ⴰⵏⵖⵍⴰⴼ ⵏ ⵓⵎⴰⵀⵉⵍ ⴰⵣⴰⵢⴻⵣ ⴷ ⵜⵉⵙⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⵄⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⵢⴻⴼⴽⴰ ⴰⵙⵙ-ⴰ ⵏ ⵍⴻⵜⵏⴰⵢⴻⵏ ⵍⴰⵎⵔ ⵉⵡⴰⴽⴽⴻⵏ ⴰⴷ ⴷ-ⵏⴻⵊⵎⴰⵄ ⴰⴽⴽ ⵍⵊⴻⵀⴷ ⵏ ⵢⵉⵎⴷⴰⵏⴻⵏ ⴷ ⵡⴰⵍⵍⴰⵍⴻⵏ, ⴷ ⵓⵎⵢⵓⵏ ⴳⴰⵔ ⴰⴽⴽ ⵡⵉⴷ ⵉⵇⴻⴷⴷⵛⵏ, ⵉⵡⴰⴽⴽⴻⵏ ⴰⴷ ⵔⵏⵓⵏ ⴷⴻⴳ ⵜⴰⵣⵣⵍⴰ ⵏ ⵓⵎⴰⵀⵉⵍ ⵏ ⵓⵙⴱⴻⴷⴷⵉ ⵏ ⵓⵣⵉⵔⵉⴳ ⴰⵏⴰⵖⵣⴰⵏ ⵏ ⵓⴳⵎⵓⴹ (ⵄⴻⵏⵏⴰⴱⴰ – ⴱⵍⴻⴷ ⴻⵍ ⵀⴰⴷⴱⴰ) ⵉⵡⴰⴽⴽⴻⵏ ⴰⴷ ⵢⴻⴼⴰⴽ ⴷⴻⴳ ⵜⴰⵍⵍⵉⵜ ⵢⴻⵜⵜⵡⴰⵀⴻⴳⴳⴰⵏ, ⴷ ⴰⵢⴻⵏ ⵉ ⴷ-ⵢⴻⵏⵏⴰ ⵡⵓⵍⵖⵓ ⵏ ⵜⵏⴻⵖⵍⴰⴼⵜ.
ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵉ ⴷ-ⵢⴻⵙⵙⴻⵡⵊⴻⴷ ⵓⵏⴻⵖⵍⴰⴼ ⵉⵡⴰⴽⴽⴻⵏ ⴰⴷ ⵉⴹⴻⴼⴻⵔ ⴰⵙⵡⵉⵔ ⵏ ⵓⵙⴻⵏⴼⴰⵔ-ⴰⴳⵉ, ⵍⴰⴷⵖⴰ ⴷⴻⴳ ⵢⵉⵎⵓⴽⴰⵏ ⵏ ⵜⴻⵏⵓⵓⴽⵍⴰ (43 ⴽⵎ), ⴷⵔⵉⴰⴰ ⵡⴰⴷ ⴻⵍⴽⴻⴱⵔⵉⵜ (30 ⴽⵎ) ⴷ ⵍⵎⴻⵔⵚⴰ ⵏ ⵄⴻⵏⵏⴰⴱⴰ – ⴱⵓⵛⴻⵇⵇⵓⴼ (54 ⴽⵎ).
ⵜⵉⵎⵍⵉⵍⵉⵜ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ ⵙⵙⴻⴷⴷⴻⵜ ⵍⴰⵎⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ, ⵉ ⴷ-ⵢⴻⴼⴽⴰ ⴷⴻⴳ ⵡⴰⴳⴳⵓⵔ ⵏ ⵊⴻⵏⵏⴰⵢⴻⵔ ⵉ ⵉⵄⴻⴷⴷⴰⵏ, ⴷ ⵜⴰⵔⵣⴻⴼ ⵏ ⵓⵏⴰⴷⵉ ⵉ ⵉⵇⴻⴷⴷⴻⵛ ⵓⵏⴻⵖⵍⴰⴼ ⴰⵎⴻⵣⵓⵡⴰⵔⵓ, ⵎⴰⵙⵙ ⵙⴰⵢⴼⵉ ⵖⴰⵔⵉⴱ, ⵖⴻⵔ ⵓⵙⴻⵏⴼⴰⵔ ⵉⴹⴻⵍⵍⵉ ⵏ ⵍⵃⴻⴷ, ⵉ ⴷⴻⴳ ⵉⵄⴰⵡⴻⴷ ⵢⴻⵏⵏⴰ-ⴷ ⴱⴻⵍⵍⵉ ⵉⵍⴰⵇ ⵓⵇⴰⴷⴻⵔ ⵏ ⵍⴰⵎⵔ ⵏ ⵓⵙⴻⵍⵡⴰⵢ ⵉⵡⴰⴽⴽⴻⵏ ⴰⵙⴻⵏⴼⴰⵔ ⴰⴷ ⵢⴻⴼⴰⴽ ⴷⴻⴳ ⵍⵡⴰⵇⵜ-ⵉⵙ.
ⴷⴻⴳ ⵜⴻⵎⵍⵉⵍⵉⵜ-ⴰⴳⵉ, ⴼⴽⴰⵏ-ⴷ ⵓⴷⴻⵎ ⵏ ⵓⵎⴰⵀⵉⵍ ⵉ ⴷ-ⵢⴻⴳⵔⴰⵏ. ⵜⵉⴷⴷⵉ ⵜⴰⵎⴰⵜⵓⵜ ⵏ ⵓⵣⵉⵔⵉⴳ ⴰⵏⴰⵖⵣⴰⵏ ⵏ ⵓⴳⵎⵓⴹ ⴷ 422 ⴽⵎ; ⵙⴱⴻⴷⴷⴻⵏ ⵢⴰⴽⴰⵏ 174 ⴽⵎ, ⵢⴻⵔⵏⴰ ⴳⴳⵓⵏⵉⵏ ⴰⴷ ⴽⴼⵓⵏ 127 ⴽⵎ ⵏⵏⵉⴹⴻⵏ ⵓⵇⴱⴻⵍ ⴰⴳⴳⵓⵔ ⵏ ⵢⴻⴱⵔⵉⵔ ⵉ ⴷ-ⵉⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵡⴰⵢⴻⵏ ⵉⵀⴻⴷⴷⴻⵏ ⵖⴻⵔ 301 ⴽⵎ ⴷⴻⴳ ⵡⴰⴳⴳⵓⵔ-ⵏⵏⵉ.
ⵎⴰ ⴷ ⴰⵢⴻⵏ ⵉ ⴷ-ⵢⴻⴳⵔⴰⵏ ⵏ ⵓⵎⴰⵀⵉⵍ (121 ⴽⵎ) ⴳⴰⵔ ⴱⵓⵛⴻⵇⵇⵓⴼ – ⵙⵓⵇ ⴰⵀⵔⴰⵙ – ⴷⵔⵉⴰⴰ, "ⴰⴷ ⵢⴻⴼⴰⴽ ⴷⴻⴳ ⵜⴰⵍⵍⵉⵜ ⵢⴻⵜⵜⵡⴰⵙⴻⵔⵙⴻⵏ", ⵉ ⴷ-ⵜⴻⵏⵏⴰ ⵜⵏⴻⵖⵍⴰⴼⵜ. ⴰⵏⵖⵍⴰⴼ ⵢⴻⵔⵏⴰ-ⴷ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵡⵉⵙ ⵙⵏⴰⵜ ⵢⵉⴷ ⵏ ⵜⵎⴰⵀⵉⵔⵉⵏ ⵏ ⵓⴼⴰⵔⵉⵙ ⴷ ⵢⵉⵎⴰⵣⵣⴰⴳⴻⵏ (ⴻⵅⵃⴻⵔⵜⵙ) ⵏ ⵜⵎⵓⵔⵜ ⴷ ⵡⵉⴷ ⵏ ⴱⴻⵔⵔⴰ, ⵉ ⴷⴻⴳ ⵉⵃⴻⵜⵜⴻⵎ ⴱⴻⵍⵍⵉ ⵉⵍⴰⵇ ⵓⵀⴻⴳⴳⵉ ⵏ ⴰⴽⴽ ⵍⵊⴻⵀⴷ ⵙ ⵍⵊⴰⵍ ⵏ ⵡⴰⵄⵡⴰⵇ ⵏ ⵡⴰⴽⴰⵍ ⴷ ⵢⵉⴷⵔⵓⵔⴰⵔ ⵉⵡⴰⵄⵔⴻⵏ ⴷⴻⴳ ⵓⵃⵔⵉⵛ-ⴰⴳⵉ (ⴱⵓⵛⴻⵇⵇⵓⴼ-ⵙⵓⵇ ⴰⵀⵔⴰⵙ-ⴷⵔⵉⴰⴰ).
ⴰⵔⵏⵓ ⵖⴻⵔ
