ⵉⵙⵇⴻⵔⴷⴻⵛ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵎⴻⵔⵢⴰⵏ ⵎⴰⵙⵙ ⵎⵓⵀⴰⵎⴻⴷ ⴰⵔⴽⴰⴱ ⴰⵙⵙ-ⴰ ⵏ ⵍⵀⴻⴷ, ⵙ ⵜⵜⴰⵡⵉⵍ ⵏ ⵓⴷⵉⵡⴻⵏⵏⵉ ⵙ ⵓⵙⴻⵍⴽⵉⵎ ⵏ ⵍⴻⴱⵄⵉⴷ, ⴷ ⵓⵏⴻⵖⵍⴰⴼ ⵏ ⵍⵒⴻⵜⵔⵓⵍ ⵏ ⵜⴻⴳⴷⵓⴷⴰ ⵏ ⵏⵏⵉⴶⴻⵔ, ⵎⴰⵙⵙ ⵀⴰⵎⴰⴷⵓⵓ ⵜⵉⵏⵉ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵏⴻⵖⵍⴰⴼⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⵜⴰⴳⵏⵉⵜ ⵉ ⵓⵙⵏⴻⴽⵏⴻⴷ ⵏ ⵡⴰⴷⴷⴰⴷ ⴷ ⵢⵉⵙⴰⵔⴰⵎⴻⵏ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ , ⴷ ⵓⵇⴻⵔⴷⴻⵛ ⵏ ⵜⴰⵔⵔⴰⵢⵉⵏ ⵏ ⵓⵙⴻⴶⵀⴻⴷ-ⵉⵙ ⵉ ⵏⴼⴰⵄ ⵏ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ.
ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵎⵎⴻⵙⵍⴰⵢⴻⵏ ⴷⴰⵖⴻⵏ ⵖⴻⴼ ⵢⵉⵎⴰⵀⵉⵍⴻⵏ ⵏ ⵓⵎⵓⵍⵍⵉ ⵏ ⵙⵓⵏⴰⵜⵔⴰⵛⵀ ⴷⴻⴳ ⵏⵏⵉⴶⴻⵔ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵍⵒⴻⵜⵔⵓⵍ ⵏ "ⴽⴰⴼⵔⴰ", ⵙⴻⵍⴷ ⵓⵙⵜⴻⵏⵢⵉ ⵏ ⵜⵓⴽⴽⵉⵙⵜ ⵏ ⵡⴻⴼⵀⴰⵎ ⴳⴰⵔ ⵍⴻⵣⵣⴰⵢⴻⵔ ⴷ ⵏⵏⵉⴶⴻⵔ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⵉ ⴷ-ⵢⵉⵍⵍⴰⵏ ⴰⵙⵙ ⵏ 24 ⵎⴻⵖⵔⴻⵙ 2026, ⴷⴻⴳ ⵔⵔⵉⴼ ⵏ ⵜⵙⴻⵎⵎⵓⵏⵜ ⵜⵉⵙ ⵙⵏⴰⵜ ⵏ ⵜⴻⵙⵇⴰⵎⵓⵜ ⵜⴰⵎⴻⵣⴷⴰⵢⵜ ⵜⴰⵎⴻⵇⵇⵔⴰⵏⵜ ⵉ ⵓⵎⵢⴻⵛⵛⴻⵔ ⵉ ⴷ-ⵢⵉⵍⵍⴰⵏ ⴷⴻⴳ ⵏⵢⴰⵎⴻⵢ.
ⴷⴻⴳ ⵜⴰⵍⵍⵉⵜ ⵏ ⵢⵉⵎⴻⵙⵍⴰⵢⴻⵏ-ⴰⴳⵉ, ⵡⴰⵍⴰⵏ ⵜⵉⴷⴷⵢ ⵏ ⵢⵉⵎⴰⵀⵉⵍⴻⵏ ⵏ ⵓⵚⴻⴳⴳⴻⵎ ⴷ ⵓⵏⴰⴷⵉ ⴷⴻⴳ ⵓⵏⵔⴰⵔ ⵏ ⴽⴰⴼⵔⴰ, ⴷ ⵓⵙⴼⵓⵍⴻⵍ ⵏ ⵓⵎⵙⴰⵙⴻⵢ ⴳⴰⵔ ⵙⵓⵏⴰⵜⵔⴰⵛⵀ (ⵙ ⵓⴱⵔⵉⴷ ⵏ ⵓⴼⵓⵔⴽ-ⵉⵙ ⵙⵉⵒⴻⵅ) ⴷ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵏⵏⵉⴶⴻⵔ ⵉ ⵍⵒⴻⵜⵔⵓⵍ . ⵙⴻⵃⵔⴻⵙⴻⵏ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ ⵓⵙⵙⴻⴽⵛⴻⵎ ⵏ ⵜⵎⵓⵙⵏⵉⵡⵉⵏ ⴷ ⵜⵙⵏⵓⵔⴻⴼⵉⵏ ⵏ ⵏⵏⵉⴶⴻⵔ ⴷⴻⴳ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉ ⵉ ⵏⴼⴰⵄ ⵏ ⵜⴷⴰⵎⵙⴰ ⵏ ⵜⵎⵓⵔⵜ-ⵏⵏⵉ.
ⵙⵉⵏ ⵏ ⵢⵉⴽⵓⴱⴰⵔ ⵇⴻⵔⴷⵛⴻⵏ ⴷⴰⵖⴻⵏ ⵜⴰⵔⵔⴰⵢⵉⵏ ⵉ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵓⵙⵉⵍⴻⵖ , ⴰⵏⵉⴳ ⵏ ⵜⵉⵜⵉⴽⵏⵓⵍⵓⵊⵉⵢⵉⵏ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵔⵎⵉⵜⴻⵏ, ⵙ ⵓⵙⴱⴻⴷⴷⵉ ⵏ ⵡⴰⵀⵉⵍⴻⵏ ⵏ ⵓⵙⵉⵙⵀⴻⵍ ⵉ ⵢⵉⵎⴹⴻⴱⴱⵔⴻⵏ ⴷ ⵢⵉⵜⴽⵏⵉⴽⵉⵢⴻⵏ, ⴷ ⵓⵙⵏⴻⴼⵍⵉ ⵏ ⵜⴷⵓⴽⵍⵉ ⴳⴰⵔ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ ⵏ ⵙⵏⴰⵜ ⵏ ⵜⵎⵓⵔⴰ ⴰⵎ ⵙⵓⵏⴰⵜⵔⴰⵛⵀ, ⵙⵓⵏⵉⴷⴻⵒ ⴷ ⵏⴰⴼⵜⴰⵍ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵏ ⵓⵣⵓⵏⴻⵢ, ⵓⵃⵔⴰⵣ ⴷ ⵓⴼⵔⴰⵇ ⵏ ⵢⵉⴼⴰⵔⴰⵙⴻⵏ ⵏ ⵍⵒⴻⵜⵔⵓⵍ.
ⴷⴻⴳ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ, ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵙⵏⴻⴽⴷⴻⵏ ⵍⴻⴱⵖⵉ-ⵏⵙⴻⵏ ⴰⵎⴻⵣⴷⴰⵢ ⵉⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴷⴻⴳ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⵏ ⵙⵉⵏ ⴷⴻⴳ ⵓⵏⵏⴰⵔ ⵏ ⵢⵉⵎⴻⵔⵢⴰⵏ ⴷ ⵓⵙⴱⴻⴷⴷⵉ ⵏ ⵢⵉⵙⴻⵏⴼⴰⵔⴻⵏ ⵉ ⴼⴻⵍⵍ-ⴰⵙⴻⵏⵜ ⵉ ⵎⵜⴰⵡⴰⵏ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵉⴷⵔⴻⵡ ⵏ ⵜⵎⴻⵔⵔⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
