ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⵢⴻⵜⵜⵡⴰⵎⵎⴰⴳⴻⵔ ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⴱⵔⵓⴽⵙⴻⵍ, ⵙ ⵜⴰⵎⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⴱⴻⵍⴶⵉⴽ, ⵎⴰⵙⵙ ⴱⴰⵔⵜ ⴷⴻ ⵡⴻⵠⴻⵔ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵏⵏⴰⵔ ⵏ ⵜⵉⵔⵣⵉ-ⵉⵙ ⵜⵓⵏⵚⵉⴱⵜ ⵖⴻⵔ ⵜⴳⴻⵍⴷⴰ ⵏ ⴱⴻⵍⴶⵉⴽ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴷⴻⴳ ⵜⴰⵍⵍⵉⵜ-ⴰⴳⵉ, ⴰⵏⴻⵖⵍⴰⴼ ⴰⵃⵎⴻⴷ ⴰⵟⵟⴰⴼ ⵉⵙⵉⵡⴹ-ⴰⵙ-ⴷ ⵙⵙⵍⴰⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⵏ ⴱⴻⵍⴶⵉⴽ, ⴷ ⵍⴻⴱⵖⵉ-ⵉⵙ ⵉⵡⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵎⴰⵀⵉⵍ ⴰⵎⴻⵣⴷⴰⵢ ⵢⵉⴷ-ⴻⵙ ⵉ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⴳⴰⵔ ⵙⵏⴰⵜ ⵏ ⵜⵎⵓⵔⴰ.
ⵙⴻⴳ ⵜⴰⵎⴰ-ⵙ, ⴰⵎⴹⴻⴱⴱⴻⵔ ⴰⴱⴻⵍⴶⵉⴽⵉ ⵉⵙⴻⵍⴽⴻⵎ-ⴰⵙ-ⴷ ⵉ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⵉⵡⴰⴽⴽⴻⵏ ⴰⴷ ⵉⵙⵉⵡⴹ ⵙⵙⵍⴰⵎ-ⵉⵙ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⵙⵙⴻⴽⵏⴻⴷ-ⴷ ⵍⴻⴱⵖⵉ-ⵉⵙ ⵉ ⵓⵙⵏⴻⴼⵍⵉ ⵏ ⵡⴰⵙⵙⴰⵖⴻⵏ ⴳⴰⵔ-ⴰⵙⴻⵏ.
"ⵜⵉⵎⵍⵉⵍⵉⵜ-ⴰⴳⵉ ⵜⴻⵙⵙⴻⴽⵏⴻⴷ-ⴷ ⵉⴳⴻⵎⵎⴰⴹ ⵉⴼⴰⵣⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵜⴷⵓⴽⵍⵉ ⵜⴰⴷⴰⵎⵙⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴷ ⴱⴻⵍⴶⵉⴽ ⴷⴻⴳ ⵜⴰⵍⵍⵉⵜ-ⴰⴳⵉ ⵜⴰⵏⴻⴳⴳⴰⵔⵓⵜ. ⴷⴰⵖⴻⵏ, ⵡⴰⵍⴰⵏ ⴰⵎⴻⴽ ⴰⵔⴰ ⴱⵏⵓⵏ ⵖⴻⴼ ⵡⴰⵏⵏⴻⵛⵜ-ⴰ ⵉⵡⴰⴽⴽⴻⵏ ⴰⴷ ⵉⵙⴰⵍⵉ ⵓⵙⵡⵉⵔ ⵏ ⵓⵎⵢⴻⵛⵛⴻⵔ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴰⴽⴽⴻⵏ ⴰⴷ ⵢⴰⵡⴻⴹ ⵉ ⵜⵣⴻⵎⵎⴰⵔ ⵉ ⵙⵄⴰⵏⵜ, ⵢⴻⵔⵏⴰ ⴰⴷ ⴷ-ⵢⴻⵔⵔ ⵜⴰⵎⴰⵡⵜ ⵖⴻⴼ ⵜⴻⴳⵎⴰⵜ ⴷ ⵜⴻⴼⵍⴻⵙⵜ ⴷ ⵓⵇⴰⴷⴻⵔ ⵉ ⴷ-ⵢⴻⵍⵍⴰⵏ ⴳⴰⵔ-ⴰⵙⴻⵏⵜ ⵙⴻⴳ ⵣⵉⴽ," ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ.
ⴰⵔⵏⵓ ⵖⴻⵔ
