ⵜⴻⵍⵍⴰ-ⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⵓⵙⵜⴻⵏⵢⵉ ⵏ ⵢⵉⵡⴻⵏ ⵏ ⵓⵎⵜⴰⵡⴰ ⵉ ⵓⵙⴻⵍⴽⴻⵎ ⵏ ⵓⵙⴻⵏⴼⴰⵔ "DigiEnR" ⵢⴻⵄⵏⴰⵏ ⵜⴰⵔⵇⵎⵉⵜ ⵏ ⵓⵙⵉⴷⵔⴻⵡ (intégration) ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⴷⴻⴳ ⵓⵏⴰⴳⵔⴰⵡ ⵏ ⵜⵔⵉⵙⵉⵜⵉ ⴰⵖⴻⵍⵏⴰⵡ. ⴰⵢⴰⴳⵉ ⵢⴻⵍⵍⴰ-ⴷ ⴳⴰⵔ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⴷ ⵜⴻⵙⵏⵓⵔⴻⴼⵜ ⵜⴰⵍⵎⴰⵏⵜ ⵉ ⵓⵎⵢⴻⵛⵛⴻⵔ ⴰⴳⵔⴻⵖⵍⴰⵏ (GIZ), ⴷⴻⴳ ⵓⵏⵏⴰⵔ ⵏ ⵢⵉⵡⴻⵜ ⵏ ⵍⵡⴻⵕⵛⴰ ⵏ ⵓⵀⴻⴳⴳⵉ ⵉ ⴷ-ⵉⵜⵜⵓⵏⴻⵎⵍⴻⵏ ⵉ ⵓⵙⴻⵏⴼⴰⵔ-ⴰⴳⵉ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ.
ⵉⵎⴰⵀⵉⵍⴻⵏ ⵏ ⵓⵙⵜⴻⵏⵢⵉ ⴷⴷⴰⵏ-ⴷ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ ⵙ ⵜⵉⵍⵉⵜ ⵏ ⵓⵎⴰⵏⴰⵢ ⴰⵎⴰⵜⵓ ⵏ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉ, ⴷ ⵓⵎⴰⵙⵓⵏ ⵏ ⵜⴻⴳⴷⵓⴷⴰ ⵏ ⵍⴰⵍⵎⴰⵏ ⵜⴰⴼⵉⴷⵉⵔⴰⵍⵉⵜ ⴷⴻⴳ ⵍⴻⵣⵣⴰⵢⴻⵔ, ⵙ ⵜⴰⵎⴰ ⵏ ⵢⵉⵎⴰⵣⴰⵏ ⵏ ⵜⵎⵓⵙⵏⵉⵡⵉⵏ ⵜⴰⵖⴻⵍⵏⴰⵡⵉⵏ ⵢⴻⵄⵏⴰⵏ ⵜⴰⵍⵓⴼⵜ-ⴰⴳⵉ, ⴳⴰⵔ-ⴰⵙⴻⵏⵜ ⵙⵓⵏⴻⵍⴳⴰⵣ, ⵜⴰⵙⵇⴰⵎⵓⵜ ⵏ ⵓⵙⴻⴳⴳⴻⵎ ⵏ ⵜⵔⵉⵙⵉⵜⵉ ⴷ ⵍⴳⴰⵣ (ⵛⵔⴻⴳ), ⴷ ⵜⵎⵓⵀⴰⵡⵜ ⵜⵓⵏⵉⴳⴻⵏ ⵏ ⵜⴰⵔⵇⵎⵉⵜ.
ⵉⵙⵡⵉ ⵏ ⵓⵙⴻⵏⴼⴰⵔ "DigiEnR" ⴷ ⴰⴷⴻⴳⴳⴻⵔ ⵏ ⵍⵎⴻⴶⵀⵓⴷⴰⵜ ⵏ ⵍⴻⵣⵣⴰⵢⴻⵔ ⵉ ⵓⵙⵉⴷⵔⴻⵡ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ ⴷⴻⴳ ⵓⵣⴻⵟⵟⴰ ⵏ ⵜⵔⵉⵙⵉⵜⵉ ⴰⵖⴻⵍⵏⴰⵡ, ⵙ ⵓⵙⵏⴻⴼⵍⵉ ⵏ ⵡⴰⵍⵍⴰⵍⴻⵏ ⵉⵇⵎⵉⵢⴻⵏ ⵉ ⵓⵙⴻⴷⴱⴻⵔ ⵏ ⵢⵉⵣⴻⵟⵟⵡⴰⵏ ⴷ ⵓⵙⵉⵣⴷⴻⴳ ⵏ ⵡⴰⵍⵍⴰⵍⴻⵏ ⵏ ⵓⵀⴻⴳⴳⵉ ⵏ ⵜⵎⴻⵔⵔⵉ, ⵔⵏⵉ-ⴷ ⴼⴻⵍⵍ-ⴰⵙ ⵓⵀⴻⴳⴳⵉ ⵏ ⵜⵉⵙⴻⴽⵉⵡⵉⵏ ⵏ ⵍⵍⵙⴰⵙ ⵉ ⵓⵙⵜⴻⵇⴱⴻⵍ ⵏ ⵜⵣⴻⵎⵎⴰⵔ ⵏ ⵜⵎⴻⵔⵔⵉⵢⵉⵏ ⵏⴼⴰⵄⴻⵏ.
ⴰⵙⴻⵏⴼⴰⵔ-ⴰⴳⵉ ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵏ ⵓⵙⴻⴶⵀⴻⴷ ⵏ ⵓⵎⵢⴻⵛⵛⴻⵔ ⴳⴰⵔ ⵍⴻⵣⵣⴰⵢⴻⵔ ⴷ ⵍⴰⵍⵎⴰⵏ ⴷⴻⴳ ⵓⵏⵏⴰⵔ ⵏ ⵜⵎⴻⵔⵔⵉ, ⵍⴰⴷⵖⴰ ⴷⴻⴳ ⵜⴰⵔⵇⵎⵉⵜ, ⴰⵙⵎⴰⵢⵏⵓⵜ ⵏ ⵢⵉⵣⴻⵟⵟⵡⴰⵏ ⵏ ⵜⵔⵉⵙⵉⵜⵉ, ⴰⵎⵓⴱⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷ ⵓⵙⴱⴻⴷⴷⵉ ⵏ ⵜⵣⴻⵎⵎⴰⵔ ⵜⴰⵜⵉⴽⵏⵉⴽⵉⵏ ⴷ ⵜⵉⴷ ⵏ ⵜⵎⵓⵙⵏⵉⵡⵉⵏ.
ⴰⵔⵏⵓ ⵖⴻⵔ
