ⵉⵙⵙⴻⴱⵔ-ⴷ ⵓⵏⴻⵖⵍⴰⴼ ⵏ ⵜⵡⴰⵏⴽⵉⵜ, ⴰⵏⴻⵖⵍⴰⴼ ⵏ ⵢⵉⵙⴰⴼⴰⵔⴻⵏ ⵏ ⴱⴻⵔⵔⴰ ⴷ ⵓⵖⴰⵔⵉⵎ ⴰⵖⴻⵍⵏⴰⵡ ⴷⴻⴳ ⴱⴻⵔⵔⴰ ⴷ ⵢⵉⵙⴰⴼⴰⵔⴻⵏ ⵉⴼⵔⵉⵇⵉⵢⴻⵏ, ⵄⵀⵎⴻⴷ ⵄⵜⵜⴰⴼ, ⴰⵙⵙ-ⴰ, ⵟoⵎ Bⴻⵔⴻⵏⴷⵙⴻⵏ, ⴰⵏⴻⵖⵍⴰⴼ ⵏ ⵢⵉⵙⴰⴼⴰⵔⴻⵏ ⵏ ⴱⴻⵔⵔⴰ ⵏ ⵜⴰⴳⴻⵍⴷⴰ ⵏ ⵃⵓⵍⴰⵏⴷⴰ, ⵉ ⴷ-ⵢⵓⵙⵏ ⴷⴻⴳ ⵜⵉⵔⵣⴰ ⵏ ⵜⵎⴰⵀⵍⵉ ⵖⴻⵔ ⴷⵣⴰⵢⴻⵔ, ⴷⴻⴳ ⵢⵉⵙⵙⴰⵏ ⵏ 2 ⴷ 3 ⵡⴰⵎⴱⴻⵔ 2026, ⵙ ⵢⵉⵙⴰⵍⵍⴻⵏ ⵉ ⴷ-ⵢⴻⵡⵡⵉⵏ ⵓⵍⵉⵖ ⵏ ⵜⵏⴻⵖⵍⴰⴼⵜ.
ⵜⵜⴻⴽⴽⵉ ⵜⵉⵔⵣⴰ-ⴰ, ⵙ ⵢⵉⵙⴰⵍⵍⴻⵏ ⵏ ⵓⵍⵉⵖ-ⵏⵏⵉ, "ⴷⴻⴳ ⵓⴽⴰⵜⴰⵕ ⵏ ⵓⵙⵙⴻⵖⵣⴻⴼ ⵏ ⵓⴷⵉⵡⴰⵍ ⴰⵙⴻⵔⵜⵉ ⴳⴰⵔ ⵙⵉⵏ ⵏ ⵢⵉⴷⵉⵙⴰⵏ, ⴷ ⵓⵙⵙⴻⴱⴷⵓⴷ ⵏ ⵜⴰⵖⴻⵍⵍⴰ-ⵏⵙⴻⵏ ⵜⴰⵎⵙⴻⵎⵎⴰⵍⵜ ⴷⴻⴳ ⵓⵙⵊⴻⵀⴻⴷ ⵏ ⵜⵎⴰⵀⵍⵉ ⵉ ⵉⵃⵓⵣⴰⵏ ⵜⵉⴷⵓⴽⵍⵉⵡⵉⵏ ⵏ ⵙⵉⵏ ⵏ ⵜⵎⵓⵔⴰ".
ⴷⴻⴳ ⵓⵎⵓⵍⵍⵉ-ⴰ, ⵉⵙⵙⴻⴽⴻⵔ ⵓⵏⴻⵖⵍⴰⴼ ⵏ ⵜⵡⴰⵏⴽⵉⵜ, ⵉ ⴷ-ⵢⴻⵔⵏⴰ ⵓⵍⵉⵖ-ⵏⵏⵉ, "ⵉⴷⵉⵡⴰⵍⴻⵏ ⵡⴰⵃⴷ-ⵉⵙ ⴷ ⵓⵏⴻⵜⴷⵉⵔ-ⵉⵏⴻⵙ ⴰⵀⵓⵍⴰⵏⴷⵉ, ⵉ ⴷ-ⵉⴷⴷⴻⴼⵔⵓⵏ ⵙ ⵓⵏⵎⵓⴳⴳⴰⵔ ⵏ ⵜⵎⴰⵀⵍⵉ ⴰⵎⴻⵙⴼⵍⴰⵏ ⴷⴻⴳ ⵓⵜⵜⴻⴽⴽⵉ ⵏ ⵢⵉⵎⴼⴻⵔⴳⴻⵏ ⵏ ⵙⵉⵏ ⵏ ⵜⵎⵓⵔⴰ. ⵙⵙⴻⵔⴻⵃⴻⵏ ⵢⵉⴷⵉⵡⴰⵍⴻⵏ-ⴰ ⵓⵙⵙⴻⴼⵇⴻⴷ ⵏ ⵜⴳⵏⵉⵜ ⵏ ⵜⵉⴷⵓⴽⵍⵉⵡⵉⵏ ⵏ ⵜⴷⵓⴽⵍⵉ ⴷ ⵜⴰⵍⵍⴻⵍⵜ ⵜⴰⵣⵔⴰⵢⵜ ⵉ ⵢⴻⵙⵙⴻⵎⵍⵉⵍⴻⵏ ⴳⴰⵔ ⵙⵉⵏ ⵏ ⵜⵎⵓⵔⴰ ⵙⴻⴳ ⵓⴳⴰⵔ ⵏ ⴽⴽⵓⵥ ⵏ ⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ, ⴷ ⵓⵙⵏⴰⴷⵉ ⵏ ⵢⵉⴱⵔⴻⴷⵏⵉⵡⴻⵏ ⵏ ⵓⵙⵙⴰⵍⵉ-ⵏⵙⴻⵏ ⵖⴻⵔ ⵜⵎⵓⵖⵍⵉⵡⵉⵏ ⵜⵉⵎⴰⵢⵏⵓⵜⵉⵏ, ⵙ ⵡⴰⵢⴻⵏ ⵉ ⴷ-ⵢⴻⵜⵜⴰⴽⴻⵏ ⴰⵙⵙⴻⴼⵍ ⵏ ⵜⵙⵓⵜⵓⵔⵉⵡⵉⵏ-ⵏⵙⴻⵏ ⵜⵉⵎⵙⴻⵎⵎⴰⵍⵉⵏ ⴷ ⵓⵙⵙⴻⴼⴻⵖ ⵏ ⵜⴷⵓⴽⵍⵉ ⵏ ⵙⵉⵏ ⵏ ⵜⵎⵓⵔⴰ ⵖⴻⵔ ⵓⵙⵏⴻⵔⵏⵉ ⴷ ⵜⵏⴻⴼⵙⵉⵢⵜ".
ⴷⴻⴳ ⵓⴽⴰⵜⴰⵕ-ⴰ, ⵎⵙⴻⴼⵀⴰⵎⴻⵏ ⵙⵉⵏ ⵏ ⵢⵉⴷⵉⵙⴰⵏ, ⵙ ⵢⵉⵙⴰⵍⵍⴻⵏ ⵏ ⵓⵖⴱⴰⵍⵓ-ⵏⵏⵉ, "ⵖⴻⴼ ⵓⵙⵙⴻⴼⴽ ⵏ ⵓⵜⵜⴻⴽⴽⵉ ⵏ ⵢⵉⵙⵓⵔⵉⴼⴻⵏ ⵉⵎⴻⵙⵙⵉⴽⴰⵏⴻⵏ ⵉ ⴷ-ⵢⴻⵜⵜⴰⵡⵉⵏ ⵜⵎⴰⵀⵍⵉ ⵜⴰⵎⴰⵢⵏⵓⵜ ⵖⴻⵔ ⵜⵉⴷⵓⴽⵍⵉⵡⵉⵏ ⵏ ⵙⵉⵏ ⵏ ⵜⵎⵓⵔⴰ, ⵍⴰⴷⵖⴰ ⵙ ⵓⵙⵙⴻⴱⴷⵓⴷ ⵏ ⵢⵉⴼⴻⵞⵞⵓⵢⴻⵏ ⵏ ⵜⴰⵍⵍⴻⵍⵜ, ⴷⴻⴳ ⵓⴷⴻⵎ-ⵉⵙ ⵜⴰⵙⴻⵇⵇⴰⵎⵓⵜ ⵜⴰⵎⴳⵓⵔⵜ ⵏ ⵜⴰⵍⵍⴻⵍⵜ ⵜⴰⴷⴰⵎⵙⴰⵏⵜ ⴷ ⵜⵜⴰⵜⵉⴽⵏⵓⵍⵓⵊⵉⵜ ⴷ ⵢⵉⵙⴰⴳⵓⵔⴻⵏ ⵉⵙⴻⵔⵜⵉⵢⴰⵏⴻⵏ, ⴷ ⵓⵙⵙⴻⴼⵇⴻⴷ ⴷ ⵓⵙⵊⴻⵀⴻⴷ ⵏ ⵓⴽⴰⵜⴰⵕ ⴰⵙⴰⴹⵓⴼ ⵏ ⵜⴰⵍⵍⴻⵍⵜ ⵏ ⵙⵉⵏ ⵏ ⵜⵎⵓⵔⴰ, ⴷ ⵓⵍⴰ ⴷ ⴰⵙⵙⴻⵖⵙ ⵏ ⵓⴷⵉⵡⴰⵍ ⴳⴰⵔ ⵜⵎⴻⵜⵜⵉ ⵏ ⵜⵎⴻⵔⵏⵉⵡⵜ ⵉ ⵓⵙⵊⴻⵀⴻⴷ ⵏ ⵜⴷⵓⴽⵍⵉ ⵜⴰⴷⴰⵎⵙⴰⵏⵜ ⴳⴰⵔ ⵙⵉⵏ ⵏ ⵜⵎⵓⵔⴰ".
ⵉⵃⵓⵣ ⵓⵏⵎⵓⴳⴳⴰⵔ-ⴰ ⴷⴰⵖⴻⵏ "ⵜⴰⴳⵏⴰⵜⵉⵏ ⵏ ⵜⴰⵍⵍⴻⵍⵜ ⵉ ⵢⴻⵣⵎⵉⵔⴻⵏ ⴰⴷ ⵉⵍⵉⵏⵜ ⴷⴻⴳ ⵢⵉⵃⵔⵉⵞⴻⵏ ⵏ ⵓⵙⴰⴳⵓⵔ ⴰⵎⴻⵣⵡⴰⵔⵓ, ⵍⴰⴷⵖⴰ ⵜⴰⵣⵎⴻⵕⵜ, ⵜⴰⵣⵎⴻⵕⵜ ⵉ ⴷ-ⵢⴻⵜⵜⵡⴰⵏⴻⵙⵍⴻⵏ, ⵉⵙⴰⴳⵓⵔⴻⵏ ⵏ ⴰⵎⴰⵏ, ⵜⴰⴼⴻⵍⵍⴰⵃⵜ ⴷ ⵜⵎⴻⴳⵓⵔⵉ ⵏ ⵍⵎⴰⴽⵍⴰ. ⴰⵎ ⴰⴽⴽⴻⵏ ⵎⵙⴻⴼⵍⴻⵏ ⵙⵉⵏ ⵏ ⵢⵉⴷⵉⵙⴰⵏ ⵜⵉⵎⵓⵖⵍⵉⵡⵉⵏ ⵖⴻⴼ ⵢⵉⴱⵔⴻⴷⵏⵉⵡⴻⵏ ⵏ ⵓⵙⵙⴻⴼⴻⵇ ⵏ ⵓⴷⵉⵡⴰⵍ ⴷ ⵓⵙⵙⴻⵎⵙⵉ ⴷⴻⴳ ⵓⵏⵏⴰⵔ ⵏ ⵓⵙⵙⴻⵣⵏⴰⴳ ⴷ ⵢⵉⵙⴰⴼⴰⵔⴻⵏ ⵏ ⵓⵙⴻⵍⵡⴰⵢ", ⵙ ⵢⵉⵙⴰⵍⵍⴻⵏ ⵏ ⵓⵖⴱⴰⵍⵓ-ⵏⵏⵉ.
ⵉⵙⵙⴻⵍⴻⴷ ⵓⵏⵎⵓⴳⴳⴰⵔ-ⴰ ⵜⴰⴳⵏⵉⵜ, ⵉ ⵢⴻⵙⵙⵓⵍⵉ ⵓⵍⵉⵖ-ⵏⵏⵉ, "ⵉ ⵙⵉⵏ ⵏ ⵢⵉⴷⵉⵙⴰⵏ ⵉ ⵓⵎⵙⴻⴼⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⵢⵉⵙⴻⵏⵜⴰⵍⴻⵏ ⵉⴳⴻⵊⴷⴰⵏⴻⵏ ⵉⴷⵉⴳⴰⵏⴻⵏ ⴷ ⵢⵉⴳⵔⴰⵖⵍⴰⵏⴻⵏ ⵏ ⵜⵓⵔⴰ, ⵉ ⵉⵞⵓⴷⴷⴻⵏ ⵖⴻⵔ ⵓⵖⴱⴻⵍ ⴰⵎⵙⴻⵎⵎⴰⵍ".
ⴰⵔⵏⵓ ⵖⴻⵔ
