ⵢⵙⵜⴻⴳ ⵓⵏⴻⵖⵍⴰⴼ ⵏ ⴷⴷⵓⵍⴰ, ⴰⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷ ⵜⴰⵎⵙⴰⵍⵉⵢⵉⵏ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⵄⴰⵟⵟⴰⴼ, ⵡⴰⵙⵙ-ⴰ, ⴰⵙⵉⵡⴻⵍ ⵏ ⵜⵉⵍⵉ ⴼⵓⵙⵜ ⵙⴻⴳ ⵓⵎⵓⵍⴰⵙ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ ⴷ ⵢⵉⵎⵉⵏⵉⴳⴻⵏ ⵏ ⵜⴰⴳⴻⵍⴷⵉⵜ ⵏ ⵍⵓⵔⴷⵓⵏ ⵏ ⵜⴻⴳⵎⴰⵜ, ⵎⴰⵙⵙ ⴰⵢⵎⴰⵏ ⴰⵍ-ⵚⴰⴼⴰⴷⵉ, ⴰⴽⴽⴻⵏ ⵉ ⴷ-ⵉⵙⴻⴳⵣⵉ ⵓⴷⵢⴰⵏ ⵏ ⵜⵏⴻⵖⵍⴰⴼⵜ.
ⵉⵍⵎⴻⵏⴷ ⵏ ⵡⴰⵏⵏⴻⵛⵜ-ⴰ, ⵙⵇⴻⵔⴷⴻⵛⴻⵏ ⵙⵉⵏ ⵏ ⵢⵉⵏⴻⵖⵍⴰⴼⴻⵏ --ⵉⵍⵎⴻⵏⴷ ⵏ ⵓⴷⵢⴰⵏ-- "ⴰⵙⵡⵉⵔ ⵏ ⵜⴰⵎⵙⴰⵍⵜ ⴷⴻⴳ ⵜⵎⵓⵔⴰ ⵏ ⴼⵉⵍⵉⵙⵟⵉⵏ ⵢⴻⵜⵜⵡⴰⵃⴻⵔⵔⵙⴻⵏ, ⵍⴰⴷⵖⴰ ⴰⵙⵏⴻⵔⵏⵉ ⵏ ⵓⵇⴻⵀⵀⴻⵔ ⵢⴻⵙⵙⵓⴷⴷⵙⴻⵏ ⵉ ⵜⵜⴻⵅⴷⴻⵎ ⵜⵎⴻⵜⵎⵓⵔⵜ ⵏ ⵉⵙⵔⴰⵢⵉⵍ ⴷⴻⴳ ⴷⵓⴼⴼⴰ ⵜⵓⵔⵉⵎⵜ ⴷ ⵍⵇⵓⴷⵙ ⵓⵖⵔⵉⵙ, ⵉ ⴷ-ⵢⵓⵔⴰⵏ ⵜⵉⴽⴽⴻⵍⵜ ⵏⵏⵉⴹⴻⵏ ⵙ ⵓⴽⵛⴻⵎ ⵙ ⵍⵯⴻⵀⴷ ⵖⴻⵔ ⵡⴰⵎⵎⴰⵙ ⵏ ⵓⵙⵉⵍⴻⵖ ⵏ 'ⴽⴰⵍⴰⵏⴷⵉⴰ' ⵏ ⵜⵙⴻⴷⵎⵉⵔⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⵓⵏⵔⵡⴰ), ⴰⵢⴰⴳⵉ ⴷ ⵜⵓⴽⴽⵙⵉ ⵏ ⵍⵍⵙⴰⵙ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ".
ⴷⴻⴳ ⵡⴰⵏⵏⴰⵔ-ⴰⴳⵉ, ⵙⵙⴰⵏⵜⵎⴻⵏ ⵖⴻⴼ "ⵏⴼⴰⵄ ⵏ ⵓⵇⴰⴷⴻⵔ ⵏ ⵓⵙⵡⵉⵔ ⵏ ⵍⵇⴰⵏⵓⵏ ⴷ ⵓⵎⴻⵣⵔⵓⵢ ⵏ ⵢⵉⵎⵓⴽⴰⵏ ⵓⵖⵔⵉⵙⴻⵏ ⵏ ⵜⵏⴻⵙⵍⴻⵎⵜ ⴷ ⵜⵎⴰⵙⵉⵃⵉⵜ ⴷⴻⴳ ⵍⵇⵓⴷⵙ ⵓⵖⵔⵉⵙ. ⵙⵙⵓⵜⵔⴻⵏ ⵜⴰⵍⵍⴻⵍⵜ ⵏ ⵜⵎⴻⵜⵜⵉ ⵜⴰⴳⵔⴰⵖⵍⴰⵏⵜ ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⴰⵣⵉⵍ ⵉ ⵢⵉⵎⴻⵀⵍⴰⵏ-ⴰⴳⵉ ⵏ ⵜⵓⴽⴻⵔⴹⴰ".
ⴷⴻⴳ ⵜⴰⴳⴳⴰⵔⴰ, ⵙⵇⴻⵔⴷⴻⵛⴻⵏ "ⴰⵙⵡⵉⵔ ⵏ ⵜⵓⵔⴰ ⴷⴻⴳ ⵜⴻⵎⵏⴰⴹⵜ ⵏ ⵍⵅⴰⵍⵉⵞ ⴰⵄⵔⴰⴱ ⴷ ⵓⵙⴰⵎⴰⵔ ⴰⵍⴻⵎⵎⴰⵙ, ⵍⴰⴷⵖⴰ ⵍⵯⴻⵀⴷ ⵉ ⵓⵙⴻⵏⵖⴻⵙ ⵏ ⵜⵉⵍⵍⴰ (ⵜⴻⵏⵙⵉⵓⵏ) ⴷ ⵓⴱⴻⵇⵇⴻⵙ ⵏ ⵜⵉⴼⵔⴰⵜ ⵏ ⵜⴷⵉⴱⵍⵓⵎⴰⵙⵉⵜ ⴷ ⵜⵉⵏ ⵏ ⵍⵀⴻⵏⵏⵉ".
ⴰⵔⵏⵓ ⵖⴻⵔ
