ⵉⵄⴻⴳⴳⴻⵏ-ⴷ ⵓⵣⴻⴳⴳⴰⵖ ⴰⵣⴷⴰⵢ ⴰⵣⵣⴰⵢⵔⵉ ⵖⴻⴼ ⵓⵙⵓⴷⴷⴻⵙ ⵏ ⵢⵉⵡⴻⵏ ⵏ ⵓⴽⴻⵕⵡⴰⵏ ⴰⵙⴰⴼⴰⵔⴰⵏ ⵏ ⵡⴰⵟⴰⵙ ⵏ ⵜⵎⵓⵀⴰⵍ ⴷⴻⴳ ⵜⵡⵉⵍⴰⵢⵜ ⵏ ⵜⴰⵎⴻⵏⵖⴰⵙⵜ, ⵙⴻⴳ 22 ⴰⵔⵎⵉ ⴷ 26 ⵢⵓⵏⵢⵓ 2026. ⴰⵢⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵓⵎⴹⴰⵎⴰⵏ ⴰⵙⴰⴼⴰⵔⴰⵏ ⴷ ⵓⵙⵙⴻⴷⵔⴻⵡ ⵏ ⵢⵉⵎⴻⵥⵍⴰ ⵏ ⵜⵓⵊⵊⵢⴰ ⵙⴻⴳ ⵓⵖⵔⵉⵎ.
ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵓⵣⴻⴳⴳⴰⵖ ⴰⵣⴷⴰⵢ ⴰⵣⵣⴰⵢⵔⵉ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴰⴽⴻⵕⵡⴰⵏ-ⴰⴳⵉ ⴰⴷ ⵢⴻⵙⵄⵓ ⵜⵎⵓⵖⵍⵉⵡⵉⵏ ⴷ ⵢⵉⴽⴰⵢⴰⴷⴻⵏ (ⴼⴻⵙⵛⵉⵏⴳⵙ) ⴷⴻⴳ ⵡⴰⵟⴰⵙ ⵏ ⵢⵉⵙⵡⵉⵔⴻⵏ ⴰⵎ: ⵜⵓⵊⵊⵢⴰ ⵏ ⵜⵍⴰⵡⵉⵏ ⴷ ⵓⵕⴻⴱⴱⵉ, ⵜⵉⵣⵉ ⵏ ⵢⵉⵖⵙⴰⵏ , ⴰⵟⵟⴰⵏⴻⵏ ⵏ ⵓⵄⴻⴱⴱⵓⴹ, ⴰⵟⵟⴰⵏⴻⵏ ⵏ ⵓⴳⵍⵉⵎ, ⵜⵓⵊⵊⵢⴰ ⵏ ⴷⴰⵅⴻⵍ, ⵜⵉⵏ ⵏ ⵢⵉⴳⴻⵔⴷⴰⵏ, ⴷ ⵡⴰⵟⴰⵙ ⵏ ⵜⵓⵊⵊⵢⴰ ⵏ ⵡⵓⵍ.
ⵓⵖⴱⴰⵍⵓ-ⵏⵏⵉ ⵢⴻⵔⵏⴰ-ⴷ ⴱⴻⵍⵍⵉ ⴰⵀⵉⵍ ⵏ ⵓⵎⴰⵀⵉⵍ ⵏ ⵓⴽⴻⵕⵡⴰⵏ ⴰⴷ ⵢⵉⵍⵉ ⴰⴽⴽⴰ:
- ⵜⵓⵊⵊⵢⴰ ⵏ ⴷⴰⵅⴻⵍ ⴷ ⵜⵉⵏ ⵏ ⵢⵉⴳⴻⵔⴷⴰⵏ: ⴷⴻⴳ ⵜⴻⵄⵢⴰⵜⵜ ⵏ ⵡⴰⵟⴰⵙ ⵏ ⵢⵉⵎⴻⵥⵍⴰ ⴷⴻⴳ "Adrien", ⴷⴻⴳ ⵡⵓⵙⵙⴰⵏ ⵏ 23, 24 ⴷ 26 ⵢⵓⵏⵢⵓ 2026.
- ⵜⵓⵊⵊⵢⴰ ⵏ ⵓⴳⵍⵉⵎ: ⴷⴻⴳ ⵜⴻⵄⵢⴰⵜⵜ ⵏ ⵡⴰⵟⴰⵙ ⵏ ⵢⵉⵎⴻⵥⵍⴰ ⴷⴻⴳ "ⵜⴻⵀⴰⴳⴳⴰⵕⵜ ⵃⴰⵙⵉ ⵍⴰⵍⵍⴰ", ⴷⴻⴳ ⵡⵓⵙⵙⴰⵏ ⵏ 23, 24 ⴷ 26 ⵢⵓⵏⵢⵓ 2026.
- ⵜⵉⵣⵉ ⵏ ⵢⵉⵖⵙⴰⵏ: ⴷⴻⴳ ⵜⴻⵄⵢⴰⵜⵜ ⵏ ⵡⴰⵟⴰⵙ ⵏ ⵢⵉⵎⴻⵥⵍⴰ ⴷⴻⴳ "ⵜⴻⴱⴰⵔⴰⴽⴰⵜ".
- ⴰⵟⵟⴰⵏⴻⵏ ⵏ ⵓⵄⴻⴱⴱⵓⴹ ⴷ ⵜⵓⵊⵊⵢⴰ ⵏ ⵡⵓⵍ: ⴷⴻⴳ ⵜⵎⵓⵙⵏⵉ ⵜⴰⴳⴷⵓⴷⴰⵏⵜ ⵏ ⵙⴱⵉⵜⴰⵔ (240 ⵏ ⵡⵓⵙⵙⵓ) "ⴰⵎⵊⴰⵀⵉⴷ ⵎⴰⵀⵎⵓⵓⴷ ⴰⴳⵓⵎⴰⵎⴰ", ⴷⴻⴳ ⵡⵓⵙⵙⴰⵏ ⵏ 23, 24 ⴷ 26 ⵢⵓⵏⵢⵓ 2026.
- ⵜⵓⵊⵊⵢⴰ ⵏ ⵜⵍⴰⵡⵉⵏ ⴷ ⵓⵕⴻⴱⴱⵉ: ⴷⴻⴳ ⵙⴱⵉⵜⴰⵔ ⵏ ⵢⴻⵎⵎⴰ ⴷ ⵓⴳⴻⵔⴷⴰⵏ ⴷⴻⴳ ⵜⴰⵎⴻⵏⵖⴰⵙⵜ, ⴷⴻⴳ ⵡⵓⵙⵙⴰⵏ ⵏ 23, 24 ⴷ 26 ⵢⵓⵏⵢⵓ 2026.
- ⴰⵙⵙ ⵏ 24 ⵢⵓⵏⵢⵓ 2026: ⵉⴽⴰⵢⴰⴷⴻⵏ ⴷ ⵜⵎⵓⵖⵍⵉⵡⵉⵏ ⴷⴻⴳ ⵜⴻⵄⵢⴰⵜⵜ ⵏ ⵡⴰⵟⴰⵙ ⵏ ⵢⵉⵎⴻⵥⵍⴰ ⴷⴻⴳ "ⴰⴱⴻⵍⵙⴰ".
- ⴰⵙⵙ ⵏ 25 ⵢⵓⵏⵢⵓ 2026: ⵉⴽⴰⵢⴰⴷⴻⵏ ⴷ ⵜⵎⵓⵖⵍⵉⵡⵉⵏ ⴷⴻⴳ ⵜⴻⵄⵢⴰⵜⵜ ⵏ ⵡⴰⵟⴰⵙ ⵏ ⵢⵉⵎⴻⵥⵍⴰ ⴷⴻⴳ "ⵜⴰⵣⵔⵓⵓⴽ".
ⴷⴰⵖⴻⵏ, ⴰⴽⴻⵕⵡⴰⵏ-ⴰⴳⵉ ⴰⴷ ⴷ-ⵢⴻⴳⵍⵓ ⵙ ⵓⴼⵔⴰⵇ ⵏ ⵢⵉⵙⴰⴼⴰⵔⴻⵏ ⵉ ⵢⵉⵎⵓⴹⴰⵏ ⵢⴻⵃⵚⵔⴻⵏ, ⴷⴻⴳ ⵓⵣⴻⵏⵣⵉⵖ ⵏ ⵍⵎⴻⴶⵀⵓⴷⴰⵜ ⵏ ⵜⴰⵍⵙⴰ ⵉ ⵓⵟⵎⴰⵏ ⵏ ⵓⵊⵊⴻⵢ ⵉ ⵢⴰⴽⴽ ⵉⵎⴷⴰⵏⴻⵏ ⵉ ⵜ-ⵢⴻⴱⵖⴰⵏ.
ⴰⵔⵏⵓ ⵖⴻⵔ
