ⵜⴻⴱⴷⴰ ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⵜⵎⵓⵀⴻⵍ ⵏ ⵓⵊⵔⴰⴼ ⵏ ⵔⵔⵎⴻⵍ ⵏ ⵢⵉⵍⵍⴻⵍ ⵙⴻⴳ ⵜⵡⵉⵍⴰⵢⵜ ⵏ ⴻⵟⵟⴰⵔⴻⴼ ⴷ ⵓⵙⵉⴼⴼⴻⴷ-ⵉⵙ ⵙ ⵓⴱⵔⵉⴷ ⵏ ⵢⵉⵡⴻⵜ ⵏ ⵍⴱⴰⴱⵓ ⵜⴰⵎⴻⵇⵇⵔⴰⵏⵜ ⵉⵡⴰⴽⴽⴻⵏ ⴰⴷ ⵜⴻⵜⵜⵡⴰⵙⴱⴻⴷⴷ ⵍⵇⴰⵄⴰ ⵢⴻⵜⵜⵡⴰⵎⴹⵍⴻⵏ ⴷⴻⴼⴼⵉⵔ ⵏ ⵓⵕⵚⵉⴼ ⴷⴻⴳ ⵓⵙⴰⴳⴻⵏ ⵏ ⵄⴻⵏⵏⴰⴱⴰ. ⴰⵢⴰⴳⵉ ⵢⴻⵍⵍⴰ-ⴷ ⴷⴻⴳ ⵓⵣⴻⵏⵣⵉⵖ ⵏ ⵓⵙⴻⵏⴼⴰⵔ ⵏ ⵓⵙⴰⴳⴻⵏ ⵏ ⵍⴼⵓⵙⴼⴰⵜ ⵏ ⵄⴻⵏⵏⴰⴱⴰ, ⵉ ⴷⴻⴳ ⵢⴻⵍⵍⴰ ⵓⵙⴱⴻⴷⴷⵉ ⵏ ⵓⵕⵚⵉⴼ ⵏ ⵢⵉⵖⴰⵍⴰⴷⴻⵏ (quai minier), ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⵏ ⵢⵉⵎⴰⵀⵉⵍⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ.
ⵜⵉⴳⴳⴰⵡⵜ-ⴰⴳⵉ ⵉ ⵢⴻⴱⵖⴰⵏ ⴰⴷ ⵜⵙⴻⵎⵖⴻⵔ ⴰⵙⴰⴳⴻⵏ ⵏ ⵄⴻⵏⵏⴰⴱⴰ ⵜⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵓⵙⴻⵏⴼⴰⵔ ⵏ ⵍⴼⵓⵙⴼⴰⵜ ⵢⴻⴷⴷⵓⴽⴽⵍⴻⵏ (PPI) ⴷ ⵓⵙⴻⵍⴽⴻⵎ ⵏ ⵜⵓⵔⴰⴹ ⵏ ⵓⵏⴻⵖⵍⴰⴼ ⵏ ⵢⵉⵎⴰⵀⵉﻠⴻⵏ ⵉⴳⴷⵓⴷⴰⵏⴻⵏ ⴷ ⵜⵙⴻⴽⵉⵡⵉⵏ ⵏ ⵍⵍⵙⴰⵙ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⴷⵊⴻⵍⵍⴰⵓⵓⵉ, ⵉ ⴷ-ⵢⴻⴼⴽⴰ ⴷⴻⴳ ⵜⵉⵔⵣⵉⵡⵉⵏ-ⵉⵙ ⵏ ⵓⵣⴻⵟⵟⴻⴹ ⵜⵉⵏⵏⴻⴳⴳⵓⵔⴰ ⵖⴻⵔ ⵓⵙⴻⵏⴼⴰⵔ-ⴰⴳⵉ, ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵙⵉⵡⴹ.
ⴷⴰⵖⴻⵏ, ⵜⵓⵙⴰ-ⴷ ⵍⴱⴰⴱⵓ ⵜⵉⵙ ⵙⵏⴰⵜ ⵏ ⵓⴷⴻⴳⴳⴻⵔ ⵏ ⵢⵉⵙⵓⴽⴰ (pieux), ⵙ ⵜⵉⵏ ⴰⵔⴰ ⴷ-ⵢⵉⵍⵉ ⵓⵙⴰⵍⵉ ⵏ ⵜⵉⴷⴷⵢ ⵏ ⵓⵎⴰⵀⵉⵍ ⵖⴻⵔ ⵜⵥⴰⵜ (9) ⵏ ⵢⵉⵙⵓⴽⴰ ⴷⴻⴳ ⵡⴰⵙⵙ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⴷ-ⵓⵡⵢⴻⵏ ⵢⵉⵙⵡⵉⵢⴻⵏ ⵢⴻⵜⵜⵡⴰⵙⴻⵔⵙⴻⵏ ⵉ ⵓⵙⵎⴻⴷ ⵏ ⵓⵙⴻⵏⴼⴰⵔ ⴷⴻⴳ ⵡⴰⴽⵓⴷ ⵉⵕⴻⵙⵙⴰⵏ ⵉ ⴷ-ⵉⵜⵜⵓⵏⴻⵎⵍⴻⵏ.
ⴰⵔⵏⵓ ⵖⴻⵔ
