ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵢⵉⵎⴷⴰⵏⴻⵏ , ⵎⴰⵙⵙ ⴱⵔⴰⵒⵉⵎ ⴱⵓⵖⴰⵍⵉ, ⵢⴻⵙⵜⴻⵇⴱⴻⵍ ⴰⵙⵙ-ⴰ ⵏ ⴰⵔⵉⵎ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵎⴻⵙⵏⵉ ⵏ ⵜⴻⴳⴷⵓⴷⴰ ⵜⴰⵄⵔⴰⴱⵜ ⵏ ⵎⴰⵚⴻⵔ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⵄⴻⴱⴷⴻⵍⵍⴰⵟⵉⴼ ⵍⵍⴰⵢⴻⵃ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵓⵙⵇⴰⵎⵓ.
ⵢⴻⴼⵔⴻⵢ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⵎⴰⵙⵙ ⴱⵓⵖⴰⵍⵉ ⵢⴻⵏⵏⴰ-ⴷ ⴱⴻⵍⵍⵉ ⵢⴻⴼⵔⴻⵃ ⵙ ⵡⴰⵢⴻⵏ ⵉ ⴷ-ⵢⴻⴼⴼⵓⵖⴻⵏ ⴷⴻⴳ ⵢⵉⴼⵔⴰⵏⴻⵏ ⵏ ⵓⵙⵇⴰⵎⵓ ⴷⴻⴳ ⵎⴰⵚⴻⵔ, ⵍⴰⴷⵖⴰ ⴰⵙⴻⵍⵡⴰⵢ ⴰⵎⴰⵢⵏⵓ ⵏ ⵓⵙⵇⴰⵎⵓ ⵏ ⵢⵉⵎⴻⵙⵏⵉⵢⴻⵏ ⵏ ⵎⴰⵚⴻⵔ. ⵢⴻⵡⵡⴻⴽⴻⴷ-ⴷ ⴱⴻⵍⵍⵉ ⴰⵙⵇⴰⵎⵓ ⴰⵖⴻⵍⵏⴰⵡ ⵢⴻⵡⵊⴻⴷ ⵉ ⵢⴰⵍ ⵜⴰⵍⵍⴰⵍⵜ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵎⵢⴰⵡⴰⵙ ⵏ ⵓⵙⵇⴰⵎⵓ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵜⵉⵎⴳⴰⵜⵎⴰⵜⵉⵏ.
ⴷⴻⴳ ⵓⵃⵔⵉⵛ-ⴰⴳⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵢⴻⵛⴻⴽⴽⴻⴷ "ⵜⴰⵣⵎⴻⵔⵜ ⵏ ⵢⴰⵙⵙⴰⵔⴻⵏ ⵏ ⴷⴷⵉⴱⵍⵓⵎⴰⵙⵉⵢⴰ" ⴳⴰⵔ ⵙⵏⴰⵜ ⵏ ⵜⵎⵓⵔⴰ ⴷ ⵓⵎⵢⴰⵡⴰⵍⴰ ⵢⴻⵍⵍⴰⵏ ⵢⴰⵍ ⵜⵉⴽⴽⴻⵍⵜ. ⵢⴻⵏⵏⴰ-ⴷ ⴱⴻⵍⵍⵉ ⵢⴰⵙⵙⴰⵔⴻⵏ ⵏ ⵜⴻⴳⵎⴰⵜ ⴳⴰⵔ ⵙⵏⴰⵜ ⵏ ⵜⵓⴷⴷⵙⵉⵡⵉⵏ-ⴰⴳⵉ ⴷ ⴰⴳⴰⵊⵊⴰ ⵉⵊⴻⵀⴷⴻⵏ ⵉ ⵡⵓⴳⴰⵔ ⵏ ⵓⵎⵢⴰⵡⴰⵙ.
ⴷⴻⴳ ⵜⴳⵏⵉⵜ-ⴰⴳⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵉⵡⴻⴽⴽⴻⴷ-ⴷ ⴱⴻⵍⵍⵉ ⵢⴻⵙⵙⴻⴼⴽ ⴰⴷ ⵙⵙⴰⵍⵉⵏ ⴰⵎⵢⴰⵡⴰⵙ-ⴰⴳⵉ ⵖⴻⵔ ⵓⵙⵡⵉⵔ ⵓⴼⴼⴻⵍ, ⵙ ⵓⵙⵏⴻⵔⵏⵉ ⵏ ⵓⵎⵢⴰⵡⴰⵙ ⴷⴻⴳ ⵓⴷⴰⵎⴰⵙ, ⵢⵉⴷⵍⴻⵙ, ⴰⵙⴻⵍⵎⴻⴷ ⵓⴼⴼⴻⵍ ⴷ ⵓⵏⴰⴷⵉ ⵏ ⵜⵓⵙⵙⵏⴰ, ⵉⵡⴰⴽⴽⴻⵏ ⴰⴷ ⵏⵏⴻⴼⵄⴻⵏⵜ ⵙⵏⴰⵜ ⵏ ⵜⵎⵓⵔⴰ.
ⵙⴻⴳ ⵜⴰⵎⴰ-ⵙ, ⴰⵎⴻⵙⵏⵉ ⵏ ⵎⴰⵚⴻⵔ ⵢⴻⵏⵏⴰ-ⴷ ⴱⴻⵍⵍⵉ ⵢⴰⵙⵙⴰⵔⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵊⴻⵀⴷⴻⵏ ⵎⵍⵉⵃ, ⵢⴻⵔⵏⴰ ⵙⵏⴰⵜ ⵏ ⵜⵎⵓⵔⴰ-ⴰⴳⵉ ⵙⵄⴰⵏⵜ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵜⵎⴻⵏⵏⴰⴹⵜ-ⵏⵙⴻⵏⵜ.
ⵎⴰⵙⵙ ⵍⵍⴰⵢⴻⵃ ⵢⴻⵛⴻⴽⴽⴻⴷ ⴰⵢⴻⵏ ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⵖⴻⴼ ⵢⴰⵙⵙⴰⵔⴻⵏ ⴳⴰⵔ-ⴰⵙⴻⵏ ⴷⴻⴳ ⵓⴷⵉⵡⴻⵏⵏⵉ-ⵙ ⴰⵏⴻⴳⴳⴰⵔⵓ, ⵢⴻⵏⵏⴰ-ⴷ ⴱⴻⵍⵍⵉ ⵡⴰⵡⴰⵍ-ⵉⵙ ⵢⴻⵙⵄⴰ ⴰⵣⴰⵍ ⴰⵎⴻⵇⵇⵔⴰⵏ ⴷⴻⴳ ⵜⴻⴳⴷⵓⴷⴰ ⵏ ⵎⴰⵚⴻⵔ.
ⴷⴻⴳ ⵜⴰⴳⴳⴰⵔⴰ ⵏ ⵜⵎⵉⵍⵍⵉⵜ, ⵎⵙⴻⴼⵀⴰⵎⴻⵏ ⴰⴷ ⵙⵏⴻⵔⵏⵉⵏ ⴰⵎⵢⴰⵡⴰⵍⴰ ⵏ ⵓⵙⵇⴰⵎⵓ ⵢⴻⵔⵏⴰ ⴰⴷ ⵙⴱⴻⴷⴷⴻⵏ ⵜⵉⵙⴻⵇⵇⴰⵎⵓⵜⵉⵏ ⵏ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⵓⴷⴷⵙⵉⵡⵉⵏ ⵜⵉⵎⴻⵍⴷⴰⵢⵉⵏ, ⵉⵡⴰⴽⴽⴻⵏ ⴰⴷ ⵙⵙⴻⵊⵀⴻⴷⴻⵏ ⴰⵎⵢⴰⵡⴰⵙ ⴳⴰⵔ ⵍⴻⵣⵣⴰⵢⴻⵔ ⴷ ⵎⴰⵚⴻⵔ.
ⴰⵔⵏⵓ ⵖⴻⵔ
