵣⵎⴻⵔⵜ ⴷ ⵓⵙⴰⵍⴰⵢ-ⵉⵙ.
ⴷⴻⴳ ⵍⴻⵇⴷⵉⵛ-ⴰⴳⵉ, ⵢⵉⴳⵔⴰⵡⴻⵏ ⵏ ⵍⴰⵎⴰⵏ ⵟⵟⴼⴻⵏ ⴰⵣⴰⵍ ⵏ 925 ⴽⵍⴳ ⵏ ⵢⵉⴽⵙⵓⵎⴻⵏ: 812 ⴽⵍⴳ ⵏ ⵢⵉⵍⵙⴰⵡⴻⵏ ⵏ ⵢⵉⵣⴳⴰⵔⴻⵏ, 50 ⴽⵍⴳ ⵏ ⵡⴰⵍⵍⴰⵖ ⵏ ⵢⵉⵣⴳⴰⵔⴻⵏ, ⴷ 21 ⵏ ⵢⵉⵦⴼⴰⵡⴻⵏ ⵏ ⵡⵓⵍⵍⵉ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⴰⵍⵍⵓ, ⵜⵉⵎⵙⴰⵍⵜ-ⴰⴳⵉ ⵜⴻⴹⵔⴰ-ⴷ ⵎⴱⴰⵄⴻⴷ ⵎⴰ ⵃⴱⴻⵙⴻⵏ ⵢⵉⵡⴻⵜ ⵏ ⵜⴽⴰⵔⵔⵉⵙⵜ ⴷⴻⴳ ⵜⴰⴱⵓⵔⵜ ⵏ ⵜⵖⵉⵡⴰⵏⵜ ⵏ ⵍⴱⴰⵢⴻⴹ (ⴰⴱⵔⵉⴷ ⵏ ⵜⵢⴰⵔⵜ). ⵎⴱⴰⵄⴻⴷ ⵎⴰ ⵡⴰⵍⴰⵏ ⴰⵢⴻⵏ ⵢⴻⵍⵍⴰⵏ ⴷⴻⴳ ⵡⴰⴷⴷⴰⵢ ⵏ ⵜⴽⴰⵔⵔⵉⵙⵜ-ⵏⵏⵉ, ⵉⵎⵓⵙⵏⴰⵡⴻⵏ ⵏ ⵜⴼⵍⴰⵃⵜ ⵏ ⵍⴱⴰⵢⴻⴹ ⴳⴳⴰⵏ ⵢⵉⵡⴻⵏ ⵓⵏⴰⴷⵉ ⵓⵙⵙⵏⴰⵏ ⵉ ⵢⴻⵙⵙⴻⴽⵏⴻⵏ ⴱⴻⵍⵍⵉ ⵢⵉⴽⵙⵓⵎⴻⵏ-ⴰⴳⵉ ⵓⵔ ⵍⵀⴰⵏ ⴰⵔⴰ ⵉ ⵓⵜⵛⵉⵜ ⵏ ⵢⵉⵎⴷⴰⵏⴻⵏ.
ⵜⴰⴳⴳⴰⵔⴰ, ⴳⴳⴰⵏ ⵢⵉⵡⴻⵏ ⵢⵉⴼⴰⵢⵍ ⵏ ⵍⵃⴻⵇⵇ ⵎⴳⴰⵍ ⵡⵉⵏ ⵢⴻⵅⴷⴻⵎⴻⵏ ⵍⴱⴰⵟⴻⵍ-ⴰⴳⵉ, ⵢⴻⵔⵏⴰ ⵙⵙⴻⵏⵖⴻⵏ ⵎⴰⵕⵕⴰ ⵢⵉⴽⵙⵓⵎⴻⵏ-ⵏⵏⵉ ⵉ ⴷ-ⵟⵟⴼⴻⵏ ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵜⴰⵣⵎⴻⵔⵜ ⵏ ⵓⴳⴷⵓⴷ.
ⴰⵔⵏⵓ ⵖⴻⵔ
