ⵢⴻⴼⴽⴰ ⵜⵓⵔⴰⴹ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴷⴻⴳ ⵜⵖⵉⵎⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵏ ⵡⴰⵙⵙ-ⴰ ⵏ ⵍⵀⴻⴷ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⴰⵙⴻⵏⴽⴻⴷ ⵏ ⵡⴰⵀⵉⵍ ⵏ ⵓⵏⴰⴷⵉ (ⵒⵍⴰⵏ ⴷ'ⴻⵅⵒⵍⵓⵔⴰⵜⵉⵓⵏ) ⵏ ⵓⵏⵏⴰⵔ ⵏ ⵢⵉⵖⴰⵍⴰⴷⴻⵏ ⴷⴻⴳ ⵡⴰⴽⵓⴷ ⴰⵎⵉⵣⵢⴰⵏ. ⴰⵀⵉⵍ-ⴰⴳⵉ ⵉⵍⴰⵇ ⴰⴷ ⴷ-ⵉⵙⴽⴻⵏ "ⵙ ⵜⵎⵓⵖⵍⵉ ⵍⵇⴰⵢⴻⵏ" ⵜⵎⵓⵀⴰⵍ ⵏ ⵢⵉⵖⴰⵍⴰⴷⴻⵏ ⵉ ⴼⴻⵍⵍ-ⴰⵙ ⴰⵔⴰ ⴷ-ⵢⵉⵍⵉ ⵍⵃⴻⵔⵙ ⴷⴻⴳ ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ, ⴰⵎ ⴰⴽⴽⴻⵏ ⴰⵔⴰ ⴷ-ⵜⵜⵓⵏⴻⵎⵍⴻⵏ ⵡⴰⴽⵓⴷⴻⵏ ⵏ ⵓⵙⴻⵎⵔⴻⵙ ⴷ ⵓⴼⴰⵔⵉⵙ.
ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⵙⴻⵃⵔⴻⵙ ⴱⴻⵍⵍⵉ "ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ ⵉⵍⴰⵇ ⴰⴷ ⵜⵉⵍⵉ ⴷⴻⴳ ⵓⵙⵡⵉⵔ ⵏ ⵢⵉⵙⴰⵔⴰⵎⴻⵏ ⵏ ⵍⴻⵣⵣⴰⵢⴻⵔ ⵉ ⵢⴻⴱⵖⴰⵏ ⴰⴷ ⵜⵉⵍⵉ ⴷ ⵍⴶⴻⵀⴷ ⴰⴷⴰⵎⵙⴰⵏ ⵉⵃⴻⵔⵣⴻⵏ ⵓ ⵢⴻⵙⵄⴰⵏ ⴰⵙⴻⵎⵓⵣⵣⴻⴳ (ⴷⵉⵠⴻⵔⵙⵉⴼⵉⵛⴰⵜⵉⵓⵏ) ⴰⵎ ⵍⵍⵙⴰⵙ ⵉ ⵓⵡⴰⵏⴰⴽ ⴰⵎⴰⵢⵏⵓⵜ ⵉⵕⴻⵙⵙⴰⵏ ⵙ ⵢⵉⵎⴹⴰⵏⴻⵏ ⵉ ⴷ-ⵢⴻⵎⵎⴰⵍⴻⵏ ⴰⵢⴻⵏ ⵢⴻⵍⵍⴰⵏ ⴷⴻⴳ ⵡⴰⵏⵏⴰⵔ".
ⵉ ⵡⴰⵏⵏⴻⵛⵜ-ⴰ, ⵢⴻⴼⴽⴰ ⵜⵓⵔⴰⴹ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⴰⵙⴻⵏⴽⴻⴷ ⵏ ⵡⴰⵀⵉⵍ ⵏ ⵓⵏⴰⴷⵉ ⵏ ⵓⵏⵏⴰⵔ-ⴰⴳⵉ ⴷⴻⴳ "ⵡⴰⴽⵓⴷ ⴰⵎⵉⵣⵢⴰⵏ", ⵉ ⴷⴻⴳ ⴰⵔⴰ "ⵜⵜⵓⵏⴻⵎⵍⴻⵏⵜ ⵙ ⵜⵎⵓⵖⵍⵉ ⵍⵇⴰⵢⴻⵏ ⵜⵎⵓⵀⴰⵍ ⵏ ⵢⵉⵖⴰⵍⴰⴷⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⵍⴻⵎⵎⴰⵙⵜ ⵏ ⵓⵎⴰⵀⵉⵍ ⴷⴻⴳ ⵜⴰⵍⵍⵉⵜ ⵉ ⴷ-ⵉⵜⵜⴻⴷⴷⵓⵏ, ⵙ ⵓⵏⴰⵎⴻⵍ ⵉⵕⴻⵙⵙⴰⵏ ⵏ ⵡⴰⴽⵓⴷⴻⵏ ⵏ ⵓⵙⴻⵎⵔⴻⵙ ⴷ ⵓⴼⴰⵔⵉⵙ", ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵖⴱⴰⵍⵓ-ⵏⵏⵉ.
ⵉⵙⵙⴻⵃⵔⴻⵙ ⴷⴰⵖⴻⵏ ⵓⵙⴻⵍⵡⴰⵢ ⴱⴻⵍⵍⵉ "ⵙⴻⴳ ⵜⵓⵔⴰ ⵓⵔ ⵉⵇⴻⴱⴱⴻⵍ ⴰⵔⴰ ⵓⵄⴻⵟⵟⴻⵍ ⴷⴻⴳ ⵓⵙⴻⵍⴽⴻⵎ ⵏ ⵜⵓⵔⴰⴹ ⴷ ⵡⴰⵀⵉⵍⴻⵏ ⵏ ⵓⵎⴰⵀⵉⵍ ⵉ ⴼⴻⵍⵍ-ⴰⵙ ⵉ ⵏⴻⵎⵜⴰⵡⴰ ⴷⴻⴳ ⵢⴰⴽⴽ ⵜⵎⵓⵀⴰⵍ ⵏ ⵢⵉⵖⴰⵍⴰⴷⴻⵏ, ⴰⵎ ⵓⴼⵔⴰⵏ ⵢⵉⵡⴻⵏ ⵉ ⵓⴹⵎⴰⵏ ⵏ ⵡⵓⵔⴰⴽⵓ ⵏ ⵓⵙⵏⴻⴼⵍⵉ".
ⵔⵏⵉ-ⴷ ⵖⴻⵔ ⵡⴰⵏⵏⴻⵛⵜ-ⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⴼⴽⴰ ⴰⵣⴰⵔⵓⴳ ⵉⵡⴰⴽⴽⴻⵏ ⴰⴷ ⵜⵜⵓⵙⴻⵎⵔⴻⵙ ⵜⵉⴽⵏⵓⵍⵓⵊⵉⵜ ⵉⴶⴻⵀⴷⴻⵏ ⵙ ⵍⴻⴽⵎⴰⵍ ⴷⴻⴳ ⵓⵏⴰⴷⵉ ⵏ ⵢⵉⵖⴰⵍⴰⴷⴻⵏ, ⴷ ⵓⵙⴻⵎⵔⴻⵙ ⵏ ⵜⵣⴻⵎⵎⴰﺮ ⵏ ⵜⴰⵍⵙⴰ ⵜⵉⴷⵉⴳⴰⵏⵉⵏ, ⵜⵣⴻⵎⵎⴰⵔ ⵏ ⵍⴻⵣⵣⴰⵢⵔⵉⵢⴻⵏ ⵏ ⴱⴻⵕⵕⴰ ⵏⴻⵖ ⵙ ⵜⴷⵓⴽⵍⵉ ⴷ ⵜⵎⵓⵔⴰ ⵜⵉⴷⵓⴽⴽⵍⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.
ⴰⵔⵏⵓ ⵖⴻⵔ
