ⵊⵉⵊⴻⵍ – ⵜⴻⵙⵜⴻⵇⴱⴻⵍ ⵍⵎⴻⵔⵙⴰ ⵏ ⵊⵊⴻⵏ ⵊⵊⴻⵏ ⴷⴻⴳ ⵜⵡⵉⵍⴰⵢⵜ ⵏ ⵊⵉⵊⴻⵍ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵔⵓⴱⴱⴰ ⵏ 380 ⵏ ⵜⴽⴰⵔⵔⵉⵙⵉⵏ ⵏ ⵡⴰⵙⵙⴰⵢ. ⴰⵢⴰ ⵢⴻⵍⵍⴰ-ⴷ ⴷⴻⴳ ⵡⴰⵏⵏⴰⵔ ⵏ ⵓⵙⴻⴷⵎⴻⵔ ⵏ ⵓⵡⴰⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵉ ⵢⴻⴱⵯⴰⵏ ⴰⴷ ⴷ-ⵢⴻⵙⵙⴻⴽⵛⴻⵎ ⵎⵔⴰⵡ ⵏ ⵢⵉⴼⴻⵏ (10,000) ⵏ ⵜⴽⴰⵔⵔⵉⵙⵉⵏ ⵜⵉⵎⴰⵢⵏⵓⵜⵉⵏ ⵉ ⵡⴰⴽⴽⴻⵏ ⴰⴷ ⵙⵎⴰⵢⵏⵓⵏ ⵜⴰⴼⵓⵔⵜ ⵜⴰⵖⴻⵍⵏⴰⵡⵜ ⵏ ⵡⴰⵙⵙⴰⵢ ⵏ ⵢⵉⵎⴻⵣⴷⴰⵖ.
ⴷⴻⴳ ⵢⵉⵡⴻⵏ ⵡⴰⵡⴰⵍ ⵉ ⵢⵉⵙⴰⵍⵍⴻⵏ ⴷⴻⴳ ⵜⵉⴳⵏⵉⵜ ⵏ ⵓⵙⵜⴻⵇⴱⴻⵍ ⵏ ⵜⴽⴰⵔⵔⵉⵙⵉⵏ-ⴰⴳⵉ, ⵓⵏⴻⴱⴷⴰⴷ ⴰⵎⴰⵜⵓ ⵏ ⵍⵎⴻⵔⵙⴰ ⵏ ⵊⵊⴻⵏ ⵊⵊⴻⵏ, ⵎⴰⵙⵙ ⵡⴰⵍⵉⴷ ⴱⵓⵇⵓⵙ, ⵢⴻⵙⴼⴻⵔⵔⴻⵯ-ⴷ ⴱⴻⵍⵍⵉ ⵜⵔⵓⴱⴱⴰ-ⴰⴳⵉ ⵜⴰⵎⴻⵣⵡⴰⵔⵓⵜ ⵜⴻⵙⵄⴰ 380 ⵏ ⵜⴽⴰⵔⵔⵉⵙⵉⵏ ⵏ ⵎⴰⵕⵕⴰ ⵏⵏⵓⵄⴰⵜ. ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⵙⵙ ⵏ 06 ⴼⵓⵔⴰⵔ ⵉ ⴷ-ⵢⴻⴷⴷⵓⵏ, ⴰⴷ ⴷ-ⵜⴰⵡⴻⴹ ⵢⵉⵡⴻⵜ ⵏ ⵜⵙⴰⴼⴰⵢⵜ (Ship) ⵏⵏⵉⴹⴻⵏ ⵢⴻⵡⵡⵉⵏ 210 ⵏ ⵜⴽⴰⵔⵔⵉⵙⵉⵏ. ⵍⴻⵇⴷⵉⵛ-ⴰⴳⵉ ⴰⴷ ⵉⴽⴻⵎⵎⴻⵍ ⴷⴻⴳ ⵡⵓⵙⵙⴰⵏ ⵉ ⴷ-ⵢⴻⴷⴷⵓⵏ ⴰⵍⴰⵎⵎⴰ ⵡⵡⴹⴻⵏ ⵖⴻⵔ ⵡⴰⵜⵉⴳ ⵉ ⵢⴻⵔⵔⴰ ⵓⵙⴻⵍⵡⴰⵢ.
ⵢⴻⵍⵀⴰ ⴰⴷ ⴷ-ⵏⴻⵙⵙⴻⴽⵜⵉ ⴱⴻⵍⵍⵉ ⵜⴰⵎⴻⵔⵙⴻⵍⵜ ⵏ ⵓⵙⵏⴻⴼⵍⴰⵢ ⵏ ⵜⴽⴻⵔⵔⵓⵙⵉⵏ, ⵉ ⵢⴻⵇⵇⵏⴻⵏ ⵖⴻⵔ ⵜⵏⴻⴱⴷⴰⴷⵜ ⵏ ⵜⵎⴻⴳⵓⵔⵉ ⵜⴰⵙⴻⵔⴷⴰⵙⵜ ⵏ ⵜⵏⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ, ⵜⴻⵙⵜⴻⵇⴱⴻⵍ ⵉⴹⴻⵍⵍⵉ ⵏ ⵍⵃⴻⴷ ⴷⴻⴳ ⵍⵎⴻⵔⵙⴰ ⵏ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, 335 ⵏ ⵜⴽⴰⵔⵔⵉⵙⵉⵏ ⵏⵏⵉⴹⴻⵏ.
ⵜⴰⴳⴳⴰⵔⴰ, ⴰⵙⴻⴽⵛⴻⵎ ⵏ ⵜⴽⴰⵔⵔⵉⵙⵉⵏ-ⴰⴳⵉ ⵜⵉⵎⴰⵢⵏⵓⵜⵉⵏ ⴰⴷ ⵢⴻⴼⴽ ⵜⴰⵣⵎⴻⵔⵜ ⵜⴰⵎⴰⵢⵏⵓⵜ ⵉ ⵡⴰⵙⵙⴰⵢ ⵏ ⵢⵉⵎⴻⵣⴷⴰⵖ ⴷⴻⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⵢⴻⵔⵏⴰ ⴰⴷ ⵢⴻⵙⵙⵉⵙⵀⴻⵍ ⵜⵉⴽⵍⵉ ⵏ ⵢⵉⵖⴻⵔⴼⴰⵏ.
ⴰⵔⵏⵓ ⵖⴻⵔ
