ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴷⴷⵉⵏ ⴷ ⵍⵡⴰⵇⴼ, ⵎⴰⵙ ⵢⵓⵙⴻⴼ ⴱⴻⵍⵎⴻⵀⴷⵉ, ⵢⴻⵙⵙⴻⴷⴷⴰ ⴰⵙⵙ-ⴰ ⵏ ⵍⵃⴻⴷ ⴷⵉ ⵍⵣⵣⴰⵢⵔ ⵜⴰⵎⴰⵏⴻⵖⵜ, ⵢⵉⵡⴻⵏ ⵓⵏⵏⴻⵊⵎⵓ ⵏ ⵓⵎⵙⴰⵙⴰ ⴰⴽⴽⴻⴷ ⵢⵉⵎⴹⴻⴱⴱⵔⴻⵏ ⵏ ⵜⵏⴻⵖⵍⴰⴼⵜ ⵉⵡⴰⴽⴽⴻⵏ ⴰⴷ ⴼⴽⴻⵏ ⵜⵉⴳⴰⵡⵜⵉⵏ ⵜⵉⵏⴻⴳⴳⴰⵔⵉⵏ ⵉ ⵓⵙⴻⴷⴷⴻⵔ ⵢⴻⵍⵀⴰⵏ ⵏ ⵡⴰⵀⵉⵍ ⵏ ⵡⴰⵢⵢⵓⵔ ⵏ ⵕⴻⵎⴹⴰⵏ 1447/2026.
ⴷⴻⴳ ⵡⴰⵡⴰⵍ-ⵉⵙ, ⴱⴻⵍⵎⴻⵀⴷⵉ ⵢⴻⵙⵙⴻⴷⵔⴻⵄ ⴰⵣⴰⵍ ⴰⵎⴻⵇⵇⵔⴰⵏ ⵏ ⵡⴰⵢⵢⵓⵔ ⵏ ⵕⴻⵎⴹⴰⵏ ⵉ ⵜⵖⴻⵔⵎⴰ ⵏ ⵜⵏⴻⵙⵍⴻⵎⵜ ⴷ ⵓⴳⴷⵓⴷ ⴰⵣⵣⴰⵢⵔⵉ, ⵉⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⵍⵇⵉⵎⴰ ⵏ ⴷⴷⵉⵏ ⴷⴻⴳ ⵜⵎⴻⵜⵜⵉ. ⵢⴻⵏⵏⴰ-ⴷ ⴱⴻⵍⵍⵉ ⵢⴻⵙⵙⴻⴼⴽ ⴰⴷ ⵏⴻⴼⴽ ⵍⵄⵏⴰⵢⴰ ⵜⵓⵙⵍⵉⴳⵜ ⵉ ⵍⵇⵓⵔⴰⵏ ⴰⵣⵉⴷⴰⵏ, ⴰⵛⴽⵓ ⵕⴻⵎⴹⴰⵏ ⴷ ⴰⵢⵢⵓⵔ ⵏ ⵍⵇⵓⵔⴰⵏ.
ⴰⵏⴻⵖⵍⴰⴼ ⵢⴻⵡⵡⵉ-ⴷ ⴰⵡⴰⵍ ⴷⴰⵖⴻⵏ ⵖⴻⴼ ⵜⵎⵉⵙⵉⵣⴻⵍⵜ ⵜⴰⵏⴰⵎⵓⵔⵜ ⵏ ⵍⵇⵓⵔⴰⵏ ⴷ ⵜⵎⵉⵙⵉⵣⴻⵍⵜ ⵏ ⵡⴰⵔⵔⴰⵡ ⵉⵎⴻⵥⵢⴰⵏⴻⵏ ⵏ ⵓⵃⵔⴰⵣ ⵏ ⵍⵇⵓⵔⴰⵏ, ⵉ ⵢⴻⵍⵍⴰⵏ ⵙ ⵜⴰⵍⵍⴰⵍⵜ ⵏ ⵓⵙⴻⵍⵡⴰⵢ ⵏ ⵜⴳⴷⵓⴷⴰ, ⵎⴰⵙ ⵄⴰⴱⴷⴻⵍⵎⴰⵊⵉⴷ ⵜⴻⴱⴱⵓⵏ. ⵢⴻⵙⵙⴰⵡⴻⵍ ⴷⴰⵖⴻⵏ ⵉ ⵓⵙⵏⴻⵔⵏⵉ ⵏ ⴷⴷⴻⵔⵓⵙ ⴷⴻⴳ ⵜⵎⴻⵙⴳⵉⴷⵓⵜⵉⵏ ⴷ ⵓⵙⵎⴻⵔⵔⴻⵃ ⵏ ⵡⴰⵎⵎⴰⵙ ⵏ ⵜⵎⵓⵙⵏⵉ ⵏ ⵜⵏⴻⵙⵍⴻⵎⵜ
ⴷⵉ ⵜⴰⵎⴰ-ⵏⵏⵉⴹⴻⵏ, ⵢⴻⵙⵙⴻⴷⵔⴻⵄ ⴰⵣⴰⵍ ⵏ ⵓⵡⴻⴷⴷⵓ ⴷ ⵜⴰⵍⵍⴰⵍⵜ ⵉⵡⴰⴽⴽⴻⵏ ⴰⴷ ⵜⵊⴻⵀⴻⴷ ⵜⴷⵓⴽⵍⵉ ⵏ ⵜⵎⴻⵜⵜⵉ. ⵢⴻⴱⴷⴻⵔ-ⴷ ⴷⴰⵖⴻⵏ ⴰⵣⴰⵍ ⵏ ⵜⵥⴰⵍⵍⵉⵜ ⵏ ⵜⵜⵔⴰⵡⵉⵃ ⴷ ⵍⵉⵍⴻⵜ ⵍⵇⴻⴷⵔ.
ⴱⴻⵍⵎⴻⵀⴷⵉ ⵢⴻⵏⵏⴰ-ⴷ ⴱⴻⵍⵍⵉ ⵢⴻⵙⵙⴻⴼⴽ ⴰⴷ ⴷ-ⵜⴻⵜⵜⵡⴰⴼⴽⴻⵏⵜ ⴰⴽⴽ ⵜⴻⴳⵏⴰⵜⵉⵏ ⵉⵡⴰⴽⴽⴻⵏ ⴰⴷ ⵢⴻⴷⴷⵓ ⵡⴰⵀⵉⵍ-ⴰ ⵙ ⵍⵇⴰⵍⴱ, ⵢⴻⵔⵏⴰ ⵢⴻⵙⵙⴻⴼⴽ ⵓⵎⵙⴰⵙⴰ ⴳⴰⵔ ⵢⵉⵃⵔⵉⵇⴻⵏ ⵏ ⵜⵏⴻⵖⵍⴰⴼⵜ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵢⵉⵙⴰⵍⴻⵏ ⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ ⵉⵡⴰⴽⴽⴻⵏ ⴰⴷ ⵙⵉⵡⴹⴻⵏ ⵜⴰⵎⵙⵉⵔⵜ ⵏ ⵜⵏⴻⵙⵍⴻⵎⵜ ⵢⴻⵍⵀⴰⵏ ⵢⴻⵔⵏⴰ ⴰⴷ ⵄⴰⵡⵏⴻⵏ ⴷⴻⴳ ⵓⵎⴻⵏⵏⵓⵖ ⵎⴳⴰⵍ ⵡⴻⴷⴷⴰⴷⴻⵏ ⵓⵔ ⵏⴻⵍⵀⵉ ⴷⵉ ⵕⴻⵎⴹⴰⵏ.
ⴰⵔⵏⵓ ⵖⴻⵔ
