ⵜⴻⵙⵙⴻⴽⵏⴻⴷ ⵜⵏⴻⵖⵍⴰⴼⵜ ⵏ ⵜⴰⵣⵣⵉⵜ, ⴷⴻⴳ ⵢⵉⵡⴻⵜ ⵏ ⵓⵙⵉⵡⴹ ⴰⵙⵙ-ⴰ ⵏ ⵜⵜⵍⴰⵜⴰ, ⴱⴻⵍⵍⵉ ⵜⴻⵡⵡⵉ-ⴷ ⵢⴰⴽⴽ ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⴷ ⵜⵓⴷⴷⵙⴰ ⵉ ⵓⵀⴻⴳⴳⵉ ⵣⴷⴰⵜ ⵏ ⵢⴰⵍ ⵉⴱⴻⴷⴷⵉⵍ ⵏ "ⵓⵠⵉⵔⵓⵙ ⵏ ⵀⴰⵏⵜⴰ", ⵙⴻⵍⴷ ⵎⵉ ⴷ-ⵉⴱⴰⵏ ⵢⵉⵡⴻⵏ ⵏ ⵡⴻⵎⴽⴰⵏ ⵏ ⵡⴰⵟⵟⴰⵏ (cluster/foyer) ⴷⴻⴳ ⵢⵉⵡⴻⵜ ⵏ ⵍⴱⴰⴱⵓ ⵏ ⵜⴻⵎⵎⴻⵔⵔⵉⵜ ⵜⴰⴱⴻⵔⵕⴰⵏⵜ ⴷⴻⴳ ⴱⴻⵕⵕⴰ ⵏ ⵜⵎⵓⵔⵜ. ⵜⴻⵙⵙⴻⵏⵎⴻⵔⵢ (reassured) ⴱⴻⵍⵍⵉ ⴰⵙⵡⵉⵔ ⵏ ⵓⵎⵉⵀⵉ ⴷⴻⴳ ⵍⴻⵣⵣⴰⵢⴻⵔ ⵎⴰⵣⴰⵍ-ⵉⵜ ⴷ ⴰⴷⵔⴰⵔ ⵓ ⴷ ⴰⵎⵉⵣⵢⴰⵏ.
ⵉⵙⵙⴻⴼⵀⴻⵎ-ⴷ ⵓⵙⵉⵡⴹ ⴱⴻⵍⵍⵉ ⵙⴻⵍⴷ ⵎⵉ ⴷ-ⵜⴻⵡⵡⴻⴹ ⵜⵎⵓⵖⵍⵉ ⵙⴻⴳ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴰⵣⵣⵉⵜ (OMS), ⵉ ⴷ-ⵉⵀⴻⴷⴷⵔⴻⵏ ⵖⴻⴼ ⵜⵉⵍⵉⵜ ⵏ ⵜⴻⴳⵏⴰⵜⵉⵏ ⵏ ⵓⵠⵉⵔⵓⵙ ⵏ ⵀⴰⵏⵜⴰ ⴷⴻⴳ ⵢⵉⵡⴻⵜ ⵏ ⵍⴱⴰⴱⵓ ⵏ ⴱⴻⵕⵕⴰ, ⵜⴰⵏⴻⵖⵍⴰⴼⵜ ⵏ ⵜⴰⵣⵣⵉⵜ ⵜⴻⵄⵍⴻⵎ-ⴷ ⵉⵖⵔⵉⵎⴻⵏ ⴱⴻⵍⵍⵉ "ⵜⴻⵜⵜⴼⵓⴽⵓⵍ ⴰⴷⴷⴰⴷ-ⴰⴳⵉ ⵙ ⵍⵇⴻⵔⴱⴰⵏ, ⵙ ⵓⵎⵙⴰⵙⴻⵢ ⴷ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ ⴷ ⵜⵉⴷ ⵉⴳⵔⴰⵖⵍⴰⵏⵉⵏ".
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵏⴻⵖⵍⴰⴼⵜ ⵜⴻⵡⵡⵉ-ⴷ "ⵜⴰⵔⵔⴰⵢⵉⵏ ⵏ ⵓⵃⵔⴰⵣ ⴷ ⵜⵓⴷⴷⵙⴰ ⵉ ⵓⵙⴻⴶⵀⴻⴷ ⵏ ⵜⵎⴰⵏⴻⴳⵜ ⵏ ⵜⴰⵣⵣⵉⵜ ⵓ ⴰⴷ ⵜⴹⵎⴻⵏ ⴰⵙⴼⵓⵍⴻⵍ ⴰⵙⴰⴼⴰⵔⴰⵏ (éⵒⵉⴷéⵎⵉⵓⵍⵓⴳⵉⵇⵓⴻ) ⵉ ⵉⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⵜⵃⴰⵔⴻⴱ ⵢⴰⵍ ⵜⵉⴳⴳⴰⵡⵜ ⵏ ⵓⵠⵉⵔⵓⵙ-ⴰⴳⵉ ⵉ ⵉⵟⵄⴻⴷⴷⴰⵢⴻⵏ ⵙ ⵓⵏⵡⴰⵍ (contact) ⴷ ⵢⵉⵎⵙⴻⵞⵞⴰⵢⴻⵏ (rongeurs) ⵢⵓⴹⵏⴻⵏ ⵏⴻⵖ ⵙ ⵡⴰⵢⴻⵏ ⵉ ⴷ-ⵙⵙⵓⴼⵓⵖⴻⵏ".
ⵙ ⵜⵎⵓⵖⵍⵉ ⵖⴻⵔ ⵢⵉⵙⴰⵍⴰⵏ ⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴰⵣⵣⵉⵜ (OMS), ⵜⴰⵏⴻⵖⵍⴰⴼⵜ ⵜⴻⵙⵙⴻⴽⵏⴻⴷ ⴱⴻⵍⵍⵉ "ⴰⵙⵡⵉⵔ ⵏ ⵓⵎⵉⵀⵉ ⴷⴻⴳ ⵍⴻⵣⵣⴰⵢⴻⵔ ⵎⴰⵣⴰⵍ-ⵉⵜ ⴷ ⴰⴷⵔⴰⵔ, ⵉⵎⵉ ⴰⵎⴽⴰⵏ ⵏ ⵡⴰⵟⵟⴰⵏ-ⵏⵏⵉ (cluster) ⵢⴻⵃⵚⴻⵔ ⴽⴰⵏ ⴷⴻⴳ ⵓⵣⴻⵏⵣⵉⵖ-ⵉⵙ ⵓ ⵓⵔ ⵢⴻⵍⵍⵉ ⴰⵔⴰ ⵡⴰⵙⵙⴰⵖ ⵓⵙⵔⵉⴷ ⴷⴻⴳ ⵜⵎⵓⵔⵜ".
ⵉⵡⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴰⵣⵣⵍⴰ ⵣⴷⴰⵜ ⵏ ⵢⴰⵍ ⴰⵎⵉⵀⵉ ⵏ ⵜⴰⵣⵣⵉⵜ ⵉ ⵓⵃⵔⴰⵣ ⵏ ⵜⴰⵣⵣⵉⵜ ⵜⴰⴳⴷⵓⴷⴰⵏⵜ, ⵜⴰⵏⴻⵖⵍⴰⴼⵜ ⵏ ⵜⴰⵣⵣⵉⵜ ⵙⴱⴻⴷⴷⴻⵏ ⵢⵉⵡⴻⵜ ⵏ ⵜⴻⵙⵇⴰⵎⵓⵜ ⵜⴰⵍⴻⵎⵎⴰⵙⵜ ⵓⴼⵔⵉⵏⴻⵏ ⵉ ⵓⵙⴻⴽⴽⴻⵎ ⵏ ⵜⴰⵔⵔⴰⵢⵉⵏ ⵉⵡⴰⴽⴽⴻⵏ ⴰⴷ ⵎⵎⴰⴳⵔⴻⵏ ⵢⴰⵍ ⵜⵉⴳⴳⴰⵡⵜ.
ⴷⴻⴳ ⵓⵏⵏⴰⵔ-ⴰⴳⵉ, ⵜⴰⵏⴻⵖⵍⴰⴼⵜ ⵜⴻⵙⵙⴻⴽⵢⴻⴷ ⵉ ⵢⵉⵎⴻⵣⴷⴰⵖ ⵉⵡⴰⴽⴽⴻⵏ ⵓⵔ ⵉⵟⵟⵉⵍⵉ ⴰⵔⴰ ⵓⵖⴻⴱⴱⴻⵍ ⵏⴻⵖ ⴰⵙⵙⴻⵎⵖⴻⵔ ⵏ ⵜⴻⵎⵙⴰⵍ, ⵜⴻⵙⵙⵉⵡⴻⵍ-ⴷ ⵉ "ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵓⵃⵔⴰⵣ, ⴰⵎ ⵓⵙⵉⵣⴷⴻⴳ ⵏ ⵢⵉⵅⵅⴰⵎⵎⴻⵏ ⴷ ⵢⵉⵎⵓⴽⴰⵏ ⵏ ⵓⵃⵔⴰⵣ ⵏ ⵡⵓⵞⵞⵉ, ⵓ ⴰⴷ ⴱⴻⵄⵄⴻⴷⴻⵏ ⵖⴻⴼ ⵢⵉⵎⵙⴻⵞⵞⴰⵢⴻⵏ, ⵓ ⴰⴷ ⵙⵙⴻⵔⵔⴻⵃⴻⵏ ⵉ ⵍⵀⵓⵡⴰ (ⵠⴻⵏⵜⵉⵍⴰⵜⵉⵓⵏ) ⴷⴻⴳ ⵢⵉⵎⵓⴽⴰⵏ ⵉⵖⴻⵍⵇⴻⵏ".
ⵜⴻⵙⵙⵉⵡⴻⵍ-ⴰⵙⴻⵏ ⴷⴰⵖⴻⵏ ⵉⵡⴰⴽⴽⴻⵏ ⴰⴷ "ⵙⴻⵏⵏⴻⴷⴻⵏ ⴽⴰⵏ ⵖⴻⴼ ⵢⵉⵖⴱⵓⵍⴰ ⵓⵏⵚⵉⴱⴻⵏ ⵉ ⵓⵡⵡⵉ ⵏ ⵢⵉⵙⴰⵍⴰⵏ ⵏ ⵜⵉⴷⴻⵜ", ⵜⴻⵙⵙⴻⴽⵏⴻⴷ-ⴷ ⴱⴻⵍ "ⴰⴷ ⴷ-ⵜⵉⵍⵉ ⵜⵉⵄⵍⴻⵏⵜ ⵏ ⵓⵖⵔⴻⴼ ⵖⴻⴼ ⵢⴰⵍ ⴰⵎⴰⵢⵏⵓⵜ ⴷⴻⴳ ⵓⴱⵔⵉⴷ ⵏ ⵢⵉⵢⴻⵙⴽⵉⵔⴻⵏ ⵓⵏⵚⵉⴱⴻⵏ".
ⴰⵔⵏⵓ ⵖⴻⵔ
