ⵢⴻⵎⵎⴻⵔⴱⴻⴱ ⵡⴰⵎⴰⵔⴰⵢ ⵏ ⴷⴷⵓⵍⴰ, ⴰⵏⴻⵖⵍⴰⴼ ⵏ ⵜⵎⴻⵚⵍⵉⵡⵉⵏ ⵏ ⴱⴻⵕⵕⴰ ⴷ ⵜⴻⴳⵔⵓⵎⵎⴰ ⴰⵖⴻⵍⵏⴰⵡⵜ ⴷⵉ ⵍⴱⴻⵕⵕ ⴷ ⵜⴻⵎⵙⴰⵍ ⵜⵉⴼⵔⵉⵇⵉⵢⵉⵏ, ⵎⴰⵙⵙ ⴰⵃⵎⴻⴷ ⵄⴻⵟⵟⴰⴼ, ⵜⵉⵣⵉⵔⵉ ⵏ ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ ⴷⵉ ⵣⴰⴳⵔⵉⴱ, ⵙⵖⵓⵔ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⵜⴻⵇⴷⵓⴷⴰ ⵏ ⴽⴻⵔⵡⴰⵜⵢⴰ, ⵎⴰⵙⵙ ⴰⵏⴷⵔⵉ ⴱⵍⵉⵏⴽⵓⴼⵉⵜⵛ, ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵜⵏⴻⵖⵍⴰⴼⵜ.
ⵢⴻⵙⵙⴻⴼⵔⴻⵔ-ⴷ ⵓⵍⵖⵓ-ⴰⴳⵉ ⵡⴰⴽⴽⴻⵏ ⴷⴻⴳ ⵜⵉⵎⵍⵉⵍⵉⵜ-ⴰⴳⵉ "ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴽⴻⵔⵡⴰⵜⵉ ⵢⴻⵙⵙⴻⵡⴹ-ⴷ ⵢⵉⵣⴻⵏ ⵏ ⵓⵙⴱⴻⵕ ⴷ ⵜⵎⴻⵍⵍⴰ ⵉ ⵓⵙⴻⵍⵡⴰⵢ ⵏ ⵜⴻⵇⴷⵓⴷⴰ ⴷ ⵓⵖⵔⴻⴼ ⴰⵣⵣⴰⵢⵔⵉ ⵙ ⵓⴽﻤⴻⵍ-ⵉⵙ, ⵉⵍⵎⴻⵏⴷ ⵏ ⵜⵎⴻⵜⵜⴰⵏⵜ ⵏ ⵓⵙⴻⵍⵡⴰⵢ ⴰⵇⴷⵉⵎ ⵍⵢⴰⵎⵉⵏ ⵣⴻⵔⵡⴰⵍ."
ⵙ ⵜⴰⵎⴰ-ⵏⵏⵉⴹⴻⵏ, ⴰⵏⴻⵖⵍⴰⴼ ⵄⴻⵟⵟⴰⴼ ⵢⴻⵙⵙⴻⴽⵏ-ⴷ "ⵜⴰⵏⵎⵉⵔⵜ-ⵉⵙ ⵜⴰⵎⴻⵇⵔⴰⵏⵜ ⵉ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴽⴻⵔⵡⴰⵜⵉ ⵖⴻⴼ ⵡⴰⴷⵓ ⵏ ⵓⵎⵢⴰⵍⵍⴻⵍ ⵉ ⵢⴻⵙⵙⴻⴽⵏ-ⴷ ⵖⴻⵔ ⵜⴰⵎⴰ ⵏ ⵍⴻⵣⵣⴰⵢⴻⵔ. ⵢⴻⵙⵙⴻⵡⴹ-ⴰⵙ-ⴷ ⴷⴰⵖⴻⵏ ⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⴻⵇⴷⵓⴷⴰ ⴷ ⵡⴰⴽⴽⴰⴼⴻⴹ-ⵉⵙ ⴷⴻⴳ ⵓⵇⴻⴷⴷⵉⵛ ⴰⵎⵢⴰⴳ ⵉⵡⴰⴽⴽⴻⵏ ⴰⴷ ⴼⴽⴻⵏ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵡⴰⵙⵙⴰⵖⴻⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵉⵡⴰⴽⴽⴻⵏ ⴰⴷ ⵇⴻⴷⵛⴻⵏⵜ ⵉ ⵢⵉⵙⵡⵉⵢⴻⵏ-ⵏⵙⴻⵏⵜ."
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷ "ⵜⴻⴳⵏⵉⵜ ⵉ ⵓⵙⴻⴼⵔⴻⴷ ⵏ ⵢⵉⴳⵔⴰⵏ ⵢⴻⵎⴳⴰⵔⴰⴷⴻⵏ ⵏ ⵓⵎⵢⴰⵍⵍⴻⵍ ⴳⴰⵔ ⵍⴻⵣⵣⴰⵢⴻⵔ ⴷ ⴽⴻⵔⵡⴰⵜⵢⴰ, ⴷ ⵓⵏⴰⴷⵉ ⵏ ⵢⵉⴱⵔⵉⴷⴻⵏ ⵉⵡⴰⴽⴽⴻⵏ ⴰⴷ ⵢⴻⵍⵉ ⵓⵎⵢⴰⵍⵍⴻⵍ-ⴰⴳⵉ ⴷⴻⴳ ⵡⴻⵙⵡⵉⵔ ⵢⴻⵄⵍⴰⵢⴻⵏ, ⵍⴰⴷⵖⴰ ⴷⴻⴳ ⵓⵙⴰⵜⴰⵍ ⵏ ⵓⵃⴻⵢⵢⵉ ⵏ ⵜⵎⵉⵍⵉⵍⵉⵢⵉⵏ ⵜⵉⵎⴻⵇⵔⴰⵏⵉⵏ ⵉ ⴷ-ⵉⵜⵜⴻⴷⴷⵓⵏ ⴳⴰⵔ ⵢⵉⵎⴰⵙⴰⵢⴻⵏ ⵏ ⵙⵏⴰⵜ ⵏ ⵜⵎⵓⵔⴰ."
ⴰⵔⵏⵓ ⵖⴻⵔ
