ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵢⵉⵎⴻⵀⵍⴰⵏ ⵏ ⴱⴰⵢⵍⴻⴽ ⴷ ⵢⵉⵙⵓⵢⴰⵙ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴽⴻⵍⵍⴰⵓⵓⵉ, ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⴳⵔⴰⵡ ⵏ ⵓⵏⵢⵓⴷⴷⵓ ⵉ ⵓⴹⴼⴰⵔ ⵏ ⵜⵉⵀⴻⴳⴳⵉⵡⵉⵏ ⵉ ⵓⵙⴻⵏⴽⴻⵔ ⵏ ⵓⵙⴻⵏⴼⴰⵔ ⵏ ⵓⵙⴱⴻⴷⴷⵉ ⵏ ⵓⵊⴻⵔⵔⵉⴷ ⵏ ⵜⵎⴰⵛⵉⵏⵜ ⵉ ⵢⴻⵙⵙⵉⵡⴰⵢⴻⵏ ⴳⴰⵔ ⵜⴰⵎⴻⵏⵖⴰⵙⵜ ⴷ ⵓⴳⴰⴼⴰ ⵏ ⵜⵎⵓⵔⵜ, ⵉⵣⴻⵔⵔⵉⵏ ⵖⴻⴼ ⵜⵡⵉⵍⴰⵢⵉⵏ ⵏ ⵍⴻⵖⵡⴰⵟ, ⵖⴻⵔⴷⴰⵢⴰ, ⵍⴻⵎⵏⵉⵄⴰ, ⵉⵏ ⵙⴰⵍⴰⵃ ⴷ ⵜⴰⵎⴻⵏⵖⴰⵙⵜ.
ⵜⵉⵎⵍⵉⵍⵉ-ⴰⴳⵉ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵍⵍⴻⴽ ⵏ ⵢⵉⵏⴻⵔⵡⴰⵢⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⴷ-ⵢⴻⴼⴽⴰ ⵡⴰⵙⵙ ⵏ ⵍⵀⴻⴷ ⵉⵄⴻⴷⴷⴰⵏ ⴷⴻⴳ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⵉⵏ, ⵉⵡⴰⴽⴽⴻⵏ ⴰⴷ ⵢⴻⵔⵓⵔⴻⴷ ⵓⴼⵔⴰⵖ ⵏ ⵓⵙⴻⵏⴼⴰⵔ-ⴰⴳⵉ ⵏ ⵓⵙⵜⵔⴰⵜⵉⴳⵉ ⵉ ⵢⴻⵍⵍⴰⵏ ⴷ "ⵜⴰⵎⴻⵣⵡⵓⵔⵉⵜ ⵏ ⵜⵎⴻⵣⵡⵓⵔⴰ" ⵏ ⵓⵃⵔⵉⵛ.
ⴷⴻⴳ ⵓⴳⵔⴰⵡ-ⴰⴳⵉ, ⵙⵇⴻⵔⴷⴻⵛⴻⵏ ⴰⵙⵡⵉⵔ ⵏ ⵜⵉⵀⴻⴳⴳⵉⵡⵉⵏ ⵉ ⵢⴻⵇⵇⵏⴻⵏ ⵖⴻⵔ ⵓⵙⴻⵏⴽⴻⵔ ⵏ ⵓⵊⴻⵔⵔⵉⴷ ⵏ ⵜⵎⴰⵛⵉⵏⵜ ⴳⴰⵔ ⵍⴻⵎⵏⵉⵄⴰ ⴷ ⵜⴰⵎⴻⵏⵖⴰⵙⵜ, ⵍⴰⴷⵖⴰ ⵓⵃⵔⵉⵛ ⴳⴰⵔ ⵍⴻⵎⵏⵉⵄⴰ ⴷ ⵜⵏⴻⵇⵇⵉⵟ ⵏ ⵢⵉⴽⵉⵍⵓⵎⵉⵜⵔⴻⵏ 216.
ⵙⴷⴻⴼⴼⵉⵔ ⵡⴰⵏⵏⴻⵛⵜ-ⴰ, ⴰⵏⴻⵖⵍⴰⴼ ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵢⵉⵙⵡⵉⵔⴻⵏ ⵉ ⵢⴻⵇⵇⵏⴻⵏ ⵖⴻⵔ ⵓⵙⴻⵏⴽⴻⵔ ⵏ ⵓⵊⴻⵔⵔⵉⴷ ⴳⴰⵔ ⵍⴻⵖⵡⴰⵟ, ⵖⴻⵔⴷⴰⵢⴰ ⴷ ⵍⴻⵎⵏⵉⵄⴰ, ⵖⴻⴼ ⵜⴻⵖⵣⵉ ⵏ 495 ⴽⵎ.
ⵉⵍⵎⴻⵏⴷ ⵏ ⵡⴰⵏⵏⴻⵛⵜ-ⴰ, ⵎⴰⵙⵙ ⴽⴻⵍⵍⴰⵓⵓⵉ ⵢⴻⵙⴱⴻⴷⴷ ⴰⵡⴰⵍ ⵖⴻⴼ ⵏⴼⴰⵄ ⵏ ⵓⵙⵜⵔⴰⵜⵉⴳⵉ ⵏ ⵢⵉⵙⴻⵏⴼⴰⵔⴻⵏ-ⴰⴳⵉ, ⵢⴻⵔⵏⴰ ⵢⴻⵙⵙⴰⵡⴻⵍ ⵉ ⵢⵉⵎⵛⴻⵕⴽⴻⵏ ⴷ ⵜⵙⵓⴷⴰ ⵉ ⵓⵞⵀⴻⴷ ⵏ ⵓⵏⵢⵓⴷⴷⵓ ⴷ ⵓⴹⴼⴰⵔ, ⴷ ⵓⵙⵓⵏⴻⵍⵡⵓ ⵏ ⵡⴰⵍⵍⴰⵍⴻⵏ ⵏ ⵓⵎⴷⴰⵏ ⴷ ⵜⴼⴻⴽⵡⵉⵏ.
ⴰⵔⵏⵓ ⵖⴻⵔ
