ⵙⵙⴻⵔⵙⴻⵏ-ⴷ ⴰⴽⴽ ⵡⴰⵍⵍⴰⵍⴻⵏ ⵏ ⵓⵎⴷⴰⵏ ⴷ ⵜⴼⴻⴽⵡⵉⵏ (ⵍⵓⴳⵉⵙⵜⵉⵇⵓⴻ) ⵉ ⵎⵄⵏⵉⵢⴻⵏ, ⴷⴻⴳ ⵓⵏⴰⴳⵔⴰⵡ ⵏ ⵓⴱⴻⵇⵇⴻⵙ ⵏ ⵡⴰⵏⵏⴰⵔ ⴰⵎⴻⵇⵇⵔⴰⵏ ⴰⵔⴰ ⵉⵙⴻⵎⵍⴰⵍⴻⵏ ⴳⴰⵔ ⵡⴰⵟⴰⵙ ⵏ ⵢⵉⵎⴻⵥⵍⴰ, ⵉⵡⴰⴽⴽⴻⵏ ⴰⴷ ⵎⴰⴳⴳⵔⴻⵏ ⵜⵉⵎⴻⵙⵙ ⵏ ⵜⵯⴻⴳⵡⴰ ⵉ ⴷ-ⵢⴻⵍⵍⴰⵏ ⴷⴻⴳ ⴽⵔⴰ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ ⵡⴰⵙⵙ-ⴰ ⵏ ⵜⵜⵍⴰⵜⴰ.
ⵉⵙⴻⴳⵣⵉ-ⴷ ⵡⵓⵏⴰⴱⴰⵖ-ⴰⴳⵉ ⴱⴻⵍⵍⵉ "ⴷⴻⴳ ⵓⴱⵔⵉⴷ ⵏ ⵍⵯⴻⵀⴷ ⵉ ⵜⵜⴻⵅⴷⴻⵎ ⴷⴷⵓⵍⴰ ⵉ ⵓⵇⴰⴱⴻⵍ ⵏ ⵜⵎⴻⵙ ⵏ ⵜⵯⴻⴳⵡⴰ, ⵜⵎⴻⴷⵡⴰ ⴷ ⵓⴼⴰⵔⵉⵙ ⵏ ⵜⴼⴻⵍⵍⴰⵃⵜ, ⵙ ⵓⴹⴼⴰⵔ ⵎⵔⴰⵡ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉ ⴷ-ⵢⴻⴼⴽⴰⵏ ⵉⵏⴻⵔⵡⴰⵢⴻⵏ ⵉⵡⴰⴽⴽⴻⵏ ⴰⴷ ⵜⵜⵡⴰⵙⴻⵎⵔⴻⵙⴻⵏ ⴰⴽⴽ ⵡⴰⵍⵍⴰⵍⴻⵏ ⵏ ⵓⵎⴷⴰⵏ, ⵏ ⵜⴼⴻⴽⵡⵉⵏ ⴷ ⵡⵉⴷ ⵏ ⵜⴳⵏⴰⵡⵜ, ⴷ ⵓⵞⵀⴻⴷ ⵏ ⵓⵏⵢⵓⴷⴷⵓ ⴳⴰⵔ ⵢⵉⵎⴻⵥⵍⴰ, ⵜⵜⴻⴷⴷⵓⵏ ⵢⵉⵎⴻⵀⵍⴰⵏ ⵏ ⵓⵙⵉⵡⵅⴻⵕ (ⴻⵅⵜⵉⵏⵛⵜⵉⵓⵏ) ⵏ ⵜⵎⴻⵙ ⴷⴻⴳ ⵜⵡⵉⵍⴰⵢⵉⵏ ⵉ ⵎⵄⵏⵉⵢⴻⵏ".
ⴷⴻⴳ ⵡⴰⵏⵏⴰⵔ-ⴰⴳⵉ, "ⴷⴷⵓⵍⴰ ⵜⴻⵙⵙⴻⴽⴽⴻⵔ ⴰⴽⴽ ⵡⴰⵍⵍⴰⵍⴻⵏ ⵏⴼⴰⵄ: ⴰⵀⴻⵢⵢⵓⵍ ⵢⴻⵜⵜⴻⴷⴷⵓⵏ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ, ⵜⴽⴰⵔⵔⵉⵢⵉⵏ ⵏ ⵓⵙⵉⵡⵅⴻⵕ ⵏ ⵜⵎⴻⵙ, ⵉⵀⴻⵢⵢⵓⵍⴰ ⵉⵎⵓⵣⵣⴰⴳⴻⵏ, ⴰⵙⴰⴼⵓ ⵏ ⵜⴳⵏⴰⵡⵜ ⵉ ⴷ-ⵢⵓⵙⴰⵏ ⵙⴻⴳ ⵜⵙⴰⴼⵉⵔⵉⵏ ⵏ ⵓⵙⵉⵙⴼⴻⴳ ⵏ ⵜⵎⴻⵙ ⴷ ⵜⵉⵀⴻⵍⵉⴽⵓⴱⵜⵉⵔⵉⵏ, ⵙ ⵜⵎⴻⵔⵏⵉⵡⵜ ⵏ ⵓⴱⴻⵇⵇⴻⵙ ⵏ ⵢⵉⵀⴻⵢⵢⵓⵍⴰ ⵏ ⵓⴼⵔⴰⴳ, ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⴰⵏⵃ), ⵜⴰⵏⵉⵎⴻⵣⴷⴰⴳⵜ ⵏ ⵜⵯⴻⴳⵡⴰ ⴷ ⵜⵎⵏⴰⴹⵉⵏ ⵏ ⵜⵎⵓⵔⵜ".
ⴷⴰⵖⴻⵏ, "ⵍⵡⴰⵍⵉⵜ ⵔⵣⴰⵏ ⵖⴻⵔ ⵢⵉⵎⵓⴽⴰⵏ ⵏ ⵜⵎⴻⵙ ⵉⵡⴰⴽⴽⴻⵏ ⴰⴷ ⵙⵙⴻⵍⵡⴻⵏ ⴷⴻⴳ ⵡⴰⵏⵏⴰⵔ ⵉ ⵢⵉⵎⴻⵀⵍⴰⵏ ⵏ ⵓⴼⵔⴰⵇ ⴷ ⵓⴹⴼⴰⵔ ⵏ ⵓⵙⴻⵍⵍⴻⴽ ⵏ ⵡⴰⵀⵉⵍⴻⵏ ⵏ ⵓⵙⵉⵡⵅⴻⵕ, ⵎⴰ ⴷ ⴰⵏⴻⴱⴷⴰⴷ ⴰⵎⴰⵜⵓ ⵏ ⵜⴻⵃⵔⴰⵣⵜ ⵜⴰⵎⴰⴷⴰⵏⵜ, ⵍⵄⴻⵇⵇⵉⴷ ⴱⵓⵓⴰⵍⴻⵎ ⴱⵓⵓⵖⵍⴰⴼ, ⵉⵔⵓⵣ ⵖⴻⵔ ⵜⵡⵉⵍⴰⵢⵉⵏ ⵏ ⴱⴳⴰⵢⴻⵜ ⴷ ⵙⵟⵉⴼ ⵉ ⵓⴹⴼⴰⵔ ⵏ ⵓⵎⴻⵀⵍⴰⵏ ⵏ ⵓⵙⵉⵡⵅⴻⵕ ⴷⴻⴳ ⵡⴰⵏⵏⴰⵔ".
ⵉⵎⴻⵀⵍⴰⵏ ⵏ ⵓⵙⵉⵡⵅⴻⵕ ⵏ ⵜⵎⴻⵙ "ⵜⵜⴻⴷⴷⵓⵏ ⵙ ⵍⵯⴻⵀⴷ ⴰⵔ ⴷ-ⵜⵜⵡⴰⵟⵟⴻⴼ ⵜⵎⴻⵙ ⴷⴻⴳ ⴰⴽⴽ ⵢⵉⵎⵓⴽⴰⵏ, ⵙ ⵓⴷⴰⵢⴻⵎ ⵏ ⵓⴱⴻⵇⵇⴻⵙ ⵉ ⵓⴼⵔⴰⴳ ⵏ ⵢⵉⵎⴻⵔⵣⵉⵢⴻⵏ ⴷ ⵡⴰⵢⵍⴰ-ⵏⵙⴻⵏ ⴷ ⵜⴳⴻⵎⵎⵉ ⵏ ⵜⵯⴻⴳⵡⴰ".
ⴰⵔⵏⵓ ⵖⴻⵔ
