ⵉⵎⴻⵀⵍⴰⵏⴻⵏ ⵏ ⵓⴳⴻⵞⴷⵉ ⵏ ⵓⵏⴰⴷⵉ ⴷ ⵓⵏⵢⵉⴷⵉ (ⴱⵔⵉ) ⵏ ⵓⴼⵔⴰⴳ ⵏ ⵜⵡⵉⵍⴰⵢⵜ ⵏ ⵡⴻⵀⵔⴰⵏ, ⴷⴻⴳ ⴷⴷⵓⵕⵜ ⵉⵄⴻⴷⴷⴰ, ⴼⵓⴽⴽⵓⵏ ⴰⵀⵉⵍ ⵏ ⵜⵓⵛⵟⴰ ⵏ ⵢⵉⵡⴻⵏ ⵏ ⵓⵣⴻⵟⵟⴰ ⵏ ⵢⵉⵎⴻⵊⵔⴰⵎⴻⵏ ⵉ ⵉⵅⴻⴷⴷⵎⴻⵏ ⴷⴻⴳ ⵓⵎⴰⴹⴰⵍ, ⵉ ⵢⴻⵙⵙⵓⴷⴷⵓⵙⴻⵏ ⵉⵏⵉⴳ ⵓⵔ ⵏⵓⵙⵙⵍⵉⴼ ⴰⵔⴰ ⵙ ⵓⴱⵔⵉⴷ ⵏ ⵢⵉⵍⴻⵍ. ⵟⵟⴼⴻⵏ 23 ⵏ ⵢⵉⵎⴷⴰⵏⴻⵏ ⴳⴰⵔ-ⴰⵙⴻⵏ 18 ⵏ ⵜⵎⵓⵔⵜ ⵏ ⵎⴰⵔⵓⴽ, ⴰⴽⴽⴻⵏ ⵉ ⴷ-ⵢⵓⵔⴰ ⵡⴰⵙⵙ-ⴰ ⵏ ⵍⴻⵜⵏⴰⵢⴻⵏ ⴷⴻⴳ ⵓⴷⵢⴰⵏ ⵏ ⵜⵏⴻⵎⵀⴰⵣⵜ ⵜⴰⵎⴰⵜⵓⵜ ⵏ ⵓⴼⵔⴰⴳ ⴰⵖⴻⵍⵏⴰⵡ (ⴷⴳⵙⵏ).
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ ⴰⵎⴻⵀⵍⴰⵏ-ⴰⴳⵉ, ⵙ ⴷⴷⴰⵡ ⵏ ⵍⵉⵏⴰⵢⴰ ⵏ ⵓⵇⴰⴱⴻⵍ ⵏ ⵍⵇⴰⵏⵓⵏ, ⵢⴻⵯⵯⴰ ⵉⵏⴰⴷⵉⵢⴻⵏ ⴰⴷ ⴷ-ⴰⴼⴻⵏ ⵜⴰⵔⵔⴰⵢⵜ ⵏ ⵜⵓⵛⵟⴰ ⵏ ⵢⵉⵎⴰⵙⵍⴰⵢⴻⵏ ⵏ ⵓⵣⴻⵟⵟⴰ-ⴰⴳⵉ ⴷⴻⴳ ⵓⵊⴻⵎⵎⴻⵄ ⴷ ⵓⵏⵉⴳ. ⵟⵟⴼⴻⵏ ⵅⴻⵎⵙⴰ (05) ⵏ ⵢⵉⵎⴷⴻⴱⴱⵔⴻⵜ ⵏ ⵢⵉⵏⵉⴳ-ⴰⴳⵉ ⵓⵔ ⵏⵓⵙⵙⵍⵉⴼ ⴰⵔⴰ, ⵙⴷⴻⴼⴼⵉⵔ ⵏ ⵡⴰⵏⵏⴻⵛⵜ-ⴰ, ⵔⵣⴰⵏ ⵖⴻⵔ ⵢⵉⵡⴻⵏ ⵏ ⵓⵅⵅⴰⵎ ⵉ ⴷⴻⴳ ⵍⵍⴰⵏ ⴼⴼⵔⴻⵏ ⵢⵉⵎⴻⴽⵍⵉⵢⴻⵏ ⵏ ⵢⵉⵏⵉⴳ, ⴷⴰⴳⵉ ⵉ ⴷ-ⵟⵟⴼⴻⵏ 18 ⵏ ⵜⵎⵓⵔⵜ ⵏ ⵎⴰⵔⵓⴽ.
ⵓⴷⵢⴰⵏ-ⵏⵏⵉ ⵢⴻⵏⵏⴻⵔⵏⴰ-ⴷ ⴱⴻⵍⵍⵉ ⵓⴼⴰⵏ-ⴷ ⴷⴰⵖⴻⵏ ⴰⵣⴰⵍ ⵏ 1600 ⵏ ⴻⵓⵔⵓ, 240 ⵏ ⴷⴷⴻⵔⵀⴻⵎ ⵏ ⵎⴰⵔⵓⴽ, ⴷ 22.500 ⵏ ⴷⴷⵉⵏⴰⵜ ⵏ ⵍⴻⵣⵣⴰⵢⴻⵔ, ⴰⴽⴽⴻⴷ ⴽⵓⵣ (04) ⵏ ⵜⴽⴰⵔⵔⵉⵢⵉⵏ ⵏ ⵢⴰⵍ ⵓⴷⴻⵎ ⵉ ⵍⵍⴰⵏ ⵙⴻⵎⵔⴻⵙⴻⵏ ⴷⴻⴳ ⵓⴱⵔⵉⴷ-ⴰⴳⵉ ⵏ ⵜⵓⵛⵟⴰ.
ⴰⵎⵛⴻⴽⴽⵓⵜⴻⵏ (ⵙⵓⵙⵃⴻⵛⵜⵙ) ⵜⵜⵡⴰⵙⴻⵏⴽⴻⵏ ⵣⴷⴰⵜ ⵏ ⵓⵎⵓⵍⴰⵙ ⵏ ⵜⴻⴳⴷⵓⴷⴰ ⵏ ⵍⵎⴻⵃⴽⴻⵎⴰ ⵏ "ⴼⵍⴰⵓⵓⵙⵙⴻⵏ", ⴰⴽⴽⴻⵏ ⵉ ⴷ-ⵉⵙⴻⴳⵣⵉ ⵡⵓⵏⴰⴱⴰⵖ-ⵏⵏⵉ.
ⴰⵔⵏⵓ ⵖⴻⵔ
