ⵢⴻⴼⴽⴰ ⵓⴳⴻⵞⴷⵉ ⵏ ⵜⴼⵉⴷⵉⵔⴰ ⵏ ⵜⵙⴻⴷⵎⵉⵔⵜ ⵏ ⵍⴻⵣⵣⴰⵢⴻⵔ ⵏ ⴷⴷⴰⴱⴻⵅ ⵏ ⵓⴹⴰⵔ (ⴼⴰⴼ), ⵉ ⵓⵏⴻⴱⴷⴰⴷ ⴰⵜⵉⴽⵏⵉⴽ ⴰⵖⴻⵍⵏⴰⵡ, ⵉⵏⴻⵔⵡⴰⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴻⵙⵙⴰⵡⴻⵍ ⵉ ⵜⴻⵞⵎⵓⵢⴰ ⵜⵓⵙⵍⵉⴳⵜ ⵏ ⵜⵙⵓⴷⴰ ⵜⴰⵜⵉⴽⵏⵉⴽⵜ ⵜⴰⵖⴻⵍⵏⴰⵡⵜ, ⵉ ⵓⵟⵎⴰⵏ ⵏ ⵜⵜⴻⴽⴽⵉ ⴷⴻⴳ ⵓⵎⴻⵀⵍⴰⵏ ⵏ ⵓⵙⴻⴽⴼⴻⵍ ⵏ ⵓⴱⵔⵉⴷ ⵏ ⵓⵀⴻⵢⵢⵓⵍ ⴰⵖⴻⵍⵏⴰⵡ ⴰⵎⴻⵇⵇⵔⴰⵏ.
ⵉⵙⴻⴳⵣⵉ-ⴷ ⵓⴷⵢⴰⵏ ⵏ "ⴼⴰⴼ", ⵙⴷⴻⴼⴼⵉⵔ ⵜⴻⵎⵍⵉⵍⵉ ⵏ ⵓⴳⴻⵞⴷⵉ ⵏ ⵜⴼⵉⴷⵉⵔⴰ ⵉ ⴷ-ⵢⴻⵍⵍⴰⵏ ⵡⴰⵙⵙ ⵏ ⵙⵙⴻⴱⵜ ⴷⴻⴳ ⵜⴻⵞⵎⵓⵢⴰ ⵜⴰⵎⴰⴳⵏⵓⵜ ⵙ ⵓⵇⴻⵔⵔⵓ-ⵉⵙ ⴰⵙⴻⵍⵡⴰⵢ ⵏ ⵜⵙⴻⴷⵎⵉⵔⵜ, ⵎⴰⵙⵙ ⵡⴰⵍⵉⴷ ⵙⴰⴷⵉ, ⴱⴻⵍⵍⵉ "ⴰⵙⵓⵔⵉⴼ-ⴰⴳⵉ ⵢⴻⵜⵜⴻⴽⴽⵉ ⴷⴻⴳ ⵓⴱⵔⵉⴷ ⵏ ⵓⴷⵉⵡⴻⵏ ⴷ ⵓⵙⴻⵎⵔⴻⵙ ⵏ ⵜⵎⵓⵙⵏⵉⵡⵉⵏ ⵉ ⵓⵅⴷⴻⵎ ⵏ ⵓⵙⴻⴽⴼⴻⵍ ⴰⵜⵉⴽⵏⵉⴽ ⴰⵎⴻⵇⵇⵔⴰⵏ".
ⵓⵏⴰⴱⴰⵖ-ⴰⴳⵉ ⵢⴻⵏⵏⴻⵔⵏⴰ-ⴷ ⴱⴻⵍⵍⵉ "ⵓⴳⴻⵞⴷⵉ ⵏ ⵜⴼⵉⴷⵉⵔⴰ, ⵙⴷⴻⴼⴼⵉⵔ ⵓⴽⵎⴻⵍ ⵏ ⵓⵎⴻⵀⵍⴰⵏ ⵏ ⵓⵙⴻⴽⴼⴻⵍ, ⴰⴷ ⴷ-ⵢⴻⵔⵔ ⵙ ⵜⵉⴼⴰⴼⴼⴻⵜ ⴷ ⵜⵎⴰⵙⵉⵜ ⵔⵔⴰⵢⴻⵏ ⵉ ⵉⵍⴰⵇⴻⵏ".
ⵜⴰⵙⴻⴷⵎⵉⵔⵜ ⵜⴻⵙⵙⴻⵏⵜⴻⵎ ⵜⵉⵔⴰⵜ-ⵉⵙ ⵉ ⵓⴱⴻⵇⵇⴻⵙ ⵏ ⵓⵙⴻⵏⴼⴰⵔ-ⵉⵙ ⵉ ⵓⵙⵏⴻⴼⵍⵉ ⵏ ⴷⴷⴰⴱⴻⵅ ⵏ ⵓⴹⴰⵔ ⴰⵖⴻⵍⵏⴰⵡ, ⵉ ⵓⵟⵎⴰⵏ ⵏ ⵜⴻⴳⵏⴰⵜⵉⵏ ⵢⴻⵍⵀⴰⵏ ⵉ ⵓⵀⴻⴳⴳⵉ ⴷ ⵓⴼⴰⵔⵉⵙ ⵏ ⴰⴽⴽ ⵢⵉⵀⴻⵢⵢⵓⵍⴰ ⴰⵖⴻⵍⵏⴰⵡⴻⵏ.
ⴷⴻⴳ ⵡⴰⵏⵏⴰⵔ-ⴰⴳⵉ ⴷⴰⵖⴻⵏ, ⵜⴰⵙⴻⴷⵎⵉⵔⵜ ⵜⴻⵙⵙⴰⵡⴻⵍ ⵉ ⴰⴽⴽ ⵜⵡⴰⵛⵓⵍⵜ ⵏ ⴷⴷⴰⴱⴻⵅ ⵏ ⵓⴹⴰⵔ ⴷⴻⴳ ⵍⴻⵣⵣⴰⵢⴻⵔ (ⵜⵉⵢⴻⵔⵢⴰⵜⵉⵏ, ⵜⵉⴽⴻⴱⴱⴰⵏⵉⵢⵉⵏ, ⵉⵎⵓⵔⴰⵔ, ⵉⵎⴻⵙⵙⵉⵍⵖⴻⵏ, ⵉⵎⴻⵙⴼⴰⵢⴻⵏ ⴷ ⵢⵉⴼⴻⵔⵔⴰⴳⴻⵏ) ⵉⵡⴰⴽⴽⴻⵏ ⴰⴷ ⵃⴻⵔⵣⴻⵏ ⵜⴰⵢⵓⵏⴰⵏⵜ (ⵓⵏⵉⵜé), ⵍⵀⴻⵏⵏⵉ ⴷ ⵜⵎⴰⵙⵉⵜ.
ⴰⵔⵏⵓ ⵖⴻⵔ
