ⴱⵙⴻⴽⵔⴰ – ⵢⴻⵙⴼⴻⵔⵔⴻⵯ-ⴷ ⵓⵏⵖⵍⴰⴼ ⵏ ⵍⵃⴻⵇⵇ, ⵎⴰⵙⵙ ⵍⵓⵟⴼⵉ ⴱⵓⵊⴻⵎⵄⴰ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵜⵡⵉⵍⴰⵢⵜ ⵏ ⴱⵙⴻⴽⵔⴰ, ⴰⵣⴰⵍ ⵏ ⵡⴰⵍⴰⵍ ⵏ ⵍⵃⴻⵇⵇ ⴷⴻⴳ ⵓⵃⴻⴳⴳⵉ ⵓⵇⴱⴻⵍ ⴰⴷ ⴷ-ⵢⵉⵍⵉ ⵍⴱⴰⵟⴻⵍ ⴷ ⵜⵉⵡⴰⵖⵉⵢⵉⵏ ⵢⴻⵎⴳⴰⵔⴰⴷⴻⵏ ⴷⴻⴳ ⵓⵎⴻⵜⵜⵉ.
ⴷⴻⴳ ⵡⴰⵙⵉⵔⴰ ⵏ ⵡⴰⵙⵇⴰⵎⵓ ⵏ ⵍⵃⴻⵇⵇ ⵏ ⴱⵙⴻⴽⵔⴰ, ⴰⵏⵖⵍⴰⴼ ⵢⴻⵙⵍⴰ ⵖⴻⵔ ⵢⵉⵡⴻⵏ ⵓⵙⴻⴼⵔⴻⵯ ⵖⴻⴼ ⵡⴰⵎⴻⴽ ⵉⵜⴻⴷⴷⵓ ⵍⴻⵇⴷⵉⵛ ⴷⴻⴳ ⵡⴰⵙⵇⴰⵎⵓ-ⴰⴳⵉ ⴷ ⵜⵙⵏⴻⴱⴹⴰⵢⵉⵏ ⵢⴻⵇⵇⵏⴻⵏ ⵖⴻⵔ-ⵙ. ⵢⴻⵏⵏⴰ-ⴷ ⴱⴻⵍⵍⵉ ⵍⵃⴻⵇⵇ ⵓⵔ ⵢⴻⵍⵍⵉ ⴰⵔⴰ ⴽⴰⵏ ⵉ ⵓⴼⵔⴰⵢ ⵏ ⵜⵎⵉⵙⴰⵍ, ⵎⴻⵄⵏⴰ ⴷ ⵜⴰⵎⴻⵔⵙⴻⵍⵜ ⵏ ⵓⵡⴰⵏⴰⴽ ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⵢⴻⵔⵏⴰ ⴰⴷ ⴼⵔⵓⵏ ⵉⵖⵉⵍⵉⴼⴻⵏ ⴰⵎ ⵓⴽⴽⵔⴰⴷ ⴷ ⴷⴷⵔⵓⴳ, ⴰⵢⴰ ⵙ ⵓⵙⴻⵇⴷⴻⵛ ⵏ ⵢⵉⵙⴻⴽⵏⴻⵏ ⵉ ⵜⴻⵙⵄⴰ ⵜⵙⵏⴻⴱⴹⴰⵢⵜ.
ⵎⴰⵙⵙ ⴱⵓⵊⴻⵎⵄⴰ ⵢⴻⵔⵏⴰ-ⴷ ⴱⴻⵍⵍⵉ ⵢⴻⵍⵀⴰ ⴰⴷ ⵏⴰⵡⴻⴹ ⵖⴻⵔ ⵢⵉⵡⴻⵏ ⵍⵃⴻⵇⵇ ⵏ ⵜⵓⵔⴰ ⵢⴻⴱⵏⴰⵏ ⵖⴻⴼ ⵜⵖⵓⵔⵉ ⵏ ⵢⵉⵙⴻⴽⵏⴻⵏ ⴷ ⵏⵏⵓⵄ ⵏ ⵍⵎⵓⴽⵔⵉⵢⴰⵜ ⵉ ⵡⴰⴽⴽⴻⵏ ⴰⴷ ⵡⵉⵙⴻⵏ ⴰⵎⴽⴰⵏ ⵏ ⵓⵄⵟⴻⵍ ⴷⴻⴳ ⵓⵎⴻⵜⵜⵉ, ⵢⴻⵔⵏⴰ ⴰⴷ ⴷ-ⴰⵡⵢⴻⵏ ⵜⵉⴼⵔⴰⵜⵉⵏ ⴷⴻⴳ ⵜⵖⴻⵔⵜ ⵏ ⵓⵡⴰⵏⴰⴽ ⵉ ⵡⴰⴽⴽⴻⵏ ⴰⴷ ⴼⵔⵓⵏ ⵉⵖⵉⵍⵉⴼⴻⵏ-ⴰⴳⵉ.
ⴰⵏⵖⵍⴰⴼ ⵢⴻⵙⵙⴻⴽⵜⴰ-ⴷ ⴷⴰⵖⴻⵏ ⵍⴻⴱⵖⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵉ ⵢⴻⴱⵯⴰⵏ ⴰⴷ ⵢⵉⵍⵉ ⵓⵙⴻⵎⴹⴻⵏ ⴷ ⵜⴰⵣⵡⴰⵔⴰ. ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵎⴹⴻⵏ ⴰⴷ ⵢⴻⴼⴽ ⵉⵙⴰⵍⵍⴻⵏ ⵉⵚⴻⵃⵃⴰⵏⴻⵏ ⵉ ⵡⴰⴽⴽⴻⵏ ⴰⴷ ⵟⵟⴼⴻⵏ ⵜⵉⵖⵜⴻⵙⵉⵏ ⵢⴻⵍⵀⴰⵏ ⵢⴻⵔⵏⴰ ⴰⴷ ⵙⵙⵉⵙⵀⴻⵍⴻⵏ ⵍⴻⵇⴷⵉⵛ ⵉ ⵢⵉⵎⴻⵣⴷⴰⵖ.
ⵜⴰⴳⴳⴰⵔⴰ, ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⴻⵔⵙⴻⵍⵉⵏ ⵏ ⵍⵃⴻⵇⵇ ⵢⴻⵍⵀⴰ ⴰⴷ ⵄⴻⴷⴷⴻⵏⵜ ⵖⴻⵔ ⵍⵃⴻⵇⵇ ⵏ ⵓⵎⵙⴻⴳⴳⴻⵎ ⴷ ⵓⴼⵔⴰⵢ ⵏ ⵜⵎⵉⵙⴰⵍ ⵜⵉⵎⴻⵥⵢⴰⵏⵉⵏ ⵙ ⵓⵎⵙⴰⴼⴰ. ⴰⵢⴰ ⴰⴷ ⵢⴻⵊⵊ ⵉⵎⴻⵣⵣⴰⵔⴼⵓⵜⴻⵏ ⴰⴷ ⴼⵔⵓⵏ ⵜⵉⵎⵙⴰⵍ ⵉⵊⴻⵀⴷⴻⵏ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵓⵎⴻⵜⵜⵉ.
ⴰⵔⵏⵓ ⵖⴻⵔ
