ⵉⵙⵙⴻⵏⵜⴻⵎ ⵓⵏⴻⵖⵍⴰⴼ ⵏ ⴷⴷⵓⵍⴰ, ⴰⵏⴻⵖⵍⴰⴼ ⵏ ⵜⴰⵎⵙⴰⵍⵉⵢⵉⵏ ⵏ ⴱⴻⵔⵔⴰ, ⵜⴻⵞⵎⵄⴰⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵔⵔⴰ ⴷ ⵜⴰⵎⵙⴰⵍⵉⵢⵉⵏ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵀⵎⴻⴷ ⵄⴰⵟⵟⴰⴼ, ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ ⴷⴻⴳ ⵍⵇⴰⵀⵉⵔⴰ, ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵟⵟⴻⴼ ⴷⴻⴳ ⵔⵔⴰⵢ-ⵉⵙ ⵉⵚⴻⵃⵃⴰⵏ ⵉⵡⴰⴽⴽⴻⵏ ⵜⵉⴼⵔⴰⵜ ⵏ ⵜⵎⵔⴰⵢⵉⵏ ⵉ ⵜⴻⵜⵜⵉⴷⵉⵔ ⵜⴻⵎⵏⴰⴹⵜ ⵜⴰⵄⵔⴰⴱⵜ ⴰⴷ ⵜⵉⵍⵉ ⵙ ⵓⴼⵓⵙ ⵏ ⵜⵎⵓⵔⴰ-ⴰⴳⵉ ⵙ ⵜⵉⵎⵎⴰⴷ-ⵏⵙⴻⵏⵜ.
ⵄⴰⵟⵟⴰⴼ ⵢⴻⵏⵏⴰ-ⴷ, ⴷⴻⴳ ⵜⴻⵞⵎⵓⵢⴰ ⵏ ⵓⵙⵇⴰⵎⵓ ⵏ ⵜⴰⴷⵓⴽⵍⵉ ⵏ ⵜⵎⵓⵔⴰ ⵜⴰⵄⵔⴰⴱⵉⵏ (ⵜⴰⵍⵍⵉⵜ ⵜⵉⵙ 166): "ⵏⵏⴻⵎⵍⴰⵍ ⵡⴰⵙⵙ-ⴰ ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⵎⴰⵣⵣⴰⴳⵜ, ⵜⴰⵍⵍⵉⵜ ⵉ ⴷⴻⴳ ⴷ-ⵜⵜⴻⵎⴹⴰⴼⴰⵔⴻⵏⵜ ⵜⵎⵔⴰⵢⵉⵏ ⵢⴻⵔⵏⴰ ⵜⵜⴻⵏⴼⵓⴼⵓⴷⴻⵏ ⵢⵉⴷⵉⴳⴻⵏ ⵏ ⵛⵛⵡⴰⵍ".
ⵖⴻⴼ ⵜⴰⵎⵙⴰⵍⵜ ⵜⴰⵎⴻⵏⵣⵓⵜ, ⵄⴰⵟⵟⴰⴼ ⵉⵙⵙⴻⵏⵜⴻⵎ ⴱⴻⵍⵍⵉ "ⴰⴼⵔⴰⴳ ⴰⵄⵔⴰⴱ ⴷ ⵢⵉⵡⴻⵏ ⵓⵔ ⵢⴻⵜⵜⵉⵣⵎⵉⵔ ⴰⵔⴰ ⴰⴷ ⵢⴻⴱⴹⵓ", ⵢⴻⵔⵏⴰ ⵍⴻⵣⵣⴰⵢⴻⵔ ⵜⵇⴻⴹⵄⴻⵏ ⵙ ⵍⵯⴻⵀⴷ ⵜⵉⵢⵜⵉⵡⵉⵏ ⵎⴳⴰⵍ ⴰⴼⵔⴰⴳ ⴷ ⵍⵀⴻⵏⵏⵉ ⵏ ⵢⵉⵎⴰⵜⵜⴻⵏ-ⵏⵏⴻⵖ ⴷⴻⴳ ⵜⵎⵓⵔⴰ ⵏ ⵓⵏⵉⴳ (ⴳⵓⵍⴼⴻ).
ⵎⴰ ⵖⴻⴼ ⵜⴰⵎⵙⴰⵍⵜ ⵏ ⴼⵉⵍⵉⵙⵟⵉⵏ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵙⵙⴻⵏⵜⴻⵎ ⴱⴻⵍⵍⵉ ⴼⵉⵍⵉⵙⵟⵉⵏ "ⴰⴷ ⵜⴻⵇⵇⵉⵎ ⴷ ⴰⵎⵏⵉⵔ (ⴱⵓⵓⵙⵙⵓⵍⴻ) ⵉ ⵓⵎⴻⵀⵍⴰⵏ-ⵏⵏⴻⵖ ⴰⵄⵔⴰⴱ, ⴰⵛⴽⵓ ⵓⵔ ⵢⴻⵣⵎⵉⵔ ⴰⵔⴰ ⴰⴷ ⴷ-ⵢⵉⵍⵉ ⵍⵀⴻⵏⵏⵉ ⵏ ⴷⴰⵢⴻⵎ ⵎⴱⵍⴰ ⵎⴰ ⵢⴻⵡⵡⵉ ⵓⵖⵔⴻⴼ ⵓⴼⵉⵍⵉⵙⵟⵉⵏⵉ ⵢⵉⵣⴻⵔⴼⴰⵏ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵉⵙⴱⴻⴷⴷ ⴷⴷⵓⵍⴰ-ⵙ ⵜⵉⵍⴻⵍⵍⵉⵜ ⵙ ⵜⵎⴰⵏⴻⵖⵜ-ⵉⵙ ⵍⵇⵓⴷⵙ ⴰⵛⵀⵔⵉⴼ".
ⵎⴰ ⵖⴻⴼ ⵜⵎⵔⴰⵢⵉⵏ ⵏⵏⵉⴹⴻⵏ ⴷⴻⴳ ⵜⴻⵎⵏⴰⴹⵜ, ⵄⴰⵟⵟⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵔⴰⵢⵉⵏ ⵏ ⵍⵉⴱⵢⴰ, ⵙⵓⴷⴰⵏ, ⵢⴰⵎⴰⵏ ⴷ ⵙⵓⵎⴰⵍ ⵎⴰⵣⴰⵍ-ⵉⵜⴻⵏⵜ ⵙⵏⴻⵔⵏⵉⵢⴻⵏⵜ ⵍⵎⵓⵜ. ⵍⴻⵣⵣⴰⵢⴻⵔ ⵜⴻⵙⵙⴻⵏⵜⴻⵎ ⴱⴻⵍⵍⵉ ⵜⵉⴼⵔⴰⵜ ⵏ ⵜⵎⵔⴰⵢⵉⵏ-ⴰⴳⵉ "ⵉⵍⴰⵇ ⴰⴷ ⴷ-ⵜⴻⴼⴼⵔⴻⵖ ⵙⴻⴳ ⴷⴰⵅⴻⵍ ⵏ ⵜⵎⵓⵔⴰ-ⴰⴳⵉ ⵢⴻⵔⵏⴰ ⴰⴷ ⴷ-ⵜⴻⵣⵉ ⵖⴻⴼ ⵓⵖⵔⴻⴼ ⴰⴽⴽ, ⵎⴱⵍⴰ ⴰⵛⵓⵜⵜⴻⴷ ⵏ ⴱⴻⵔⵔⴰ".
ⴷⴻⴳ ⵜⴰⴳⴳⴰⵔⴰ ⵏ ⵡⴰⵡⴰⵍ-ⵉⵙ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵍⵍⵉⵜ ⵏ ⵜⵓⵔⴰ "ⵓⵔ ⵜⴻⵇⴱⵉⵍ ⴰⵔⴰ ⴰⵙⴻⵔⴽⴻⴽ".
ⴰⵔⵏⵓ ⵖⴻⵔ
