ⵜⴻⵄⵍⴻⵏ-ⴷ ⵜⴰⴷⴱⴻⵍⵜ ⵏ ⵓⵖⵍⵉⴼ ⵏ ⴱⴰⵢⴻⵔ ⵍⴻⵠⴻⵔⴽⵓⵙⴻⵏ, ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ, ⴱⴻⵍⵍⵉ ⴰⵎⵓⵔⴰⵔ ⴰⴳⵔⴻⵖⵍⴰⵏ ⴰⵣⵣⴰⵢⵔⵉ, ⵉⴱⵔⴰⵀⵉⵎ ⵎⴰⵣⴰ, ⵢⴻⵡⵡⵉ ⴰⵔⵔⴰⵣ ⵏ ⵓⵎⵓⵔⴰⵔ ⵏ ⵜⵙⴻⵎⵎⵓⵏⵜⴷⴻⴳ ⵜⴻⵔⴱⴰⵄⵜ ⵉ ⵓⵙⴻⴳⴳⴰⵙ ⵏ ⵜⴽⵓⵔⵜ 2025-2026 ⵉⵄⴻⴷⴷⴰⵏ.
ⵜⵓⵔⴰ ⵜⵙⴻⴱⴱⴻⵍ (ⵜⴰⴷⴱⴻⵍⵜ) ⵏ ⵍⴻⵠⴻⵔⴽⵓⵙⴻⵏ ⴷⴻⴳ ⵢⵉⵡⴻⵏ ⵏ ⵓⵙⵓⴼⴼⴻⵖ ⴷⴻⴳ ⴼⴰⵛⴻⴱⵓⵓⴽ: "ⴰⵎⵓⵔⴰⵔ ⴰⴳⵔⴻⵖⵍⴰⵏ ⴰⵣⵣⴰⵢⵔⵉ ⵉ ⴷ-ⵉⵟⵟⴰⵍⵍⵓⵏ ⵢⴻⵡⵡⵉ ⴰⵔⵔⴰⵣ ⵏ ⵓⵎⵓⵔⴰⵔ ⵓⴼⵔⵉⵏ ⴷⴻⴳ ⵜⴻⵔⴱⴰⵄⵜ ⵉ ⵜⵙⴻⵎⵎⵓⵏⵜ ⵏ 2025-2026". ⵎⴰⵣⴰ ⵢⴻⵙⵙⴰⵙⵉⵜ-ⴷ ⵜⴰⵎⴰⵡⵜ ⴷⴻⴳ ⵜⵙⴻⵎⵎⵓⵏⵜ-ⵉⵙ ⵜⴰⵎⴻⵏⵣⵡⵓⵜ ⴷ ⵍⴻⵠⴻⵔⴽⵓⵙⴻⵏ, ⵉ ⵖⴻⵔ ⴷ-ⵢⴻⴽⵛⴻⵎ ⴷⴻⴳ ⵓⵏⴻⴱⴷⵓ ⵏ 2025 ⵙⴻⴳ ⵓⵖⵍⵉⴼ ⵏ ⵀⴻⵔⵜⵀⴰ ⴱⴻⵔⵍⵉⵏ.
ⴰⵎⵓⵔⴰⵔ ⵏ "ⵉⵣⵉⵏⵣⴰⵡⴻⵏ" ⵢⵓⵔⴰⵔ 44 ⵏ ⵜⴻⵎⵍⵉⵍⵉⵢⵉⵏ ⴷⴻⴳ ⵜⵙⴻⵎⵎⵓⵏⵜ-ⵉⵙ ⵜⴰⵎⴻⵏⵣⵡⵓⵜ, ⵢⴻⵙⵙⴰⴷⴻⵔ ⴷⴻⴳ-ⵙⴻⵏⵜ 5 ⵏ ⵢⵉⵙⵡⵉⵔⴻⵏ (ⴱⵓⵜⵙ) ⵓ ⵢⴻⵅⴷⴻⵎ 6 ⵏ ⵜⴰⵍⵍⴻⵍⵜ ⵏ ⵓⴼⴰⵔⵉⵙⵙ ⵓⵎⴰⵀⵉⵍ-ⵉⵙ ⵢⴻⵍⵀⴰⵏ ⴷⴻⴳ ⵓⵙⴻⴳⴳⴰⵙ-ⴰⴳⵉ, ⵉⴱⵔⴰⵀⵉⵎ ⵎⴰⵣⴰ ⵢⴻⴽⵛⴻⵎ ⵙ ⵍⴶⴻⵀⴷ ⴷⴻⴳ ⵜⵎⵓⵖⵍⵉ ⵏ ⵜⵙⴻⴷⴷⴰⵔⵉⵏ ⵜⴰⵎⴻⵇⵇⵔⴰⵏⵉⵏ ⵏ ⵜⵓⵔⵓⴼⵜ ⴰⵎ ⴱⴰⵔⵛⴻⵍⵓⵏⴰ, ⴰⵜⵍⴻⵜⵉⵛⵓ ⵎⴰⴷⵔⵉⴷ, ⵊⵓⵠⴻⵏⵜⵓⵙ ⴷ ⵎⴰⵏⵛⵀⴻⵙⵜⴻⵔ ⵛⵉⵜⵢ, ⴰⴽⴽⴻⵏ ⵉ ⴷ-ⵏⵏⴰⵏ ⵡⴰⵟⴰⵙ ⵏ ⵢⵉⵙⴰⵍⵍⴻⵏ ⵏ ⵜⵏⴻⵖⵎⴰⵙⵜ.
ⴰⵎⵓⵔⴰⵔ ⴰⵣⵣⴰⵢⵔⵉ ⵜⵜⵀⴻⴳⴳⵉ ⴷ ⵜⴻⵔⴱⴰⵄⵜ ⵏ "ⵉⵣⵉⵏⵣⴰⵡⴻⵏ" ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⴰⵔⴶⴰⵏⵜⵉⵏ ⴷⴻⴳ ⵜⵉⵣⴻⴽⵏⵉⵏ ⵜⵉⵎⴻⵏⵣⵡⵓⵜⵉⵏ ⵏ ⵡⴰⵙⵙ ⵏ ⵍⴰⵔⴻⴱⴻⵄ, ⵉ ⵓⵃⵔⵉⵛ ⴰⵎⴻⵏⵣⵡⵓⵔⵓ ⵏ ⵜⴻⴳⵔⵓⵎⵎⴰⵡⵉⵏ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026.
ⴰⵔⵔⴰⵣ-ⴰⴳⵉ ⵏ ⵍⵀⵉⴱⴰ ⴰⴷ ⵢⴻⵙⵙⴻⵃⵔⴻⵙ ⵓⴳⴰⵔ ⵉⴱⵔⴰⵀⵉⵎ ⵎⴰⵣⴰ ⵉⵡⴰⴽⴽⴻⵏ ⴰⴷ ⴷ-ⵢⴻⴼⴽ ⴰⵙⵡⵉⵔ ⵉⴼⴰⵣⴻⵏ ⴷⴻⴳ ⵍⵎⵓⵏⴷⵉⵢⴰⵍ, ⵓ ⴰⴷ ⴷ-ⵢⴰⵍⵉ ⵡⴰⵣⴰⵍ-ⵉⵙ ⴷⴻⴳ ⵓⴳⴻⴷⴻⵣ (ⵙⵙⵓⵇ) ⵏ ⵢⵉⵎⵓⵔⴰⵔ ⴷⴻⴳ ⵓⵏⴻⴱⴷⵓ-ⴰⴳⵉ.
ⴰⵔⵏⵓ ⵖⴻⵔ
