ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵓⵙⴻⵍⵎⴻⴷ ⵓⵏⵉⴳ ⴷ ⵓⵏⴰⴷⵉ ⴰⵎⴰⵙⵙⴰⵏ, ⵎⴰⵙⵙ ⴽⴰⵎⴻⵍ ⴱⴰⴷⴷⴰⵔⵉ, ⴰⵙⵙ-ⴰ ⵏ ⵍⵀⴻⴷ ⴷⴻⴳ ⵜⴻⵙⴷⴰⵡⵉⵜ ⵏ ⵍⴻⵣⵣⴰⵢⴻⵔ 3 (ⴷⴰⵍⵉ ⴱⵔⴰⵀⵉⵎ), ⵉⵎⴰⵀⵉⵍⴻⵏ ⵏ ⵓⵙⵜⵓⴷⴷⴻⵙ ⵏ ⵓⵙⵜⴻⵏⵢⴻⵏ ⵉ ⵏⴼⴰⵄ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵏ ⵜⴽⵓⵔⵜ ⵏ ⵓⴼⵓⵙ ⵏ ⵜⵍⴰⵡⵉⵏ ⵏ ⵜⴷⵓⴽⵍⴰ ⵏ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ ⵏ ⴱⵉⵙⴽⵔⴰ. ⴰⵢⴰⴳⵉ ⵜⵓⵙⴰ-ⴷ ⵙⴻⵍⴷ ⴰⴳⴻⵎⵓ ⴰⵎⴻⵣⵔⴰⵢ ⵉ ⴷ-ⵅⴻⴷⵎⴻⵏ ⵙ ⵓⵙⴰⵍⵉ ⵏ ⵓⵙⵡⵉⵔ ⵖⴻⵔ ⵓⵃⵔⵉⵛ ⴰⵖⴻⵍⵏⴰⵡ ⴰⵎⴻⵏⵣⵓ, ⴰⵎ ⵜⴻⵔⴱⴰⵄⵜ ⵜⴰⵎⴻⵏⵣⵡⵓⵜ ⵏ ⵜⴻⵙⴷⴰⵡⵉⵜ ⵉ ⵢⴰⵡⴻⴹⴻⵏ ⴰⵙⵡⵉⵔ-ⴰⴳⵉ ⴷⴻⴳ ⵜⴽⵓⵔⵜ ⵏ ⵓⴼⵓⵙ ⵏ ⵜⵍⴰⵡⵉⵏ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵢⴻⵔⵏⴰ-ⴷ ⴱⴻⵍⵍⵉ ⴰⴳⴻⵎⵓ-ⴰⴳⵉ ⴷ ⴰⴳⴻⵎⵓ ⵏ ⵍⵎⴻⴶⵀⵓⴷⴰⵜ ⵉ ⵉⵜⴻⴷⴷⵓⵏ ⵏ ⵜⵉⵏⴻⵍⵎⴰⴷⵉⵏ ⵜⵉⵎⵓⵔⴰⵔⵉⵏ (étudiantes athlètes) ⵉ ⴷ-ⵢⴻⴼⴽⴰⵏ ⴰⵙⵡⵉⵔ ⵉⴼⴰⵣⴻⵏ ⴷⴻⴳ ⵜⴰⵍⵍⵉⵜ ⵏ ⵓⵏⴻⴱⴷⵓ ⵏ ⵡⴰⴷⴷⴰⵍ, ⵙ ⵜⴰⵎⴰ ⵏ ⵓⵎⴰⵀⵉⵍ ⴰⵎⴻⵇⵇⵔⴰⵏ ⵏ ⵜⵙⴻⴷⴷⴰⵔⵜ ⵜⴰⵜⵉⴽⵏⵉⴽⵜ ⴷ ⵜⵉⵏ ⵏ ⵓⵙⴻⴷⴱⴻⵔ, ⵔⵏⵉ-ⴷ ⴼⴻⵍⵍ-ⴰⵙⴻⵏ ⵓⴷⴻⴳⴳⴻⵔ ⵏ ⵓⵙⴻⴷⴱⴻⵔ ⵏ ⵜⴻⵙⴷⴰⵡⵉⵜ ⵏ ⴱⵉⵙⴽⵔⴰ, ⵜⴰⴷⵓⴽⵍⴰ ⵜⴰⵣⵣⴰⵢⵔⵉⵜ ⵏ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ ⴷ ⵢⵉⵎⴹⴻⴱⴱⵔⴻⵏ ⴰⴷⵉⴳⴰⵏⴻⵏ ⵏ ⵜⵡⵉⵍⴰⵢⵜ ⵏ ⴱⵉⵙⴽⵔⴰ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⴰⵏⴻⵖⵍⴰⴼ ⵉⵙⵔⴻⵚ-ⴷ ⴱⴻⵍⵍⵉ ⴰⴳⴻⵎⵓ-ⴰⴳⵉ "ⵢⴻⵎⵎⴰⵍ-ⴷ ⴰⵙⵏⴻⴼⵍⵉ ⵏ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ ⴷⴻⴳ ⵍⴻⵣⵣⴰⵢⴻⵔ ⴷ ⵓⵎⴰⵀⵉⵍ-ⵉⵙ ⴷⴻⴳ ⵓⵙⵓⴼⴼⴻⵖ ⵏ ⵏⴼⵉⵜ ⵏ ⵡⴰⴷⴷⴰⵍ", ⵉⵙⵍⴻⵎ-ⴷ ⵙ ⵜⵓⵛⵛⵉⵜ ⵏ ⵜⵙⴻⴷⴷⴰⵔⵜ ⵜⴰⵜⵉⴽⵏⵉⴽⵜ ⴷ ⵜⴰⵍⵍⴻⵍⵜ ⵉ ⵉⵄⴰⵡⵏⴻⵏ ⵉ ⵓⵡⴻⵣⵣⵉ ⵏ ⵢⵉⵙⵡⵉ-ⴰⴳⵉ, ⵢⴻⵔⵏⴰ ⵉⵙⵙⴻⴱⵕⴻⴽ ⵜⵉⵏⴻⵍⵎⴰⴷⴻⵏ ⵏ ⵜⴻⵔⴱⴰⵄⵜ ⵏ ⴱⵉⵙⴽⵔⴰ ⵖⴻⴼ "ⵓⴳⴻⵎⵓ-ⴰⴳⵉ ⵓⴼⵔⵉⵏ".
ⴷⴻⴳ ⵜⴰⵍⵍⵉⵜ-ⴰⴳⵉ, ⴱⴰⴷⴷⴰⵔⵉ ⵉⵙⵏⴻⴽⵏⴰⴷ-ⴷ ⴱⴻⵍⵍⵉ "ⵜⵜⵓⵙⴱⴻⴷⴷⴻⵏ 15 ⵏ ⵢⵉⴷⵎⴰⵎⴻⵏ (clubs) ⵏ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ ⴷⴻⴳ ⵜⴰⵍⵍⵉⵜ ⵏ 2024-2025, ⵉⵡⴰⴽⴽⴻⵏ ⴰⴷ ⵢⴰⵡⴻⴹ ⵓⵎⴹⴰⵏ-ⵏⵙⴻⵏ ⵖⴻⵔ 26 ⵏ ⵢⵉⴷⵎⴰⵎⴻⵏ ⴷⴻⴳ ⵓⵙⴻⴳⴳⴰⵙ-ⴰⴳⵉ. ⵙ ⵔⵔⵓⵃ ⵏ ⵓⵎⴰⵀⵉⵍ ⴷ ⵍⵎⴻⴶⵀⵓⴷⴰⵜ ⵏ ⵜⵉⵏⴻⵍⵎⴰⴷⵉⵏ-ⴰⴳⵉ, ⵜⴻⵙⵙⴰⵡⴻⴹ ⵜⴻⵔⴱⴰⵄⵜ ⵜⴰⵎⴻⵏⵣⵡⵓⵜ ⵏ ⵜⴻⵙⴷⴰⵡⵉⵜ ⴰⴷ ⵜⴰⵍⵉ ⵖⴻⵔ ⵓⵃⵔⵉⵛ ⴰⵖⴻⵍⵏⴰⵡ ⴰⵎⴻⵏⵣⵓ ⵏ ⵜⴽⵓⵔⵜ ⵏ ⵓⴼⵓⵙ".
ⵙⴻⴳ ⵜⴰⵎⴰ-ⵙ, ⵜⴰⵇⴻⵔⵔⵓⵜ ⵏ ⵜⴻⵔⴱⴰⵄⵜ, ⵎⴰⵔⵓⵓⴰ ⵙⵍⵉⵎⴰⵏⵉ, ⵜⵉⵏⴻⵍⵎⴰⴷⵜ ⵏ ⵓⵙⴻⴳⴳⴰⵙ ⵡⵉⵙ ⵙⵉⵏ ⴷⴻⴳ ⵓⵏⵏⴰⵔ ⵏ ⵓⵙⴰⵍⴰⵏ ⴷ ⵜⴻⵢⵡⴰⵍⵜ ⴷⴻⴳ ⵜⴻⵙⴷⴰⵡⵉⵜ "ⵎⵓⵀⴰⵎⴻⴷ ⵅⵉⴷⴻⵔ" ⵏ ⴱⵉⵙⴽⵔⴰ, ⵜⴻⵙⵙⴻⴽⵏⴻⴷ ⵍⴼⴻⵕⵃ-ⵉⵙ ⴰⵎⴻⵇⵇⵔⴰⵏ ⵙ ⵓⵙⴰⵍⵉ-ⴰⴳⵉ ⴰⵎⴻⵣⵔⴰⵢ. ⵜⴻⵏⵏⴰ-ⴷ ⴱⴻⵍⵍⵉ ⵔⵔⴻⴱⴻⵃ-ⴰⴳⵉ "ⵢⵓⵙⴰ-ⴷ ⵙ ⵓⴷⵓⴽⴽⴻⵍ ⵏ ⵍⵎⴻⴶⵀⵓⴷⴰⵜ ⵏ ⵜⵎⵓⵔⴰⵔⵉⵏ, ⵜⵙⴻⴷⴷⴰⵔⵜ ⵜⴰⵜⵉⴽⵏⵉⴽⵜ ⴷ ⵓⵙⴻⴷⴱⴻⵔ ⵏ ⵜⴻⵙⴷⴰⵡⵉⵜ". ⵜⴻⵙⵙⴻⵏⴽⴰⴷ ⴷⴰⵖⴻⵏ ⴱⴻⵍⵍⵉ ⵓⵔ ⵢⴻⵍⵍⵉ ⴰⵔⴰ ⴷ ⴰⵢⴻⵏ ⵓⴼⵙⵉⵙⴻⵏ ⴰⴷ ⵙⴷⵓⴽⴽⵍⴻⵏ ⴳⴰⵔ ⵓⵍⵎⵓⴹ ⴷ ⵡⴰⴷⴷⴰⵍ, ⵍⴰⵎⴻⵄⵏⴰ ⵍⴻⴱⵖⵉ ⵉⵕⴻⵙⵙⴰⵏ ⴷ ⵓⵃⴻⵎⵎⴻⵍ ⵏ ⵡⴰⴷⴷⴰⵍ ⴷ ⵏⵓⵜⵏⵉ ⵉ ⴷ ⴰⵍⵍⴰⵍⴻⵏ ⵏ ⵓⵡⴻⵣⵣⵉ ⵏ ⵢⵉⵙⵡⵉ-ⴰⴳⵉ.
ⵎⴰ ⴷ ⴰⵙⵍⴻⵖⵎⴰⵢ (entraîneur) ⵏ ⵜⴻⵔⴱⴰⵄⵜ, ⵎⴰⵙⵙ ⴱⵓⵓⵎⴰⵄⵣⴰ ⴰⴱⴷⴻⵍⵓⵓⴰⵀⴰⴱ, ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⴳⴻⵎⵓ-ⴰⴳⵉ ⵢⴻⵍⵍⴰ-ⴷ ⵙ ⵍⵎⴻⴶⵀⵓⴷⴰⵜ ⵉⵎⴻⵇⵇⵔⴰⵏⴻⵏ ⵏ ⵜⵙⴻⴷⴷⴰⵔⵜ ⵜⴰⵜⵉⴽⵏⵉⴽⵜ ⴷ ⵓⵙⴻⴷⴱⴻⵔ ⵏ ⵜⴻⵙⴷⴰⵡⵉⵜ ⵏ ⴱⵉⵙⴽⵔⴰ. ⵉⵙⵙⴻⴽⵏⴻⴷ ⴱⴻⵍⵍⵉ "ⵉⵀⴻⴳⴳⵉⵢⴻⵏ ⵍⵍⴰⵏ ⴷ ⵡⵉⴷ ⵉⴶⴻⵀⴷⴻⵏ ⴷⴻⴳ ⵢⴰⴽⴽ ⵜⴰⵍⵍⵉⵜ ⵏ ⵓⵏⴻⴱⴷⵓ ⵏ ⵡⴰⴷⴷⴰⵍ, ⴷ ⴰⵢⴻⵏ ⵉ ⵢⴻⴶⴶⴰⵏ ⴰⵙⴰⵍⵉ ⴰⴷ ⴷ-ⵢⵉⵍⵉ ⵙ ⵜⵉⴷⴻⵜ".
ⴷⴻⴳ ⵜⴰⴳⴳⴰⵔⴰ, ⴰⵙⵉⵡⴹ ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⴰⵍⵉ-ⴰⴳⵉ ⴷ ⴰⴳⴻⵔⵔⵓⵊ ⴰⵎⴰⵢⵏⵓⵜ ⵉ ⵡⴰⴷⴷⴰⵍ ⵏ ⵜⴻⵙⴷⴰⵡⵉⵜ ⴷⴻⴳ ⵍⴻⵣⵣⴰⵢⴻⵔ, ⴷ ⵜⴰⴱⵔⴰⵜⵜ ⵉ ⴷ-ⵢⴻⵎⵎⴰⵍⴻⵏ ⵜⴰⵣⵎⴻⵔⵜ ⵏ ⵜⴻⵙⴷⴰⵡⵉⵜ ⵉ ⵓⵙⵉⵍⴻⵖ ⵏ ⵜⴻⵔⴱⴰⵄⵉⵏ ⵏ ⵓⵎⵣⵉⵣⵡⴻⵔ ⴷ ⵓⵙⵓⴼⴼⴻⵖ ⵏ ⵜⵣⴻⵎⵎⴰⵔ ⵏ ⵡⴰⴷⴷⴰⵍ ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ.
ⴰⵔⵏⵓ ⵖⴻⵔ
