ⵜⴻⵙⵙⴻⴽⴰ-ⴷ ⵜⴻⵙⴷⴰⵡⵉⵜ ⵏ ⵇⵙⴻⵏⵟⵉⵏⴰ 2, ⴰⴱⴷⴻⵍⵀⴰⵎⵉⴷ ⵎⴻⵀⵔⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵜ ⵏ ⵜⵉⵖⵉⵎⵉⵜ ⵏ ⵓⴷⵉⵡⴻⵏⵏⵉ ⵏ ⵓⵙⵡⵉⵔ ⵉⵄⵍⴰⵢⴻⵏ ⴷⴻⴳ ⵓⵏⵏⴰⵔ ⵏ ⵡⴰⵀⵉⵍⴻⵏ ⵏ ⵡⴻⴳⵔⴰⵡ ⴰⵖⴻⵍⵏⴰⵡ ⵙ ⵢⵉⵙⴻⵎ: "ⴰⴳⴻⵔⵔⵓⵊ ⵏ ⵡⴰⵍⵍⴰⵖ ⴰⵎ ⵓⴱⵔⵉⴷ ⵉ ⵓⵙⴻⴶⵀⴻⴷ ⵏ ⵜⵎⵓⵖⵍⵉ ⵏ ⵜⴰⵎⴻⵙⵜⴻⵏⵜ ⴷⴻⴳ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ – ⴰⴷⴷⴰⴷ ⵏ ⵍⴻⵣⵣⴰⵢⴻⵔ". ⴰⵢⴰⴳⵉ ⵢⴻⵍⵍⴰ-ⴷ ⵙ ⵓⵜⴻⴽⴽⵉ ⵓⴼⵔⵉⵏ ⵏ ⵡⴰⵟⴰⵙ ⵏ ⵜⵓⴷⴷⵙⵉⵡⵉⵏ ⵉ ⵢⴻⵟⵟⴰⴼⴰⵔⴻⵏ ⵜⵏⴻⵖⵍⴰⴼⵜ ⵏ ⵜⴷⴰⵎⵙⴰ ⵏ ⵜⵎⵓⵙⵏⵉ, ⵜⵉⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ ⴷ ⵜⵉⵎⵉⵛⵛⴰⵏⵉⵏ.
ⵜⵉⵖⵉⵎⵉⵜ-ⴰⴳⵉ ⵜⵣⴻⵔ ⵜⵉⵍⵉⵜ ⵏ ⵡⴰⵟⴰⵙ ⵏ ⵢⵉⵎⴹⴻⴱⴱⵔⴻⵏ ⵉⵎⴰⵜⴰⵏⴻⵏ ⵏ ⵜⵎⵓⵙⵏⵉⵡⵉⵏ ⵉⵕⴻⵙⵙⴰⵏⴻⵏ ⴷⴻⴳ ⵓⵏⴰⴳⵔⴰⵡ ⵏ ⵜⴰⵎⴻⵙⵜⴻⵏⵜ (entrepreneurship), ⴳⴰⵔ-ⴰⵙⴻⵏ ⴰⵎⴻⵙⵖⵉⵡ ⴰⴳⴷⵓⴷⴰⵏ (accélérateur public), ⴰⵙⴻⵏⴷⵓⵇ ⴰⵣⵣⴰⵢⵔⵉ ⵉ ⵓⵙⵔⵉⵎ (financement) ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ (startups), ⴷ ⵜⴻⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵉ ⵓⵙⴻⴷⴳⴻⵔ ⴷ ⵓⵙⵏⴻⴼⵍⵉ ⵏ ⵜⴰⵎⴻⵙⵜⴻⵏⵜ (NESDA), ⵔⵏⵉ-ⴷ ⵖⴻⵔ-ⴰⵙⴻⵏ ⵜⵓⴷⴷⵙⵉⵡⵉⵏ ⵏⵏⵉⴹⴻⵏ ⵉ ⵢⴻⵄⵏⴰⵏ ⴰⵙⴷⴻⴳⴳⴻⵔ ⴷ ⵓⵙⴼⵓⵍⴻⵍ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ ⴷ ⴰⵎⵔⴰⵃ ⵉ ⵓⵇⴻⵔⴷⴻⵛ ⵏ ⵜⴰⵔⵔⴰⵢⵉⵏ ⵏ ⵓⵙⵏⴻⴼⵍⵉ ⵏ ⵜⴰⵡⵏⵏⴰⴹⵜ ⵉ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ, ⵍⴰⴷⵖⴰ ⵙ ⵓⵏⵉⴳ ⵙⴻⴳ ⵓⵙⴱⴻⴷⴷⵉ ⵏ ⵜⵣⴻⵎⵎⴰⵔ ⵏ ⵡⴰⵍⵍⴰⵖ ⵖⴻⵔ ⵓⵙⴻⴷⴷⴻⵔ ⵏ ⵡⴰⵍⵍⴰⵍⴻⵏ ⵏ ⵜⴰⵍⵍⴻⵍⵜ ⵏ ⵜⴻⴷⵔⵉⵎⵜ, ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴷⴻⴳⴳⴻⵔ ⵏ ⵔⵔⵓⵃ ⵏ ⵓⵙⵏⵓⵍⴼⵓ.
ⵉⵎⴻⵙⵍⴰⵢⴻⵏ ⵡⵡⵉⵏ-ⴷ ⵖⴻⴼ ⵡⴰⴷⴷⴰⴷ ⵏ ⵓⵏⴰⴳⵔⴰⵡ ⵏ ⵜⴰⵎⴻⵙⵜⴻⵏⵜ ⴷⴻⴳ ⵍⴻⵣⵣⴰⵢⴻⵔ, ⵙ ⵓⵙⴻⵎⵔⴻⵙ ⵏ ⵢⵉⴽⴰⵢⴰⴷⴻⵏ (défis) ⴷ ⵜⵣⴻⵎⵎⴰⵔ ⵢⴻⵍⵍⴰⵏ, ⵙ ⵓⵣⴻⴶⴶⴻⴷ ⵖⴻⴼ ⵡⴰⵣⴰⵍ ⵏ ⵓⵙⴻⴶⵀⴻⴷ ⵏ ⵓⵎⵙⴰⵙⴻⵢ ⴳⴰⵔ ⵢⵉⵢⴻⵙⴽⵉⵔⴻⵏ ⵉⴳⵔⴰⵖⵍⴰⵏⴻⵏ, ⴷ ⵓⵙⴼⵓⵍⴻⵍ ⵏ ⵡⵉⴷ ⵢⴻⵙⵄⴰⵏ ⵉⵙⴻⵏⴼⴰⵔⴻⵏ ⴷⴻⴳ ⵢⴰⴽⴽ ⵢⴻⵙⵡⵉⵔⴻⵏ ⵏ ⵓⵙⴱⴻⴷⴷⵉ ⵏ ⵜⵉⴽⵜⵉⵏ-ⵏⵙⴻⵏ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵎⴻⵙⵍⴰⵢⵜ ⵏ ⵜⴻⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵓⵙⴻⴷⴳⴻⵔ ⴷ ⵓⵙⵏⴻⴼⵍⵉ ⵏ ⵜⴰⵎⴻⵙⵜⴻⵏⵜ (NESDA), ⵉ ⴷ-ⵢⴻⵡⵡⵉ ⵓⵎⴰⵙⵍⴰⴷ-ⵉⵙ ⵎⴰⵙⵙ ⵄⴰⴷⵉⵍ ⴱⴻⵍⵇⴰⵙⵎⵉ, ⵜⴻⵙⵙⴻⴽⵏⴻⴷ-ⴷ ⴰⵣⴰⵍ ⵉⵕⴻⵙⵙⴰⵏ ⵉ ⵅⴻⴷⴷⵎⴻⵜ ⵜⵙⵏⵓⵔⴻⴼⵜ ⵉ ⵓⵙⴼⵓⵍⴻⵍ ⵏ ⵢⵉⵎⴰⵡⵍⴰⵏ ⵏ ⵢⵉⵙⴻⵏⴼⴰⵔⴻⵏ, ⵙ ⵢⵉⵡⴻⵏ ⵏ ⵓⴼⴻⵔⴷⵉⵙ ⵏ ⵢⵉⵎⴻⵥⵍⴰ ⵉ ⵢⴻⴱⵖⴰⵏ ⴰⵙⴷⴻⴳⴳⴻⵔ ⵏ ⵓⵙⴱⴻⴷⴷⵉ ⴷ ⵓⵙⵏⴻⴼⵍⵉ ⵏ ⵜⵎⵓⵙⵏⵉⵡⵉⵏ ⵜⵉⵎⵉⵛⵛⴰⵏⵉⵏ
ⴰⵎ ⴰⴽⴽⴻⵏ ⵉ ⴷ-ⵉⵙⵙⴻⴽⵏⴻⴷ ⴱⴻⵍⵍⵉ ⵜⴰⵙⵏⵓⵔⴻⴼⵜ ⵜⴻⵜⵜⴻⴽⴽⵉ ⴷⴻⴳ ⵓⵙⴻⴳⵔⴻⵣ ⵏ ⵜⵎⴰⴳⵉⵜ ⵏ ⵜⴰⵎⴻⵙⵜⴻⵏⵜ ⴳⴰⵔ ⵢⵉⵍⵎⴻⵣⵢⴻⵏ, ⴷ ⵓⵙⵏⴻⵔⵏⵉ ⵏ ⵍⵎⴻⴶⵀⵓⴷⴰⵜ-ⵉⵙ ⴷⴻⴳ ⵓⵏⵏⴰⵔ ⵏ ⵓⵙⵉⵍⴻⵖ ⴷ ⵓⵙⴻⵏⵄⴻⵜ, ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵢⴰⵡⴻⴹ ⵉ ⵜⵎⵓⵖⵍⵉⵡⵉⵏ ⵜⴰⵖⴻⵍⵏⴰⵡⵉⵏ ⵉ ⵢⴻⴱⵖⴰⵏ ⴰⵙⴰⵍⵉ ⵏ ⵜⴷⴰⵎⵙⴰ ⵏ ⵜⵎⵓⵙⵏⵉ ⴷ ⵓⵙⴻⴷⴳⴻⵔ ⵏ ⵜⵎⵓⵙⵏⵉⵡⵉⵏ ⵏ ⵓⵙⵏⵓⵍⴼⵓ.
ⴰⵔⵏⵓ ⵖⴻⵔ
