ⵉⵙⴷⴻⴷ ⵓⵙⵍⵡⴰⵢ ⵏ ⵜⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴻⴷⵊⵉⴷ ⵜⴻⴱⴱⵓⵏ, ⴰⵙⵙ ⴰ ⵏ ⵓⵔⴰⵎ ⴷⴻⴳ ⴷⵣⴰⵢⴻⵔ ⵜⴰⵎⴰⵏⴻⵖⵜ, ⵓⴽⴻⵎⵎⴻⵍ ⵏ ⵜⴰⵍⵍⴰⵍⵜ ⵏ ⴷⵣⴰⵢⴻⵔ ⵉ ⵜⵎⵙⴰⵍⵉⵏ ⵜⵉⵃⴻⵇⵇⵉⵢⵉⵏ ⴷⴻⴳ ⵓⵎⴰⴹⴰⵍ, ⵢⴻⵔⵏⴰ ⵜⴰⵎⴻⵣⵡⴰⵔⵓⵜ ⴷ ⵜⴰⵎⵙⴰⵍⵜ ⵜⴰⴼⴰⵍⴻⵙⵜⵉⵏⵉⵜ ⴷ ⵜⵉⵏ ⵏ ⵜⵏⴻⵣⵔⵓⴼⵜ ⵜⵓⵜⵔⵉⵎⵜ.
ⴷⴻⴳ ⵢⵉⵏⴰⵡ-ⵉⵙ ⵉ ⵡⴻⴳⴷⵓⴷ ⴷⴰⵜ ⵓⴱⴻⵔⵍⴰⵎⴰⵏ ⵙ ⵢⵉⵅⴼⴰⵡⴻⵏ-ⵉⵙ ⵙⵉⵏ, ⴷⴻⴳ ⵓⵅⴰⵎ ⵏ ⵜⵎⵓⵔⴰ (ⵇⴰⵚⵔ ⵍⵓⵎⴰⵎ), ⵢⴻⵏⵏⴰ ⵓⵙⵍⵡⴰⵢ ⵏ ⵜⴳⴷⵓⴷⴰ ⴱⴻⵍⵍⵉ "ⵜⴰⴷⵉⴱⵍⵓⵎⴰⵙⵉⵜ ⵏ ⵜⵎⵓⵔⵜ-ⵏⵏⴻⵖ ⵓⵔ ⵜⴻⵜⵜⴻⴱⴷⵉⵍ, ⵓⵔ ⵜⴻⵜⵜⴻⴱⴷⵉⵍ, ⵏⴻⴽⵏⵉ ⴷⴷⵓ ⴼⴰⵍⴻⵙⵜⵉⵏ ⵓⵔ ⵜⵜ-ⵏⴻⵜⵜⴰⵊⵊⴰ, ⵢⴻⵔⵏⴰ ⵓⵔ ⵏⴻⴳⴳⵓⴷ ⵢⵉⵡⴻⵏ".
ⵢⴻⵔⵏⴰ ⵢⴻⵏⵏⴰ-ⴷ: "ⵖⴰⵣⵣⴰ ⵜⴻⵜⵜⵡⴰⵊⴻⵔⵃⴻⵏ ⵜⴻⵜⵜⵡⴰⵍⵉ ⵜⴰⵎⴻⵏⵖⵉⵡⵜ ⵏ ⵡⴻⴳⴷⵓⴷ ⴷⴻⴳ ⵢⵉⵡⴻⵏ ⵓⵙⵙⴻⵙⵎⴻⵎ, ⵢⴻⵔⵏⴰ ⵓⵔ ⵜⵜ-ⵏⴻⵜⵜⴰⵊⵊⴰ. ⵏⴻⵙⴽⴻⵏ-ⴷ ⵡⴰⵢⵉ ⴷⴻⴳ ⵓⵙⵇⴰⵎⵓ ⵏ ⵜⴰⵏⴼⵓⵜ ⵏ ⵍⵓⵎⴰⵎ ⵍⵎⵓⵜⵜⴰⵃⵉⴷⴰ, ⵢⴻⵔⵏⴰ ⵖⴻⴼ ⵡⴰⵢⵉ ⵉ ⴼⴽⵉⵖ ⵡⴻⵙⵙⴰⵎ ⵏ ⵍⵉⵙⵜⵉⵃⵇⴰⵇ ⴰⵖⴻⵍⵏⴰⵡ ⵉ ⵓⵎⴻⵙⵍⴰⵢ ⵏ ⴷⵣⴰⵢⴻⵔ, ⵎⴰⵙⵙ ⵄⴻⵎⵎⴰⵔ ⴱⴻⵏ ⵊⴰⵎⴻⵄ".
ⵢⴻⵙⴷⴻⴷ ⴷⴰⵖⴻⵏ ⵓⵙⵍⵡⴰⵢ ⵏ ⵜⴳⴷⵓⴷⴰ ⴱⴻⵍⵍⵉ "ⵜⴰⵎⵙⴰⵍⵜ ⵏ ⵜⵏⴻⵣⵔⵓⴼⵜ ⵜⵓⵜⵔⵉⵎⵜ ⴰⵎ ⵜⵉⵏ, ⵏⴻⵙⵙⵓⵜⵓⵔ ⴰⴷ ⵢⴻⵜⵜⵡⴰⵇⴰⴷⴻⵔ ⵡⴻⴼⵔⴰⵏ ⵏ ⵢⵉⴳⴷⵓⴷⴻⵏ", ⵢⴻⵙⴼⴻⵙⵔ-ⴷ ⴱⴻⵍⵍⵉ "ⵉⴳⴷⵓⴷⴻⵏ ⵎⴰ ⵓⵜⵜⵔⴻⵏ ⵜⵉⵍⴻⵍⵍⵉ ⵢⴻⵙⵙⴻⴼⴽ ⴰⴷ ⵜⴻⵏ-ⵏⴻⵇⴰⴷⴻⵔ, ⵢⴻⵔⵏⴰ ⵏⴻⴽⵏⵉ ⵏⴻⴹⴼⴻⵔ ⴰⵣⴻⵔⴼ ⴰⴳⵔⴰⵖⵍⴰⵏ ⵉ ⵢⴻⵜⵜⴹⴰⵎⴰⵏⴻⵏ ⵍⵃⴻⵇⵇ ⵏ ⵢⵉⴳⴷⵓⴷⴻⵏ ⵉ ⵡⴻⴼⵔⴰⵏ ⵏ ⵍⵎⴰⵚⵉⵔ-ⵏⵏⴻⵙⵏ".
ⵖⴻⴼ ⵜⵎⵙⴰⵍⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵉⵏⵎⴰⴹⵉⵏ, ⵢⴻⵏⵏⴰ ⵓⵙⵍⵡⴰⵢ ⴱⴻⵍⵍⵉ "ⵍⵃⴰⵍ ⴷⴻⴳ ⵍⵉⴱⵢⴰ ⵢⴻⵙⵙⴻⵃⵣⴻⵏ-ⴰⵖ, ⵢⴻⵔⵏⴰ ⵏⴻⵜⵜⵎⴻⵏⵏⵉ ⴰⴷ ⴷ-ⵢⴻⴼⴼⴻⵖ ⵓⴼⵔⴰ (ⵍⵃⴻⵍ) ⵙⵉ ⵢⵉⵔⴳⴰⵣⴻⵏ ⵏ ⵍⵉⴱⵢⴰ ⵡⴰⵃⴷ-ⴻⵙⵏ" ⵢⴻⵔⵏⴰ ⵡⴰⵢⵉ "ⵓⵔ ⵢⴻⵣⵎⵉⵔ ⴰⴷ ⴷ-ⵢⵉⵍⵉ ⵖⵉⵔ ⵙⵉ ⵢⵉⵅⴼⴰⵡⴻⵏ-ⵏⵏⴻⵙⵏ".
ⵢⴻⴱⴷⴻⵔ-ⴷ ⴷⴰⵖⴻⵏ ⵓⵙⵍⵡⴰⵢ ⵜⵉⵎⵢⴰⴳⴰⵏⵉⵏ ⵏ ⵜⴳⵎⴰⵜ ⵉ ⵢⴻⵙⵙⴻⵎⵍⵉﻠⵉⵏ ⴷⵣⴰⵢⴻⵔ ⴷ ⵍⵊⵉⵔⴰⵏ-ⵉⵙ ⴷⴻⴳ ⵜⴼⵔⵉⵇⵜ, ⵍⴰⴷⵖⴰ ⴷⴻⴳ ⵜⵎⵏⴰⴹⵜ ⵏ ⵙⵙⴰⵃⴻⵍ.
ⴰⵔⵏⵓ ⵖⴻⵔ
