ⵉⵎⴻⵣⵍⴰ ⵏ ⵍⴰⴷⵡⴰⵏ ⵙⵙⴰⵡⴹⴻⵏ ⴷⴻⴳ ⵓⵎⵓⵔ ⵡⵉⵙ ⴽⵔⴰⴹ ⵏ ⵓⵙⴻⴳⴳⴰⵙ ⵉⵄⴻⴷⴷⴰⵏ 2025, ⴰⴷ ⵟⵟⴼⴻⵏ ⴰⵟⴰⵙ ⵏ ⵢⵉⵎⴻⵙⴽⵔⴰ (ⴷⵔⵓⴳ), ⴷⴻⴳ ⵜⵉⴳⴰⵡⵜⵉⵏ ⵢⴻⵎⴳⴰⵔⴰⴷⴻⵏ ⴷⴻⴳ ⵜⵎⵓⵔⵜ ⴰⴽⴽ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵎⵓⵖ ⵉ ⵜⴻⴼⴽⴰ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵍⴰⴷⵡⴰⵏ.
ⵜⴻⵙⴼⴻⵀⴻⵎ-ⴷ ⵜⵎⴻⵀⵍⴰ ⵜⴰⵎⴰⵜⵓⵜ, ⴷⴻⴳ ⵓⵟⵟⵓⵏ ⴰⵏⴻⴳⴳⴰⵔⵓ ⵏ ⵜⴻⵙⵖⵓⵏⵜ "ⵍⴰⴷⵡⴰⵏ", ⴱⴻⵍⵍⵉ "ⴷⴻⴳ ⵓⵃⵔⵉⵛ ⵏ ⵓⵎⴻⵏⵏⵓⵖ ⵎⴳⴰⵍ ⴰⵜⵔⵉⴱⴱⵉ ⴷ ⵜⵏⴻⵣⵣⵓⵜ ⵜⵓⴼⵔⵉⴳⵜ ⴷ ⵢⵉⵙⴻⴳⵍⴰⴼ ⵉⵣⴻⴳⴳⵔⴻⵏ ⵜⵉⵍⵉⵙⴰ, ⵢⵉⵖⴰⵍⵍⴻⵏ ⵏ ⵍⴰⴷⵡⴰⵏ ⵙⴳⴻⵔⵏ-ⴷ ⵓⵎⵓⵖ ⴰⵎⴻⵇⵇⵔⴰⵏ ⵏ ⵜⵓⵟⵟⴼⴰ, ⵉⵍⵎⴻⵏⴷ ⵏ ⵓⵃⴻⴷⴷⴻⵔ ⵏ ⵜⵎⵓⵔⵜ ⵙ ⵓⵎⵢⴰⵍⵍⴰⵍ ⴷ ⵢⵉⵎⴻⵣⵍⴰ
ⴰⴽⴽⴻⵏ ⵢⴻⵍⵍⴰ ⴷⴻⴳ ⵓⵎⵓⵖ-ⴰⴳⵉ, ⵜⵜⵓⵟⵟⴼⴻⵏ 3.587 ⵏ ⵢⵉⵎⴻⵍⵢⵓⵏⴻⵏ ⵏ ⵜⴼⵉⵜⵉⵍⵉⵏ ⵏ ⵍⵀⴻⵍⵡⴰⵙ (ecstasy), ⵢⴻⵔⵏⴰ ⵓⴳⴰⵔ ⵏ 2214 ⴽⵉⵍⵓ ⵏ ⵍⴽⵉⴼ ⵉⵅⴻⴷⵎⴻⵏ, ⴷ ⵡⴰⵜⴰ ⵏ 151.403 ⴽⵉﻟⵓ ⵏ ⵍⴽⵓⴽⴰⵢⵉⵏ. ⴷⴰⵖⴻⵏ ⵉⵎⴻⵣⵍⴰ ⵏ ⵍⴰⴷⵡⴰⵏ ⵟⵟⴼⴻⵏ 15.815 ⵍⵉⵜⵔⴰⵜ ⵏ ⵜⵉⵙⵉⵜ ⵜⴰⵚⴻⵃⵢⴰⵏⵜ, ⴷ ⵓⴳⴰⵔ ⵏ 107 ⴰⴼⴻⵏ ⵏ ⵜⴱⴰⴽⵉⵢⵉⵏ ⴷ 4513 ⴽⵉⵍⵓ ⵏ ⴷⴷⵓⵅⴰⵏ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵢⵉⵖⴰⵍⵍⴻⵏ ⵏ ⵍⴰⴷⵡⴰⵏ ⵟⵟⴼⴻⵏ ⵚⴹⵉⵚ (06) ⵏ ⵢⵉⵎⵔⵉⴳⴻⵏ ⵏ ⵔⵚⴰⵚ ⴷ 623 ⵏ ⵜⵇⵔⴰⵔⵉⵏ ⵏ ⵔⵚⴰⵚ, ⴷ ⵓⴳⴰⵔ ⵏ 116 ⴰⴼⴻⵏ ⵏ ⵜⴼⴻⵇⵇⴰⵄⵉⵏ ⴷ ⵡⵓⵔⴰⵔⴻⵏ ⵏ ⵜⵎⴻⵙ.
ⵉⵡⴰⴽⴽⴻⵏ ⴰⴷ ⵇⴰⴱⵍⴻⵏ ⵍⵎⵓⴷⴰⵔⴰⴱⴰ ⴷ ⵓⵜⵔⵉⴱⴱⵉ ⵏ ⵙⵙⴻⵍⵄⴰ ⵢⴻⵜⵜⵓⵙⴻⵍⵍⴼⴻⵏ (ⵙⵓⴱⵙⵉⴷⵉ), ⴱⴰⵛ ⴰⴷ ⵜⴻⵔⴽⴻⴷ ⵙⵙⵓⵇ ⴷ ⵙⵙⵓⵎⴰ ⵢⴻⵔⵏⴰ ⴰⴷ ⵃⴻⵔⵣⴻⵏ ⵜⴰⵣⵎⴻⵔⵜ ⵏ ⵓⵛⵔⴰⵢ ⵏ ⵓⵎⴻⵣⴷⴰⵖ, ⵉⵎⴻⵣⵍⴰ ⵏ ⵍⴰⴷⵡⴰⵏ ⴷⴻⴳ ⵜⴰⵍⵍⵉⵜ ⴳⴰⵔ ⵢⵓⵍⵢⵓ ⴷ ⵛⵜⴻⵎⴱⴻⵔ 2025 ⵟⵟⴼⴻⵏ 41.580 ⴽⵉⵍⵓ ⴷ ⵓⴳⴰⵔ ⵏ 12 ⴰⴼⴻⵏ ⵏ ⵍⵉⵜⵔⴰⵜ ⵏ ⵙⵙⴻⵍⵄⴰ ⵢⴻⵜⵜⵓⵙⴻⵍⵍⴼⴻⵏ, ⵢⴻⵔⵏⴰ ⵓⴳⴰⵔ ⵏ 74.934 ⵍⵉⵜⵔⴰⵜ ⵏ ⵓⵎⵙⴻⵔⵖⵉ (ⵍⵎⴰⵣⵓⵟ ⴷ ⵍⴱⵉⵙⴰⵏⵙ).
ⴰⵔⵏⵓ ⵖⴻⵔ
