ⴰⵎⴰⵡⴰⵙ ⵏ ⴷⴷⵓⵍⴰ, ⴰⵎⴰⵡⴰⵙ ⵏ ⵢⵉⵃⴻⵎⵎⴰⵍⴻⵏ ⵎⵓⵃⴻⵎⵎⴻⴷ ⵄⴻⵔⵇⴰⴱ, ⵢⴻⵙⵜⴻⵇⴱⴻⵍ ⴰⵙⵙ ⵏ ⵓⵜⵍⴰⵜⴰ ⴰⵎⴰⵡⴰⵙ ⵏ ⵡⴰⵙⵙⴰⵖⴻⵏ ⵏ ⴱⴻⵔⵔⴰ ⵏ ⵍⴰⵍⵎⴰⵏ, ⵢⵓⵀⴰⵏ ⴼⴰⴷⵉⴼⵓⵍ, ⴰⴽⴽⴻⴷ ⵡⵉⴷ ⵉ ⴷ-ⵢⴻⴷⴷⴰⵏ ⵢⵉⴷ-ⴻⵙ. ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵙⵙⴻⵊⵀⵉⴷⴻⵏ ⴰⵎⵢⴰⵡⴰⵙ ⴷ ⵜⵎⴻⴷⴷⵓⴽⵍⴰ ⴳⴰⵔ ⵙⵏⴰⵜ ⵏ ⵜⵎⵓⵔⴰ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⴰⵢⴰⵏ ⵏ ⵜⵎⴰⵡⴰⵙⵜ, ⵃⴹⴻⵔⵏ ⴷⴻⴳ ⵓⴳⵔⴰⵡ-ⴰⴳⵉ ⵢⵉⵎⵙⴻⵍⵃⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵇⵇⵔⴰⵏⵉⵏ ⵏ ⵍⴰⵍⵎⴰⵏ ⴰⵎ "ⵙⵉⵎⴻⵏⵙ ⵉⵏⴻⵔⵊⵉ", "ⴱⵓⵛ", ⴷ "ⵜⵉⵙⵉⵏ ⴽⵔⵓⴱ", ⴰⴽⴽⴻⴷ ⵢⵉⵎⴹⴻⴱⴱⵔⴻⵏ ⵏ "ⵙⵓⵏⴰⵟⵔⴰⴽ" ⴷ ⵜⵎⴻⵀⵍⴰ ⵏ ⵓⵇⴰⵔⴰⵄ ⵏ ⵢⵉⵃⴻⵎⵎⴰⵍⴻⵏ.
ⵙⵉⵏ ⵢⵉⴷⵉⵙⴰⵏ ⵎⵙⴻⴼⵀⴰⵎⴻⵏ ⵖⴻⴼ ⵡⴰⵟⴰⵙ ⵏ ⵢⵉⵃⵔⵉⵛⴻⵏ ⵏ ⵓⵎⵢⴰⵡⴰⵙ, ⵍⴰⴷⵖⴰ ⵜⴰⵎⴳⵓⵔⵉ ⵏ ⵍⴱⴰⵜⵔⵓⵍ ⴷ ⵍⴳⴰⵣ, ⴰⵙⵉⵚⴼⵉ ⵏ ⵡⴰⵎⴰⵏ ⵏ ⵍⴱⵃⴻⵔ, ⴷ ⵓⵙⴻⵅⴷⴻⵎ ⵏ ⵜⴻⵇⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⵉ ⵓⵏⵇⵓⵙ ⵏ ⵡⴰⴽⴽⴰⵔⴱⵓⵏ. ⵡⴰⵍⴰⵏ ⴷⴰⵖⴻⵏ ⴰⴱⵔⵉⴷ ⵏ ⵓⴼⴰⵔⴻⵙ ⵏ ⵍⵀⵉⴷⵔⵓⵊⵉⵏ ⴰⵣⴻⴳⵣⴰⵡ ⴷ ⵍⴰⵎⵓⵏⵢⴰⴽ ⵜⴰⵣⴻⴳⵣⴰⵡⵜ ⵉⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵜⴰⵡⴻⵏⵏⴰⴹⵜ.
ⵄⴻⵔⵇⴰⴱ ⵢⴻⵙⵙⴻⵊⵀⵉⴷ ⵍⵇⵉⵎⴰ ⵏ ⵜⵎⵓⵙⵏⵉ ⵏ ⵍⴰⵍⵎⴰⵏ ⴷⴻⴳ ⵓⵃⵔⵉⵛ ⵏ ⵍⴱⵉⵜⵔⵓⴽⵉⵎⵢⴰ, ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵇⴱⴻⵍ ⵜⵉⴽⴻⴱⴱⴰⵏⵉⵢⵉⵏ ⵏ ⵍⴰⵍⵎⴰⵏ ⵉⵡⴰⴽⴽⴻⵏ ⴰⴷ ⴷ-ⵙⵙⴻⵏⵜⵍⴻⵏ (invest) ⴷⴻⴳ ⵜⵎⵓⵔⵜ ⵢⴻⵔⵏⴰ ⴰⴷ ⴼⴰⵢⴷⵉⵏ ⵙⴻⴳ ⵍⵇⴰⵏⵓⵏ ⴰⵎⴰⵢⵏⵓ ⵏ ⵢⵉⵃⴻⵎⵎⴰⵍⴻⵏ.
ⵙ ⵢⵉⴷⵉⵙ-ⵉⵙ, ⵢⵓⵀⴰⵏ ⴼⴰⴷⵉⴼⵓⵍ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⴷ ⵜⴰⵎⴷⴰⴽⴽⵓⵍⵜ ⵉⵇⵓⴷⴻⵏ ⴷⴻⴳ ⵓⵃⵔⵉⵛ ⵏ ⵜⴻⵣⵎⴻⵔⵜ, ⵢⴻⵔⵏⴰ ⵜⵉⴽⴻⴱⴱⴰⵏⵉⵢⵉⵏ ⵏ ⵍⴰⵍⵎⴰⵏ ⴱⵖⴰⵏⵜ ⴰⴷ ⴽⴽⴻⵏⵜ ⴷⴻⴳ ⵢⵉⵙⴻⵏⴼⴰⵔⴻⵏ ⵉⵎⴻⵇⵇⵔⴰⵏⴻⵏ ⴰⵎ ⵓⵎⵔⵓⵊ ⵏ ⵍⵀⵉⴷⵔⵓⵊⵉⵏ ⵏ ⵢⴻⴼⴼⵓⵙ
ⴷⴻⴳ ⵜⴰⴳⴰⵔⴰ, ⵎⵙⴻⴼⵀⴰⵎⴻⵏ ⴰⴷ ⴽⴻⵎⵍⴻⵏ ⴰⴷⴷⵢⴰⵍⵉ ⴷ ⵓⴱⴻⴷⴷⴻⵍ ⵏ ⵜⵎⵓⵙⵏⵉ ⴷ ⵜⴻⵇⵏⵉⵢⵉⵏ, ⵉⵡⴰⴽⴽⴻⵏ ⴰⴷ ⵙⵙⴻⵊⵀⵉⴷⴻⵏ ⵜⴰⴷⴰⵎⵙⴰ ⵏ ⵙⵉⵏ ⵢⵉⴷⵉⵙⴰⵏ ⵢⴻⵔⵏⴰ ⴰⴷ ⴹⴻⵎⵎⵏⴻⵏ ⴰⵙⵏⴻⴼⵍⵉ ⵉⵇⵓⴷⴻⵏ.
ⴰⵔⵏⵓ ⵖⴻⵔ
