ⵎⵙⴰⴼⴰⵏ ⵉⵎⴷⵔⴰⵡⴻⵏ ⴷⴻⴳ ⵜⵉⵎⵍⵉⵍⵉⵜ ⵜⴰⴳⵔⴰⵖⵍⴰⵏⵜ ⵖⴻⴼ "ⵓⵙⵉⴷⴷⴻⵔ ⵏ ⵓⵙⴰⴷⵓⴼ ⴰⴳⵔⴰⵖⵍⴰⵏ: ⵜⴰⵍⵍⵓⴼⵜ ⵏ ⵜⵏⴻⵥⵔⵓⴼⵜ ⵜⵓⵖⵔⵉⴱⵜ ⴷ ⵜⵎⴰⵙⵉⵜ ⵏ ⵜⵎⴻⵜⵜⵉ ⵜⴰⴳⵔⴰⵖⵍⴰⵏⵜ", ⴷⵉ ⵜⵎⴰⵏⴻⵖⵜ ⵏ ⴱⵉⵍⵊⵉⴽ (ⴱⵔⵓⴽⵙⴻⵍ), ⵖⴻⴼ ⵓⵣⴰⵍ ⵏ ⵓⵙⵏⴻⵙ ⵏ ⵓⵙⴰⴷⵓⴼ ⴰⴳⵔⴰⵖⵍⴰⵏ ⴷⵉ ⵜⵏⴻⵥⵔⵓⴼⵜ ⵜⵓⵖⵔⵉⴱⵜ ⵙ ⵓⵎⴻⵏⵏⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵢⴰⵡⵉ ⴰⵣⵔⴻⴼ-ⵉⵙ ⴷⴻⴳ ⵡⴻⴼⵔⴰⵏ ⵏ ⵜⵉⵍⵍⴰ , ⴰⵍⵍⴰⵍ ⴰⵎⴻⵣⵡⴰⵔⵓ ⵏ ⵜⴼⵔⴰⵜ ⵏ ⵓⵏⴰⵎⵎⴰⵙ ⴰⴳⵉ ⴰⴽⴽⴻⵏ ⴷ-ⵍⵍⴰⵏ ⵉⵍⵓⴳⴰⵏ ⵏ ⵜⵎⵓⵔⴰ ⵢⴻⴷⴷⵓⴽⴽⵍⴻⵏ (UN).
ⴷⴻⴳ ⵜⴰⴳⴳⴰⵔⴰ ⵏ ⵜⵉⵎⵍⵉⵍⵉⵜ, ⵉⵎⵓⵙⵏⴰⵡⴻⵏ ⵏ ⵓⵙⴰⴷⵓⴼ ⴰⴳⵔⴰⵖⵍⴰⵏ ⵙⵙⴻⴽⵏⴻⵏ-ⴷ ⴰⵣⴰⵍ ⵏ ⵓⵙⵏⴻⵙ ⵏ ⵜⵓⵍⵍⵓⴼⵜ ⵜⴰⴳⵔⴰⵖⵍⴰⵏⵜ ⵉⵡⴰⴽⴽⴻⵏ ⴰⴷ ⵢⵉⵍⵉ ⵓⴼⵔⴰ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⵎⵏⴰⴹⵜ, ⴷ ⵓⵃⴰⴷⴻⵔ ⵖⴻⴼ ⵓⴼⵔⴰ ⴰⴳⵔⴰⵖⵍⴰⵏ.
ⴳⴰⵔ ⵡⵉⴷ ⵉⴷⵔⴰⵡⴻⵏ ⴷⴻⴳ ⵜⵉⵎⵍⵉⵍⵉⵜ-ⴰⴳⵉ ⵉ ⵜⴻⵙⵙⵓⴷⴻⵙ ⵜⴰⴷⵓⴽⵍⵉ ⵜⵓⵔⵓⴼⵉⵜ ⵏ ⵓⵎⵢⴰⵍⵍⴻⵍ ⴷ ⵓⵖⵔⴻⴼ ⴰⵚⴻⵃⵔⴰⵡⵉ (EUCOCO): ⴱⵢⵉⵔ ⴳⴰⵍⴰⵏⴷ, ⴰⵙⵉⵢⴰⵙ ⴱⴰⵔⵉⵏⴷⴰ, ⵎⴰⵏⴼⵔⴻⴷ ⵀⵉⵏ, ⴱⴻⵏ ⴽⵢⵓⴽⵓ, ⵅⵡⴰⵏ ⵙⴰⵔⵊⵉⵜⴰ ⵍⵉⵙⵉⵔⵓ, ⴷ ⴽⴰⵔⵍⵓⵙ ⵔⵡⵉⵣ ⵎⵉⴳⵉⵍ.
ⵎⵎⴻⵙⵍⴰⵢⴻⵏ-ⴷ ⵖⴻⴼ ⵜⵎⴻⵔⵏⵉⵡⵜ ⵜⴰⴳⴰⵔⵉⵜ ⵏ ⵜⵎⴰⵙⴰⵢⵜ ⵜⴰⵚⴻⵃⵔⴰⵡⵉⵜ ⴷⵉ ⵜⵎⵓⵔⴰ ⵢⴻⴷⴷⵓⴽⴽⵍⴻⵏ ⴷ ⵜⵓⵔⵓⴼⵜ, ⴳⵓⵍⵍⴻⵏ ⵎⴳⴰⵍ ⵜⵉⴼⵔⴰⵜⵉⵏ ⵏ ⵓⵏⴻⴽⵛⵓⵎ ⵉ ⵢⴻⴱⵖⴰⵏ ⴰⴷ ⴽⴽⴻⵙⵏⵜ ⴰⵣⵔⴻⴼ ⵏ ⵡⴻⴼⵔⴰⵏ ⵏ ⵜⵉⵍⵍⴰ, ⴷ ⵓⴽⴻⵔ ⵏ ⵜⴳⴻⵎⵎⵉⵢⵉⵏ ⵏ ⵓⵖⵔⴻⴼ-ⴰⴳⵉ, ⵎⴳⴰⵍ ⵉⵍⵓⴳⴰⵏ ⴷ ⵜⵏⴻⵣⵣⵓⵜ ⵜⴰⴳⵔⴰⵖⵍⴰⵏⵜ.
ⵉⵎⴷⵔⴰⵡⴻⵏ ⵙⵙⴻⴷⴷⴻⴷⴻⵏ ⵖⴻⴼ ⵡⴰⴽⴽⴻⵏ "ⴰⴷⴰⵔ ⵖⴻⴼ ⵓⵙⴰⴷⵓⴼ ⴰⴳⵔⴰⵖⵍⴰⵏ ⴷ ⴰⵍⵍⴰⵍ ⴰⵢⵓⵏ ⵏ ⵜⵖⴻⵍⵍⵉⵙⵜ", ⴷ ⵡⴻⴳⴳⵉⵢ-ⵉⵙ ⴰⴷ ⵢⴻⴳⵍⵓ ⵙ ⵡⴻⴳⴳⵉⵢ ⵏ ⵓⴼⵔⴰ ⴷⴻⴳ ⵓⵎⴰⴹⴰⵍ.
ⵜⵉⵎⵍⵉⵍⵉⵜ-ⴰⴳⵉ ⵜⴻⴱⴹⴰ ⵖⴻⴼ ⴽⵔⴰⴷ ⵏ ⵢⵉⵙⴻⵏⵜⴰⵍ :
- ⴰⵙⴻⵏⵜⴻⵍ ⴰⵙⴻⵔⵜⴰⵏ: ⴰⵙⴻⴷⴷⴻⴷ ⵖⴻⴼ ⵓⵣⵔⴻⴼ ⵏ ⵡⴻⴼⵔⴰⵏ ⵏ ⵜⵉⵍⵍⴰ ⴰⵎ ⵜⵉⴼⵔⴰⵜ ⵜⴰⵢⵓⵏⵜ, ⴷ ⵡⴰⴽⴽⴻⵏ ⴷ ⴰⵖⵔⴻⴼ ⴰⵚⴻⵃⵔⴰⵡⵉ ⵡⴰⵃⴷ-ⴻⵙ ⵉ ⵢⴻⵙⵄⴰⵏ ⴰⵣⵔⴻⴼ ⴰⴷ ⵢⴻⴼⵔⴻⵏ ⵜⴰⵍⵍⵓⴼⵜ ⵏ ⵜⵎⵓⵔⵜ-ⵉⵙ.
- ⴰⵙⴻⵏⵜⴻⵍ ⵡⵉⵙ ⵙⵉⵏ: ⵜⴰⴷⴱⴻⵍⵜ ⵏ ⵓⵖⵔⴻⴼ ⵖⴻⴼ ⵜⴳⴻⵎⵎⵉⵢⵉⵏ-ⵉⵙ ⵜⵉⴳⴰⵎⴰⵏⵉⵏ. ⵙⵙⴻⴳⵍⴻⵏ (نددوا) ⵙ ⵓⵎⵜⴰⵡⴰ ⵏ ⵜⴷⴰⵎⵙⴰ ⴳⴰⵔ ⵜⴰⴷⵓⴽⵍⵉ ⵜⵓⵔⵓⴼⵉⵜ ⴷ ⵍⵎⴻⵖⵔⵉⴱ ⵉ ⵢⴻⴽⵛⴻⵎⵏ ⵖⴻⵔ ⵜⴳⴻⵎⵎⵉⵢⵉⵏ ⵏ ⵜⵏⴻⵥⵔⵓⴼⵜ ⵜⵓⵖⵔⵉⴱⵜ.
- ⴰⵙⴻⵏⵜⴻⵍ ⵡⵉⵙ ⴽⵔⴰⴷ: ⵖⴻⴼ ⵓⴽⵛⴻⵎ ⵏ ⵍⵎⴻⵖⵔⵉⴱ ⵖⴻⴼ ⵢⵉⵣⵓⵔⴼⴰⵏ ⵏ ⵓⵎⴷⴰⵏ ⴷ ⵡⴻⴳⴳⵉⵢ ⵏ ⵜⵎⵓⵔⴰ ⵢⴻⴷⴷⵓⴽⴽⵍⴻⵏ ⴰⴷ ⴳⴻⵏⵜ ⴰⵍⵍⴰⵍⴻⵏ ⵉ ⵓⵃⴰⴷⴻⵔ ⵏ ⵢⵉⵣⵓⵔⴼⴰⵏ-ⴰⴳⵉ ⴷⵉ ⵜⵏⴻⵥⵔⵓⴼⵜ ⵜⵓⵖⵔⵉⴱⵜ.
ⴰⵔⵏⵓ ⵖⴻⵔ
