ⵓⴽⵙⴰⵔ ⵏ ⵓⴱⵔⵉⴷ ⵉ ⴷ-ⵢⴻⴹⵔⴰⵏ ⵉⴹ ⵏ ⵍⵜⵏⵉⵏ ⵉ ⵄⴻⴷⴷⴰⵏ ⴷⴻⴳ ⵍⵡⵉⵍⴰⵢⴰ ⵏ ⴱⵍⵉⴷⴰ, ⵢⴻⵙⵙⴻⴳⵔⴰ-ⴷ ⵜⴰⵎⵎⴻⵜⵜⴰⵏⵜ ⵏ ⴽⵓⵥ ⵏ ⵢⵉⵎⴷⴰⵏⴻⵏ ⴷ ⵓⵏⵊⴻⵔⴻⵃ ⵏ ⵙⵉⵏ ⵏⵏⵉⴹⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⵏⴰⵖ ⵏ ⵜⵙⵓⵏⵉⵜ ⵏ ⵓⵃⴰⴷⴻⵔ ⴰⵖⵔⵉⵎ.
ⵉⵖⴱⵓⵍⴰ-ⴰⴳⵉ ⵏⵏⴰⵏ-ⴷ ⴱⴻⵍⵍⵉ ⵜⴰⵙⵓⵏⵉⵜ ⵏ ⵓⵃⴰⴷⴻⵔ ⴰⵖⵔⵉⵎ ⵜⵜⴻⴽⴽⴰ ⴷⴻⴳ ⵙⵙⴰⵄⴰ ⵏ 20:13 ⵏ ⵢⵉⴹ, ⵉⵎⵉ ⵉ ⴷ-ⵢⴻⴹⵔⴰ ⵓⴽⵙⴰⵔ ⵏ ⵓⴱⵔⵉⴷ ⵏ ⵍⵎⵓⵜ ⴷⴻⴳ ⵓⴱⵔⵉⴷ ⴰⵎⴻⵇⵇⵔⴰⵏ "ⴰⴳⴰⴼⴰ-ⴰⵏⵣⵓⵍ" ⴷⴻⴳ ⵜⵖⵉⵡⴰⵏⵜ ⵏ ⵛⵛⴻⴼⴼⴰ.
ⴰⴽⵙⴰⵔ-ⴰⴳⵉ ⵉ ⴷ-ⵢⴻⴽⴽⴰⵏ ⵙⴻⴳ ⵜⵉⵏⵏⵉⴳⵍⴰ ⵏ ⵢⵉⵡⴻⵜ ⵏ ⵜⴽⴻⵔⵔⵓⵙⵜ, ⵢⴻⵙⵙⴻⴳⵔⴰ-ⴷ ⵜⴰⵎⵎⴻⵜⵜⴰⵏⵜ ⵏ ⴽⵓⵥ ⵏ ⵢⵉⵎⴷⴰⵏⴻⵏ ⵉ ⵡⵓⵎⵉ ⵔⵔⴰⵏ ⵉⵖⴻⵙⵙⴰⵏ-ⵏⵙⴻⵏ ⵖⴻⵔ ⵜⴻⵙⴻⵎⵎⵉⴹⵜ, ⵎⴰ ⴷ ⵡⵉⴷ ⵉⵊⴻⵔⵃⴻⵏ ⵡⵡⵉⵏⵜ-ⴻⵏ ⵖⴻⵔ ⵓⵙⴳⵏⴰⴼ ⵏ ⵍⴻⵔⵢⵓⵍ ⵉⵡⴰⴽⴽⴻⵏ ⴰⴷ ⴷ-ⵔⴻⵡⵡⵓⵏ ⵜⴰⵡⵙⵉⵜ ⵏ ⴷⴷⵡⴰⵔⵉ. (ⵡⴰⵖ)
ⴰⵔⵏⵓ ⵖⴻⵔ
