ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵜⴰⵣⵣⵉⵜ, ⵎⴰⵙⵙ ⵎⵓⵀⴰⵎⴻⴷ ⵙⴻⴷⴷⵉⵇ ⴰïⵜ ⵎⴻⵙⵙⴰⵓⵓⴷⴰⵏ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵢⵉⵡⴻⵜ ⵏ ⵜⴰⵔⴱⴰⵄⵜ ⵏ ⵜⴻⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵜⵎⵓⵙⵏⵉⵡⵉⵏ ⵏ ⵓⵣⵓⵏⴻⵢ ⴰⵙⴰⴼⴰⵔⴰⵏ ⵉ ⵢⴻⵟⵟⴰⴼⴰⵔⴻⵏ ⵜⴰⴷⵓⴽⵍⴰ ⵜⴰⵎⴰⵜⵓⵜ ⵏ ⵢⵉⵎⴰⵀⵍⴰⵏⴻⵏ ⵍⴻⵣⵣⴰⵢⵔⵉⵢⴻⵏ , ⵙ ⵜⵎⵓⵖⵍⵉ ⵏ ⵎⴰⵙⵙ ⵀⴰⵎⵓⵓⴷ ⴰⴱⴷⴻⵍⴼⴼⴻⵜⴰⵀ. ⴰⵢⴰⴳⵉ ⵢⴻⵍⵍⴰ-ⴷ ⵙ ⵜⵉⵍⵉⵜ ⵏ ⵢⵉⵎⴰⵙⵍⴰⴷⴻⵏ ⵏ ⵜⴻⵙⵇⴰⵎⵓⵜ ⵜⴰⵍⴻⵎⵎⴰⵙⵜ ⵢⴻⵄⵏⴰⵏ ⴰⴷⵉⵡⴻⵏⵏⵉ ⴷ ⵢⵉⵎⵛⴻⴷⴷⵉⵡⴻⵏ ⵏ ⵜⵎⴻⵜⵜⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⴰⵙⵉⵡⴹ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⴷⴻⴳ ⵜⴰⵣⵡⴰⵔⴰ ⵏ ⵜⴻⵎⵍⵉⵍⵉⵜ, ⴰⵏⴻⵖⵍⴰⴼ ⵉⵙⵎⴻⵃⵙⴻⵍ ⵉ "ⵢⵉⵡⴻⵏ ⵏ ⵓⵙⴻⵏⴽⴻⴷ ⵉ ⴷ-ⵢⴻⵡⵡⵉ ⵓⵔⴻⴱⴱⴰⵄ ⵏ ⵜⴻⴷⵓⴽⵍⴰ, ⵉ ⴷⴻⴳ ⵍⵍⴰⵏ ⴽⵔⴰ ⵏ ⵓⵖⴻⴱⴱⴻⵍ ⵏ ⵓⵎⴰⵀⵉⵍ ⴷ ⵢⵉⵙⴻⵏⵜⴰⵍ ⵉⵡⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴰⵎⴰⵀⵉⵍ ⵏ ⵜⴻⴷⵓⴽⵍⴰ ⵓ ⴰⴷ ⵜⴻⵙⵙⴻⴶⵀⴻⴷ ⴰⵎⴽⴰⵏ-ⵉⵙ ⴷⴻⴳ ⵓⵏⴰⴳⵔⴰⵡ ⵏ ⵜⴰⵣⵣⵉⵜ ⴰⵖⴻⵍⵏⴰⵡ. ⴰⵢⴰⴳⵉ ⵍⴰⴷⵖⴰ ⵙ ⵓⵙⵎⴰⵢⵏⵓⵜ ⵏ ⵡⴰⵔⵔⴰⵜ ⵏ ⵜⴻⴳⵏⴰⵜⵉⵏ ⵉ ⵓⵙⵓⴷⴷⴻⵙ ⵏ ⵓⵎⴰⵀⵉⵍ-ⵉⵙ, ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵖⴰⵔⴰ ⵏ ⵢⵉⵎⴻⵥⵍⴰ ⵉⵙⴰⴼⴰⵔⴰⵏⴻⵏ ⵉ ⵏⴼⴰⵄ ⵏ ⵢⵉⵎⵓⴹⴰⵏ".
ⵜⵉⵎⵍⵉⵍⵉⵜ ⵜⴻⵡⵡⵉ-ⴷ ⴷⴰⵖⴻⵏ ⵖⴻⴼ ⵡⴰⵣⴰⵍ ⵏ ⵓⵙⴻⴶⵀⴻⴷ ⵏ ⵓⵃⵔⴰⵣ ⴰⵙⴰⴼⴰⵔⴰⵏ ⴷⴻⴳ ⵓⵅⵅⴰⵎ, ⵉⵎⵉ ⴷ "ⴰⴼⵔⴰⵏ ⴰⵙⵔⴰⵜⵉⴷⵊⵉ ⵉ ⵢⴻⴱⵖⴰⵏ ⴰⵙⴻⴷⵔⴻⵡ ⵏ ⵓⵎⴻⵥⵍⵓ ⴰⵙⴰⴼⴰⵔⴰⵏ ⵙⴻⴳ ⵓⵖⵔⵉⵎ ⴷ ⵓⵙⴰⴷⴻⵔ ⵏ ⴷⴷⵉⵇ ⵖⴻⴼ ⵙⴱⵉⵜⴰⵔⴰⵜ, ⴷⴻⴳ ⵢⵉⵡⴻⵏ ⵏ ⵓⵣⴻⵏⵣⵉⵖ ⵏ ⵓⵙⵏⴻⴼⵍⵉ ⵏ ⵓⵊⵊⴻⵢ ⵏ ⵢⵉⵎⵓⴹⴰⵏ ⵓⴼⴼⵉⵔ ⵏ ⵜⵓⴷⴷⵙⵉⵡⵉⵏ ⵏ ⵓⵙⴻⴳⵏⴻⴼ (hospitalisation)".
ⴷⴻⴳ ⵓⵏⵏⴰⵔ-ⴰⴳⵉ, ⵎⵎⴻⵙⵍⴰⵢⴻⵏ ⵖⴻⴼ ⵡⴰⵣⴰⵍ ⵏ ⵓⵙⵏⴻⵔⵏⵉ ⵏ ⵓⵙⵉⵍⴻⵖ ⴷ ⵓⵜⴻⴽⴽⵉ ⴷⴻⴳ ⵢⵉⵎⵣⴰⵔⴰⴳⴻⵏ ⵜⵉⵎⴰⵙⵙⴰⵏⵉⵏ ⵉⵡⴰⴽⴽⴻⵏ ⴰⴷ ⵜⵏⴻⵔⵏⵉ ⵜⵎⵓⵖⵍⵉ ⵏ ⵢⵉⵎⴻⵣⵣⵓⵍⴰⵏⴻⵏ ⵏ ⵓⵏⵏⴰⵔ-ⴰⴳⵉ. ⴰⵏⴻⵖⵍⴰⴼ ⵉⵙⵔⴻⵚ ⵖⴻⴼ ⵡⴰⵣⴰⵍ ⵏ ⵓⵙⴰⵜⵉⴳ ⵏ ⵜⵣⴻⵎⵎⴰⵔ ⵜⴰⵖⴻⵍⵏⴰⵡⵉⵏ, ⵍⴰⴷⵖⴰ ⵡⵉⴷ ⵉ ⴷ-ⵢⴻⴼⴼⵖⴻⵏ ⵙⴻⴳ ⵢⵉⵖⴻⵔⴱⴰⵣⴻⵏ ⵏ ⵓⵣⵓⵏ-ⴰⵙⴰⴼⴰⵔⴰⵏ (paramédical) ⵉⵅⵓⵚⵚⵉⵢⴻⵏ, ⵙ ⵓⵙⵙⴻⴽⵛⴻⵎ-ⵏⵙⴻⵏ ⵛⵡⵉⵟ ⵛⵡⵉⵟ ⴷⴻⴳ ⵢⵉⵏⵏⴰⵔⴻⵏ ⵏ ⵓⵃⵔⴰⵣ ⴰⵙⴰⴼⴰⵔⴰⵏ.
ⴰⵏⴻⵖⵍⴰⴼ ⵉⵙⵍⴻⵎ-ⴷ ⵙ ⵓⵎⴰⵀⵉⵍ ⵏ ⵜⴻⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵜⵎⵓⵙⵏⵉⵡⵉⵏ ⵏ ⵓⵣⵓⵏⴻⵢ ⴰⵙⴰⴼⴰⵔⴰⵏ, ⵉⵙⵙⴻⴽⵏⴻⴷ ⵜⵎⵓⵖⵍⵉ-ⵉⵙ ⵉ ⵓⵙⵏⴻⴼⵍⵉ ⵏ ⵓⵃⵔⵉⵛ-ⴰⴳⵉ ⵉⵕⴻⵙⵙⴰⵏ ⵉ ⵏⴼⴰⵄ ⵏ ⵓⵎⵓⴹⴻⵏ ⴷ ⵓⵙⴰⵍⵉ ⵏ ⵜⵖⴰⵔⴰ ⵏ ⵜⴰⵣⵣⵉⵜ ⴷⴻⴳ ⵜⵎⵓⵔⵜ.
ⴷⴻⴳ ⵜⴰⴳⴳⴰⵔⴰ ⵏ ⵓⵙⵉⵡⴹ, ⵙⵉⵏ ⵏ ⵢⵉⴽⵓⴱⴰⵔ ⵎⵜⴰⵡⴰⵏ ⵉⵡⴰⴽⴽⴻⵏ ⴰⴷ "ⴽⴻⵎⵎⵍⴻⵏ ⴷⴻⴳ ⵓⴷⵉⵡⴻⵏⵏⵉ ⴷ ⵓⵎⵛⴻⵡⵡⴻⵔ ⵙ ⵜⴰⵔⵔⴰⵢⵜ ⵉ ⵉⵜⴻⴷⴷⵓⵏ, ⵓ ⴰⴷ ⵅⴻⴷⵎⴻⵏ ⴰⵎⴻⵣⴷⴰⵢ ⵉⵡⴰⴽⴽⴻⵏ ⴰⴷ ⵜⵜⵓⵣⵔⴻⵏⵜ ⵢⴰⴽⴽ ⵜⵎⵓⵖⵍⵉⵡⵉⵏ ⴷⴻⴳ ⵓⵣⴻⵏⵣⵉⵖ ⵏ ⵜⴷⵓⴽⵍⵉ ⵉ ⵢⴻⴱⵖⴰⵏ ⴰⵙⵏⴻⴼⵍⵉ ⵏ ⵓⵏⴰⴳⵔⴰⵡ ⵏ ⵜⴰⵣⵣⵉⵜ ⴰⵖⴻⵍⵏⴰⵡ ⴷ ⵓⵙⵏⴻⵔⵏⵉ ⵏ ⵢⵉⵎⴻⵥⵍⴰ ⵉ ⵓⵖⵔⵉⵎ".
ⴰⵔⵏⵓ ⵖⴻⵔ
