ⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵎⴻⵏⵏⵓⵖ ⵎⴳⴰⵍ ⵏⵏⴻⴼⵇⴰ ⵏ ⴷⴷⵡⴰ (ⵙⵛⵍⵜⵉⵙ), ⴷⴻⴳ ⴷⴷⵓⵕⵜ ⵉ ⵉⵄⴻⴷⴷⴰⵏ, ⵢⴻⵙⵙⴰⵡⴻⵍ ⴰⴷ ⴷ-ⵢⴻⵊⵎⴻⵔ (ⵃⵊⵣ) ⵓⴳⴰⵔ ⵏ ⵓⵇⴻⵏⵟⴰⵔ ⵏ ⵍⴽⵉⴼ ⵢⴻⵜⵜⵡⴰⵙⴼⴻⵔⵏⴻⵏ ⵉ ⴷ-ⵢⵓⵙⴰⵏ ⵙⴻⴳ ⵍⵎⴻⵔⵔⵓⴽ, ⵢⵉⴷ ⵏ ⵓⵔⵔⴰⴷ ⵏ ⵜⵍⴰⵜⴰ (3) ⵏ ⵢⵉⵎⴷⴰⵏⴻⵏ ⵏ ⵜⴻⵣⴻⵇⵇⴰ ⵏ ⵜⵉⵛⴻⴼⴼⴰⵔⵉⵏ ⵢⵓⵔⴰⵏ, ⴰⵎ ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵍⴰⵎⴰⵏ ⴰⵖⴻⵍⵏⴰⵡ ⴰⵙⵙ-ⴰ ⵏ ⵜⵍⴰⵜⵉⵏ.
ⵉⵙⴰⵍⵉ-ⴰⴳⵉ ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⵕⴱⴰⵄⵉⵏ ⵏ ⵓⵎⴰⵀⵉⵍ ⵏ ⵍⴰⵎⴰⵏ ⴰⵖⴻⵍⵏⴰⵡ ⵎⴰⵣⴰⵍ-ⵉⵜⴻⵏⵜ ⵜⴻⵏⵏⴰⵏⵜ ⵎⴳⴰⵍ ⵜⵉⵛⴻⴼⴼⴰⵔⵉⵏ ⵉ ⵉⵄⴻⴷⴷⵓⵏ ⴳⴰⵔ ⵜⵎⵓⵔⴰ. ⴰⵎⵎⴰⵙ ⴰⵖⴻⵍⵏⴰⵡ (ⵙⵛⵍⵜⵉⵙ) ⴷⴻⴳ ⴷⴷⵓⵕⵜ ⵉ ⵉⵄⴻⴷⴷⴰⵏ ⵢⴻⵙⵙⵓⴼⴼⴻⵖ-ⴷ 1 ⵓⵇⴻⵏⵟⴰⵔ ⴷ 10 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ ⵏ ⵍⵎⴻⵔⵔⵓⴽ, ⵢⵉⴷ ⵏ ⵓⵔⵔⴰⴷ ⵏ 3 ⵏ ⵢⵉⵎⴷⴰⵏⴻⵏ.
ⵜⵉⴳⴰⵡⵜ-ⴰⴳⵉ ⵜⴻⵍⵍⴰ-ⴷ ⴷⴻⴼⴼⵉⵔ ⵏ ⵓⵏⴰⴷⵉ ⴷⴻⴳ ⵓⵏⵏⴰⵔ ⴷⴻⴳ ⵢⵉⵡⴻⵜ ⵏ ⵍⵡⵉⵍⴰⵢⴰ ⵏ ⵓⵏⵥⵓⵍ-ⴰⵎⴰⵍⵓ ⵏ ⵜⵎⵓⵔⵜ, ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵜⵙⴻⴷⴷⴰⵙⵜ (ⵊⵓⵙⵜⵉⵛⴻ). ⵉⵎⵓⵙⵏⴰⵡⴻⵏ ⵏ ⵡⴰⵎⵎⴰⵙ-ⴰⴳⵉ ⴽⴽⵙⴻⵏ-ⴷ ⴰⵎⴻⴽ ⵉⵇⴻⴷⴷⵛⴻⵏ ⵜⵉⵛⴻⴼⴼⴰⵔⵉⵏ-ⴰⴳⵉ ⵢⴻⵔⵏⴰ ⵃⴻⴱⵙⴻⵏ ⵜⵓⴼⴼⵖⴰ ⵏ ⴷⴷⵡⴰ-ⴰⴳⵉ, ⵟⵟⴼⴻⵏ ⵜⵍⴰⵜⴰ ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⴷ-ⵔⵔⴻⵏ (ⴰⵙⵜⵔⵊⵄⵓ) ⵙⵏⴰⵜ ⵏ ⵜⴿⴻⵔⵔⵓⵙⵉⵏ ⵉ ⴷ-ⵜⴻⵀⴻⴳⴳⴰⵏ ⵉ ⵓⵙⴰⵡⴰⴹ ⵏ ⵙⵙⴻⵎ-ⴰⴳⵉ.
ⵢⴻⵔⵏⴰ ⵡⵓⵍⵖⵓ-ⵏⵏⵉ ⴱⴻⵍⵍⵉ ⵡⵉⴷ ⵢⴻⵜⵜⵡⴰⵙⴻⴽⴿⴰⴿⴻⵏ ⵙⴻⵔⵙⴻⵏ-ⵜⴻⵏ ⵣⴷⴰⵜ ⵏ ⵡⴰⴿⵉⵍ ⵏ ⵜⴻⴳⴷⵓⴷⴰ ⴷⴻⴳ ⵓⴷⴻⵎ ⵏ ⵜⵙⴻⴷⴷⴰⵙⵜ ⵓⵣⵣⵉⴳⴻⵏ ⵏ ⵡⴻⵀⵔⴰⵏ.
ⴰⵔⵏⵓ ⵖⴻⵔ
