ⵙⵔⴻⵡⵙⴻⵏ-ⴷ ⵉⵙⵉⵡⴹⴻⵏ ⵏ ⵜⵏⴻⵖⵎⴰⵙⵜ ⵏ ⵙⴱⴻⵏⵢⵓⵍ, ⵜⵉⴽⴻⵍⵜ ⵏⵏⵉⴹⴻⵏ, ⴰⴽⴽⴻⵎⵎⴻⵍ ⵏ ⵓⵅⵓⵚⵚⵓ ⵏ ⵢⵉⵍⵓⴳⴰⵏ ⵏ ⵜⵎⴰⵏⴻⴳⵜ ⴷⴻⴳ ⵢⵉⴼⴰⵔⴰⵙⴻⵏ ⵉ ⴷ-ⵢⵓⵙⴰⵏ ⵙⴻⴳ ⵍⵎⴻⵔⵔⵓⴽ. ⴰⵏⴰⴳⵔⴰⵡ ⵏ ⵓⵏⵉⵀ ⵙ ⵜⴰⵣⵣⵍⴰ ⵉ ⵡⵓⵞⵞⵉ ⴷ ⵓⵄⴻⵍⵍⴰⴼ ⵏ ⵜⵓⵔⵓⴼⵜ (RASFF) ⵉⵊⵔⴻⴷ ⵎⵔⴰⵡ ⵏ ⵢⵉⵏⵉⵀⴻⵏ ⵉⵡⴻⵄⵔⴻⵏ, ⵙ ⵙⴻⴱⴱⴰ ⵏ ⵢⵉⵎⵉⵀⵉⵢⴻⵏ ⵉ ⴷ-ⴳⵍⵓⵏ ⵢⵉⴼⴰⵔⴰⵙⴻⵏ-ⴰⴳⵉ ⵉⵎⴻⵙⵔⴰⵅ ⵖⴻⴼ ⵜⴰⵣⵣⵉⵜ ⵏ ⵢⵉⵎⵙⴰⵃⵍⴻⵏ. ⵉⵎⵓⵣⵣⴰⴳⴻⵏ ⵉⵎⴻⵔⵔⵓⴽⵉⵢⴻⵏ ⵏⵏⴰⵏ-ⴷ ⴱⴻⵍⵍⵉ ⴰⵢⴻⵏ ⵉ ⵉⵜⴻⴷⴷⵓⵏ ⴷ "ⵍⴼⴹⵉⵃⴰ ⵏ ⵜⵉⴽⵍⵉ" ⵉⵎⵉ ⴰⵏⴰⴷⵉ ⵏ ⵢⴻⴷⵔⵉⵎⴻⵏ ⵙ ⵜⴰⵣⵣⵍⴰ ⵢⴻⵣⵡⴰⵔ ⵜⴰⵣⵣⵉⵜ ⵏ ⵓⵎⴷⴰⵏ.
ⵉⵙⵉⵡⴹⴻⵏ-ⴰⴳⵉ ⴷⴷⴰⵏ-ⴷ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⵉ ⴷⴻⴳ ⵉⵎⵙⴰⵃⵍⴻⵏ ⵏ ⵜⵓⵔⵓⴼⵜ ⴷ ⵡⴰⵟⴰⵙ ⵏ ⵜⵎⵓⵔⴰ ⵏⵏⵉⴹⴻⵏ ⵔⵔⴻⵣⵍⴻⵏ ⵜⴰⴼⵍⴻⵙⵜ (trust) ⴷⴻⴳ ⵢⵉⴼⴰⵔⴰⵙⴻⵏ ⵏ ⵍⵎⴻⵔⵔⵓⴽ, ⵉⵎⵉ ⴷ-ⵜⵜⵎⴰⴳⴰⵔⴻⵏⵜ ⵜⵎⵓⵀⴰⵍ ⵏ ⵓⵏⵉⵀ ⵏ ⵜⵓⵔⵓⴼⵜ ⵖⴻⴼ ⵙⵙⴻⵍⵄⴰ ⵓⵔ ⵉⵇⴰⴷⵔⴻⵏ ⴰⵔⴰ ⵜⵉⵡⵜⵉⵍⵉⵏ (conditions) ⵏ ⵜⵎⴰⵏⴻⴳⵜ ⵉ ⵜⴻⵙⵙⴻⵔⵔⴻⵙ ⵜⴷⵓⴽⵍⴰ ⵏ ⵜⵓⵔⵓⴼⵜ. ⴰⵢⴰⴳⵉ ⵢⴻⵙⵙⴰⴷⴻⵔ-ⴷ ⴰⵙⵓⵜⵜⴻⵔ ⵉ ⵓⵣⴻⵟⵟⴻⴹ ⵉⵕⴻⵙⵙⴰⵏ ⴷⴻⴳ ⵢⵉⵙⴰⴳⵏⴻⵏ ⴷ ⵜⵉⵍⵉⵙⴰ.
ⴷⴻⴳ ⵓⵣⴻⵏⵣⵉⵖ-ⴰⴳⵉ, ⴰⵖⵎⵉⵙ "El Español" ⵢⵓⵔⴰ-ⴷ ⵢⵉⵡⴻⵏ ⵏ ⵓⵎⴰⴳⵔⴰⴷ ⵙ ⵢⵉⵙⴻⵎ: "ⵙⴱⴻⵏⵢⵓⵍ ⵜⴻⴽⴻⵙ ⵍⴼⴰⴽⵢⴰ ⴷ ⵍⵅⵓⴹⵔⴰ ⵉ ⴷ-ⵢⵓⵙⴰⵏ ⵙⴻⴳ ⵍⵎⴻⵔⵔⵓⴽ ⵙ ⵙⴻⴱⴱⴰ ⵏ ⵢⵉⵙⴰⴼⴰⵔⴻⵏ ⵏ ⵓⵃⵔⴰⵣ ⵏ ⵢⵉⵎⵖⴰⵏ (pesticides) ⵢⴻⵜⵜⵡⴰⵇⴻⴷⵄⴻⵏ ⴷⴻⴳ ⵜⴷⵓⴽⵍⴰ ⵏ ⵜⵓⵔⵓⴼⵜ". ⵉⵙⵎⴻⴽⵜⵉ-ⴷ ⵜⴰⵔⵔⴰⵢⵉⵏ ⵏ ⵓⵣⴻⵟⵟⴻⴹ ⵏ ⵜⴰⵣⵣⵉⵜ ⴷⴻⴳ ⵙⴱⴻⵏⵢⵓⵍ ⵉ ⴷ-ⵢⵓⴼⴰⵏ ⵙⵙⴻⵎ ⴷⴻⴳ ⵢⵉⴼⴰⵔⴰⵙⴻⵏ ⵏ ⵍⵎⴻⵔⵔⵓⴽ, ⵍⴰⴷⵖⴰ ⵙⴻⵍⴷ ⵎⵉ ⵓⴼⴰⵏ ⵉⵙⴰⴼⴰⵔⴻⵏ ⵢⴻⵜⵜⵡⴰⵃⴻⵔⵔⴰⵎⴻⵏ ⴷⴰⵅⴻⵍ ⵏ ⵍⵅⵓⴹⵔⴰ.
ⴰⵖⵎⵉⵙ-ⴰⴳⵉ ⵢⴻⴱⴷⴻⵔ-ⴷ ⴰⵎⴻⴷⵢⴰ ⵏ "ⵓⵊⵉⵣⵓⵏ ⴰⵎⴻⵍⵍⴰⵍ" (carotte blanche) ⵉ ⵢⴻⵜⵜⵡⴰⵇⴻⴷⵄⴻⵏ ⵓⵏⴻⴽⵛⵓⵎ-ⵉⵙ ⵖⴻⵔ ⵙⴱⴻⵏⵢⵓⵍ ⵙⴻⵍⴷ ⵜⵓⵙⵔⵓⵏⵜ (analysis) ⵏ ⵜⴻⵎⵔⵉⵜ ⵉ ⴷ-ⵉⵙⴽⴻⵏⴻⵏ ⵜⵉⵍⵉⵜ ⵏ ⵓⵙⴰⴼⴰⵔ "Chlorpyrifos" ⵙ ⵍⵇⴻⴷⴷ ⵉ ⵉⵣⴻⴳⵔⴻⵏ ⴰⵙⴰⴷⵓⴼ ⵅⴻⵎⵙⴰ ⵏ ⵜⵉⴽⴽⴰⵍ, ⵔⵏⵉ-ⴷ ⴼⴻⵍⵍ-ⴰⵙ
ⴰⵙⴰⴼⴰⵔ ⵏ "Chlorpyrifos" ⴷ ⵢⵉⵡⴻⵏ ⵏ ⵓⵎⵓⴱⵉⴷ ⵢⴻⵜⵜⵡⴰⵇⴻⴷⵄⴻⵏ ⵙ ⵜⴰⵎⴰ ⵏ ⵜⵎⵓⵀⴰⵡⵜ ⵏ ⵜⵓⵔⵓⴼⴷⴻⴳ ⵓⵙⴻⴳⴳⴰⵙ ⵏ 2020, ⵙⴻⵍⴷ ⵎⵉ ⵙⵏⴻⴽⴷⴻⵏ ⵢⵉⵎⵏⴰⴷⵉⵢⴻⵏ ⵏ ⵜⵓⵙⵙⵏⴰ ⴷ ⵜⵓⵊⵊⵢⴰ ⴱⴻⵍⵍⵉ ⵢⴻⵙⵄⴰ ⵉⵎⵉⵀⵉⵢⴻⵏ ⵉ ⵍⴶⴻⵜ ⴷ ⵡⴰⵍⵍⴰⵖ , ⵍⴰⴷⵖⴰ ⵉ ⵢⵉⴳⴻⵔⴷⴰⵏ ⴷ ⵢⵉⵙⵓⴼⴰⴼ ⵜ
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵜⵉⵙⴻⴽⴽⴰⵜⵉⵏ ⵏ ⵜⴼⴻⵔⴽⵉ ⴷⴻⴳ ⵙⴱⴻⵏⵢⵓⵍ ⵜⴻⵜⵜⴽⴻⵎⵎⵉⵍⴻⵏⵜ ⴷⴻⴳ ⵓⵙⵏⴻⴽⵏⴻⴷ ⵏ ⵜⴻⴳⵏⴰⵜⵉⵏ-ⴰⴳⵉ ⵉ ⵉⵃⴻⵚⵔⴻⵏ ⵜⴰⵣⵣⵉⵜ ⵏ ⵢⵉⵎⵙⴰⵃⵍⴻⵏ, ⵙⵙⵓⵜⵜⵔⴻⵏⵜ ⴰⴷ ⴷ-ⵢⵉⵍⵉ ⵓⵣⴻⵟⵟⴻⴹ ⵏ ⵓⵊⵓⵎⵎⴰⵔ ⵉⵕⴻⵙⵙⴰⵏ ⵉ ⵢⴰⴽⴽ ⵢⵉⴼⴰⵔⴰⵙⴻⵏ ⵉ ⴷ-ⵉⵜⵜⴻⴷⴷⵓⵏ ⵙⴻⴳ ⴱⴻⵕⵕⴰ ⵏ ⵜⴷⵓⴽⵍⵉ ⵏ ⵜⵓⵔⵓⴼⵜ.
ⴷⴻⴳ ⵓⴱⵔⵉⴷ-ⴰⴳⵉ ⴷⴰⵖⴻⵏ, ⵉⵙⴰⵍⵍⴻⵏ ⵏ ⵍⵎⴻⵔⵔⵓⴽ ⵙⵏⴻⴽⴷⴻⵏ ⵜⵎⴻⵙⵍⴰⵢⵉⵏ ⵏ ⵢⵉⵎⵓⵣⵣⴰⴳⴻⵏ ⵏ ⵜⴰⵙⵓⵜⵉⵜ ⵉ ⵢⵉⵙⵉⵎⴱⵉⵢⴻⵔⴻⵏ ⵖⴻⴼ ⵓⵙⴻⵎⵔⴻⵙ ⴰⵎⴻⵇⵇⵔⴰⵏ ⵏ ⵡⴰⵍⵍⴰⵍⴻⵏ ⵉⴽⵉⵎⵢⴰⵏⴻⵏ ⴷⴻⴳ ⵢⵉⴼⴰⵔⴰⵙⴻⵏ ⵏ ⵜⴼⴻⵔⴽⵉ ⴷⴻⴳ ⵍⵎⴻⵔⵔⵓⴽ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵉⵙⵉⵡⴻⵍ ⵓⴼⴰⵔⵉⵙ ⵏ ⵍⴼⴰⴽⵢⴰ ⵓⴼⴼⵉⵔ ⵏ ⵍⵡⴻⵇⵜ-ⵉⵙ, ⴷ ⴰⵢⴻⵏ ⵉ ⵢⴻⵔⵔⴰⵏ ⵙⵙⴻⵍⵄⴰ-ⴰⴳⵉ ⴷ ⴰⵎⵉⵀⵉ ⵉ ⵓⵖⵔⵉⵎ ⴷⴻⴳ ⵜⵎⵓⵔⵜ ⴷ ⴱⴻⵕⵕⴰ, ⵡⴰⵍⴰⵏ ⴱⴻⵍⵍⵉ ⵜⴰⵎⵙⴰⵍⵜ-ⴰⴳⵉ ⴷ "ⴰⵅⴻⵙⵙⴰⵔ ⵏ ⵜⵉⴽⵍⵉ" ⵉⵎⵉ ⵉⵙⵡⵉ ⵢⵉⵡⴻⵏ ⵏ ⵢⵉⵎⴼⴰⵔⴽⴰⵏⵏ ⴷ ⵔⵔⴻⴱⴻⵃ ⵏ ⵜⴻⴷⵔⵉⵎⵜ ⵙ ⵜⴰⵣⵣⵍⴰ.
ⴰⵔⵏⵓ ⵖⴻⵔ
